விக்கிப்பீடியா:ஆண்டு நிறைவுகள்/ஜூன்
கட்டற்ற கலைக்களஞ்சியமான விக்கிபீடியாவில் இருந்து.
ஆண்டு நிறைவுகள்/இந்தநாளில் தொகுப்பு
ஜனவரி - பெப்ரவரி - மார்ச் - ஏப்ரல் - மே - ஜூன் - ஜூலை - ஆகஸ்ட் - செப்டம்பர் - அக்டோபர் - நவம்பர் - டிசம்பர்
இப்போது 11:40 மணி செவ்வாய், ஜூன் 24, 2008 (UTC) - இப்பக்கத்தின் தேக்கத்தை நீக்க
ஜூன் 1: பன்னாட்டு குழந்தைகள் நாள்
- 1981 - தெற்காசியாவில் சிறந்த நூலகமாக விளங்கிய யாழ் பொது நூலகம் (படம்) மே 31 நள்ளிரவில் சிங்களக் காவல் துறையினரால் எரிக்கப்பட்டதில் பல்லாயிரக்கணக்கான பெறுமதி மிக்க நூல்கள் அழிந்தன.
- 1979 - 90 ஆண்டுகளுக்குப் பின்னர் ரொடீசியாவில் முதற்தடவையாக கறுப்பினத்தவர்களின் அரசு பதவியேற்றது.
- 2001 - நேபாள மன்னர் பிரேந்திராவும் அவரது குடும்பமும் படுகொலை செய்யப்பட்டனர்.
அண்மைய நாட்கள்: மே 31 – மே 30 – மே 29
- 1896 - மார்க்கோனி (படம்) தான் புதிதாகக் கண்டுபிடித்த வானொலிக்கான காப்புரிமத்தைப் பெற்றார்.
- 1924 - ஐக்கிய அமெரிக்காவில் பிறந்து அதன் எல்லைகளுக்குள் வாழும் அனைத்து பழங்குடிகளுக்கும் அமெரிக்கக் குடியுரிமை வழங்கும் சட்டமூலத்தை அதிபர் கால்வின் கூலிட்ஜ் அறிமுகப்படுத்தினார்.
- 1966 - நாசாவின் சேர்வெயர் 1 விண்கலம் சந்திரனில் இறங்கியது. சந்திரனில் மெதுவாக இறங்கிய முதலாவது அமெரிக்க விண்கலம் இதுவாகும்.
அண்மைய நாட்கள்: ஜூன் 1 – மே 31 – மே 30
- 1924 - தமிழ் நாடு முதலமைச்சர், திராவிட முன்னேற்றக் கழகத் தலைவர் கலைஞர் மு. கருணாநிதி (படம்) பிறப்பு.
- 1965 - எட்வேர்ட் வைட் 21 நிமிடங்கள் விண்ணில் நடந்து சாதனை படைத்தார். இவரே விண்ணில் நடந்த முதலாவது அமெரிக்கர் ஆவார்.
- 1984 - அம்ரித்சரில் சீக்கியர்களின் புனிதப் பொற்கோயிலுள் இந்திய இராணுவத்தினர் புகுந்தனர்.
அண்மைய நாட்கள்: ஜூன் 2 – ஜூன் 1 – மே 31
ஜூன் 4: தொங்கா - விடுதலை நாள் (1970)
- 1707 - ஒல்லாந்தர் யாழ்ப்பாணத்தில் தேசவழமைச் சட்டத்தை அறிமுகப்படுத்தினர்.
- 1925 - இந்திய விடுதலைப் போராட்ட வீரர் வ. வே. சு. ஐயர் (படம்) இறப்பு.
- 1987 - பூமாலை நடவடிக்கை: இலங்கையின் ஆளுகைக்குட்பட்ட வான்பரப்பில் அத்து மீறி உள்நுழைந்த இந்திய விமானங்கள் யாழ் குடாநாட்டின் மீது உணவுப் பொதிகளை வீசியது.
அண்மைய நாட்கள்: ஜூன் 3 – ஜூன் 2 – ஜூன் 1
ஜூன் 5: உலக சுற்றுச்சூழல் நாள்
- 1956 - இலங்கையில் சிங்களம் மட்டும் சட்டம் நாடாளுமன்றத்தில் நிறைவேற்றப்பட்டது.
