Wikipedia:Ik bruuk Hülp

Vun Wikipedia

Inholtsverteken 1 Titel: Sieten wi wult heben 2 Interwiki Bot Status 3 Namen 4 massive spam run from korea 5 Wu bruk ick dit System? Wu kan ick schrieven? 6 Planeten 7 VWN en WCN 8 Neue niedersassische Wikipedia für niederlandischsprachigen 9 Titels 10 Hööftsiet 11 Infobox Land 12 Speelbaas 13 Wikimedia Conferentie Nederland 14 Almelo 15 Inschrijving leden voor VWN 16 ne'e Hööftsiet 17 TuvicBot 18 Wikimedia Conferentie Nederland - inschrijving 19 sprache 20 Allgemeene Ümfraag 21 Ik söök en goden Kategorienaam 22 Dat Word Schwoon 23 Erwin85Bot 24 Wikipedia:Adminkandidaturen 25 Wikisource 26 Tardel 27 Kann ik ok ’n „Ogonek-A“ (ą) schrieven? 28 Wikipedias ohni Standardsprach 29 Wikimania 2007 Team Bulletin 30 Sieten schuven 31 Wikisource 2 32 nds/nds-nl/nds-de 32.1 Vor nds-de 32.2 Gegen nds-de 32.3 Neutral 33 Countys 34 Gänsefüßchen 35 Anlegen vun niege Artikels bloots för anmellte Bruukers 36 cool 37 4000 38 Listen mit Städer 39 Zombies! 40 fiktive Personen 41 Lütten Lenk 42 Vörlagen-Helper 43 Mittagsruhe 44 Antwerpen, Venedig, fehlende (Niege ) Hanse 45 Bot 46 Wikiborn 47 Spezial:Withoutinterwiki 48 Spraken Wikipedia 49 Commons in de Kategorien? 50 TLD 51 Narichten 52 Plattdüütsche Oortsschiller 53 Wikimedia Election Notice 54 Naamruum för Listen 55 wikipedia.de 56 Wählen gahn 57 ArtikelBot nedderlandsche Gemenen 58 Johre vör Christus 59 Biller all weg 60 Kuriose Artikels 61 Wikinews 62 Wikimedia Conferentie 2007: Voorinschrijvingen open! 63 Preparation of Fundraiser 2007 64 Plautdietsche Wikipedia 65 Sass 66 Nordlandflagge 67 Fehler? 68 Verteken vun Verenen 69 Interwiki-Lenken 70 Feernsehn 71 Stellungnahme des Expertenausschusses 72 middelnedderdüütsch Lexikon 73 Filmografien 74 Lenks vun de Hoochdüütsche Wiki 75 Noom falsch schrieven 76 Politikers 77 PBuB 78 Wikisource 79 DIWA 80 Besucherstatistik 81 nds-nl baven 82 Dörp-Vereen in Mardörpe 82.1 KÖRKRING 83 Wikipedia an de Scholen 84 Dat nie Testament op Platt 85 Indeling Nedersaksisch (Plattdüütsch) 86 Botartikels 87 Söke Schriebers un Plattdüütsche Artikel för miene Online-Zeitung in Schleswig-Holsteen 88 Wer schrift för mie "kostenlose" Artikel för mien Online-Zeitung in Schleswig-Holsteen? 89 Verwiezing op Hööftsiet 90 Neddersassisch, Plattdüütsch 91 Betawiki: better support for your language in MediaWiki 92 WP 93 La divina comedia 94 Unplattdüütsche Plattdüütsche 95 Chat 96 Apotheken Umschau 97 Plattdüütsch - Spraak oder düütschen Dialekt 98 nds-nl un pdt fett 99 Översetten 100 Maal wedder so'n Idee vun mi ... 101 Infostand 102 Miechmops 103 Plattdüütsch rutstellt 104 „Annere“ Formen vun Arbeit an Wikipedia 105 Quasi per E-Mail über Artikeländerungen auf dem Laufenden bleiben! 106 Wichtigste Artikels 107 Sportverenen 108 coordination mank de prejecten 109 Extension:Babel 110 Adolf Tegtmeier 111 Platduuts artikel van de maond 112 Radio 113 Extension:NewUserMessage 114 Gemeenden 115 Ehrendag 116 Sieden för Vörlagen ut dat Babel-System 117 Flagged Revs 118 MetaWiki Low Saxon: dorvör oder dorgegen? 118.1 Dorvör 118.2 Dorgegen 118.3 Ruthollen 119 Plattdüütsch in de Rundfunk

[ännern] Titel: Sieten wi wult heben

Hallo, liebe Admins! Es wäre gut, wenn Ihr den Text auf der Spezialseite "Wanted Pages" richtigstellen würdet. Ich glaube, da hat mal jemand ganz schnell aus dem Englischen übersetzt. Ich denke, es sollte besser "Sieden, de wi hebben wüllt" heißen. Viele Grüße --Angela H. 00:15, 3. Jan 2006 (UTC)

Hebb ik ännert. --::Slomox:: >< 01:38, 3. Jan 2006 (UTC)

Sui bedanket, Slomox! Wenneiher ik noch wat anneret häwwe, draff ik dat denn äok huier henschruiwen? Ik weit nich, of dat huier de richtige Stuie dorfor es. (Ik schruiwe dat denn äok noa den Sass - säo geot as ik dat kann.) --Angela H. 23:40, 6. Jan 2006 (UTC)

En beteren Platz weet ik ok nich. Also schriev hier oder op de Diskuschoonsieden vun mi oder Heiko. Finnen do ik dat. --::Slomox:: >< 14:44, 7. Jan 2006 (UTC)

[ännern] Interwiki Bot Status

Hi. I would like to get my interwiki bot YurikBot marked as a bot in your language. The bot is already operating in almost 50 languages, and it would lower the server load and improve the quality of articles if all interwikies are updated at the same time. You can read more or ask questions here. I always run the latest version of the Pywikipediabot (i am also one of the developers of this project). The request for the bot status is here. Please support. Thank you. --Yurik (en) 20:30, 5. Jan 2006 (UTC)

[ännern] Namen

Ik weer en beten an't överleggen, woans wi mit Egennamen ümgahn schöölt. Ik denk dorbi an Namen vun Personen, de för en Översetten in Fraag kaamt. Fröher weer dat ja överall begäng, Namen to översetten (Karl der Große, Carolus Magnus, Charlemagne etc.), bi Adlige, bi Karkenlüüd (Paapst to'n Bispeel), aver ok bi relativ normale Lüüd, hüüt warrt dat ja nich mehr so faken maakt, bi Börgerliche gor nich, tominnst nich twischen Standardspraken. Dat Plattdüütsche hett dorbi kene Traditschoon för öllere Namen, lange Tiet (un ok hüüt noch) geev dat kuum Sakenliteratur över Historie un so'n Kroom. Wi schöölt wi dat also holen? Ik denk to'n Bispeel an ole Arzbischöp ut unse Region, de hebbt faken seker plattdüütsche Namen hatt, aver wi kennt Namen blot ut hoochdüütsche Böker un du kannst kuum weten, of dat ok op Platt oder Nedderdüütsch de Naam weer. Un 'keen kann denn an middelnedderdüütsche Oorkunnen, wo sowat villicht binnensteiht, rankamen un dat denn ok noch lesen? Oder wat is mit Lüüd ut uns Tiet, de ut Noorddüütschland kaamt? Dor kannst faken den Naam översetten (to'n Bispeel heet mien Familie op Moder ehr Siet Heinsohn op Hooch un Heinsöhn op Platt). Aver schall een dat ok doon? Mutt de Person, de en Naam hett, de översett warrn kann, blot ut'n Noorden kamen oder mutt se villicht Platt snacken, dat de plattdüütsche Naam bruukt warrn dröff? Denn noch de Ünnerscheed: Warrt ut en Nikolaus en Klaas oder doch blot en Klaus oder warrt dat gor nich ännert?

Ik glööv, wi bruukt dor en poor Regeln... --::Slomox:: >< 19:05, 10. Jan 2006 (UTC)

[ännern] massive spam run from korea

There was a massive spam run from korea on some other wikis, and i have applied a pre-emptive ip-block for 6 months on their 21 ip-addresses.

TeunSpaans 19:33, 16. Jan 2006 (UTC)

[ännern] Wu bruk ick dit System? Wu kan ick schrieven?

Ick hebb hier so even anmelt. Ick hebb mennich Frogen over dat Oostfreesk, of dat noch an Kinner wieder geven wordt. Man min eerste Froge is wu ick dit System bruken kann. Wu kommuniceren mit andern Lü, wor Frogen stellen, usw. Ick hebb mi anmelt as Markbenninga. Ick will geern mit de Lü proten, man ook Frogen stellen an n offiziell Panel, vor allem wat t Oostfreesk anbelangt.

Du hest doch al rutfunnen, woans dat kommunizeren geiht ;-) För allgemeene Fragen is dat hier (de Siet Ik bruuk Hülp) de richtige Steed. Kannst ok mal op Wikipedia:Portal kieken, dor staht ok en poor Henwiesen. --::Slomox:: >< 17:24, 23. Jan 2006 (UTC)

Ach ja, Ünnerschrieven mit Naam un Datum kannst du, wenn du --~~~~ achter dienen Bidrag schrievst. --::Slomox:: >< 17:26, 23. Jan 2006 (UTC)

[ännern] Planeten

De annern Wikipedias hebbt mehrst Klammerlemmas bi de Planeten, wegen de röömschen Gödder mit lieke Namen un wat dat sonst noch so gifft (Schokoriegels oder Supermarktkeden). Schöölt wi för Jupiter, Mars un so wieder dat nich ok bruken? --::Slomox:: >< 16:20, 9. Feb 2006 (UTC)

[ännern] VWN en WCN

Beste allemaal,

(sorry voor het Nederlands) Al enige tijd is er een Nederlands chapter in oprichting, te vinden op http://nl.wikimedia.org . Dit wordt de Vereniging Wikimedia Nederland (VWN). Je kunt je interesse om lid te worden van deze vereniging hier aangeven.

Deze vereniging gaat eind augustus/begin september een Wikimedia Conferentie in Nederland (WCN) houden, volgend op Wikimania in Boston, gedeeltelijk erop inspelend middels een aantal discussiegroepen. Om iets dergelijks te organiseren is imput erg gewenst. Dus als je wilt meehelpen, of als je interesse hebt om bij een dergelijk evenement aanwezig te zijn, geef dat dan aan op nl.wikimedia. Ik hoop daar snel je imput tegemoet te zien! Met vriendelijke groet, effeietsanders 22:46, 25. Feb 2006 (UTC)

[ännern] Neue niedersassische Wikipedia für niederlandischsprachigen

Hallo, entschuldigung aber meine deutsch ist nicht so gut (und mein platt auch nicht). Da ist jetzt eine neue Wikipedia für "" (Holländisch Platt), jetzt sind da noch Holländisch Platt Artikeln auf dieses plattdeutsche Wikipedia. Ich habe ein Link nach die plattdeutsche wikipedia gemacht und nun frage ich Ihr, kannst du eine Link auf dem Hööftsiet setzen nach die Holländisch platt Wikipedia? Artikeln in Holländisch platt kannst du auf die Holländisch platt Wikipedia stellen und auf die plattdeutsche Wikipedia kann es ändert wirden nach deine platt. Danke! (höffentlich verstehst du mir :$) Servien 12:12, 25. Mär 2006 (UTC)

[ännern] Titels

Ik will mal höörn, wat ji meent: Bi George Orwell staht nu de düütschen Bökertitels dorbi (to'n Deel noch wedder översett op Platt). Ik denk dat beste is dat, eenzig den Originaltitel optoschrieven, wenn dat kene Utgaav op Platt gifft. De hoochdüütsche Titel intresseert doch nich, den kannst ok op de de.wikipedia nakieken. Un wenn de Titel op Platt översett warrt, denn mutt tominnst kloor wesen, dat dat keen „offiziell“ Översetten is. --::Slomox:: >< 00:34, 30. Mär 2006 (UTC)

Ik dienk, een plattdüütschen Titel bruukt nümms, wenn dat Bok nich översett is. Den hochdüütschen Titel kann's avers schon bruuken, wenn de düütlich anners is as in't Original. De meesten Lüd wart blos den hochdüütschen Titel kennen... --Iwoelbern 07:26, 30. Mär 2006 (UTC)

[ännern] Hööftsiet

Moin Moin. Is dat richtig, dat dor keen Schriefschutz op de Hööftsiet is? Hartlich Gröten --Heiko A 12:16, 30. Mär 2006 (UTC)

Moin Heiko, dat is nu korrigeert. Velen Dank för den Henwies. HeikoEvermann 12:23, 30. Mär 2006 (UTC)

[ännern] Infobox Land

Bolingbroke hett ja nun Mali un Algerien översett un dat hett mi an en Saak erinnert, de al lang vör sik hendümpelt: de "Vörlaag:Infobox Land". In Irland harr ik dat mal utprobeert. De ingelsche Wikipedia maakt alle Lännerartikels mit en Infobox in en Standardformat. Ik denk mi, dat is en gode Idee. Blots de Hoochdüütsche Wikipedia maakt dat nich. Slomox, weetst Du, woso :de dat nich maakt? Un weer dat nich wat för uns: Vörlaag:Infobox Land mal trechttomaken, in Irland, Mali un Algerien uttoproberen?

Hartlich Gröten, HeikoEvermann 21:13, 4. Apr 2006 (UTC)

Weet ik nich, wat de Grund is, dat dat nich bruukt warrt. Ik heff aver mal op de Diskuschoonssiet vun de Vörlaag wat schreven. --::Slomox:: >< 22:59, 4. Apr 2006 (UTC)

En de Hoochdüütsche Wikipedia gift og keen Vörlaag:Infobox Stadt.

nap:User:SabineCretella unn annere hebt en Vorsla makt, dat ens en Programm makt, wat in ünnerscheedliche Wikipedias de Enhould ut so Infoboxes nar de annere wiedergeft, als niege Börgermeester, Statistiken, Websieden, usw., kamen. Wenn dat en de Plattdüütsche Wikipedia willamen weer, segt hei dat. -- Purodha Blissenbach 11:40, 7. Okt 2006 (UTC)

[ännern] Speelbaas

Dat gifft ja 'n poor Artikels, de Speelbaas as Woort för HD "Regisseur" bruukt. Dor hebb ik mal in't Internet söcht, wonehm dat sünst bruukt warrt. Dor hebb ik [1] funnen (Speelbaas/Bühnenleitnerin). Denn gifft dat ok noch [2] "Dor Peter de letzten Johrn in Bloherfelde speelt hätt, is he to usen Speelbaas ernannt wurrn, un so hett he ok de Regie för dat erste Stück öwernahmen." Un [3] "Die Bühnenleitung liegt bei (Speelbaas) Helmuth Ihnen".

