ജൂലൈ 6
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഗ്രിഗോറിയന് കലണ്ടര് പ്രകാരം ജൂലൈ 6 വര്ഷത്തിലെ 187 (അധിവര്ഷത്തില് 188)-ാം ദിനമാണ്.
ഉള്ളടക്കം |
ചരിത്രസംഭവങ്ങള്
- 1483 - റിച്ചാര്ഡ് മൂന്നാമന് ഇംഗ്ലണ്ടിന്റെ രാജാവായി.
- 1484 - പോര്ച്ചുഗീസ് കപ്പിത്താന് ഡിയോഗോ കാവോ, കോംഗോ നദിയുടെ അഴിമുഖം കണ്ടെത്തി.
- 1560 - ഇംഗ്ലണ്ടും സ്കോട്ട്ലന്റും തമ്മിലുള്ള എഡിന്ബര്ഗ് ഉടമ്പടി ഒപ്പുവക്കപ്പെട്ടു.
- 1609 - ബൊഹേമിയയില് മതസ്വാതന്ത്ര്യം അനുവദിച്ചു.
- 1785 - അമേരിക്കയില് പണമിടപാടിനുള്ള ഏകകമായി ഡോളര് ഐക്യകണ്ഠേന തെരഞ്ഞെടുക്കപ്പെട്ടു.
- 1801 - അള്ജിസിറാസ് യുദ്ധം: ഫ്രഞ്ചു നാവികസേന ബ്രിട്ടീഷ് നാവികസേനയെ തോല്പ്പിച്ചു.
- 1854 - യു.എസ്. റിപ്പബ്ലിക്കന് പാര്ട്ടിയുടെ ആദ്യ സമ്മേളനം മിഷിഗണിലെ ജാക്സണില് നടന്നു.
- 1885 - പേപ്പട്ടിവിഷത്തിനെതിരെയുള്ള തന്റെ പ്രതിരോധമരുന്ന് ലൂയി പാസ്ചര് വിജയകരമായി പരീക്ഷിച്ചു. ഒരു നായയില് നിന്നും പേപ്പട്ടിവിഷബാധയേറ്റ ജോസഫ് മെയ്സ്റ്റര് എന്ന കുട്ടിയിലാണ് ഈ മരുന്ന് പരീക്ഷിച്ചത്.
- 1892 - ദാദാബായ് നവറോജി ബ്രിട്ടീഷ് പാര്ലമെന്റ് അംഗമായി തെരഞ്ഞെടുക്കപ്പെട്ട ആദ്യ ഇന്ത്യാക്കാരനായി.
- 1893 - അയോവയിലെ പോമെറോയ് എന്ന ചെറുപട്ടണം ടൊര്ണാഡോയുടെ ആഘാതത്തില് നിശ്ശേഷം തകര്ന്നു. 71 പേര് മരിക്കുകയും 200 പേര്ക്ക് പരിക്കേല്ക്കുകയും ചെയ്തു.
- 1905 - ആല്ഫ്രെഡ് ഡീകിന് രണ്ടാമതും ഓസ്ട്രേലിയയുടെ പ്രധാനമന്ത്രിയായി.
- 1908 - ഉത്തരധ്രുവത്തിലേക്കുള്ള തന്റെ പര്യവേഷണയാത്ര റോബര്ട്ട് പിയറി ആരംഭിച്ചു.
- 1919 - ആര്. 34 എന്ന ബ്രിട്ടീഷ് ആകാശനൗക ന്യൂയോര്ക്കിലിറങ്ങി, ആദ്യമായി അറ്റ്ലാന്റിക് സമുദ്രം മുറിച്ചു കടന്ന ആകാശനൗകയായി.
- 1964 - മലാവി ബ്രിട്ടണില് നിന്നും സ്വാതന്ത്ര്യം പ്രഖ്യാപിച്ചു.
- 1966 - മലാവി ഒരു റിപ്പബ്ലിക്കായി. ഹേസ്റ്റിങ്സ് ബന്ഡ ആദ്യ പ്രസിഡണ്ടായി.
- 1967 - ബയാഫ്രന് യുദ്ധം: നൈജീരിയന് പട്ടാളം ബയാഫ്രയില് അധിനിവേശം നടത്തിയതോടെ യുദ്ധത്തിന് തുടക്കമായി.
- 1975 - കൊമോറോസ് ഫ്രാന്സില് നിന്നും സ്വാതന്ത്ര്യം പ്രഖ്യാപിച്ചു.
- 1983 - ടോണി ബ്ലെയര് ബ്രിട്ടീഷ് പാര്ലമെന്റില് തന്റെ ആദ്യ പ്രസംഗം നടത്തി.
- 2006 - ഇന്ത്യയും ചൈനയും തമ്മില് നടന്ന യുദ്ധസമയത്ത് അടച്ച നാഥുലാ ചുരം 44 വര്ഷത്തിനു ശേഷം വ്യാപാരാവശ്യങ്ങള്ക്കായി തുറന്നു.
- 2006 - ഫെലിപെ കാള്ഡെറോണ് മെക്സിക്കോയുടെ പ്രസിഡണ്ടായി.