சீன மக்கள் குடியரசு

கட்டற்ற கலைக்களஞ்சியமான விக்கிபீடியாவில் இருந்து.

(எளிய சீனம்) 中华人民共和国 (மரபு சீனம்) 中華人民共和國 சீன மக்கள் குடியரசு
குறிக்கோள் (கிடையாது)
நாட்டுப்பண் 义勇军进行曲 தொண்டர்களின் அணிவகுப்பு
தலைநகரம்		பீஜிங் 39°55′N 116°23′E / 39.917, 116.383
பெரிய நகரம்		ஷங்காய்
ஆட்சி மொழி(கள்)		மண்டரின்1 (புடொங்குவா, 普通话)
அரசு		சோசலிச குடியரசு2
-	அதிபர்	ஹூ சிங்தாவ்
-	பிரதமர்	வெண் சிபாகோ
நிறுவப்படுதல்
-	சியா வம்சகாலம்	கிமு 2205
-	கின் வம்சகாலம்	கிமு 221 BC
-	சீன குடியரசாதல்	அக்டோபர் 10, 1911
-	மக்கள் சீன குடியரசு	அக்டோபர் 1, 1949
பரப்பளவு
-	மொத்தம்	9,641,266 கிமீ² (3rd3) 3,721,5292 சது. மை
-	நீர் (%)	2.8%2
மக்கள்தொகை
-	2005 estimate	1,315,844,000 (1வது)
-	2000 census	1,242,612,226
மொ.தே.உ (கொ.ச.வே)		2005 கணிப்பீடு
-	மொத்தம்	$8.859 trillion2 (2வது)
-	தலா/ஆள்வீதம்	$7,2042 (84வது)
ம.வ.சு (2003)		0.755 (மத்திமம்) (85வது)
நாணயம்		ரென்மின்பி யுகான் (RMB¥)2 (CNY)
நேர வலயம்		(ஒ.ச.நே.+8)
-	கோடை (ப.சே.நே.)	(UTC+8)
இணைய குறி		.cn2
தொலைபேசி		+862
1 மண்டரினுக்கு மேலதிகமாக ஹாங்காங்கில் ஆங்கிலம் இணை-ஆட்சி மொழியாகும். அதே போல போர்த்துகேய மொழி மகாவுவில் இணை ஆட்சி மொழியாகும். மேலும் சீன பெருநிலப்பரப்பில் வாழும் சிறுபான்மையினரின் மொழிகள் பல இணை ஆட்சி மொழியாக காணப்படுகிறது. 2 சீன பெருநிலப்பரப்பை மட்டும் குறிக்கும் தகவல்களாகும். 3 பரப்பளவு நிலை அமெரிக்க்காவுடன் காணப்படும் சர்சைக்குறிய பகுதிகள் போன்றவற்றால் மாறுபடக்கூடியது. 3 அல்லது 4 வதாக பட்டியலிடப்படும்.

சீனா என்று பொதுவாக அழைக்கப்படும் சீன மக்கள் குடியரசு கிழக்காசியாவிலுள்ள நாடாகும்.ஆசியாவிலேயே பரப்பளவில் மிகப்பெரிய நாடான சீனா உலகில் ரஷ்யா, கனடா ஆகிய நாடுகளுக்கு அடுத்தபடியாக பரப்பளவின்படி மூன்றாவது பெரிய நாடாகும். 1,306,313,812 மக்கள் வாழும் சீனா, உலகில் சனத்தொகை கூடிய நாடுகளில் முதலிடம் வகிக்கிறது. சீன பெருஞ்சுவர் இந்நாட்டின் இயலுமையயும் தொன்மையயும் கூறிநிற்கிறது.சீனாவின் தலைநகர் பீஜிங் ஆகும். சாங்காய், சீனாவின் வர்த்தக தலைநகராகும்.