Blots so seker bün ik mi nich. Is de Speelbaas nu de "Regisseur" oder de "Intendant"? Un is dat ok richtig, dat för 'n Kinofilm to bruken oder is dat dann dor 'n "Filmbaas"?

Hartlich Gröten, HeikoEvermann 22:50, 14. Apr 2006 (UTC)

[ännern] Wikimedia Conferentie Nederland

Deze boodschap is in het Nederlands geschreven omdat deze gebruiker deze taal niet spreekt. Het zou zeer op prijs gesteld worden wanneer deze oproep zou worden vertaald :)

Hallo allemaal,

Vereniging Wikimedia Nederland organiseert op 2 september 2006 de (grotendeels Nederlandstalige) Wikimedia Conferentie Nederland (vooralsnog alleen een werknaam). Deze bijeenkomst zal gedeeltelijk bestaan uit lezingen en workshops, maar ook uit discussiegroepen rondom de thema's:

• Feedback uit Boston
• Wiki-projecten
• Techniek
• Gemeenschap
• Leer elkaar wat

Iedereen wordt van harte uitgenodigd om een voorstel voor een lezing, discussiegroep, workshop of een andere presentatievorm in te dienen. Meer informatie hierover vindt u op de Wiki van Wikimedia Nederland. Er zijn sprekers nodig, meld u dus aan! Naast het feit dat u er hopelijk veel zult opsteken en mensen zult ontmoeten, zal het er ook heel gezellig worden! Ik hoop van harte u terug te zien op de lijst met voorstellen.

Met vriendelijke groeten, effeietsanders 21:33, 20. Apr 2006 (UTC)

[ännern] Almelo

Der Seite Almelo ist seit November geschlossen wegen Vandalismus. Kann jemand das aufheben bitte? - Andre Engels 15:12, 5. Mai 2006 (UTC)

Is freegeven. --::Slomox:: >< 15:21, 5. Mai 2006 (UTC)

[ännern] Inschrijving leden voor VWN

(This message is in Dutch. If you want it to be in your language, plese be bold, and translate it into your language and place it under mine.)

Beste Wikianen,

Mensen die lid willen worden van Vereniging Wikimedia Nederland, kunnen zich nu als zodanig aanmelden. Op nl.wikimedia.org kunt u meer informatie vinden over de inschrijfprocedure en de te volgen stappen. Ik hoop dat wij vele leden mogen verwelkomen.

Met vriendelijke groet, Lodewijk Gelauff aka Effeietsanders 21:03, 17. Mai 2006 (UTC)

[ännern] ne'e Hööftsiet

Ok hier nochmal: Ik heff en ne'e Hööftsiet rinstellt. Kiekt mal röver un geevt Kritik (wenn ji welk hebbt) op Wikipedia Diskuschoon:Hööftsiet af. --::Slomox:: >< 14:27, 4. Jul 2006 (UTC)

[ännern] TuvicBot

Hi, I'm a user from the Dutch wiki, and I would like a bot flag to run my interwiki-bot TuvicBot (using Pywikipedia). This bot will run in manually assisted mode, adding and updating interwiki-links, using the Dutch wiki as a starting point. I'm mostly planning to solve interwikis that autonomous bot skip because they're ambigious.

I'm saying this here, because I couldn't find a request page for bot-flags on your wiki. (And sorry for not speaking in your language:-() --Tuvic 16:07, 5. Jul 2006 (UTC)

(Ook even in het Nederlands) Hallo, ik ben een gebruiker van de Nederlandstalige wiki, en ik zou graag om een bot-vlag verzoeken voor mijn interwiki-bot TuvicBot (Pywikipedia-bot). Deze bot zal in manueel geassisteerde modus werken, en interwikilinks toevoegen, verwijderen en aanpassen, met de Nederlandstalige wiki als startpunt. Ik plan vooral de interwikis aan te pakken die gewone bots overslaan omdat ze dubbelzinnig zijn. Ik zet dit hier even, omdat ik geen verzoekpagina op deze wiki kon vinden voor dit verzoek. (En sorry dat ik jullie taal niet spreek) --Tuvic 16:07, 5. Jul 2006 (UTC)

Wikipedia:Bots is the page you search for. It says: Have permission on German or English Wikipedia (I saw you requested it on de) and get the flag on meta:Requests for bot status, then you can start. --::Slomox:: >< 17:00, 5. Jul 2006 (UTC)

OK, thanks for the link. I requested bot-status both on 'de' and on 'en', and will place the request on meta (for 'nds') when I have bot-status on on of those 2. --Tuvic 17:59, 5. Jul 2006 (UTC)

I made a request at m:Requests for bot status now. --Tuvic 13:54, 10. Jul 2006 (UTC)

For your info: TuvicBot has a bot-flag now. --Tuvic 10:32, 15. Jul 2006 (UTC)

[ännern] Wikimedia Conferentie Nederland - inschrijving

Er zijn plannen om 2 september a.s. een conferentie voor Wikianen te organiseren. Daarom zijn er al even geleden oproepen gedaan voor bijdragen (in de vorm van lezingen, workshops, discussies enz.) Een aantal bouwstenen zijn inmiddels aangeleverd en sinds kort buigt een comité, bestaande uit de gebruikers Annemiek Kennisnet, effe iets anders, Kim Bruning, RonaldB en Tdevries, zich hierover en tracht de juiste cement te vinden om er een aantrekkelijk programma van te maken.

Het doel van de conferentie is tweeërlei:

• Kennis en ervaringsuitwisseling
• Een beeld te ontwikkelen over de toekomst van de wikimedia projecten.

Een eerste concept-programma, gebaseerd op voorstellen van Wikianen die iets willen presenteren, vindt je hier. Vermoedelijk kan Jimbo Wales een lezing geven als keynote. De paneldiscussie aan het einde van het programma zou een stukje van de vraag hoe het in de toekomst verder zal gaan moeten beantwoorden.

Voor de organisatie is het van het grootste belang dat we een redelijk inzicht krijgen in de belangstelling voor dit event. Daarom het verzoek je eventuele belangstelling hier kenbaar te maken. En als je bepaalde thema's aan de orde gesteld wilt zien, geef dat dan s.v.p. ook aan, zodat we daarmee ook een beter beeld krijgen van de behoefte.

Tenslotte nog wat praktische informatie: Het zal plaatsvinden in Utrecht, de kosten zullen ongeveer € 15,- bedragen (met een korting voor VWN leden) en na afloop zal bij voldoende belangstelling nog een buffet georganiseerd worden (kost wel wat extra).

Mede namens Annemiek, Kim, Ronald en Tjipke,

met vriendelijke groet, Lodewijk Gelauff aka effeietsanders 19:31, 20. Jul 2006 (UTC)

[ännern] sprache

I'm Danish and interrested in woodworking tools, but do not know what it's called in your language. Can anybody help, and eventually tell me if there is articles in Plaat (spelled correct?) about woodworking tools.

--baskholm 04:12, 8. Aug 2006 (UTC)

It's Platt ;-) No, up until now we have no articles on such tools. But if you name the tools you are interested in, we perhaps could provide you their Platt names. --::Slomox:: >< 10:54, 8. Aug 2006 (UTC)

[ännern] Allgemeene Ümfraag

Moin Plattschnackers un sölke de dat waarn wulln! Ik glöv dat de neje plattdüütsche Utgaav van Wikipedia een goude idee för uns "hoogdütschploogte" Lü is un dat wi nu endlich mol in uns Sprook schrieven künn.Flink is mi upfalln dat dor vööle ünnerschgedliche Soorten van Platt tosomm kumm sünd un dat ne jeder jeden sofort versteiht.So hät jeder sien eegen RICHTIGES Platt un dat is ook recht so.Ik fraag mi blot wat dat "Wikipedia-Platt" för een Platt is.Dat geiht al los met "WILLKAMEN bi de plattdüütsche Utgav VUN Wikipedia".Kummt eem van jo disse Platt besünners verdruut or bekoont vör?Wenn ja kunns dat ook mol de annern medeelen? Ik för mien deel interesseer mi bannich dorför! Gröötjes,jos Nulfi!

Uns Platt is en Platt, dat op dat Wöörbook vun Johannes Sass baseert. För de Schrievwies, de in dit Wöörbook bruukt warrt, hebbt vele kloke Lüüd Johrteihnten lang rümöverleggt, op welk Oort un Wies dat schrevene Platt för mööglichst vele Lüüd good to verstahn is. Kloor, männicheen regionale Besünnerheit blifft dorbi op de Streek. Geiht mi sülvs ok so. Ik segg ok nich: ‚De Spraak schall good to verstahn wesen.‘ Ik segg: ‚De Sprook schall goud tou verstohn ween.‘ Böös is to’n Bispeel de Bookstavenkombinatschoon -av- as in aver oder baven, de bi mi as -ob- utspraken warrt, ober, boben ;-) Dor wennst di aver an, wenn du dat wat fakener lesen deist. Ik weet nu nich, vun wo du büst. Willkamen warrt bi uns meist so as in’t Hoochdüütsche utspraken: as Willkommen. Bi Google gifft ‚Willkamen‘ aver doch ’n ganze Reeg Resultaten. Wenn du ut’n Westen vun Neddersassen büst, denn bruukst du van, annerwegens töönt dat mehr as vun. Hülpt nix, de Ünnerscheed in’t Platt gifft dat un uns Schrievwies schall hülpen, dat disse Ünnerscheed nich to’n Verständnisproblem warrt. Wenn du mit disse Schrievwies nich vertroot büst, denn kannst du aver trotzdem geern hier mitschrieven. Solang dat man noch to verstahn is (swoor fallt mi to’n Bispeel so’n Hardcore-Oostfreesch, ganz egene Schrievwies mit Sünnerteken, vele Vokabeln, de annerwegens nich bekannt sünd, kene grootschrevenen Substantive etc.), kannst so schrieven as di de Wöör ut’n Muul kaamt. Is jümmer beter as gor nich schrieven. --::Slomox:: >< 15:02, 3. Sep 2006 (UTC)

[ännern] Ik söök en goden Kategorienaam

Ik söök en goden Kategorienaam för ene Kategorie, in de ik de tikels rinstellen kann, de sik mit Völker utenannersetten doot. Nu gifft dat temlich vele verschedene Gruppen, de faken in ehr Organisatschoonsstruktur nich veel gemeen hebbt. Ok in de Wetenschop sünd se sik nich eenig, wat de richtigen Utdrück sünd. To’n Bispeel de Allemannen. Dat is ene Grupp vun Minschen mit gemeensame Kultur un de vun den germaanschen Stamm vun de Allemannen af is. De kann ik aver nu nich in de Kategorie:Volk packen, denn dat Volk, wo se tohöört, dat sünd denn doch ehrder de Düütschen. Aver ok Stamm is en beten to anachronistisch, wenn de Allemannen vun hüüt meent wesen schöölt. Oder de Juden: de billt ok ene Grupp mit en gemeensame Kultur. Aver wenn ik dor nu ‚Volk‘ ünnerschrieven do un dat süht de Falsche, denn krieg ik seker ok wat vertellt. Oder wenn wi vun de Westfalen utgaht: De kann ik eerstmal as Westfalen ansehn, denn ok as Neddersassen oder as Düütsche oder... Ik müch nu geern ene Kategorie hebben, de nich op Hierarchie setten doot. Dat heet, ok wenn de Neddersassen ene Ünnergrupp vun de Düütschen sünd, denn schöölt se doch trotzdem in de sülve Kategorie stahn un nich in ene Ünnerkategorie oder ene ganz annere Kategorie. Oder anners utdrückt: non-exklusiv. Dor schall also allens an Gruppen rin, de ene gemeensame Kultur hebbt. Unafhängig dorvun, ob se ok noch Deel vun en noch gröttere Grupp sünd. Ik heff an sowat as Kategorie:Kulturell Minschengrupp dacht, aver villicht hett ja noch ans een en gode Idee? Irgendwat, wo sik de Lüüd beter wat ünner vörstellen köönt? Bi ‚Ethnie‘ bün ik mi nich seker, ob dat nich vun de Wetenschop so defineert warrt, dat welke Gruppen dorbi rutfallt. Oder villicht doch ‚ethnische Grupp‘/‚ethnische Minschenrupp‘? --::Slomox:: >< 14:39, 3. Sep 2006 (UTC)

Mien Idee is 'Volksgrupp' oder 'ethnisch Grupp'. In de hoochdüütsche WP sünd de Alemannen as "germanischer Stamm" kategoriseert. Un wenn dat allesn nich hülpt, is dat villicht ok 'n Teken, dat de Kategorie so as Du se konzipeert hest, nich funktscheneert? Kann ok angahn. HeikoEvermann 19:26, 3. Sep 2006 (UTC)

Jo, Volksgrupp hebbt wi al, aver kannst ok nich seggen, dat de ideal is. To dien Inwand: Glöövst du denn, dat de Kategorie funkschoneert? Oder wat is dien Vörslag? Geern müch ik ok noch en drütte Stimm hören. Bolingbroke oder ’keen anners? --::Slomox:: >< 22:35, 3. Sep 2006 (UTC)

[ännern] Dat Word Schwoon

Hallo,

Ich wohne in Kassau bei Neustadt in Ostholstein in der Strße "im Schwoon`

Was heißt Schwoon?. Im Niederländischen kommt es nicht vor.Im merikanischen EnglischEngliscxhen heißt "to swoon" in etwa ohnmächtig werden oder so.Im Wind liegen?

Die Straße liegt auf einer kleinen Kuppe, unnten fließt ein Bach vorbei. Sehr windige Lage.So ein Name läßt vermuten, daß die Stelle früher so bezeichnet wurde. Aber für was?

Viellicht weiß es ja jemand.Würde mich freuen, zu hören.

Tom Peterson E-Mail : Tom @TomPeterson.de.

