Süüdkorea
Vun Wikipedia
|
|||||
| Amtsspraak | Koreaansch | ||||
| Hööftstadt | Seoul | ||||
| Staatsform | Republik mit eenen Präsidenten | ||||
| Präsident | Roh Moo-hyun | ||||
| Premierministersche | Han Myung-sook | ||||
| Grötte | 99.392 km² (106.) | ||||
| Inwahnertall | 48.640.671 (24.) ( Juli 2005) |
||||
| Inwahnerdicht | 489 Inw. up een km² (12.) | ||||
| BIP - Total (PPP) - Total (Nominal) - BIP / Inw. (PPP) - BIP / Inw. (Nominal) |
2005 (schätzt) $1,099 Billionen (12.) $720,8 Milliarden (13.) $22.543 (33.) $14.784 (38.) |
||||
| Unafhängigkeit | siet 1948 | ||||
| Geldsoort | Won | ||||
| Teken vun de Geldsoort | ₩; ISO-4217-Code: KRW | ||||
| Tietzoon | UTC+9 (KST) | ||||
| Nationalhymne | Aegukga | ||||
| Auto-Kennteken | ROK | ||||
| Internet-TLD | .kr | ||||
| Vörwahl | + 82 | ||||
|
|||||
Süüdkorea is een Land in Asien. Dor wahnt 48.640.671 Inwahners.
Inholtsverteken |
[ännern] Namens vun dat Land
Wenn een dat richtig seggen will, mutt een vun de Republik vun Korea spreken. Meist warrt aber Süüdkorea seggt. Up Koreaansch heet dat Land Daehan Minguk (대한민국; 大韓民國; nds.: Grote Han-Republik). In Süüdkorea süms is dat aber begäng, dat mit sien korten Naamen Hanguk (한국, 韓國, Han-Nation) oder mit Namhan (남한, 南韓, Süüd-Han) to benömen. In Nordkorea warrt dat Land Namchosŏn (남조선, 南朝鮮, Süüd-Joseon) nömmt
[ännern] Geographie
Süüdkorea liggt up den süüdlichen Deel vun Halfinsel vun Korea. De Landschup is ünnerscheedlich. In'n Oosten gifft dat Bargen mit Woolden dor up un in'n Westen un in'n Süden langs de Küst is dat Land platt un unbannig veel Minschen wahnt dor. Alltohopen sünd dat 99.392 km². Dor sünd 290 km² vun Water. Süüdkorea is een beten lüttjer as Baden-Württemberg un Bayern tohopen.
[ännern] Wichtig Städer
De gröttste Stadt is de Hööftstadt Seoul in den Noordwesten. Dor leevt 10.349.312 Inwahners (sünner Vöröört). An de annere Kant, ganz in'n Süüdosten an de Küst liggt de tweedgröttste Stadt Busan mit 3.678.551 Inwahners. Dor gifft dat ok den wichtigsten Haben vun dat Land. Wieder geiht dat mit Incheon (2.580.775 Inwahners), nich wiet weg vun Seoul an de Westküst, un een beten fudder in'n Süüdosten vun dat Zentrum vun dat Land, Daegu mit 2.566.537 Inwahners. Kiek ok nah bi de List vun de Städer vun Süüdkorea.
[ännern] Wichtige Bargen und Bargkeden
Um un bi in 70 % vun dat Land vun Süüdkorea gifft dat Bargen, man meist sünd de nich afsunnerlich hooch. De hööchste Barg is de Hallasan. De liggt up dat Eiland Jejudo un is 1.950 m hooch. Up de Halfinsel vun Süüdkorea süms sünd de hööchsten Bargen de Jirisan (1.915 m) un de Seoraksan (1.708 m). Süüdkorea hett mehr as fiev Bargkeden. Dorvun is de Taebak de gröttste. De fangt an in den süüdlichen Deel vun Noordkorea un treckt sik hen öber meist de ganze Oostküst vun Süüdkorea. Vun den Taebak twiegt de tweetgröttste Bargkede af in de Midden vun dat Land. Ehr Naam is Sobaek. Dree lüttjere Bargkeden sünd de Gwangju-Bargen , de Charyeong-Bargen un de Noryang-Bargen.
[ännern] Wichtig Strööm
Dat gifft veer gröttere Strööm in Süüdkorea. An'n längsten is de Nakdonggang. De is 525 Kilometers lang. Sien Born liggt in dat Taebaeksan. Vun dor ut flutt he anners as de meisten Strööm in düt Land nah Süüd un ströömt bi Busan in d Japaansche See (Oostsee). De tweet längste Stroom is de Han-Gang. De is 514 km lang. Sien beiden Arms hefft jem ehr Borns ok in dat Taebaksan un kaamt nah 35 km tosamen. Denn ströömt he dör Seoul un münnt in de Geele See. De drüttlängste Stroom is de Geumgang (401 km), denn kümmt de Soemjingang (212 km).
Afghanistan | Armenien | Aserbaidschan | Bahrain | Bangladesch | Bhutan | Brunei | China | Georgien | Indien | Indonesien | Irak | Iran | Israel | Japan | Jemen | Jordanien | Kambodscha | Kasachstan | Katar | Kirgisien | Kuwait | Laos | Libanon | Malaysia | Malediven | Mongolei | Myanmar | Nepal | Noordkorea | Oman | Pakistan | Philippinen | Russland | Saudi-Arabien | Süüdkorea | Singapur | Sri Lanka | Syrien | Tadschikistan | Taiwan | Thailand | Törkie | Turkmenistan | Usbekistan | Vereenigte Araabsche Emiraten | Vietnam | Zypern
Afhängige Rebeden: Palästinensische sülvstregeerte Rebeden
