ജൂണ്‍ 28
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഗ്രിഗോറിയന്‍ കലണ്ടര്‍ പ്രകാരം ജൂണ്‍ 28 വര്‍ഷത്തിലെ 179(അധിവര്‍ഷത്തില്‍ 180)-ാം ദിനമാണ്.
ഉള്ളടക്കം |
ചരിത്രസംഭവങ്ങള്‍
- 1098 - ഒന്നാം കുരിശുയുദ്ധത്തിലെ പോരാളികള്‍ മുസലിലെ കെര്‍ബോഗയെപരാജയപ്പെടുത്തി.
- 1243 - ഇന്നസെന്റ് അഞ്ചാമന്‍ മാര്‍പ്പാപ്പയായി.
- 1519 - വിശുദ്ധ റോമാസാമ്രാജ്യത്തിന്റെ ചക്രവര്‍ത്തിയായി ചാള്‍സ് അഞ്ചാമന്‍ തെരഞ്ഞെടുക്കപ്പെട്ടു.
- 1635 - ഗ്വാഡെലപ് ഫ്രഞ്ച് കോളനിയായി.
- 1651 - പതിനേഴാം നൂറ്റാണ്ടിലെ ഏറ്റവും വലിയ യുദ്ധമായ ബെറെസ്റ്റെച്കോ യുദ്ധത്തിന്റെ ആരംഭം. പോളണ്ടും യുക്രൈനും തമ്മിലായിരുന്നു ഈ യുദ്ധം.
- 1881 - ഓസ്ട്രിയയും സെര്‍ബിയയും തമ്മില്‍ രഹസ്യ ഉടമ്പടി ഒപ്പു വച്ചു.
- 1895 - സെണ്ട്രല്‍ അമേരിക്കന്‍ യൂണിയനില്‍ നിന്നും എല്‍ സാല്‍‌വഡോര്‍, ഹോണ്ടുറാസ്, നിക്കരാഗ്വ എന്നീ രാജ്യങ്ങള്‍ ഉടലെടുത്തു.
- 1914 - ഓസ്ട്രിയയീല്‍ ആര്‍ച്ച് ഡ്യൂക്ക് ആയിരുന്ന ഫ്രാന്‍സ് ഫെര്‍ഡിനാന്റും ഭാര്യയും സരാജെവോയില്‍ വധിക്കപ്പെട്ടു. ഗാവ്രിലോ പ്രിന്‍സിപ് എന്ന സെര്‍ബിയന്‍ ദേശീയവാദിയായിരുന്നു ഇതിനു പിന്നില്‍. ഈ സംഭവം ഒന്നാം ലോകമഹായുദ്ധത്തിന്‌ തുടക്കമിട്ടു.
- 1919 - ഒന്നാം ലോകമഹായുദ്ധത്തിന്‌ ഔപചാരിക അന്ത്യം കുറിച്ച വെഴ്സായ് ഉടമ്പടി ഫ്രാന്‍സില്‍ ഒപ്പു വക്കപ്പെട്ടു. ബ്രിട്ടണ്‍, ഫ്രാന്‍സ്, ഇറ്റലി, അമേരിക്ക എന്നീ രാജ്യങ്ങള്‍ ഒരു ഭാഗത്തും, ജര്‍മ്മനി, ഓസ്ട്രിയ-ഹംഗറി എന്നിവ മറുഭാഗത്തുമായാണ്‌ സന്ധി ഒപ്പു വക്കപ്പെട്ടത്.
- 1922 - ഐറിഷ് ആഭ്യന്തരയുദ്ധത്തിന്റെ ആരംഭം.
- 1938 - 450 മെട്രിക് ടണ്‍ പിണ്ഡമുള്ള ഒരു ഉല്‍ക്ക അമേരിക്കയിലെ പെന്‍സില്‍‌വാനിയയിലെ ചിക്കോറക്കടുത്തുള്ള ഒരു വിജനപ്രദേശത്ത് പതിച്ചു.
- 1950 - ഉത്തരകൊറിയന്‍ സൈനികര്‍ സിയോള്‍ ആക്രമിച്ചു കീഴടക്കി.
- 1960 - ക്യൂബയില്‍ അമേരിക്കന്‍ ഉടമസ്ഥതയിലായിരുന്ന എണ്ണ ശുദ്ധീകരണശാലകള്‍ ദേശസാല്‍ക്കരിച്ചു.
- 1967 - ഇസ്രയേല്‍ കിഴക്കന്‍ ജെറുസലേം ആക്രമിച്ച് രാജ്യത്തോടു കൂട്ടിച്ചേര്‍ത്തു.
- 1969 - ന്യൂ യോര്‍ക്ക് നഗരത്തില്‍ സ്റ്റോണ്‍‌വാള്‍ കലാപത്തിന്റെ ആരംഭം.
- 1992 - എസ്റ്റോണിയയുടെ ഭരണഘടന നിലവില്‍ വന്നു.
- 1996 - യുക്രൈന്റെ ഭരണഘടന നിലവില്‍ വന്നു.
- 2000 - ക്യൂബന്‍ അഭയാര്‍ത്ഥി എലിയന്‍ ഗോണ്‍സാല്‍‌വസ്, സുപ്രീം കോടതി വിധിപ്രകാരം ക്യൂബയിലേക്ക് മടങ്ങി.
- 2004 - പതിനേഴാം നാറ്റോ ഉച്ചകോടി ഇസ്താംബൂളില്‍ തുടങ്ങി.
- 2004 - ഇറാക്കില്‍ ഭരണം ഇടക്കാല സര്‍ക്കാരിനു കൈമാറി.
- 2005 - കാനഡ, സ്വവര്‍ഗ്ഗ വിവാഹത്തിന്‌ അനുമതി നല്‍കുന്ന ലോകത്തെ മൂന്നാമത്തെ രാജ്യമായി.