Herzlichen Gruß

Tom Peterson

Mit dem Schwan hat es wohl nichts zu tun. Auch nicht mit dem englischen Wort. Das ist ungeklärter Herkunft laut dem Chambers Dictionary of Etymology. Es tritt dort im Altenglischen erstmals als geswōgen auf. Vielleicht handelt es sich bei Schwoon auch um ein zusammengezogenes Wort aus Schwoden oder Schwogen? Heißt es bei euch im Plattdeutschen eigentlich Spraak oder Sprook für Sprache? Andererseits existiert auch der Familienname Schwoon oder Schwohn in eurer Gegend. Da aber die Straße bloß drei Häuser hat laut Google Earth, ist der nur schwer als Wohnstättenname zu erklären. Oder hieß vielleicht früher ganz Kassau auch Schwoon? Habt ihr eine Ortschronik? Allgemein ist zu sagen, dass eine Flur- und Straßennamenferndiagnose immer äußerst schwierig ist. Ergiebiger ist ortsnahe Recherche in regionalen Archiven etc. Mitunter hilft schon das Nachfragen bei älteren Mitbürgern (wobei ich dein eigenes Alter nicht kenne und nicht weiß, ob du das vielleicht schon getan hast). --::Slomox:: >< 00:23, 10. Sep 2006 (UTC)

[ännern] Erwin85Bot

I'd like to request bot status for User:Erwin85Bot. I'm an active user and sysop on nl: and I'll work on adding interwiki's on nds-nl:. However to minimize the server load I'd like to add backlinks from other wikipedia's to nds-nl as well. So other bots don't have to load the same pages again. The bot will always run manually assisted. In cases where I don't know what interwiki to use, I will simply give up. A list of current requests and approvals can be found on meta:User:Erwin85/Bot. --Erwin85 17:42, 21. Sep 2006 (UTC)

I've read Wikipedia:Bots and I'll place a request on meta. I already have a bot status on the English wikipedia, but I wanted to let you know that I'm planning to run a bot here. --Erwin85 17:42, 21. Sep 2006 (UTC)

[ännern] Wikipedia:Adminkandidaturen

Wenn noch een bi Wikipedia:Adminkandidaturen mit afstimmen will, denn schall he dat man doon. Ik heff mi opstellt as Kandidat för den Bürokraten-Status. Ik will ja kene Wahlwerbung maken, aver beter as wenn amenn nüms dat mitkriggt ;-) --::Slomox:: >< 23:43, 23. Sep 2006 (UTC)

[ännern] Wikisource

Ik wull mal fragen, wat ji dinkt: Schöölt wi en egen Wikisource för plattdüütsche Texten un Texten in de Vörgängerspraken vun Platt hebben? Text gifft dat seker noog. Aver för enen Andrag op [4] bruukt dat mihr as ene Person, dorüm will ik man fragen, wat wi so'n Projekt överhaupt bruukt. --::Slomox:: >< 20:01, 28. Sep 2006 (UTC)

Ik hebb dor tominnst nix rintostellen. Wi hebbt ja al mit dat Wiktionary nich veel maakt. Ik glööv, dat hett opstunns nich veel Sinn. Oder hest Du 'n gode Born vun plattdüütsche Texten, de wi dor rinstellen köönt? HeikoEvermann 20:27, 28. Sep 2006 (UTC)

Ik heff af un to nu noch wedder wat in’t Wiktionary maakt ;-) Un ok wenn wi dor nich veel rinstellt, hebbt wi doch tominnst de Mööglichheit, dor wat rintostellen. Ik heff noch kenen Text trech, ik tööv noch op miene Testlizenz för ABBYY FineReader XIX to’n Fraktur-Scannen un weet nich, wo good dat Programm is. Böker mit fre’e Texten heff ik jedenfalls. In’t Internett gifft dat ja ok wat, bi Gutenberg DE to’n Bispeel. Se seggt twors, dat se dor dat Recht an hebbt, aver gemeenfree blifft gemeenfree. Mööt blots Korrektur leest warrn, denn dat sünd se nich (nich good).

Ik lööv nich, dat wi dor batz en grote Bökersammlung tohoopkriegt, aver schaden kann’t ok nix. --::Slomox:: >< 23:00, 28. Sep 2006 (UTC)

OK, wenn Du den Andrag stellt hest, kriegst mien Ünnerschrift. HeikoEvermann 10:50, 2. Okt 2006 (UTC)

Mien och. Purodha Blissenbach 12:54, 7. Okt 2006 (UTC)

Wat dat Wiktionary angeit, do lööv ik jo, dat dat een doden Ast is, vun een tecknisch'n POV. Kiek dor mol op't WiktionaryZ, wat'n lütten Beginn is, fun wat ik lööv dat't beter werrn ward, als dat Wiktionary werrn kann. Purodha Blissenbach 12:54, 7. Okt 2006 (UTC)

Jo, ideal is dat Wiktionary nich, aver dat WiktionaryZ kummt ok nich so recht in'e Puschen. Dor töövt wi ok al lang op. Fröher dee dat ja noch Ultimate Wiktionary heten.

Wi bruukt för Wikisource denn ok noch en Naam. Ganz vele Utgaven hebbt bi Wikisource den Naam an jemehr Spraken anpasst. Wat seggt ji to Wikiborn? Graad wenn'n dorbi ok an Quickborn denkt. --::Slomox:: >< 01:58, 8. Okt 2006 (UTC)

Ik heff den Andrag denn nu stellt: [5] --::Slomox:: >< 20:31, 8. Okt 2006 (UTC)

[ännern] Tardel

Ik müch mi doch lever hier mellen, as up de Wörpel- Diskuschionssiet. Ik denk, dor is Platz to'n Strieden un Snacken öber den Tardel un öber den Artikel. Man wi hefft ja hier een anner Probleem: Dat Woort, wat bruukt warrt.

Ji hefft meent: Vun een Tardel harrn Ji noch nie nich wat höört. Un dor schull dat üm ännert weern un nu schall dat Wörpel heten. SIC ET NON, as Anselm seggt hett! Ji hefft ja Recht, dat ole Woort Tardel warrt bloß noch hen un wenn bruukt un in veel Gegenden gor nich mehr. Man schall man denn nich ok mal een godet olet Woort wedder nee mank de Lüde smieten? Dat maakt Ji doch ok mit dat ole Woort Hööft. Dat warrt ok nargens mehr bruukt. De Lüde seggt Hauptstadt un Hauptstraten, wenn se Platt snacken doot. Man ik finn, dat is doch beter, datt Ji dat ole Woort wedder inföhrt hefft. Möglicherwies ännert sik nich veel an't Snacken. Man Wikipedia Platt is doch een schriftlich Projekt un dor geiht dat üm schreven Spraak. Un bi dat, wat upschreven warrt, kann een jümmers noch mal anners tokieken, datt een sik goot (un af un to ok gediegen) utdrücken deit. Noch mal to dat Woort Tardel. In Habenhusen, een Vörstadt vun Bremen, wo ik wohnen do, bruukt nümms mehr dat Woort. Un dat kennt ok nümms. Dor hefft Ji Recht. Man dat gifft noch een ganzen Barg vun anner Wöör, de ok nümms mehr bruken deit. Hööft höört dorto, hebb ik ja al seggt. Man hier seggt ok numms mehr Kattekel för Eichhörnchen. Numms seggt Swulk för Schwalbe, numms seggt Bottervagel oder Botterlicker för Schmetterling. De Lüde bruukt bloß de hochdüütschen Wöör. De plattdüütschen hefft se vergeten. Dat gifft ja keen plattdüütschen Schoolmeester, de jem dat wedder bipuhlen deit, wat se vergeten hefft. Un so kümmt de Spraak mit de Tiet up'n Hund (wat ok een hochdüütschen Snack is...). Wenn dat hier een Projekt is, dat wat to bedüden hett for de plattdüütsche Spraak (un dat glööb ik doch), denn mutt dor ok mal wat kamen, wat de Lüde, de dat up'e Straten snackt, een beten toweddern is. So is dat bi de Hoochdüütsche Spraak ok. Een Schriever (bruukst nich bloß Thomas Mann antokieken...) sett de Lüde eben nich just de Spraak vör, de se al süms kennt. Ik glööv, Wikipedia Platt schall ruhig een beten Schoolmeester spelen...Nix för ungoot!---Bolingbroke 16:50, 7. Okt 2006 (UTC)

Also bi uns kennt se Tardel ok nich. Ik will di aver recht geven, dat mutt nix heten un schall uns nich hinnern, ok mal wat olet trüchtohalen (denn dat bi uns blangen Wörpel ok Würfel bruukt warrt, dat wüllt wi seker nich mitmaken). Blots schöölt wi ok weten, wat wi dor wedder utkuhlt. Weetst du de Etymologie vun dat Woort Tardel? Dat Woort Wörpel op jeden Fall is al in middelnedderdüütsche Tiet bekannt wesen un keen Hoochdüütsch-Import. De Hartes kennt Dobbel ut Oostfreesland un Kahl Döpkenspelers ut dat Münsterland. de Etymologie vun dit Woort weet ik nich. De Skandinaviers hebbt dat Woort terning, wat vun middelnedderdüütsch terning af is un villicht ene Form kvaterning as Vörlöper hett vun latiensch quaternio, wat mit'n Verer bi't Wörpeln to kriegen hett. terning un Tardel hebbt nu beid en t*r, aver ik kann't nich seggen, wat de beiden Wöör mitenanner to doon hebbt, oder nich. Oder warrt dat Woort Tardeel spraken? Nee, woll nich. --::Slomox:: >< 18:40, 7. Okt 2006 (UTC)

Bolingbroke, prinzipiell hest Du recht dormit dat de plattdüütsche Wikipedia ok helpen schall, plattdüütsche Wöör to bewohren un ok dorto bitodragen, dat ole Wöör wedder bruukt warrt. Blots Wörpel is ja nu ok 'n plattdüütsch Woort. Dat is ja nich so as mit Schwalbe vs. Swulk. Dor is dat wichtig, dat wi de Swulk bewohrt un ok mit Haupt- vs. Hööft is dat wichtig. Un för Tardel hebb ik keen Beleg funnen. Keen Text, de dit Woort würklich bruukt hett. Büst Du mit Wörpel würklich nich tofreden? Hartlich Gröten, HeikoEvermann 19:45, 7. Okt 2006 (UTC)

De Dobbel/Döpken is wohrschienlich verwandt mit hoochdüütsch Topf (dorto Grimm) un meent ehrder den Kreisel. De Wöör för Kreisel un Würfel hangt dicht tosamen. De Tardel mach denn woll ok mit den Dreidel vun de Juden to doon hebben oder en annere Form vun Kreisel, aver dat is nu wild spekuleert. --::Slomox:: >< 20:27, 7. Okt 2006 (UTC)

[ännern] Kann ik ok ’n „Ogonek-A“ (ą) schrieven?

In ’t Oostfäälsche und Westfäälsche gifft dat ok 'n „hellet A“ [aː], wo ’t na Sass keen Bookstaav för gifft – könn ’n da nich na ’n Bispeel van ’t „Ogonek-E“ (ę) ’n „Ogonek-A“ (ą) för schrieven? (De Naam van den Oort „Geilhof“ in ’e We’emark heff ik hier eerstmal „Gaailhoff“ schreven, doch dücht mi „Gąąlhoff“ beter.) Gröten, -- UliDolbarge 04:25, 14. Okt 2006 (UTC)

Moin Uli, den Ogonek wullt wi hier in de plattdüütsche Wikipedia egentlich nich hebben. Un bi Geilhof is dat ok gor nich nödig. Dat warrt doch ohnehin as "aai" utsnackt, ok nach den Sass, oder? HeikoEvermann 08:54, 14. Okt 2006 (UTC)

Moin Heiko, de Oort heet aver [gaːlhɔf] — un nich [gaĭlhɔf] oder [gaːĭlhɔf] (un ok nich [gɔːlhɔf]) — un kann na Sass nich so schreven warrn, dat dat ok düütlich ward. Ik bün ok keen Fründ van den Ogonek, dat könn ok „Gâlhoff“ oder „Gālhoff“ schreven warrn. (Ik will hīr nich anfangen, up Ōstfǟlsch tau schriwen, et gât mik blōß um 'n pār Namen ;-).) -- UliDolbarge 18:21, 18. Okt 2006 (UTC)

Verstah ik nich. Worüm geiht Gaalhoff denn nich? --::Slomox:: >< 15:28, 19. Okt 2006 (UTC)

[ännern] Wikipedias ohni Standardsprach

Hallo und pardon, dass i nid Niderdütsch schribe. Mittlerwile git's e ganzi Reihe vo Wikipedia-Projekt ohni Standardsprach, z.B. isch grad voletzt e bairischi Wikipedia derzue cho. Jitz isch es ja so, dass alli die Projekt mit ähnleche Frage z tüe hei, zum einte d Frag, wie dass me söllg umgah mit der nid standardisierte Vilfalt vo Dialëkte und Schribige, zum andere d Frag, für was dass so es Projekt überhoupt guet sig. Drum wär e Art es gmeinsams Portal nützlech, so wi z.B. di verschidnige Wikipedias i de Schwizer Sprache es gmeinsams Portal hei. I mues aber zuegë, dass i nid weis, wie dass i da müesst vorgah. I frage jitz eifach mal, öb es Interësse ume wär. Schliesslech isch di niderdütschi Wikipedia eis vo de eltisten und größte vo dene Projekt ohni Standardsprach. -- j. 'mach' wust | ✍ 11:50, 24. Okt 2006 (UTC)

I mues aber zuegë, dass i nid weis, wie dass i da müesst vorgah. Keen Problem. Dat is al in'e Gang: kiek dorto ünner http://de.wikipedia.org/wiki/Wikipedia:Fragen_zur_Wikipedia/Archiv/2006/Juli/6#www.wikipedia.de un ok ünner http://mail.wikipedia.org/mailman/private/vereinde-l/2006-September/thread.html (musst anmellt wesen, Bidrääg vun wiki__marcusbuck.org). Un so kann dat utsehn: http://marcusbuck.org/marcusbuck/de-portal/de-portal.htm (Bayrisch fehlt dor noch).

Nu musst blots noch de Standardsprekers vun'n Vereen dor bi kriegen, dat se ok würklich wat ännern doot. Se seggt, dat se dat wüllt, aber bi't Doon, dor deit sik nix.