பொருளடக்கம் 1 வரலாறு 2 புவியியல் 3 மக்கள் 4 பொருளாதாரம் 5 சுற்றுலாத்துறை 6 முக்கிய விழாக்கள் 7 வெளி இணைப்புகள்

[தொகு] வரலாறு

ஐரோப்பியா நாடுகளில் நாகரிகம் தோன்று முன்பே சீனாவில் சிறந்த நாகரிகம் ஒன்று காணப்பட்டது.இங்கு Chopsticks மூலம் உணவு உற்கொள்ளும் வழக்கம் ஆரம்பிக்கப்பட்டது.

இரண்டாம் உலகப் போருக்குப் பிறகு சீனாவில் உள்நாட்டுப் போர் நடந்தது. அப்போர் முடிந்த பிறகு சீன மக்கள் குடியரசின் மத்திய அரசாங்கம் நிறுவப்பட்டுள்ளதாக தலைவர் மா சே துங் 1949 ஆம் ஆண்டு அக்டோபர் திங்கள் முதல் நாளன்று தியென் ஆன் மென் வாயிற்கோபுரத்தில் பிரகடனம் செய்தார்.

[தொகு] புவியியல்

சீனா ஆசிய கண்டத்தின் கிழக்குப் பகுதியில் அமைந்துள்ள நாடாகும். சீனாவின் கிழக்கில் வட கொரியாவும் வடக்கில் மங்கோலியாவும் உள்ளன. வடகிழக்கில் ரஷ்யா, வட மேற்கில் கசாக்கிஸ்தான், கீர்கிஸ்தான், தாஜிகிஸ்தான் ஆகிய நாடுகள் அமைந்துள்ளன. மேற்கிலும் தென் மேற்கிலும் ஆப்கானிஸ்தான், பாகிஸ்தான், இந்தியா, நேபாளம், பூட்டான் ஆகிய நாடுகளும் தெற்கில் மியன்மர், லாவோஸ், வியட்நாம் ஆகிய நாடுகளும் உள்ளன. கடலுக்கப்பால் கிழக்கிலும் தென்கிழக்கிலும் தென் கொரியா, ஜப்பான், பிலிப்பைன்ஸ், புருனை, மலேசியா, இந்தோனேசியா ஆகிய நாடுகள் உள்ளன.

சீனாவின் நிலப்பரப்பில் மூன்றில் இரண்டு பங்கு மலைப்பாங்கான நிலமாகும். உலகின் மிகவுயர்ந்த சிகரமான எவரெஸ்ட் சிகரம் சீனா உறிமைகோறும் திபெத் மற்றும் நேபாள எல்லையில் அமைந்துள்ளது. இமய மலைத்தொடர், சீன-இந்திய எல்லையில் உள்ளது. இது தவிர குன்லன், தியென் சான், தாங்குலா, சின்லின், பெரும் சிங் ஆன் லின், தைய்ஹான், சிலியென், ஹென்துவான் என்பவை சீனாவின் முக்கிய மலைகளாகும்.

சீனாவில் 1500க்குமதிகமான அறுகள் பாய்கின்றன.இவற்றுள் யாங்சி நதி அசியாவில் மிக நீளமானதும்,உலகில் மூன்றாவது நீளமான நதியுமாகும். மஞ்சள் நதியும் ஒரு முக்கிய நதியாகும். யாங்சி,மஞ்சள்,ஹெலுங்,முத்து, லியௌ,ஹைய் எனற நதிகள் சினாவின் கிழக்கு நோக்கி பாய்ந்து பசிப்பிக் சமுத்திரத்தில் கலக்கின்றன. இந்தியாவில் பிரம்மபுத்ரா என்று அழைக்கப்படும் 'யாலு சாங்பு நதி' இந்து சமுத்திரத்தில் உள்ள வங்காள விரிகுடாவில் கலக்கின்றது. அர்சிஸ் ஆறு வடக்கு நோக்கிப் பாய்ந்து ஆர்டிக் சமுத்திரத்தில் கலக்கிறது.