- 1974 - பொன். சிவகுமாரன் (படம்) உரும்பிராயில் காவற்துறையினரின் சுற்றி வளைப்பில் நஞ்சருந்தி மரணமடைந்தார். ஈழப்போராட்ட வரலாற்றில் முதன் முதலில் நஞ்சு அருந்தி உயிர் நீத்தவர் இவரே.
- 1984 - இந்தியப் பிரதமர் இந்திரா காந்தி சீக்கியர்களின் பொற்கோயிலில் தாக்குதல் நடத்த உத்தரவிட்டார்.
அண்மைய நாட்கள்: ஜூன் 4 – ஜூன் 3 – ஜூன் 2
ஜூன் 6: தமிழீழ மாணவர் எழுச்சி நாள்
- 1711 - யாழ்ப்பாணத்தில் இந்து மதச் சடங்குகளுக்கு ஒல்லாந்து அரசினால் தடை விதிக்கப்பட்டது.
- 1944 - இரண்டாம் உலகப் போர்: நோமண்டி சண்டை (படம்) ஆரம்பமானது.
- 1984 - இந்திய இராணுவத்தினர் அம்ரித்சரில் உள்ள பொற்கோயிலில் தாக்குதல் நடத்தியதில் 576 பேர் கொல்லப்பட்டு 335 பேர் காயமுற்றனர்.
- 2004 - இந்தியாவில் தமிழ் மொழி செம்மொழியாக அறிவிக்கப்பட்டது.
அண்மைய நாட்கள்: ஜூன் 5 – ஜூன் 4 – ஜூன் 3
- 1494 - ஸ்பெயினும் போர்த்துக்கல்லும் தாம் புதிதாகக் கண்டுபிடித்த அமெரிக்க, மற்றும் ஆப்பிரிக்க நாடுகளைத் தமக்கிடையே பகிர்ந்து கொள்ளும் உடன்பாட்டை எட்டினர்.
- 1692 - ஜமெய்க்காவில் மூன்றே நிமிடங்கள் இடம்பெற்ற நிலநடுக்கத்தில் 1600 பேர் கொல்லப்பட்டு 3000 பேர் படுகாயமடைந்தனர்.
- 1893 - மகாத்மா காந்தி (படம்) தனது முதலாவது ஒத்துழையாமை இயக்கத்தை ஆரம்பித்தார்.
அண்மைய நாட்கள்: ஜூன் 6 – ஜூன் 5 – ஜூன் 4
- 1783 - ஐஸ்லாந்தில் லாக்கி எரிமலை (படம்) வெடிக்க ஆரம்பித்ததில் எட்டு மாதங்களில் வரட்சி, மற்றும் வறுமை காரணமாக 9,000 பேர் வரையில் கொல்லப்பட்டனர்.
- 1995 - படிவ நிரலாக்க மொழி பி.எச்.பி வெளியிடப்பட்டது.
- 2006 - நோர்வேயில் நடந்த அமைதிப் பேச்சுவார்த்தைகளில் இருந்து விலகுவதாக தமிழீழ விடுதலைப் புலிகள் அறிவித்தனர்.
அண்மைய நாட்கள்: ஜூன் 7 – ஜூன் 6 – ஜூன் 5
- 68 - ரோமப் பேரரசன் நீரோ தற்கொலை செய்து கொண்டான்.
- 1834 - பைபிளைப் பல இந்திய மொழிகளில் மொழிபெயர்த்த வில்லியம் கேரி (படம்) இறப்பு.
- 1903 - அநுராதபுரத்தில் இடம்பெற்ற கலவரத்தில் கத்தோலிக்க ஆலயம் ஒன்று பௌத்தர்களினால் சேதமாக்கப்பட்டு மதகுரு தாக்கப்பட்டார்.
அண்மைய நாட்கள்: ஜூன் 8 – ஜூன் 7 – ஜூன் 6
ஜூன் 10: போர்த்துக்கல் - தேசிய நாள்
- 1801 - சிவகங்கையின் சின்னமருது "ஆங்கிலேயர்களின் அதிகாரத்தை உதறித்தள்ளி சுதேசி மன்னர்களின் கீழ் ஜம்புத்தீவின் மக்கள் வாழவேண்டும்" என்ற தனது விடுதலைப் பிரகடனத்தை திருச்சியில் வெளியிட்டார்.