To'n Thema Schrievwies: Jo, den enen richtigen Weg hebbt wi ok noch nich funnen. Bi uns is dat Problem aver denn ok nich jüst datsülvige as bi de Bayern. Dat Plattdüütsche hett dat Middelnedderdüütsche as Grundlaag un hett en gröttern Spraakcharakter as de Spraken ut'n Süden vun Düütschland. Bayrisch un Alemannisch to'n Bispeel sünd Varianten vun de hoochdüütsche Spraak (dorbi will ik betonen, dat ik hier mit Hoochdüütsch allens anspreek, wat de Luden schoven hett un dat ik nich Hoochdüütsch mit Standardhoochdüütsch gliekssett), dat Plattdüütsche billt as Nedderdüütsch en egene Spraak blangen dat Hoochdüütsche. Wi sett dorbi denn ok nich op depen Dialekt, de mööglichst wiet vun dat Hoochdüütsche weg is, dat wi överhaupt as unafhängig vun de Standardspraak ansehn warrt. Wi versöcht dat mehr mit en Utglieksplatt. --::Slomox:: >< 15:32, 24. Okt 2006 (UTC)

Ah, dert geit's schynt's über nes Portal für Dütschland. I hätt mer ehnder en internationali Initiative vorgstellt, wo Wikipedias ohni Standardsprach us allne Sprachrüüm verbindeti, drunder o söttigi wi di Schottischi oder di Sardischi etc. Das mit em Sprachcharakter isch allwäg e Gloubesfrag (wo im Dütsche git's scho Kampagnene, das me wenigschtens a de Schuele söllg afa Hochdütsch rede?). Mi dünkt's aber, mer sötte gschyder nid wäg der Größi vom Sprachcharakter chähren u stryte. Es gieng mer drum, das di chlyne Wikipedias enang würdi sterche. -- j. 'mach' wust ☞ ☏ 11:07, 25. Okt 2006 (UTC)

Ah, dor hest du mi mit den Henwies op wikipedia.ch en beten irreföhrt. Du snackst vun en Portal, wo sik de Lüüd ut de verschedenen standardlosen Wikis uttuuschen köönt över jemehr Problemen un de Lösungen dorför. Heff ik dat nu richtig verstahn? En Brukerportal? Oder doch en Leserportal so as wikipedia.ch, blots denn för all de lütteren Spraken opmal? Aver bi dat twete weet ik nich, wokeen dat Publikum wesen schall, an wat för Lüüd sik de Siet richten schall.

Mit den Kraam to'n Spraakcharakter wull ik ok nich seggen wi sünd beter as ji, ik wull dor mit seggen uns Problem is nich jüst dat sülve as joon Problem. Ik frei mi över de lütten Wikipedias un wull gewiss nich dor gegen strieten. Un dat mit de Glövensfraag: Jo, ik glööv to'n Bispeel, dat wi dat Schoolproblem nich hebbt, wieldat Standardhooch- un Nedderdüütsch to wiet vunenanner af sünd (Nedderdüütsch un Oberdüütsch hebbt an welk Stellen mehr gemeensam, to'n Bispeel dat undiphthongeerte -üü- in Düütsch oder -ie-/-y- in schienen, un sogor dat ge- bi't Perfektpartizip is jüst as bi uns ok bi jo reduzeert), as dat se beid Siet an Siet in de School bruukt warrn köönt. Dör den Luudwessel in'n Konsonantismus is dat Billen vun Twischenstufen kuum mööglich. Bi de hoochdüütschen Spraakvarianten gifft dat verschedene Register twischen depen Dialekt un Varianten de neger an'n Standard sünd. Dat Nedderdüütsche kann disse Twischenregister nich billen. De Konsonantismus is in'n Weg. Dorüm is de Noorden ok so dicht an'n Standard. De standarddüütsche Utspraak vun Hannover gellt as vörbildlich. Dat liggt dor an, dat de Hannoveraners Hoochdüütsch meist so as en Frömdspraak lehrt hebbt un de Mundoort dor nich twischenfunken kunn. Ik heff't ja al seggt, dat schall nich gegen Bayrisch oder Alemannisch snacken, aver de Problemen sünd doch blots begrenzt to verglieken. --::Slomox:: >< 13:37, 25. Okt 2006 (UTC)

Du hesch rächt, so nes Portal wär ehnder für d Benützer, weniger für d Läser. My Hiwys uf ds schwyzerische Portal het also nid der Huuffe bbracht.

Es isch gar nid öppen eso, das es im ganzen oberdütsche Sprachgebiet Übergangsforme zwüsche Dialäkt u Standard würd gä. Ir Dütschschwyz stö Dialäkt u Standard im dänkbar gröschte Gägesatz. Das men aber im Norddütsche würklech kener Übergangsforme kenni, da han i scho anders ghört – so win ig's ha verstande, syg drum ds Missingsch genau das. I wot sicher o uf ke Fall afa urteile, i wot nume feschtha, das d Underschide gar nid eso groß sy. Im Norddütsche git's es grösers Traditionsbewusstsy und e gwüssi Kontinuität zum Mittelniderdütsche, wo's dergägen im Alemannische ke Kontinuität zum Mittelhochdütsche meh git, o wen em di modärnen alemannische Varietäten hüüffig necher stöh als em modärne Standard. U wäg der Viersprachigkeit chiem ir Schwyz e politischi Unterstützig füre Dialäkt überhoupt nid i Frag. We di ds Verhältnis vo Dialäkt u Standard ir Dütschschwyz interessiert, da het's ersch letschti e sehr e gueti Sändig derzue ggä am Radio, won i dir sehr gärn wyterempfile: Ist der Dialekt an allem schuld? -- j. 'mach' wust ☞ ☏ 17:02, 25. Okt 2006 (CEST)

De Slötel is de Konsonantismus. Bi'n Vokalismus kannst du veel lichter Twischenstufen billen. Missingsch is keen Bispeel för so en Twischenregister. Zitat:

Ein wirklicher Soziolekt ist es aber nicht und auch kein Dialekt des Niederdeutschen, sondern ein niederdeutsch gefärbter Akzent, also vergleichbar mit den typischen Akzenten von Engländern, Niederländern und Dänen, wenn sie Deutsch sprechen, nicht gerade Germanisten sind und ähnlichlautende (meist gleichbedeutende, oft gemeingermanische) Wörter so aussprechen, wie sie es gewohnt sind und weiterhin im Sprachfluss den Satzbau, bestimmte Redewendungen und Stilmittel nicht perfekt beherrschen.

Dat is also He versöcht dat un kann't nich beter, wat ik meen, is aver He kann Dialekt un Standard un je nadem wo good de Gespreekspartner dat versteiht, bruukt he deperen Dialekt oder en standardnegere Variant.

De Radio-Bidrag intresseert mi, mutt ik mi aver en anner Maal anhöörn, wenn ik Toon bi'n Reekner heff.

So, noog dorvun. Weer doch gornich dat Thema ;-) Ik glööv, so en Portal kannst opbest bi meta: inrichten. Dat is woll eerstmal de beste Platz. --::Slomox:: >< 18:44, 25. Okt 2006 (CEST)

Bi söttigne Frage misstrouen i der Wikipedia gärn echly, u würklech heisst's im Metzlerlexikon vor Sprach, ds Missingsch syg e Halbmundart, was unter em eigete Stichwort als Dialäkt erklärt wird – das me's aber glych als Hochdütsch bezeichni, syg numen e Frag vor Ystellig vo dene, wo's redi. Einewäg, vomene scharffe Kontrascht zwüsche Standard und Umgangssprache geit men ir Schwyz genauso uus wi im Niderdütsche – was wei mer chähre wäg de Details. Und itz han i afe mal uf meta aagfraget: meta:Meta:Babel#a common page for Wikipedias without standardized language? -- j. 'mach' wust ☞ ☏ 20:14, 25. Okt 2006 (CEST)

[ännern] Wikimania 2007 Team Bulletin

Published by the Wikimania 2007 Taipei Team, Wikimania 2007 Team Bulletin provides the latest news of the Team's organizing work to everyone who is interested in Wikimania; it also gives the Team chances to announce calls for help/participation, so assistance in human and other resources can be sought in a wider range. Team Bulletin is published at the official website of Wikimania 2007 and released to the public domain. Issue 1 and Issue 2 has already published.--218.166.212.246 03:05, 29. Okt 2006 (CET)

[ännern] Sieten schuven

Heb ik dat Recht, Sieten to schuven ? Sarcelles 14:23, 3. Dez 2006 (CET)

Hest du denn den Lenk Schuven baven blangen Historie? Wenn de dor steiht, denn hest du ok dat Recht den to bruken ;-) --::Slomox:: >< 15:29, 4. Dez 2006 (CET)

[ännern] Wikisource 2

De Hoochdüütschen hebbt markt, dat wi en Wikisource hebben wüllt. Ik wull't nich glöven, aver se wiest so'n beten ene Torpederboot-Mentalität. Hebbt mit acht Mann losschickt gegen den Wikiborn stimmen. Deit dorbi op mal ok noch so, as wenn se 'n ganz 'ne zoorte Plant weern un gor nich mehr opbleihn kunnen, wenn de plattdüütschen jemehr Texten nich bi jem in't Wiki rinschrifft. Kaam ik meist bi in'e Brass, wenn ik sowat seh. oldwikisource:Wikisource:Language domain requests#Domain_requests (nds.wikisource.org) --::Slomox:: >< 18:14, 11. Dez 2006 (CET)

Ik heff ok op nds-nl mal anfraagt. Bi Originaltexten is de Schrievwies ja fast, dor gifft dat keen Problem, wenn de Nedersaksen mit uns datsülve Wiki bruukt. Oder seht ji dat anners? --::Slomox:: >< 15:40, 12. Dez 2006 (CET)

[ännern] nds/nds-nl/nds-de

Servien vun nds-nl hett op nds-nl:Wikipedie:Praotkefee#Wikisource fraagt, wat ik dor vun hollen dee, wenn wi den Spraakkood vun nds op nds-de ännert un ünner nds.wikipedia.org en Portal maakt, dat na beid nds-Varianten verwiest. Wat denkt ji to dat Thema? --::Slomox:: >< 17:00, 12. Dez 2006 (CET)

Mi is dat eendoont. Wenn ji dat maken wullt, könnt ji dat doon. HeikoEvermann 23:01, 24. Dez 2006 (CET)

Ik bün dorgegen. Sarcelles 23:29, 24. Dez 2006 (CET)

Woso? HeikoEvermann 23:33, 24. Dez 2006 (CET)

Das nds-nl ist dem Holländischen näher als dem Plattdeutschen. Sarcelles 20:06, 25. Dez 2006 (CET)

Wokeen hett dat seggt? Un wat hett dat dormit to doon? Nedersaksisch warrt in de Nedderlannen as Regionalspraak gellen laten. HeikoEvermann 22:12, 25. Dez 2006 (CET)

@Sarcelles: Nedersächsisch ist ein offiziele Sprache in die Niederlande (wie Frisisch, und erhält vermutlich der gleiche Status; entsprechend Kapitel 3 von dem Europäische Charta der Regional- oder Minderheitensprachen, dan ist es die 3. Amtssprache)... ich glaube nicht das es näher ist, aber da sind einige Dialekte dem nicht so viel von niederländisch abweichen (wie man es auch in Deutschland hast), aber z.B. Grunnegs weicht mehr ab von Niederländisch wie z.B. Hamburgisch von deutsch. Hierunter ein Stimmung über dem Name-änderung. Servien 11:14, 26. Dez 2006 (CET)

Der nl-Artikel über die Niederländische Sprache hat nds-nl als Teil des Niederländischen.

Sarcelles 18:01, 9. Jan 2007 (CET)

http://de.wikipedia.org/wiki/Niederdeutsche_Sprache#Gliederung hat das nds-nl als Teil des Niederländischen und nicht des Plattdeutschen. Sarcelles 19:17, 9. Jan 2007 (CET)

Dieser Information ist nicht richtig! :S Ich weiß nicht wer das gesagt hätte aber Niedersächsisch ist ein Amtsprache in die Niederlande (der Status ist offiziel in de Niederlande [auf Deutschland nicht]), und erhält vermutlich auch der Status Kapitel III, von dem de:Europäische Charta der Regional- oder Minderheitensprachen, Frisisch hast auch dieser Status und wirde gesehen wie ein total separate Sprache. Es ist ja ein Amtsprache seit 1995. Und viele Leute in die Niederlande sagen das Frisisch und Limburgisch auch Dialekte sind aber das ist auch nicht richtig. Vielleicht mussen sie auf die deutsche Wikipedia der Information besser kontrolieren! Servien 19:40, 9. Jan 2007 (CET)

Bloß för 'n Dummen: Dor mütt denn doch nich de ganzen Links ännert weern?---Bolingbroke 21:31, 9. Jan 2007 (CET)

Stimmung von 26. Dezember bis 9. Januar

[ännern] Vor nds-de

1. Servien 11:14, 26. Dez 2006 (CET)
2. --::Slomox:: >< 18:42, 9. Jan 2007 (CET) Ok wenn mi dat nich recht gefallt (Delen is swoor, graad, wenn een wenig hett), aver jüst dat Nich-Delen-Wullen argert mi jümmer för dull bi de Hoochdüütschen. Un ik will dorbi fair blieven, also stimm ik to.

[ännern] Gegen nds-de

Sarcelles 17:58, 9. Jan 2007 (CET)

[ännern] Neutral

1. ...

[ännern] Countys

Moin. Ji köönt mal na Autauga County kieken. Ik hebb en lütt Programm schreven, dat sik de Daten to de amerikaanschen Countys tohoopsöcht un dor lüttje Artikels vun maakt. Dat kann ik för all üm un bi 3000 Countys maken. Wenn ji dat hebben wüllt. Seggt ji man an, wat ji dat good finnen doot oder nich oder wat dor noch anners warrn schall. --::Slomox:: >< 22:59, 5. Jan 2007 (CET)

"verschedene" => "ünnerschedliche"

Un sünst weet ik nich so recht wat wi dat bruukt. Denn hebbt wi 6500 Artikels un de Hälft vun jem sünd automaatsche Artikels över Counties vun de USA. Aber den Artikel is nich antosehn, dat dat allesn automaatsch is. Villicht is dat gor nich so verkehrt. Dorgegen bün ik tominnst nich. Wenn wi dat maakt, mutt wi vörsichtig ween. Een Fehler multiplizeert sik denn 3000x. HeikoEvermann 23:39, 5. Jan 2007 (CET)

Ik heff hüüt söss Artikels maakt. Wenn nu keen Kritik kummt, denn maak ik wieder mit jümmer en poor Artikels jeden Dag un wenn denn ok noch keen Kritik kummt, denn maak ik jümmer en beten mehr. --::Slomox:: >< 16:02, 2. Feb 2007 (CET)

Ach un : verschedene => ünnerschedliche harr ik vergeten, heff ik jetzt in dat Programm ännert. --::Slomox:: >< 16:06, 2. Feb 2007 (CET)

Mi is opfallen, dat bi de Herkunft vun de Lüüd mitünner steiht "0% vun de Eilannen"... Wenn Du dor noch för sorgen künns, dat 0% nicht henschreven warrt, weer dat beter. Man will ja nich weten, wonehm de Minschen nich herkommt... --Iwoelbern 01:13, 3. Feb 2007 (CET)

Hest recht, 0 % is nich so dull. Schall ik dat nu beter runnen, dat denn korrekt dorsteiht (0,05 % oder so) oder schall ik't bi so lütte Tallen ganz weglaten? --::Slomox:: >< 14:35, 3. Feb 2007 (CET)

Weet nich recht. Runnen is ne Möglichkeit, wenn dat nich mehr as twee Stellen na'n Komma warrt. --Iwoelbern 16:01, 3. Feb 2007 (CET)

Ik heff't nu so ännert, dat op twee Stellen achter't Komma runnt warrt un blots bi Null Lüüd warrt dat utlaten. --::Slomox:: >< 17:06, 3. Feb 2007 (CET)

Sütt beter ut so. --Iwoelbern 17:21, 3. Feb 2007 (CET)

Twee Stellen na dat Komma is toveel. So nipp un nau kann keen Minsch so vele Lüüd tellen. Een Tall na dat Komma is noog. HeikoEvermann 19:38, 3. Feb 2007 (CET)

Aver wat, wenn dor 0,04 % pazifistische Eilanner sünd? Schall ik denn doch wedder 0,0 % schrieven, schall ik disse Lüüd denn ganz weglaten oder blots bi lütte Tallen twee Stellen? Bi dat Eerste hebbt wi wedder dat Problem, dat dor 0 steiht, bi dat Twete fehlt to'n Sluss Lüüd un bi dat Drüdde sünd de Tallen nich eenheitlich. Mööglich is noch, dat ik allens, wat to lütt is, tohooptell un as Rest angeev. Aver de offizielle Statistik kinnt ja ok al ene Rubrik Annere... --::Slomox:: >< 13:47, 5. Feb 2007 (CET)

[ännern] Gänsefüßchen

För mien Artikels över de Satzteken bruuk ik en Woort för ". In KDE harrn wi al "Göösfööt". Nu hebbt wi dat op uns Nettbreeflist nochmal diskuteert: [6]. Kandidaten sünd ok "Goosfööt", "Zitatteken", "Tüttels" un Goos-/Gööspootjes. Wat nu?