[தொகு] மக்கள்

உலகிலேயே அதிக எண்ணிக்கையில் மக்கள் வாழும் சீனாவில் 56 வகை இன மக்கள் உள்ளனர், இவர்களுள் 93% ஹன் இனத்தவர். பௌத்தம், தௌ, இஸ்லாம், கத்தோலிக்கம், கிறிஸ்தவம் ஆகிய மத நம்பிக்கைகளை பின்பற்றும் மக்கள் சீனாவில் உள்ளனர்.

சீன நாட்டின் மக்கள் தொகை பெருக்கத்தை கட்டுப்படுத்தும் முயற்சியாக பல குடும்ப நலத்திட்டங்களை அந்நாட்டு அரசு அறிமுகப்படுத்தியது. இவற்றில் முக்கியமானது ஒரு தம்பதியினருக்கு ஒரு குழந்தை திட்டம். முதல் குழந்தை பெண் குழந்தையாக வாய்த்தாலோ, தம்பதியினர் கிராமப்புறத்தில் வசித்தாலோ இரண்டாவது குழந்தையைப் பெறலாம். உண்மையில் இத்திட்டம் மக்கள் தொகை வளர்ச்சியை நன்கு கட்டுப்படுத்தினாலும், 117 ஆண்களுக்கு 100 பெண்கள் என்ற பால் விகித நிலை ஏற்பட்டுள்ளது.

சீன மொழி இந்நாட்டில் பேசப்படும் மொழியும் அதிகாரப்பூர்வ மொழியும் ஆகும். இம்மொழியை அடிப்படையாகக் கொண்ட பல வட்டார மொழிகள் சீனாவில் பேசப்படுகிறது. இதில் ஒன்றான மாண்டரின் சீன மொழி, உலகில் அதிக மக்கள் பேசும் மொழி என்ற சிறப்பைக் கொண்டுள்ளது.

[தொகு] பொருளாதாரம்

1949 முதல் சீனா பொதுவுடமைத் தத்துவத்தை கடைபிடித்து வரும் நாடாகும். 1980களின் முதல் சீர்த்திருத்த மற்றும் வெளிநாட்டுத் திறப்பு கொள்கை நடைமுறைப்படுத்தப்பட்ட பின், சீனாவின் பொருளாதாரம் ஆண்டுக்குச் சராசரியாக 9% வேகத்துடன் வளர்ந்து வருகின்றது.

[தொகு] சுற்றுலாத்துறை

சுற்றுலாவுக்கு புகழ்பெற்றிராத சீனா அத்துறையில் வளர்சி கண்டுவருகிறது.இதற்கு அந்நாட்டில் மேற்கொள்ளப்படுவரும் பொருளாதார சீர்த்திருத்ஹ்டங்கள் முக்கிய காரணமாக திகழ்கிறது.மார்ச் தொடக்கம் ஏப்ரல் வரையும் மற்றும் செப்டம்பர் தொடக்கம் அக்டோபர் வரையுமான மாதங்கள் சீனச் சுற்றுலாவிற்கு சிறந்தது. பகல் பொழுதில் 20 முதல் 30 பாகை செல்சியஸ் இருக்கும் அதேவேலை இரவு நேரங்களில் வெப்பநிலை குறைவாக காணப்படும். சீன புத்தாண்டு போன்ற முக்கிய பண்டிகைகளை தவிர்ப்பது நல்லது. இந்தச் சமயங்களில் தங்கும் அறை கிடைப்பதும் பயணம் செய்வதும் கடினம்.

[தொகு] முக்கிய விழாக்கள்

சீன புத்தாண்டுஇவ்விழா பெரும்பாலும் பிப்ரவரிமாதத்தில் கொண்டாட்ப்படும். அதிகாரபூர்வமாக மூன்று நாட்கள் நீடிக்கும், ஆனால் பெரும்பாலோர் ஒரு வாரம் வரை இவ்விழாவை கொண்டாடுவர். பட்டாசு(வெடி) சப்தங்களும், வாண வேடிக்கைகளும் காணப்படும்.