- 2000 - இலங்கை அரசுக்கெதிராக விடுதலைப் புலிகள் தமது இரண்டாம் கட்ட ஈழப்போரை ஆரம்பித்தனர்.
- 2003 - நாசாவின் ஸ்பிரிட் தளவுளவி (படம்) செவ்வாய்க் கோளை நோக்கி ஏவப்பட்டது.
அண்மைய நாட்கள்: ஜூன் 9 – ஜூன் 8 – ஜூன் 7
- 1838 - ஈழத்து நவீன உரைநடை இலக்கியத்தின் முன்னோடி எம். சி. சித்திலெப்பை பிறப்பு.
- 1963 - தெற்கு வியட்நாமில் மத விடுதலையை வலியுறுத்தி திக் குவாங் டுக் என்ற பௌத்த மதகுரு தனக்குத் தானே தீமூட்டித் தற்கொலை செய்து கொண்டார்.
- 2004 - நாசாவின் கசீனி-ஹியூஜென்ஸ் விண்ணுளவி சனிக் கோளின் ஃபீபி துணைக்கோளை (படம்) அண்டிச் சென்றது.
அண்மைய நாட்கள்: ஜூன் 10 – ஜூன் 9 – ஜூன் 8
ஜூன் 12: பிலிப்பீன்ஸ் - விடுதலை நாள் (1898)
- 1964 - தென்னாபிரிக்காவின் கறுப்பினத் தலைவர் நெல்சன் மண்டேலாவுக்கு (படம்) ஆயுள்கால சிறைத்தண்டனை விதிக்கப்பட்டது.
- 1967 - சோவியத் ஒன்றியம் வெனேரா 4 விண்கலத்தை வெள்ளி கோளை நோக்கி ஏவியது. வேறொரு கோளின் வளிமண்டலத்துள் சென்று தகவல்களைப் பூமிக்கு அனுப்பிய முதலாவது விண்கலம் இதுவாகும்.
- 1991 - இலங்கை, மட்டக்களப்பு கொக்கட்டிச்சோலையில் 65 தமிழர்கள் இராணுவத்தினரால் படுகொலை செய்யப்பட்டனர்.
அண்மைய நாட்கள்: ஜூன் 11 – ஜூன் 10 – ஜூன் 9
- 1917 - முதலாம் உலகப் போர்: லண்டன் நகர் மீது ஜெர்மனியப் போர் விமானங்கள் தாக்கியதில் 46 குழந்தைகள் உட்பட 162 பேர் கொல்லப்பட்டனர்.
- 1983 - பயனியர் 10 சூரியக் குடும்பத்தைத் தாண்டிய முதலாவது விண்கப்பல் ஆனது.
- 2006 - நியூ ஹரைசன்ஸ் (படம்) விண்கலம் தனது பயண வழியில் 101,867 கிமீ தூரத்தில் 132524 ஏபிஎல் என்ற சிறுகோளை சந்தித்து அதன் படத்தைப் பூமிக்கு அனுப்பியது.
அண்மைய நாட்கள்: ஜூன் 12 – ஜூன் 11 – ஜூன் 10
- 1940 - போலந்தின் 728 போர்க் கைதிகள் நாசிகளின் அவுஷ்விட்ஸ் வதை முகாமின் (படம்) முதலாவது சிறைக்கைதிகளாக சேர்க்கப்பட்டனர்.
- 1967 - மரைனர் 5 விண்கலம் வீனஸ் கோளை நோக்கி ஏவப்பட்டது.
- 1982 - போக்லாந்து தீவுகளில் நிலைகொண்டிருந்த ஆர்ஜெண்டீனப் படைகள் பிரித்தானியப் படைகளிடம் சரணடைந்ததை அடுத்து போக்லாந்து போர் முடிவுக்கு வந்தது.
அண்மைய நாட்கள்: ஜூன் 13 – ஜூன் 12 – ஜூன் 11
- 1752 - மின்னல் ஒரு மின்சாரம் என்பதை பெஞ்சமின் பிராங்கிளின் (படம்) நிறுவினார்.
- 1984 - யாழ்ப்பாணம் காரைநகரில் இலங்கையின் கடல் விமானம் ஒன்று விடுதலைப் புலிகளால் சுட்டு வீழ்த்தப்பட்டது.