HeikoEvermann 22:32, 11. Jan 2007 (CET)

Vun de Woortmelodie her, de ik dat "Goosfööt" vörtehn... --Iwoelbern 22:47, 11. Jan 2007 (CET)

[ännern] Anlegen vun niege Artikels bloots för anmellte Bruukers

Ik slag vör, dat dat Anleggen vun niege Sieten bloots för annmellte Brukers sien süll. Sarcelles 16:41, 24. Jan 2007 (CET)

Den Vörslag de ik ünnerstütten... --Iwoelbern 17:03, 24. Jan 2007 (CET)

Ik heff mal tellt: vun de Ne’en Sieden sünd vun de 327 toletzt nee anleggten Artikels 20 vun Brukers ünner IP. Aver bi 17 is to marken, dat dat bekannte Brukers sünd, de blots nich anmellt weren. Blievt ganze 3 gode Artikels, de in’n letzten Maand vun Brukers ünner IP stammt. In’t Lösch-Logbook tell ik 31 Artikels vun Brukers ünner IP, de in de sülve Tiet wegsmeten worrn sünd. Dat is kene gode Bilanz för IPs. Op de anner Siet: een Artikel jeden Dag mit Tüdelkraam is gau weglöscht. Groot Gefohr dör Brukers ünner IP is nich dor.

Aver een kann nu ok wedder seggen: ’Keen würklich an Mitarbeit op de plattdüütsche Wikipedia intresseert is, de maakt dat bewusst, hett wohrschienlich al op annere Wikipedias mitmaakt un mellt sik ok an. Dat nu een dör Tofall de plattdüütsche Wikipedia finnt, eenfach ut Spaaß as IP en Artikel schrifft un dor Gefallen an finnt un denn en düchdigen Mitarbeiter warrt, dat is nu weniger wohrschienlich. Op de anner Siet: Dat is nich so wohrschienlich, aver dor bruukt blots een enkelten Bruker to wesen, de ünner IP nich schrieven kunn un denn wedder wiederbruust un keen Wikipedia-Schriever warrt un wi hebbt uns villicht üm en poor hunnert Artikels bröcht.

Wat ik seggen will: Ik weet’t ne. Ik bün neetral. Brukers ünner IP sünd nich so slimm, dat wi nu unbedingt wat doon mööt, aver de Bilanz för Brukers ünner IP is ok nich dull. --::Slomox:: >< 18:23, 24. Jan 2007 (CET)

Wenn ünner een IP tweemal Müll schreben wurrn is, sparren. Denn hett man all 'n paar Querdrievers weg. Mit de Rest kummt man villicht woll klor. Eastfrisian 18:34, 24. Jan 2007 (CET)

So eenfach is dat man ok wedder nich, wiel de meisten hüüt dynaamsch IP's hebbt. Dat heet, dat en Bruuker denn jümmers en niege IP hett, wenn he sik nieg inloggen deit. Vundaag weer dat bannig dull mit den Schietkram. Annere Daag is dat woll to verknusen. Mi de dat ok leed, wenn dordör interesseerte niege Schrievers afschreckt warrt. Op de anner’n Siet: Bi so goot as jede annern Webtsteed, bi de man wat aktiv maken kann, mutt een sik ok anmellen. Worüm also nich ok hier? Wer dat aver dorop anleggen deit, de mellt sik ok gau an un maakt Schietkram... Of dat an’n End wat hülpt - ik weet ok nich... --Iwoelbern 18:56, 24. Jan 2007 (CET)

Noch'n Kompromissvörschlag: kann man nich all de blots ünner IP's schrievt vör villicht twee Week oder een Maant sparren (mit een Hennwies up den ganzen Müll)?Oder makt wi dat so as de Holländers. Dor muten sük eerst de Vörschau ankieken, bevör dat spiekert wurd. Ik denk, dat völ Indrääg van Schölers stammen, de eben flink in Ünnericht wat Utfreten - bi de Vörschau düürt da 'n beeten langer. Eastfrisian 14:13, 26. Jan 2007 (CET)

De Vördeel an de IP is, dat de Döösbaddels sülvst den Tüünkraam markeert. Allens, wat vun en IP is, is verdächtig. Wenn wi de denn dorto dwingt, dat se sik anmellt, dann mellt de sik an un dat optorümen is dann noch mehr Arbeid. Keen as IP Mist maakt, den warrt sien IP sparrt. Ik finn, wi schullt dor nix an ännern. HeikoEvermann 22:14, 29. Jan 2007 (CET)

Dat is en goot Argument... --Iwoelbern 22:51, 29. Jan 2007 (CET)

[ännern] cool

Das ist voll ja hier nen crasses Produkt ;-), gibts das denn auch in Pott-Deutsch (ruhrgebiet) ?

Ich glaube du missverstehst den Sinn des ganzen. Es geht hier nicht um Witzigkeit oder dergleichen, sondern um das Anbieten einer seriösen Enzyklopädie. Daher ist es extrem unwahrscheinlich, dass eine Wikipedia im umgangssprachlichen standardfernen. aber hochdeutschen Soziolekt des Ruhrpotts angelegt wird. Für die Dialekte des Ruhrgebiets stehen dagegen die ripuarische sowie limburgische Wikipedia und für den westfälischen Teil eben dieses Wiki bereit. Das eigentlich im Ruhrgebiet weitestverbreitete Niederrheinische hat kein eigenes Wiki.

Trotzdem schön dass es dir gefällt, auch wenn du es nicht sprichst. --::Slomox:: >< 18:13, 29. Jan 2007 (CET)

[ännern] 4000

Wi hebbt nu 4000 Artikels tohoop! Dat is doch al wat. --::Slomox:: >< 20:24, 1. Feb 2007 (CET)

[ännern] Listen mit Städer

Städer in Paraguay un disse Soort Artikels, wat schall dor vun warrn? Echte Artikels sünd dat jo nich... De mag ik nich all eenfach so stahn laten. Dree Ideen heff ik, wat seggt ji dor to:

1. De Listen in de Artikels to de Länner mit rinschrieven.
2. All Artikels op de List blau maken un denn de List as redundant mit de Kategorien wegsmieten.
3. Eenfach weglöschen un weg is't.

Bi 1. hebbt wi disse naakten Listen weg ahn dat wi dor Infos bi verliert. 2. is noch beter, wi gewinnt ganz veel Artikels. Aver dat is Arbeit för, ik will gor nich weten wo lang. Dat 3. is temlich radekal, aver wat helpt so'n List denn? Lange List mit rode Lenken. Good, de Leser kriggt de binäre Info: Jo, 'n Stadt mit so'n Naam gifft dat in dit Land oder Nee, de Stadt gifft't nich, aver dat is ok allens, wat dor an Info binnen stickt. Groot Verlust weer dat nich. --::Slomox:: >< 17:12, 6. Feb 2007 (CET)

Hebb ik ok al mol över nadacht... Fangt wi doch mol dormit an, wo wi henwüllt: In'n besten Fall ist de WP:nds vullstännig (wat natürlich 'n Leevdag nich de Fall wesen warrt), denn wüllt wi Artikels över alle Städer hebben. Dormit is de tweete Weg al mol en goten Anfang. En List hett aver gegenöver de Kategorien jümmers den Vördeel, dat ok Städer opföhrt sünd, de noch keen Artikel hebbt. Denn kann man licht sehen, wat noch to doon is un warrt ok nix vergeten. Vun 3. hool ik dorüm nich so veel. 1. is ok nicht recht dat Wohre, wenn't üm Vullstännigkeit geiht. Dorvör gifft dat denn wedder to veel Städer. In'n de Lännerartikels weer ik blots de wichtigsten rinschrieven.

Aver hest natürlich recht, dat disse Listen nich schöön utseht un ok nich recht wat utseggt. Wenn'n nu de Artikels al anleggt hett, künn de List woll weg. Aver nu vör all Städer Stubbens antoleggen hool ik ok nich för sinnvull. Dor hett een jüst so wenig vun as vun de List... --Iwoelbern 17:58, 6. Feb 2007 (CET)

Un denn is noch de Fraag: Wat is denn överhaupt ene Stadt? In Däänmark heet Stadt by un dat is allens, wat mehr as 200 Inwahners hett... Sweden hett den Utdruck stad offiziell afschafft. De Engelschen hebbt den Ünnerscheed twischen towns un cities, de aver ok överall anners defineert sünd. Tominnst wenn wi de offiziellen Definitschonen bruken wüllt, denn warrt dat heel ünnerscheedliche Listen. Wi köönt ok de Definitschoon ut de Ümgangsspraak bruken, aver dat warrt ok nich veel eenfacher. --::Slomox:: >< 18:58, 6. Feb 2007 (CET)

Stimmt woll... Woans is dat denn gemeen dacht? OP WP:de is jo Konsens, dat jede Oort, wo Minschen leevt, ok en Artikel hebben kann/schall/dröff. Wüllt wi dat hier ok so maken? Denn warrt dat so oder so to veel för en List. En blote Optellen as dat nu in de Listen is, bruukt an sik nümms. Wenn dor noch 'n beten Text dorto keem oder Daten (Inwahners, Flach, Johr vun'd Grünnen...) denn harr dat mehr Sinn. Aver ik glööv nich recht, dat dorbi wat rutkummt...

Wenn wi de Listen behoolen wüllt, denn mött wi uns wohrschinelich sülvst wat överleggen, wat rinkummt un wat nich. An eenfachsten geiht dat woll över die Inwahnertall. --Iwoelbern 19:17, 6. Feb 2007 (CET)

Do mot'n denn aber ok noch kieken, in wat för een Land de Stadt liggt. In Niger to'n Bispeel is een Oort mit seggt wie 5.000 Inwahners villicht mehr wichtig as een Stadt mit 10.00 Inwahners in USA oder China. Eastfrisian 19:28, 6. Feb 2007 (CET)

Ik hebb mi dat mal op Ingelsch (en:List_of_cities_in_Australia) un Hoochdüütsch (de:Liste_der_Städte_in_Australien) ankeken. Op Ingelsch is dat ok nich so dull, aber op Hoochdüütsch is dat 'n smucke Tabell, nich bloots de Städer man ok de Inwahnertall un allens na Inwahners sorteert. Dat is gau un licht to importeren un ik denk, dat is smucker as 'n Kategorie. Un 'n Kategorei helpt ja ok nich, so lang as de Städerartikels noch nich dor sünd. Leddige Indrääg gifft dat in 'n Kategorie ja nich. Ik denk mi, wi könnt de Listen behollen. HeikoEvermann 21:09, 6. Feb 2007 (CET)

Ik hebb mi mal de eerste List vörnahmen: Städer in Afghanistan un hebb dat ut :de översett. Ik denk mi,

• dat süht nett ut
• dor is mehr binnen as in en Kategorie
• düsse Listen sünd op :de alltosamen schmuck formateert un sünd licht to koperen. Bi de mehrsten Länner is ja nix an de Naams to ännern. För afghaansche Öörd hebbt wi ja keen egen plattdüütsche Naams.

Wat meent ji dorto? Wullt wi de all so maken? HeikoEvermann 23:28, 11. Feb 2007 (CET)

Dor weer ik tostimmen... --Iwoelbern 23:51, 11. Feb 2007 (CET)

Jo, dat sütt woll ut. Eastfrisian 06:35, 12. Feb 2007 (CET)

Jo, maakt wi dat so. Aver de Farven, Gröön und Orangsch, dat schöölt wi villicht nich mit övernehmen... --::Slomox:: >< 12:21, 12. Feb 2007 (CET)

Kannst Di geern annere Klören utsöken. Man mit Klöör süht dat beter ut. Un wichtig is ok, dat wi nich to veel ännert. Denn köönt wi dat af un an wedder nieg ut :de övernehmen. 85.182.132.130 13:17, 12. Feb 2007 (CET)

Ik heff dat bi Städer in Afghanistan nu mal daan. De eerste Reeg heff ik as Caption maakt un den twete as Koppreeg. Vörher weren dat ja all beid Inholtsregen. Is dorbi ok wat körter worrn, de Stil-Anwiesungen sünd to'n groten Deel rutfullen. Geiht dat so? --::Slomox:: >< 15:56, 18. Feb 2007 (CET)

[ännern] Zombies!

