Volksrepubliek China

Vun Wikipedia

----De Volksrepubliek China (ok Kina un Schina nöömt) is en Land in Asien. De Hööftstadt is Peking (ingelsch meest Beijing, kantoneessch Baking).

Dat Land is siet Mao Zedong offiziell kommunistisch, ok wenn dat vandage in de Politik autoritäär un keen Sozialstaat is. Na offizielle Angaven is dat Land atheistisch, dorüm gifft ok över Religionen keen Statistiken, de man vertroen kann. De verbreedsten Religionen sünd woll de Daoismus, Buddhismus, Islam, dat Christendom un in eenige Lannsdelen de Lamaismus.

För de Wertschap belangriekste Steder sünd Schanghai un Hongkong. In't Medeloller geev dat hie Mongolenherrscher un denn de Ming-Dynastie, in de ook de Seefahrer Zheng He weer. In jane Tiet weer de Seefohrt för China bannig wichtig. Vör Christus weern hie Konfuzius un Lao-Tse, de ook Wirkung in't China vun uns Tiet hebben. Cixi weer in de Nutiet ene vun de Fruen mit de gröttste Macht. Vandage is de Präsident Hu Jintao un de Ministerpräsident Wen Jiabao. De Modersprak vun de meeste Chinesen is Mandarin. Dat gifft keen eenheitlich Chineesch, Lüüd ut’n Süden un ut’n Noorden verstaht de Spraak vun’n annern nich. As Hoochspraak för alle Chinesen warrt dat Mandarin bruukt. Annere Spraken sünd Min, Kantoneesch, Zhuang un vele annere Spraken.