- 2007 - உலகின் மிகவும் நீளமான 34 கிமீ நீள தொடருந்து சுரங்கப் பாதை சுவிட்சர்லாந்தில் ஆல்ப்ஸ் மலைக்குக் கீழாக அமைக்கப்பட்டது.
அண்மைய நாட்கள்: ஜூன் 14 – ஜூன் 13 – ஜூன் 12
ஜூன் 16: தென்னாபிரிக்கா - இளைஞர் நாள்
- 1883 - இங்கிலாந்தில் நாடக அரங்கில் இடம்பெற்ற சிறுவர் நிகழ்ச்ச்சி ஒன்றில் நெரிசலில் சிக்கி 183 சிறுவர்கள் கொல்லப்பட்டனர்.
- 1925 - இந்திய விடுதலைப் போராட்ட வீரர் சித்தரஞ்சன் தாஸ் (படம்) இறப்பு.
- 1963 - உலகின் முதலாவது பெண் விண்வெளி வீரர் ரஷ்யாவின் வலன்டீனா டெரெஷ்கோவா வஸ்தோக் 6 விண்கலத்தில் பயணமானார்.
அண்மைய நாட்கள்: ஜூன் 15 – ஜூன் 14 – ஜூன் 13
ஜூன் 17: ஐஸ்லாந்து - விடுதலை நாள் (1944)
- 1858 - இந்திய விடுதலைப் போராட்ட வீராங்கனை ராணி லட்சுமிபாய் (படம்) என்ற ஜான்சிராணி இறப்பு.
- 1911 - செங்கோட்டை வாஞ்சிநாதன் திருநெல்வேலி கலெக்டர் ஆஷ் துரையை சுட்டுக் கொன்று தன்னையும் சுட்டு சாவடைந்தான்.
- 1953 - பெர்லினில் கிழக்கு ஜெர்மனி அரசுக்கெதிராக இடம்பெற்ற ஆர்ப்பாட்டம் சோவியத் படைகளினால் நசுக்கப்பட்டதில் நூற்றுக்கணக்கானோர் கொல்லப்பட்டனர்.
அண்மைய நாட்கள்: ஜூன் 16 – ஜூன் 15 – ஜூன் 14
- 1869 - இந்திய ரூபாய் அதன் துணை அலகுகளுடன் இலங்கையின் சட்டப்படியான நாணயமாக அறிவிக்கப்பட்டது.
- 1983 - சலி றைட் (படம்) சாலஞ்சர் மீள்விண்கலத்தில் சென்று விண்ணுக்குச் சென்ற முதலாவது அமெரிக்கப் பெண் ஆனார்.
- 1985 - விடுதலைப் புலிகளுக்கும் இலங்கைப் படையினருக்கும் இடையில் முதலாவது போர் நிறுத்தம் ஒப்பந்தம் ஏற்பட்டது.
அண்மைய நாட்கள்: ஜூன் 17 – ஜூன் 16 – ஜூன் 15
- 1867 - மெக்சிகோவின் மன்னன் முதலாம் மாக்சிமிலியன் (படத்தில்) மரண தண்டனை விதிக்கப்பட்டு சுட்டுக் கொல்லப்பட்டான்.
- 1870 - அமெரிக்க உள்நாட்டுப் போர்: அனைத்து தெற்கு மாநிலங்களும் ஐக்கிய அமெரிக்காவுடன் இணைக்கப்பட்ட பின்னர், அமெரிக்க மாநிலங்களின் கூட்டமைப்பு முடிவுக்கு வந்தது.
- 1961 - ஐக்கிய இராச்சியத்திடம் இருந்து குவெய்த் விடுதலை பெற்றது.
அண்மைய நாட்கள்: ஜூன் 18 – ஜூன் 17 – ஜூன் 16
- 1858 - இந்தியச் சிப்பாய்க் கிளர்ச்சி, 1857 முடிவுக்கு வந்தது.
- 1971 - ஈழத்துக் கவிஞர் மகாகவி உருத்திரமூர்த்தி இறப்பு.
- 1877 - அலெக்சாண்டர் கிரகாம் பெல் உலகின் முதலாவது வணிகத் தொலைபேசிச் சேவையை கனடாவின் ஹமில்ட்டன் நகரில் ஆரம்பித்தார்.
- 2006 - தமிழகக் கவிஞர் சுரதா (படம்) இறப்பு.