Ik heff en lütt Problem mit en poor undode Artikels. Köönt ji den Artikel Baldwin County (Alabama) to'n Bispeel sehn? Wenn ik Alabama ankieken do, denn seh ik dor en roden Lenk (en ganze Reeg rode Lenken all to undode Artikels). Wenn ik den Naam in de Adressreeg ingeev, denn krieg ik den Artikel nich to sehn. Aver wenn ik em noch wedder afspiekern will, denn seggt he mi, dat dat den Artikel doch al gifft. Un dor kann ik em denn ok sehn! Un allens Cache lerrig maken helpt ok nix. Is dat blots bi mi? --::Slomox:: >< 00:38, 18. Feb 2007 (CET)

Ja, dat is ganz eenfach to verkloren: Alabama wiest op "Baldwin County" as Baldwin County (Alabama), blots der Artikel is as Baldwin County anleggt. Dat mit Baldwin County (Alabama) is richtig, so ein County gifft dat ok in Georgia un Baldwin County

mutt as "mehrdüdig Begreep" anleggt warrn. Wenn Du dat richtig maakst, dann löppt allens. HeikoEvermann 11:29, 18. Feb 2007 (CET)

*An de Steern hau* Oh mann. Op de Idee bün ik nich kamen, ik harr blots markt, dat de Servers to de Tiet en beten hakelt hebbt un dor bün ik gor nich mehr op de Idee kamen, dat ik Schuld heff ;-) Jo, dat Problem is, dat mien Skript de Countys de Reeg na dörgeiht un een na'n annern anleggt. Bi en poor gifft dat denn 'n Problem (dat to'n Bispeel de Websteed vun'n US-Zensus nich antert) un denn warrt de County utlaten. Denn heff ik en beten afwannelten Skript maakt, bi den ik den County direkt angeven kann. Dorbi heff ik blots den Fehler maakt, dat he nich de ganze List vun Countys inleest un dorüm markt de twete Skript nich, wenn dor en Konflikt bi'n Naam is. --::Slomox:: >< 15:25, 18. Feb 2007 (CET)

[ännern] fiktive Personen

Op de hoochdüütsche Wikipedia is dat verbaden, Artikels to fiktive Personen antoleggen. De köönt bloots tosamen in Sammelartikels ween: de:Personen_im_Star-Trek-Universum. Op :en gifft dat ok en:Spock. Ik denk mi, hier in de plattdüütsche Wikipedia köönt wi ok över Spock oder Jack Bauer en egen Artikel hebben, tominnst, wenn dat en Hööftperson ut en Book oder Film is. För uns Artikeltall is dat ok goot. Denkt ji ok so? HeikoEvermann 11:31, 18. Feb 2007 (CET)

För de Artikeltall good wesen schall dat woll, aver dat alleen schall keen Argument wesen. Un op de: sünd disse Artikels nich verbaden, se sünd blots nich för all Personen verlööft. Impact on popular culture is wichtig. Spock to'n Bispeel is en Prototyp för de Popkultur un Science-Fiction. Spock kennt ok ganz veel Lüüd, de noch nienich Star Trek keken hebbt, de kann en Artikel kriegen. Jack Bauer is buten de Serie 24 kuum bekannt un schall beter keen egen Artikel kriegen. Artikels för Data sien Katt un Käptn Archer sien Hund will ik hier nich hebben ;-) --::Slomox:: >< 15:37, 18. Feb 2007 (CET)

Man 24, dat is bekannt. Un kiek mal en:Jack_Bauer un de Interwikilenken. Dat gifft 12 Wikipedias, de Jack Bauer för so relevant hollen deit, dat dat en egen Artikel över em gifft. Woso nich ok op nds? HeikoEvermann 17:41, 18. Feb 2007 (CET)

He is nich bekannt buten dat 24-Universum un de 24-Fangemeenschop. To'n Bispeel bruukst du nich de Sesamstraat kieken, dat du dat Krümelmonster kennst, dat Krümelmonster is ok buten de Serie bekannt. Bi Bauer is dat anners, 'keen vun de Serie noch nix höört hett, kennt em nich. Un du kannst den Artikel ok blots ut de Binnenperspektiv schrieven. Du kannst schrieven, wat Jack Bauer in de Serie is, aver ene Enzyklopädie schall schrieven, wat he in de reale Welt is. To'n Bispeel, woans he sik op de Popkultur utwarkt hett. Wenn in annere Serien (oder ans in de reale Welt) op em anspeelt warrt, denn sprickt dat för reale Relevanz. Dat seh ik bi Jack Bauer nich. --::Slomox:: >< 18:51, 18. Feb 2007 (CET)

To dat Thema good för de Artikeltall noch wat: ik heff graad in meta:List of Wikipedias en beten smökert un mi is opfullen, dat Cebuano (ceb) mit unbannig wenig Edits (63.471) bannig veel Artikels (32.512) hett. Bi en beten Tofallsartikel ankieken markt een dat aver glieks: Se hebbt en Bot för franzöösche Gemenen ansmeten. Material för 36.000 Artikels. Wenn een Lust hett, sowat för Platt to maken ;-) --::Slomox:: >< 02:29, 21. Feb 2007 (CET)

Hm, dat is ja wohl nix. Dien County-Artikels, de süht ja vullständig ut. Dor gifft dat richtig wat to lesen. Man de Frankriek-Artikels ob ceb sünd ja blots Stubben: ceb:Jaleyrac: Jaleyrac is en franzöösche Gemeen. Denn kummt een Satz, den ik nich verstah un denn kummt: höört to dat Department xy in de Region z. Allens noch mit en lütte Infobox mit Naam, Departement, Region, Koordinaten un Inwahnerdicht. Dat is mi to wenig. HeikoEvermann 18:19, 21. Feb 2007 (CET)

Nee, dat " ;-) " schull ok heten, dat ik dat in disse Form (Box + een Satz) nich good finn (is villicht nich klook, wenn een sowat indirekt schrifft, bi sprakene Spraak un wenn de annere vör di steiht, denn is dat lichter to marken, wenn ik en beten plieröög, een Oog tokniep oder em kort anstups... ;-) Wenn een Lust hett, sowat för Platt to maken, denn schall he schon kieken, wat he nich noch en beten mehr Infos as blots de Infobox-Daten sammelt. --::Slomox:: >< 19:25, 21. Feb 2007 (CET)

Ik wull geern noch mol wat to dat oorsprünglich Thema wat seggen... To’n Eenen denk ik ok, dat nich jede Figur ok en Artikel bruukt oder hebben schall, to’n Annern aver denk ik, dat dat an sik nich so ganz de Sinn vun en Nakieksel is, wenn blots de Figuren en Artikel hebbt, de sowieso al begäng sünd. Wenn een den Naam Spot opschnappen deit un nich weet, wokeen dat is, worüm schall he denn nich hier wat finnen künnen? Vun’n Prinzip her meen ik – de Fraag blifft natürlich, of dat an’n End ok noog to weten gifft över Data sien Katt, wat en egen Artikel sinnvull maakt. Blifft swor to seggen, woneer en Figur en Artikel verdeent... --Iwoelbern 19:52, 21. Feb 2007 (CET)

Jo, aver ene Enzyklopädie kann blots över dat Schrieven, wat begäng un wichtig is. Ik kann ok enen Artikel över miene Katt schrieven, kann ok passeren, dat een den Naam Muschi in en Gesprääk opsnappt un weten will, 'keen miene Muschi is ;-) Bedüden för de Welt is nödig. Spock harr Influss op de Popkultur in de Welt, gifft vele popkulturelle Referenzen op em. Spot harr kenen Influss. Muschi ok nich. Nu kann'n dor över strieden, woveel Referenzen nödig sünd, dat en Saak för de Popkultur wichtig is. Een is keen, segg ik, denn dat geiht to gau. Teihn schöölt dat woll wesen, bün ik vun Menen. --::Slomox:: >< 20:24, 21. Feb 2007 (CET)

[ännern] Lütten Lenk

Ischa egens keen Forum hier, aver ik will doch mal en Lenk posten: Ji kinnt ja bestimmt de Werbung för de Analphabeten-Help? mal hier den lütten Film ankieken ;-) --::Slomox:: >< 04:15, 8. Mär 2007 (CET)

[ännern] Vörlagen-Helper

Op de: gifft dat en ne’en Helper, de bi dat Utfüllen vun Vörlagen helpt. Steiht ünner de:Benutzer:Revvar/VM. De nimmt en XML vun de Vörlagensiet un maakt dor mit Javascript en Formular vun. Dor kannst denn den ganzen Kraam indragen un du hest ok glieks Tipps dorto, wat in de enkelten Feller stahn schall. Schöölt ji man ropkieken un denn seggen, ob wi dat ok hebben wüllt, villicht ok in'n Standard-Javascript för all Brukers. --::Slomox:: >< 17:36, 14. Mär 2007 (CET)

[ännern] Mittagsruhe

Wie heißt es richtig: "Tönne is an None maken.", oder "Tönne is am None maken."?

Ist vielleicht auch falsch geschrieben?!? Danke im voraus...

• Dat kenn ik nich. Bi uns to Huus seggt wi: "Ik maak Middagsstünn" oder "Ik maak Foffteihn" - wobi Foffteihn aver faken ok för’n Fieravend bruukt warrt. --Iwoelbern 16:48, 12. Apr 2007 (CEST)

Bi uns heet dat ok Tönne maakt Middagstünn. Aver de Fraag weer en grammatikaalsche: an oder am, nich? Dat m bi'n Dativ weer woll noch in dat 19. Johrhunnert begäng (Wenker-Atlas), aver hüüt warrt meist blot noch an oder an'n seggt (so kenn ik dat jedenfalls). Bi dat konkrete Bispeel kummt aver ok noch Tönne is an't None maken. in Fraag. Dat kummt ok en beten op den Dialekt an. --::Slomox:: >< 15:09, 13. Apr 2007 (CEST)

bi uns in Ossenbrügge seggt wi None maken. Ob dat am of an heet, weet ik nich.

--Hans 16:27, 22. Aug 2007 (CEST)

[ännern] Antwerpen, Venedig, fehlende (Niege ) Hanse

Dat gifft noch keene Artikels över Antwerpen, Venedig un wecke Öörd in de (Niege) Hanse. Sarcelles 14:39, 15. Apr 2007 (CEST)

Een hebbt wi nu. Nu is de nächste dran. 'Keen maakt Venedig? (Venedig is in de Hanse wesen?) --::Slomox:: >< 15:21, 16. Apr 2007 (CEST)

Venedig weer in de Niege Hanse un Lissabon ook. Tiel, Venlo, Arnhem en Nijmegen sünd in de hollandsche Wikipedia in de Categorie:Hanzestad.

Sarcelles 18:38, 24. Apr 2007 (CEST)

Gifft dat den Naam Antwarp al oder hest du den utdacht ?

Sarcelles 17:56, 25. Apr 2007 (CEST)

Ik bidd di, utdacht. Ik do mi dat nich utdinken, nich bi Städer ;-) Dat nedersaksische Wiki hett dat jüstso: nds-nl:Antwaarp. Maakt ja ok Sinn, de Affall vun -en is ja keen grote Saak, hebbt de Engelschen mit Antwerp ok un gifft dat in vele Wöör (Nack/Nacken, Rügg/Rüggen etc.). Un de Luudwessel vun -er[Konsonant] na -ar[Konsonant] is ja ok en Regel in grote Delen vun Plattdüütschland (Barg, Warft etc.) --::Slomox:: >< 18:51, 25. Apr 2007 (CEST)

[ännern] Bot

Ik plaan mit den ArtikelBot nu, de düütschen Gemenen to maken. Ik bün noch nich so wied, aver wenn ik denn so wied bün, denn fang ik mit den Süden an. Dor is dat nämlich lichter, vunwegen, dat ik in'n Noorden ok all de richtigen plattdüütschen Naams bruuk. In'n Süden kann ik ja de hoochdüütschen nehmen. Dor heff ik nu en Fraag, schöölt in de Artikels Navigatschoonsliesten mit rin? Bi Noorddüütschland harr ik dat betherto so maakt, dat all de annern Gemenen in'n Kreis bi de Gemeen mit nöömt warrt. Dat maakt Sinn, denn de plattdüütschen Naams weet nich all Lüüd un de sünd swoor ruttokriegen oder köönt verscheden schreven warrn. Dorüm helpt dat bi dat Finnen vun Infos. Dat Problem hett de Süden nich. Dor kann een den Naam licht ingeven. Navigatschoonsliesten also rutlaten?

Wenn ji gode Informatschoonsquellen weten doot, denn schrievt de hier man to. Ik heff bet nu en Standard-Bot trech, also so een, de de Infobox un een Satz maakt. Dat kann he. Dat reckt mi aver nich. Dor schall ok „Mehrweert“ bi wesen. De annern Bots, de ik nu lopen harr, de hebbt ok jümmer Infos hatt, de in annere Wikipedias so nich to finnen weren. Dat schall nu ok so warrn. Also, wenn ji wat weet, denn man her dormit. Wichtig is, dat de Infos opbest för all Gemenen in Düütschland (oder tominnst för een Bundsland) to finnen sünd un dat de automaatsch ut de Siet uttolesen sünd. --::Slomox:: >< 19:51, 19. Apr 2007 (CEST)

Ik weer de Navi's ruhig mit rindoon. De neemt nich veel Platz wech un künnt ok so mol ganz goot helpen, wenn een jüst wat söcht un nich weet wo nipp un nau... --Iwoelbern 20:11, 19. Apr 2007 (CEST)

[ännern] Wikiborn

Ik heff nu en ne'en Anloop nahmen, dat wi en Wikiborn kriegt. De ole Anfraag, dat hett sik nu rutstellt, kann nich afslaten warrn, de Döösbaddels op oldwikisource: hebbt sik jo nich so recht üm dat Afarbeiden kümmert un middewiels gifft dat en extra Komitee för ne'e Projekte un de Lüüd bi Wikisource dröfft de Anfragen gor nich mehr afarbeiden.

Ji schöölt man nu all op de Siet meta:Requests_for_new_languages/Wikisource_Low_Saxon#Low_Saxon_Wikisource joon Naam (op Meta anmellt) ünner "community = " mit indregen. Also achter "Slomox (NP)" schrievt ji

[[User:MienNaam|]] ('''N''')

Wenn ji Argumente för dat Projekt hebbt, denn ünner "Arguments in favour" indregen. Ik haap, dat dor en poor Lüüd mitmaakt. Wichtig is denn ok, dat en poor Lüüd op Wikisource Texte instellt oder bearbeiden doot. Dat dat Spraak-Komitee süht, dat dor Lüüd achterstickt, de sik för dat Projekt intresseert.

Denn schall dat woll klappen. --::Slomox:: >< 17:47, 21. Apr 2007 (CEST)

Ik heff nu ok wat dorto schreven. HeikoEvermann 20:09, 23. Apr 2007 (CEST)

Wo hest du wat schreven? --::Slomox:: >< 20:50, 23. Apr 2007 (CEST)

Also, indragen hebb ik mi dor, ik denk ok dat is good, aber ganz ehrlich, ik wet gar nich, wat ik dor överhoopt maken sall/kann. Dat kann also wesen, dat ik dor gar nich to to gebruken bin. Ik weet to'n Bispeel nich mal wat Wikisource un Wikiborn is. Also, verwacht van mi dor nicht to völ. Eastfrisian 21:00, 23. Apr 2007 (CEST)

de:Wikisource sammelt Text. Also wat nich vun Brukers schreven is, sünnern ut de Literatur vun de Spraak. Dat köönt plattdüütsche Romans wesen (hett Oostfreesland egentlich ok en groten Dichter, so as Groth för Holsteen oder Reuter för Mekelborg?), ole Hanseoorkunnen oder annere middelnedderdüütsche Verdrääg, ooltsassischen Kraam, Volksleder un all so'n Schiet. Mutt natürlich allens so oolt wesen, dat dat free is.