இலாந்தர் பண்டிகை இது வர்ணமயமான விழாவாகும். வருடத்தின் முதல் பௌர்ணமியிலிருந்து 15 நாட்கள் கழித்து வரும் நாளில் கொண்டாடப்படும் இவ்விழா புத்தாண்டு கொண்டாட்டங்களின் முடிவைக் குறிக்கிறது. சினாவின் பிரபலமான சிங்க நடனம் இந்தக் காலங்களில் நடைபெறும்.சீனாவில் இத்தினம் ஒரு பொது விடுமுறையல்ல.

சிங் மிங் ஏப்ரலில் நடக்கும் சீனக் குடும்பங்கள் மறைந்த தங்கள் உறவினர்களின் கல்லறையைச் சுத்தப்படுத்தும் நிகழ்ச்சி.

டிராகன் படகு திருவிழா ஜூன் மாதத்தில் ஹாங்காங்கில் நடப்பது. 'வுட் யுவான்' என்ற கவிஞரை கௌரவிக்கும் முகமாக இந்தத் திருவிழா நடைபெற்று வருகிறது. குழுக்கலாக படகு செலுத்தும் போட்டி இவ்விழாவின் ஒரு அங்கமாக நடைப்பெறுவது வழக்கமாகும்.படகு குழுவை சேர்ந்த அனைவரும் ஒரே சமயத்தில் துடுப்பை வீசி படகை செலுத்தும் காட்சி கண்ணைப்பறிக்கும்.பல வெளிநாட்டுக் குழுக்களும் இப்போட்டியில் பங்குபற்றுவது வழக்கமாகும்.

[தொகு] வெளி இணைப்புகள்

• சீனத் தமிழ் வானொலியின் சீனா பற்றிய அறிமுகப்பக்கம்
• சீனரும் மதமும்
• சீனர்களின் சமூக கலாச்சார கூறுகளும் சம்பிரதாயங்களும்
• சீன நாட்டின் அரசியல் வரலாற்று சுருக்கம்
• சீனர்களின் கலாச்சாரம்

பா • உ • தொ ஆசிய நாடுகள்

ஆப்கானிஸ்தான் · ஆர்மீனியா · அசர்பைஜான்1 · பாகாரேயின் · வங்காளதேசம் · பூட்டான் · புரூணை · மியான்மார் · கம்போடியா · சீன மக்கள் குடியரசு · சீனக் குடியரசு (தாய்வான்)2 · சைப்ரஸ் · எகிப்து3 · யோர்ஜியா1 · இந்தியா · இந்தோனேசியா4 · ஈராக் · ஈரான் · இசுரேல் · யப்பான் · யோர்தான் · கசகிசுதான்1 · கொரிய மக்களாட்சி மக்கள் குடியரசு · கொரிய குடியரசு · குவைத் · கிர்கிசுதான் · லாவோஸ் · லெபனான் · மலேசியா · மாலைதீவுகள் · மங்கோலியா · நேபாளம் · ஓமான் · பாகிஸ்தான் · பிலிப்பைன்ஸ் · கட்டார் · இரசியா1 · சவுதி அரேபியா · சிங்கப்பூர் · இலங்கை · சிரியா · தாஜிக்ஸ்தான் · தாய்லாந்து · தீமோர்-லெசுடே (கிழக்குத் திமோர்)4 · துருக்கி1 · துருக்மெனிஸ்தான் · ஐக்கிய அரபு அமீரகம் · உஸ்பெகிஸ்தான் · வியட்நாம் · யெமென்3 சார்பு மண்டலங்களுக்கும் ஏனைய மண்டலங்களுக்கும் சார்பு மண்டலம் கட்டுரையைப் பார்க்க. 1 பகுதியாக அல்லது பெரும்பாலும் ஐரோப்பாவில்.  2 சீனக் குடியரசு (தாய்வான்) ஐக்கிய நாடுகளால் அங்கிகரிக்கப்படவில்லை. 3 பகுதியாக அல்லது பெரும்பாலும் ஆப்பிரிக்காவில்.  4 பகுதியாக அல்லது பெரும்பாலும் ஓசியானியாவில்.