அண்மைய நாட்கள்: ஜூன் 19 – ஜூன் 18 – ஜூன் 17
ஜூன் 21: கனடா - தேசிய பழங்குடிகள் நாள்
- 1945 - இரண்டாம் உலகப் போர்: ஒகினவா சண்டை முடிவுற்றது.
- 1990 - மன்னாரில் கொண்டச்சி இராணுவ முகாம் விடுதலைப் புலிகளால் தாக்கி அழிக்கப்பட்டது.
- 2006 - புளூட்டோவின் (படம்) புதிதாகக் கண்டுபிடிக்கப்பட்ட துணைக்கோள்கள் நிக்ஸ் மற்றும் ஹைட்ரா எனப் பெயரிடப்பட்டது.
அண்மைய நாட்கள்: ஜூன் 20 – ஜூன் 19 – ஜூன் 18
- 1658 - போர்த்துக்கேயரிடம் இருந்து ஒல்லாந்தர் யாழ்ப்பாணத்தைக் கைப்பற்றினர்.
- 1815 - நெப்போலியன் பொனபார்ட் இரண்டாம் தடவையாக பதவியிழந்தான். 4 வயதான இரண்டாம் நெப்போலியன் (படம்) இரண்டு வாரங்களுக்கு பிரான்சின் பேரரசனானான்.
- 1941 - சோவியத் ஆக்கிரமிப்புக்கு எதிரான லித்துவேனியாவின் விடுதலைப் போர் ஆரம்பமான வேளை நாசி ஜெர்மனியினர் சோவியத் ஒன்றியத்தை முற்றுகையிட்டனர்.
அண்மைய நாட்கள்: ஜூன் 21 – ஜூன் 20 – ஜூன் 19
ஜூன் 23: எஸ்தோனியா - வெற்றி நாள்
- 1658 - இலங்கையில் போர்த்துக்கேயரின் கடைசிப்பிடியாக இருந்த யாழ்ப்பாணக் கோட்டையை டச்சுக்காரர் கைப்பற்றினர்.
- 1757 - இந்தியாவில் பலாசி என்ற இடத்தில் வங்காளத்தின் கடைசி நவாப் சிராஜ் உல் டாவுலா தலைமையிலான இந்திய இராணுவத்தினரை (படம்) பிரித்தானியக் கிழக்கிந்தியக் கம்பனியினர் தோற்கடித்தனர்.
- 1985 - அயர்லாந்தில் அட்லாண்டிக் கடலின் மேல் பறந்து கொண்டிருந்த இந்திய விமானத்தில் இடம்பெற்ற குண்டுவெடிப்பில் 329 பேர் கொல்லப்பட்டனர்.
அண்மைய நாட்கள்: ஜூன் 22 – ஜூன் 21 – ஜூன் 20
- 1894 - பிரெஞ்சு அரசுத் தலைவர் மரீ பிரான்சுவா சாடி கார்னோ இத்தாலிய அரச எதிர்ப்பாளன் ஒருவனால் குத்திப் படுகொலை செய்யப்பட்டார்.
- 1948 - சோவியத் ஒன்றியம் ஜெர்மனியின் தமது கட்டுப்பாட்டிலுள்ள பெர்லினின் மேற்குப் பகுதியுடன் அமெரிக்க, பிரித்தானிய, பிரெஞ்சுக்கள் வசம் இருந்த பகுதிகளுடனான தரைவழித் தொடர்புகளைத் துண்டித்தது.
- 2006 - மணிக்கொடி எழுத்தாளர், திரைப்பட விமர்சகர் சிட்டி பெ. கோ. சுந்தரராஜன் (படம்) இறப்பு.
அண்மைய நாட்கள்: ஜூன் 23 – ஜூன் 22 – ஜூன் 21
ஜூன் 25: மொசாம்பிக் - விடுதலை நாள்
- 1900 - இந்தியாவின் கடைசி வைசிராய் மவுண்ட்பேட்டன் பிரபு (படம்) பிறப்பு.
- 1950 - வட கொரியாவின் தென் கொரியா மீதான படையெடுப்பில் இருந்து கொரியாப் போர் ஆரம்பமானது.
- 1967 - நம் உலகம் (Our World) என்ற உலகின் முதலாவது செய்மதித் தொலைக்காட்சி நிகழ்ச்சியை 30 நாடுகளில் 400 மில்லியன் பேர் பார்த்தனர்.