Opgaven för de Brukers sünd to'n Bispeel: Dat Rutsöken vun Text bi de Bibliotheken, wat de villicht al digital maakt hebbt, Scannen vun Text, OCR oder bi öller Text Aftippen, den ganzen Schiet korrekturlesen un so wieder. --::Slomox:: >< 21:22, 23. Apr 2007 (CEST)

Ach, kiek an, da harr ik wat schreven un bi't Sekern harr de Server mi vertellt, dat dor 'n Problem weer un ik harr dat nich sehn. Nu is mien Text dor. HeikoEvermann 22:29, 23. Apr 2007 (CEST)

[ännern] Spezial:Withoutinterwiki

Nadem ik eenmal mit Spezial:Withoutinterwiki dör bün, kann ik vermellen: Wi hebbt op nds nu 264 Artikels, de dat narms anners gifft. Is doch ok wat. --::Slomox:: >< 20:53, 23. Apr 2007 (CEST)

So wat as Bülgenlehr un Bushido? Dor mutt wi wohl mal wat för de Interwikilenks doon. HeikoEvermann 20:07, 25. Apr 2007 (CEST)

Opmal sünd dor welk wedder nee opdükert. Sünd jo wedder över 300... Jo, Bushido stimmt nich, aver Bülgenlehr heff ik keen annern Artikel to funnen. De hebbt dat all bi Bülg glieks mit bi. --::Slomox:: >< 20:14, 25. Apr 2007 (CEST)

Ik bün nu noch wedder dörgahn. Weer ditmal en beten dröger as dat eerste Maal, jümmer blot MB-Sieden. Wenn de Siet wedder opfrischt warrt, warrt wi sehn, woveel Sieden överbleven warrt (nu woll mit MBs).--::Slomox:: >< 21:09, 26. Apr 2007 (CEST)

[ännern] Spraken Wikipedia

Op Wikipedia Diskuschoon:Hööftsiet#Platt als gesprochene Wikipedia keem de Fraag (al de twete Fraag, wenn ik genau wesen will), wat wi nich ok en spraken Wikipedia maken köönt (so as de Hoochdüütschen dat ok hebbt). Ik dink, de Idee is nich verkehrt. Graad för Lüüd, de Plattdüütsch nich snackt, aver dat lehren wüllt, is dat 'n gode Idee. Aver ok för Lüüd, de Platt al jümmer snacken kunnen, is dat ja ok nich verkehrt. Den Sass bruukt wi dor denn ok nich mehr ;-)

Nu mutt ik togeven, dat miene Mikrofonität meist jüst so slecht is as miene Fotogenität. Villicht wull ik mi ok mal versöken, wenn dor noch anner Lüüd mitmaakt, aver en Rädelsföhrer warr ik bi so'n Wikiprojekt bestimmt nich. Wat is mit de annern? Troot sik een vun jo to, Artikels optonehmen? --::Slomox:: >< 16:30, 30. Apr 2007 (CEST)

En slechte Idee is dat bestimmt nich, ok wenn ik to bedenken geev, dat de Utspraak wömööglich noch ünnerscheedlicher is vun Dörp to Dörp, as wi dat vun de Schrievwies al kennt. Woans ok jümmers, bi mi sütt dat mit de nödig Redschoppen för so'n Opnehmen teemlich mau ut. --Iwoelbern 16:42, 30. Apr 2007 (CEST)

Ik meen, dat is en tämlich gode Idee. Wat de Ünnerscheden in'e Utspraak angeiht, bün ik nich bange. To'n eersten is dat interessant, de annern Dialekten to hören un to'n annern harrn wi denn, neven de plattdüütsche Schriftspraak - un de sütt ja jümmers en beten künstlich ut- de verscheden Utspraken un dor denn sotoseggen de lokale Farv mit bi. Man mit de Technik weet ik ok nich fudder. Wenn ik wedder en beten mehr Tiet hebb, fraag ik mien Söhn mol...---Bolingbroke 10:33, 2. Mai 2007 (CEST)

[ännern] Commons in de Kategorien?

Moin Lüüd,

Bruker:GeorgHH wull in de Kategorie op Commons verlenken un ik harr dat wdder torüchsett, wiel ik de Ansicht bün, dat wi de Commons dor nich bruukt. Kategorien sünd jo man blots en Artikelöversicht. Pp de annern Siet stört de Lenk dor aver ok nich. Dorüm harr ik geern mol höört, wat ji dorto meent... --Iwoelbern 11:02, 1. Jun 2007 (CEST)

Ik bin dor eher tegen. Hett aber woll ok dormit to dohn, dat ik mit Commons nich veel anfangen kann. -Eastfrisian 15:38, 1. Jun 2007 (CEST)

Ik glööv ok nich, dat dat in Kategorien nödig deit. Artikels reckt. --::Slomox:: >< 16:20, 1. Jun 2007 (CEST)

[ännern] TLD

Hebbt ji wusst, dat de Katalanen 2005 en egen TLD (Top Level Domain, alsosowat as .de oder .org) kregen hebbt? .cat. Dat is de eerste TLD, de nich na Staten oder för bestimmte Institutschonen inricht worrn is, man för en bestimmte Spraak un Kultur. Gifft ok al Vörslääg för .sco (Schottsch), .cym (Cymraeg, Walisisch), .gal (Galizisch) oder .naa för de amerikaanschen Indianers. Dor mutt een doch glieks an .nds dinken, oder etwa nich? ;-) Wat för Galizisch geiht, geit ok för Plattdüütsch. Wat hebbt ji so för Gedanken to dat Thema (mal ganz allgemeen fraagt)? --::Slomox:: >< 16:20, 1. Jun 2007 (CEST)

Dat weer mol wat, wenn Plattdüütsch en egen TLD kriegen de. Op dat nödig deit weet ik nu ok nich, wiel dat jo toeerst mal üm dat Verwalten geiht, man slecht is dat so oder so nich, wenn man an de Adress al sehn künn, wat vun Spraak op een to kummt. --Iwoelbern 16:46, 1. Jun 2007 (CEST)

De Katalanen hebbt en regionale Autonomie. Un na de:Top-Level-Domain gifft dat keen Domains för en Kultur. Is nich schöön, is aber so. HeikoEvermann 17:10, 1. Jun 2007 (CEST)

Registration policy: The .cat TLD is intended to serve the needs of the Catalan Linguistic and Cultural Community on the Internet (the “Community”).

The Community consists of those who use the Catalan language for their online communications, and/or promote the different aspects of Catalan culture online, and/or want to specifically address their online communications to that Community.

[7]: .cat TLD is a generic domain, that is, not defined in terms of a terrirory like the ccTLDs.

Spraak un Kultur steiht dor ganz kloor. Territorium is keen Kriterium. Ans harr de Domään ok blot twee Bookstaven hatt. Vun dorher geiht ok Platt.

Un för Iwoelbern, to de Fraag, wo dat för bruukt warrt, wat dat nödig deit, is ja blot vun wegen dat Verwalten, dat mission statement vun .sco:

"Because the Scots language and culture is a community that we believe should be identified with its own domain on the internet. Under a .SCO domain those organisations, companies and people that express themselves in the Scots language and/or wish to encourage Scots culture will be able to be registered and will be clearly identifiable."

will be clearly identifiable. Dat sichtbor warrn, dat is de Punkt bi de Saak. Oder dink an Google. Wenn ik wat to Platt söken do un dat is keen Woort, wat dat blot op Platt un ans narms gifft, denn geiht allens ünner in de engelschen, hoochdüütschen etc. Sieden. Ik help mi denn dormit, dat ik Plattdüütsch achter dat söchte Woort achter schrieven do. Denn warrt dat faken beter, faken aver ok nich. Un en anner Problem is, dat ik denn plattdüütsche Sieden, op de dat Woort Plattdüütsch nich steiht, oder de nich Plattdüütsch schrieven doot, man Plattdütsch, Platt, platduits, Oostfreesk oder wat weet ik, dat ik disse Sieden nich finnen kann. Nu stell di vör, ik kann site:.nds schrieven! --::Slomox:: >< 17:52, 1. Jun 2007 (CEST)

ICANN plaant för 2008 wedder en poor nee gTLDs totolaten: [8]. Anfang 2008 fangt de ne'e application round an un in'n Sommer 2008 warrt de gTLDs inricht. De letzten Runnen weren 2004/2005 mit .cat un 2000. --::Slomox:: >< 19:19, 1. Jun 2007 (CEST)

En Deel vun'n Koalitschoonsverdrag vun de ne'e Regeren in Wales twischen de Labour Party un Plaid Cymru is, dat se sik för de .cym-Domään insetten wöölt, seggt Eurolang: [9]. --::Slomox:: >< 16:26, 7. Jul 2007 (CEST)

Wat brukt ward, för en TLD to krigen:

• En Organisatschoon, wat sech för de Domain insetten ward, un'n Delegatschoon fun de iana för de Domain hebben schall, un de domain-policy opsetten schall, un so wat. Disse Lobby-Organisatchoon gifft aber noch nich. Di mutt dann med de ICANN schnaken.
• En Organisatschoon, wat för de Domain de Registratschoon för Subdomains makt. Gift och noch nich, klar.
• En Organisatschoon met Servers, wo de Domain-root för de TLD ünnerbracht is. Da gift poor, di dat maken kann. Een sit en Hamborch.

Wann dat tosamen to kregen realistisch is, mak ik do mit. Schrievt wat Je dorto te seggen hebbt. --Purodha Blissenbach 18:24, 27. Jan. 2008 (CET)

[ännern] Narichten

Dor hett jüst een op de hoochdüütsche Wikipedia bi de:Bad Bederkesa indragen, dat dor nu plattdüütsche Oortsschiller mit den Naam Beers opstellt sünd. Ik wull dor mehr to lesen (un dat natürlich ok verifizieren) un heff bi Google söcht. Un nix funnen. Ik heff denn later doch noch wat funnen (weer al 2005 mit de Scnadem ik dat plattdüütsche Woort Beers ut de Söökanfraag rutlaten heff, aver toeerst heff ik mi argert. Un dor is mi Wikinews infullen. Dat sünd doch de perfekten Narichten för en plattdüütsch Wikinews: Oortsschiller in twee Spraken opstellt, Landkreis Horborg fiert Plattdüütsch-Maand, Plattdüütsch Film warrt op de Filmfestspelen in Cannes uttekent un all sowat, wat in de normalen Medien ünnergeiht, aver för Plattintresseerte intressante Narichten sünd. Dat gifft al welk Sieden in't Internett, de wat in de Oort maakt, Plattnet un INS hebbt jemehr Newsletters un denn gifft dat ut Oostfreesland ene Siet, de Narichten op Platt un Hooch ut de Region bringt, blot de Adress fallt mi nu jüst nich in. Dat gifft kene groten Medien op Platt. Ik to'n Bispeel kann mit de hoochdüütschen Wikinews nix anfangen. De sünd nich good un intressant noog, de Groten sünd eenfach beter. Aver op Platt? Dor dee Wikinews doch 'n echte Lücke füllen. Nu weet ik, wi hebbt al so nich noog Lüüd, de sik üm Wikipedia, Wiktionary un all de annern Saken kümmert, Wikinews mutt ja ok jümmer wedder wat Nees bringen, ans helpt dat nüms. Dorüm mutt op jeden Fall, bevör sowat anfungen warrt, vörher bi de Lüüd, vun de ik eben snackt heff, fraagt warrn, wat se dor nich ok Intress an hebbt. Aver en feine Saak weer dat doch. Gedanken dorto? --::Slomox:: >< 17:33, 2. Jun 2007 (CEST)

So recht mit de Wikinews hebb ik dat noch nie nich hatt. Mi dünkt jümmers, för Narichten gifft dat annere Saken, de dat beter maken künnt. Man, vör Plattdüütsche Narichten is dat woll en beten wat anners. Dat is jo doch man en beten mau. En feine Saak weer dat seker, aver ik glööv nich, dat ik mi dorvör Tiet nehmen warr. Dat gifft noch so veel Artikels to schrieven, dat ik dor keen Help in Utsicht stellen do. --Iwoelbern 18:16, 2. Jun 2007 (CEST)

Dat is en swore Fraag. Ik denk mi, dat is en beten to veel Arbeit. Aver för plattdüütsche Narichten över Wikipedia, Oortsschiller usw. weer dat smuck. HeikoEvermann 19:50, 26. Jun 2007 (CEST)

Wat is denn nu mit de plattdüütsche Wikiborn. Kummt dor noch wat? HeikoEvermann 19:51, 26. Jun 2007 (CEST)

Dat dink ik doch. De Möhlen bi dat Language Subcommittee mahlt suutje, aver se mahlt. Dat gifft kene fasten Grenzen, wo lang en Andrag duurn schall, aver mit de Tiet warrt de Andrag den conditionally approved un tolest finally approved (Johannes Rohr maakt dat mehrsttiets). Un denn warrt dat Projekt inricht. Wat tolest approved worrn is, weer vun Anfang April. De Andrag för nds.wikisource is vun Enn April. Ik haap, dat duurt nich mehr lang. --::Slomox:: >< 14:17, 27. Jun 2007 (CEST)

Ik heff mi nu wat överleggt. Villicht is dat en Idee, wenn wi hier op de Wikipedia eerstmal en Portal inrichten doot: Portal:Wikinews. Denn hebbt wi dat dichter bi. En egen Projekt is wied weg. Na Wiktionary kaam ik ok blot all poor Weken oder so langs. Aver wenn dat glieks hier in de Wikipedia is, denn kann'n dor licht mal wat in dat Portal rinschrieven. Ik will man disse Daag en Portal maken. Denn schall dat eerstmal op Test lopen. Denn warrt wi sehn, wat dor vun warrt. --::Slomox:: >< 19:54, 11. Jul 2007 (CEST)

Ik denk, dat is en gode Idee. Noch en anner Wikiprojekt dorför op de Oppasslist to hebben, is toveel. HeikoEvermann 20:18, 11. Jul 2007 (CEST)

[ännern] Plattdüütsche Oortsschiller

Op de Siet vun de Stadt Glinde/Glinn gifft dat en Ümfrag över plattdüütsche Oortsschiller. Maakt doch mol mit. HeikoEvermann 20:27, 3. Jun 2007 (CEST)

Kiek an, de plattdütschen Oortsschiller sünd op den Weg. HeikoEvermann 21:06, 12. Jun 2007 (CEST)

[ännern] Wikimedia Election Notice

If you are able, please translate this notice to as many possible languages and post it anywhere applicable.

