ജൂലൈ 20
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഗ്രിഗോറിയന് കലണ്ടര് പ്രകാരം ജൂലൈ 20 വര്ഷത്തിലെ 201 (അധിവര്ഷത്തില് 202)-ാം ദിനമാണ്.
ഉള്ളടക്കം |
ചരിത്രസംഭവങ്ങള്
- 1810 - ബൊഗോറ്റായിലേയും ന്യൂ ഗ്രാനഡയിലേയും പൗരന്മാര് സ്പെയിനില് നിന്നും സ്വാതന്ത്ര്യം പ്രഖ്യാപിച്ചു.
- 1871 - ബ്രിട്ടീഷ് കൊളംബിയ, കാനഡ കോണ്ഫെഡെറേഷന്റെ ഭാഗമായി.
- 1903 - ഫോര്ഡ് മോട്ടോര് കമ്പനി അതിന്റെ ആദ്യ കാര് കയറ്റുമതി നടത്തി.
- 1916 - ഒന്നാം ലോകമഹായുദ്ധം: റഷ്യന് സേന അര്മേനിയയിലെ ഗ്യുമിസ്കാനെക് പിടിച്ചടക്കി.
- 1917 - അലക്സാണ്ടര് കെറെന്സ്കി റഷ്യയിലെ താല്ക്കാലിക സര്ക്കാരിന്റെ പ്രധാനമന്ത്രിയായും പ്രസിഡണ്ടായും അവരോധിക്കപ്പെട്ടു. തുടര്ന്ന് ഒരു വധശ്രമത്തില് നിന്നും രക്ഷപ്പെട്ടു.
- 1935 - ലാഹോറില് ഒരു മോസ്കിനെച്ചൊല്ലി മുസ്ലീങ്ങളും സിഖുകാരുമായുണ്ടായ തര്ക്കങ്ങളെത്തുടര്ന്ന് പതിനൊന്നു പേര് മരിച്ചു.
- 1940 - ലീഗ് ഓഫ് നേഷന്സില് നിന്നും ഡെന്മാര്ക്ക് പിന്മാറി
- 1943 - രണ്ടാം ലോകമഹായുദ്ധം: അമേരിക്കയുടേയും കാനഡയുടേയും സൈന്യം സിസിലിയിലെ എന്ന എന്ന പ്രദേശം പിടിച്ചടക്കി.
- 1944 - ഹിറ്റ്ലര്ക്കു നേരെ ജര്മന് പട്ടാള കേണലായിരുന്ന ക്ലോസ് വോന് സ്റ്റോഫന്ബര്ഗിന്റെ നേതൃത്വത്തില് നടന്ന വധശ്രമം പരാജയപ്പെട്ടു.
- 1947 - ബര്മ്മയിലെ പ്രധാനമന്ത്രിയായിരുന്ന യു ഓങ് സാനേയും അദ്ദേഹത്തിന്റെ മന്ത്രിസഭയിലെ ഏഴംഗങ്ങളേയും വധിച്ച കേസില് ബര്മ്മ പോലീസ് മുന് പ്രധാനമന്ത്രിയായിരുന്ന യു സോയേയും മറ്റു പത്തൊമ്പതു പേരേയും അറസ്റ്റു ചെയ്തു.
- 1949 - പത്തൊമ്പതു മാസം നീണ്ട യുദ്ധം അവസാനിപ്പിച്ച് ഇസ്രയേലും സിറിയയും ഒരു ഉടമ്പടിയിലൊപ്പുവച്ചു.
- 1951 - ജോര്ദ്ദാനിലെ അബ്ദുള്ള ഒന്നാമന് രാജാവ് ജെറുസലേമില് വെള്ളിയാഴ്ച പ്രാര്ത്ഥനയില് പങ്കു കൊള്ളവേ വധിക്കപ്പെട്ടു.
- 1954 - വിയറ്റ്നാമിലെ പോരാട്ടത്തിന് അറുതിവരുത്തിക്കൊണ്ട് ആ രാജ്യത്തെ പതിനേഴാം പാരല്ലെല് എന്ന രേഖയിലൂടെ വിഭജിക്കുന്നതിന് സ്വിറ്റ്സര്ലന്റിലെ ജനീവയില് വച്ച് ഒരു വെടിനിര്ത്തല് ഉടമ്പടിയിലൂടെ തീരുമാനിച്ചു.
- 1960 - ശ്രീലങ്കയില് സിരിമാവോ ബണ്ഡാരനായകയെ പ്രധാനമന്ത്രിയായി തെരഞ്ഞെടുത്തു. ലോകത്ത് തെരഞ്ഞെടുപ്പിലൂടെ ഒരു രാജ്യത്തിന്റെ ഭരണസാരഥ്യത്തിലെത്തുന്ന ആദ്യത്തെ വനിതയായി.
- 1962 - കൊളംബിയയിലുണ്ടായ ഭൂകമ്പത്തില് 40 പേര് മരിച്ചു.
- 1969 - അപ്പോളോ പതിനൊന്ന് ചന്ദ്രനിലിറങ്ങി.
- 1973 - ജപ്പാന് എയര്ലൈന്സിന്റെ ഒരു ജെറ്റ് വിമാനം ആംസ്റ്റര്ഡാമില് നിന്നും ജപ്പാനിലേക്കു പറക്കുന്ന വഴി പാലസ്തീന് തീവ്രവാദികള് റാഞ്ചി ദുബായിലിറക്കി.
- 1976 - വൈക്കിങ് 1 പേടകം ചൊവ്വയില് വിജയകരമായി ഇറങ്ങി.
- 1976 - വിയറ്റ്നാം യുദ്ധം:അമേരിക്കന് പട്ടാളം തായ്ലന്റില് നിന്നും പൂര്ണ്ണമായും പിന്വാങ്ങി.