அண்மைய நாட்கள்: ஜூன் 24 – ஜூன் 23 – ஜூன் 22
ஜூன் 26: சித்திரவதைக்கு ஆளானோருக்கான சர்வதேச ஆதரவு நாள், மடகஸ்கார் - விடுதலை நாள்
- * 1718 - தனது தந்தை முதலாவது பியோத்தரை (Peter the Great) கொல்லச் சதி செய்ததாக மரணதண்டனை விதிக்கப்பட்ட ரஷ்யாவின் சார் இளவரசர் அலெக்சி பெட்ரோவிச் மர்மமான முறையில் இறந்தார்.
- 1807 - லக்சம்பேர்க்கில் களஞ்சிய சாலை ஒன்றை மின்னல் தாக்கியதில் 230 பேர் கொல்லப்பட்டனர். பலியாகினர்.
- 1976 - உலகிலேயே தனித்து நிற்கும் அதி உயர் கோபுரமான கனடாவின் சி.என் கோபுரம் (படம்) பொதுமக்கள் பயன்பாட்டிற்காக திறக்கப்பட்டது.
அண்மைய நாட்கள்: ஜூன் 25 – ஜூன் 24 – ஜூன் 23
- 1880 - கண் பார்வை, பேசும் திறன் அற்ற அமெரிக்கப் பெண் எழுத்தாளர் ஹெலன் கெல்லர் (படம்) பிறப்பு.
- 1954 - இலங்கை முற்போக்கு எழுத்தாளர் சங்கம் உருவாக்கப்பட்டது.
- 1954 - உலகின் முதலாவது அணு உற்பத்தி மையம் மாஸ்கோவுக்கு அருகில் ஒப்னின்ஸ்க் என்னும் இடத்தில் அமைக்கப்பட்டது.
அண்மைய நாட்கள்: ஜூன் 26 – ஜூன் 25 – ஜூன் 24
- 1914 - ஆஸ்திரியாவின் முடிக்குரிய இளவரசர் பிரான்ஸ் ஃபேர்டினண்ட், மற்றும் அவரது மனைவி சோஃபி இருவரும் சேர்பியாவில் கொல்லப்பட்டனர். முதலாம் உலகப் போர் ஆரம்பிப்பதற்கு இதுவே காரணியாக அமைந்தது.
- 1919 - பாரிசில் போர்நிறுத்த ஒப்பந்தம் (படம்) ஜெர்மனிக்கும் நேச நாடுகளுக்கும் இடையில் கைச்சாத்திடப்பட்டு முதல் உலகப் போர் முடிவுக்கு வந்தது.
- 1995 - ஈழப்போர்: மண்டைதீவு இராணுவப் படைத்தளத்தை விடுதலைப் புலிகள் தாக்கி அழித்தனர்.
அண்மைய நாட்கள்: ஜூன் 27 – ஜூன் 26 – ஜூன் 25
- 1864 - கனடாவில் கியூபெக்கில் தொடருந்து விபத்தில் 99 பேர் கொல்லப்பட்டனர்.
- 1995 - அட்லாண்டிஸ் விண்ணோடம் ரஷ்யாவின் மீர் விண்வெளி நிலையத்துடன் முதற்தடவையாக இணைந்தது (படம்).
- 1995 - தென் கொரியாவின் சியோலில் சம்பூங் பல்பொருள் அங்காடி இடிந்து வீழ்ந்ததில் 501 பேர் கொல்லப்பட்டு 937 பேர் படுகாயமடைந்தனர்.
அண்மைய நாட்கள்: ஜூன் 28 – ஜூன் 27 – ஜூன் 26
- 1905 - விசேட தொடர்பியல் தத்துவத்தை அறிமுகப்படுத்தும் ஐன்ஸ்டீனின் (படம்) இயங்கும் பொருட்களின் மின்னியக்கவியல் ஆய்வுக் கட்டுரை வெளிவந்தது.
- 1971 - சோவியத்தின் சோயூஸ் 11 விண்கலத்தில் ஏற்பட்ட காற்றுக் கசிவினால் விண்வெளி வீரர்கள் மூவர் கொல்லப்பட்டனர்.
- 1997 - ஹாங்காங் நாட்டின் அதிகாரம் ஐக்கிய இராச்சியத்திடம் இருந்து சீனாவுக்குக் கைமாறியது.