The Wikimedia Election Committee is accepting candidates for the 2007 Wikimedia Foundation Board of Trustees election. Please see [10] for more information.

There is still time for a new candidate to be considered for election, and you may now endorse the candidate of your choice (up to 3 candidates) on the endorsements page, [11]. Please read the instructions carefully prior to endorsing. If you can translate the instructions, please do.

If you have any questions, please contact any member of the election committee, who are listed here [12].

Posted on behalf of the Election Committee,
Philippe

[ännern] Naamruum för Listen

Op de hoochdüütsche Wikipedia hebbt se nu jüst vun snackt, dat extra Naamrüüm för Listen un Bildtafeln inricht warrn schullen: [13]. Dor op de: warrt dor doch nix vun, de mööt eerst twee Maand lang Meinungsbild maken, ehrder dor wat bi rutsuurt. Aver wat is mit uns? Wüllt wi sowat hebben? Denn staht de Listen nich mehr bi de richtigen Artikels mit bi. Un dat is lichter, Listen un Bildtafeln anners to gestalten (över CSS).

Wenn ik in mien Lexikon kieken do, denn finn ik dor to'n Bispeel Bildtafeln mit de Flaggen vun de Welt oder to de Drachten ut Düütschland un sone Saken. Mit Artikel hett dat nix to doon, aver informativ is sowat doch. Commons helpt dor ok nich wieder, dat is nich oprüümt noog un kuum to kuntrolleren.

Wenn ji seggt, dat is 'n gode Idee, denn müss dat egentlich recken, mal op Bugzilla antofragen, dat se de Naamrüüm inrichten doot.

Wi mööt blot oppassen, dat wi dat nich to gau maakt, wi staht kort vör de 10.000, nich dat wi röver sünd un denn kort later ahn de Listen wedder veel weniger as 10.000 hebbt. ;-) --::Slomox:: >< 18:13, 26. Jun 2007 (CEST)

Ik bün jo en Fründ vun Listen un Översichten, wenn se Saken vun en groot Themenrebeet tohopenfaten doot un nicht blots eenfach wat optellen doot. Persöönlich heff ik ok keen Problem mit Listen in'n Artikelnaamruum, man an sik weer dat schon sinnvull, wenn man dat oordig splitten de. De meisten Listen sünd an'n End jo wieterföhrend Informatschonen to Saken, de ok en Artikel hebbt. Aver ik fraag mi, worüm man de Listensieten nich eenfach bi de Artikel mittellen deit. Dat is jo ok Weten un nich blots Verwalten oder Dikusschoon.

PS:All'n Idee för den 10.000 Artikel? :-) --Iwoelbern 18:21, 26. Jun 2007 (CEST)

Jo, anners as Diskuschonen, Brukersieden oder Wikipedia-Sieden höört Listen, Tabellen oder Bildtafeln ok to'n Inholt. Portalsieden sünd so'n beten en Middelding. Aver wenn du bi diene Enzyklopädie in'n Klappentext kickst (oder wo sowat stahn mag), denn steiht dor bestimmt ok Enzyklopädie in 241 Bänden. Mit 235.000 Artikeln, 98.000 Abbildungen, sowie 3000 Tabellen und Bildtafeln. Oder so ähnlich. Dat warrt vun echte Nakieksels ok nich allens as Inholt tellt oder tominnst extra tellt.

Nee, noch kene Idee för'n Artikel. Mutt ik mal överleggen, wat mi wat infallen doot. --::Slomox:: >< 18:51, 26. Jun 2007 (CEST)

De Fraag is opletzt, worüm man dat uteneen hollen will. Op WP:de is dat woll so, dat dor veele Bruuker vun’n Grundsatz wat gegen Listen hebbt. Villicht müch man disse Bröder dormit tofreden maken. Villicht hett dat ok dormit to doon, wat Du seggst vun wegen dat Mittellen oder nich mittellen. Man dat is an sik jo Blöödsinn, wiel dat ok veele utlagerte Artikeldeelen gifft, de för sik in en normal Lexikon ok keen egen Lemma harrn. Wiki is nu mol anners as druckte Böker. Also, mi is dat eens. Ik seh dorin keen Vördeel aver ok keen Nadeel. --Iwoelbern 19:11, 26. Jun 2007 (CEST)

Ik denk mi, wi bruukt keen egen Naamsruum för Listen. HeikoEvermann 19:48, 26. Jun 2007 (CEST)

Un worüm nich? --::Slomox:: >< 14:26, 27. Jun 2007 (CEST)

Ik will dat hier nochmal wedder fragen. Ingo is neetral wesen, Heiko hett Nee seggt, aver ok nich so ganz bestimmt. Mi gefallt de Idee noch jümmer.

Mien Vörslag is, dat wi en ne'en Naamruum "Tafel" inrichten doot. Dor hebbt denn Listen, Billergalerien/Bildtafeln un so'n Kraam Platz.

Nich wegen de Artikeltall, wegen dat saubere Trennen vun Artikels un Nichartikels. --::Slomox:: >< 20:01, 8. Dez 2007 (CET)

• Ik seh dat jümmer noch so, as ik dat wieter baven all seggt harr: Ik seh dorin keen Vördeel, wenn dat en egen Naamsruum hett. Sinn maakt dat, wenn du vörhest, mit de Ünnerdelen sünnere Funkschonen bi’t Söken, Sorteeren usw. to verknütten, wat anners nich geiht. Aver wenn dat blots üm’t Splitten vun de Info-Oorden geiht, dücht mi dat unnütze Arbeit. --Iwoelbern 20:09, 8. Dez 2007 (CET)

[ännern] wikipedia.de

ünner http://wikipedia.de/ hebbt se na lange Tiet endlich (siet een Johr schull dat al losgahn) en Portal inricht. Vörher güng dat direkt wieder op de hoochdüütsche Wikipedia. Nu kann een mank Hoochdüütsch un de Minnerheitenspraken in Düütschland utwählen un na Saken söken. Dat se dor een Johr för bruukt hebbt, is dat nu nich besünners dull worrn, ik harr Arne Klempert dor en Vörslag maakt för dat Utsehn vun de sied, schöön mit Text in alle Spraken un nich blot op Hoochdüütsch, aver dat wullen se woll nich. Mehr as een Spraak überfordert die Leute ja, ne. Platt hebbt se ganz vergeten, aver dor heff ik mi al wegen op meta:wikipedia.de mellt. --::Slomox:: >< 14:26, 27. Jun 2007 (CEST)

De Freesche n Wikipedia höört dor nich hin. Dise Wikipedia is op dat Freesch vun de Nedderlannen.

Sarcelles 14:08, 1. Jul 2007 (CEST)

Heff ik jem ok al vertellt, aver dee se nich intresseren. Schriev op wikide-l, wenn du dor wat an ännert hebben wist. De Thread dor heet Wikipedia.de-Relaunch. --::Slomox:: >< 11:44, 2. Jul 2007 (CEST)

[ännern] Wählen gahn

Vundaag in'n Kurier: Englischsprachige Wikipedia dominiert Wikimedia-Wahlen. Na aktuelle Tallen hebbt de Engelschen en Andeel vun 54 % an de Wählers to dat Kuratorium vun Wikimedia. De Plattdüütschen hebbt en Andeel vun düüdlich weniger as 0,1 % mit ene Person, de bet nu wählt hett (dat bün ik ;-) )

Wenn wi uns noch en beten duller in de Politik wiesen wüllt (wenn ji all mitmaken doot, denn kaamt wi op meist 0,2 % vun de Stimmen vun nds ut), denn schöölt man noch en poor Lüüd vun hier wählen (geiht bet to'n 7. Juli). Dat geiht över de Siet Spezial:Boardvote. En Översicht över de Kandidaten giift dat ok: meta:Board elections/2007/Candidates/de. --::Slomox:: >< 14:31, 5. Jul 2007 (CEST)

Mien Computer smitt so'n komischen Sekerheetshinwies rut, wenn ik up Boardvote gah, also laat ik dat. Eastfrisian 20:48, 6. Jul 2007 (CEST)

Dat hett nix to bedüden. Wenn dat wat to bedüden harr, denn harrn seker al allerhand Lüüd Flames op de Mailinglist dallaten. --::Slomox:: >< 13:45, 7. Jul 2007 (CEST)

[ännern] ArtikelBot nedderlandsche Gemenen

Ik heff nu en Skript för den ArtikelBot schreven, de de nedderlandschen Gemenen afarbeiden schall. En Bispeelartikel is Aa en Hunze. Reckt dat, weet noch een mehr, wat dor mit rin schall, wat anners schall oder ans noch Henwiesen? Wenn een weet, woneem ene maschinenleesbore List vun de enkelten Öörd in de nedderlandschen Gemenen to finnen is, denn man her dormit. --::Slomox:: >< 19:33, 6. Jul 2007 (CEST)

Ik heff jüst bi de Statistikers vun de Nedderlannen langskeken. Ik glööv ut de ehre Tabellen is noch good wat ruttohalen. Dor mutt ik mi aver eerst en beten mit befaten. --::Slomox:: >< 20:02, 6. Jul 2007 (CEST)

[ännern] Johre vör Christus

Bi dat Johr 479 v. Chr. klappt wat nich mit de Navigatschoonsliest. Dat Johr dükert miteens ünner 479 (na Christus) up. Weet een, wo dat an liggt?---Bolingbroke 20:18, 6. Jul 2007 (CEST)

[ännern] Biller all weg

So, ik kann vermellen, dat wi nu kene Biller mehr lokal hoochladen hebbt, Spezial:Imagelist is lerrig. Kummt nu allens vun Commons. Dormit hebbt wi na de Spaansche Wikipedia nu ok all Biller zentral lagert. --::Slomox:: >< 01:16, 17. Aug 2007 (CEST)

[ännern] Kuriose Artikels

Ik heff jüst en Anfraag vun SonntagsReport in Leer kregen för en Interview för en Artikel över Wikipedia. Ik heff nu all de Fragen antert, man een vun de Fragen is noch nableven, dor fallt mi nix in: Erinnern sie sich an einen kuriosen Eintrag? Wenn ja, welchen und warum?

Weet dor een vun jo wat? En Artikel, de lustig weer? Oder schall ik ganz dröög seggen, dat lustig in en Nakieksel nix gellt un wegsmeten warrt? Weer mi doch lever, ik kunn dor wat to'n besten geven? ;-) --::Slomox:: >< 17:54, 21. Aug 2007 (CEST)

Ik kann dor leider nichts to seggen, aber ik bin ok noch nicht so lang dorbi. Eastfrisian 18:03, 21. Aug 2007 (CEST)

So, ik heff nu wat funnen. --::Slomox:: >< 18:45, 21. Aug 2007 (CEST)

Mien Vörslag, den Artikel tweesprakig to bringen, dat wulln se övrigens nich so geern maken. Schaad --::Slomox:: >< 17:06, 22. Aug 2007 (CEST)

[ännern] Wikinews

Dat mit'n Wikiborn geiht ja nich vöran. Dorüm heff ik nu ok de Wikinews en Andrag för stellt. Wenn dat doch so lang duurt, denn wull ik man glieks den Andrag stellen, denn kann ik to Noot to Wiehnachten 2008, wenn Wikinews op Platt dör is, jümmer noch seggen, se schöölt mit dat inrichten noch wat töven ;-) Beter as wenn dat good klappen deit mit Wikinews un wi kaamt nich vöran. Aver ji köönt jo natürlich ünner intresseerte Brukers indragen oder wat dorto schrieven. --::Slomox:: >< 20:15, 21. Aug 2007 (CEST)

[ännern] Wikimedia Conferentie 2007: Voorinschrijvingen open!

Beste allemaal,

op zaterdag 27 oktober organiseert Wikimedia Nederland de jaarlijkse Wikimedia Conferentie Nederland. Dit jaar met het thema "Wiki's en educatie". De conferentie gaat om 10 uur van start en duurt 17:30. Het programma bevat ondermeer lezingen door Eliane Metni, directeur van de International Education Association uit Libanon en voorzitter van iEARN-Libanon, Cormac Lawyer, promovendus gespecialiseerd in Wiki's en educatie, Hans de Zwart van Moodle en Florence Devouard, de voorzitter van de Wikimedia Foundation. Daarnaast bevat het programma een breed spectrum aan lezingen en discussies uit de gemeenschap en van daarbuiten. Het volledige programma is binnenkort te vinden op de website van de conferentie.

Leden van de Vereniging Wikimedia Nederland betalen 15 euro entree tijdens de voorinschrijvingen. Niet-leden betalen 35 euro, maar kunnen tijdens de voorinschrijving nog lid worden van de vereniging en betalen dan in totaal 30 euro. Dat is dus vijf euro goedkoper. Dit aanbood is alleen geldig tijdens de voorinschrijvingen, die sluiten op 12 oktober. Aan de deur zijn de kaartjes voor leden en niet-leden respectievelijk 25 en 45 euro. Lunch is inbegrepen. Schrijf je snel in op http://www.wikimediaconferentie.nl/registraties . Ik hoop van harte velen van jullie te mogen ontmoeten, en vooral dat we er een gezellige dag van maken.

Met vriendelijke groet, mede namens Siebrand en Husky,

Lodewijk Gelauff / effeietsanders 17:48, 31. Aug 2007 (CEST)

[ännern] Preparation of Fundraiser 2007

Hi, this is just a first introduction message to tell you: there is more to come. I am dealing with the Project Management of the Fundraiser 2007 and therefore will search for contacts of wikimedians who can help us to do our tasks on all projects. I am actually also building the structure for the fundraiser on Meta. We will need people who help to design buttons, translate texts of buttons, documents, sitenotices etc. Should you feel you want to co-operate please let me know. You can reach me on my meta user page or by e-mail at scretella (at) wikimedia (dot) org. If you wish to notify us that you would like to co-operate on translations, it would be nice if you used e-mail and copied the e-mail to me and Aphaia (aphaia (at) gmail (dot) com). Thank you for your attention and I hope to meet you soon! Cheers :-) -- 4 September 2007 Sabine

[ännern] Plautdietsche Wikipedia

Dat gifft nu en Andrag för ene plautdietsche Wikipedia op Meta un en Testprojekt in'n Inkubator. Wull ik blot hier bekannt maken. --::Slomox:: >< 14:37, 7. Sep 2007 (CEST)

[ännern] Sass

Tachschön Leude, ick hab nich schlecht jekiekt, wie'ck euch hia jefunn hab. 'n Wiki janz uff Platt, sowat aba uch, wad't nich allet jibbt.

Meen Opa konnt ja noch ornklich uff Platt schnackn. Ick bin da ja ne janz annere Jeneration, ne, un't is so schlimm, dat ick bei't Zuhöan vonne irnkwelche olln Leude soga manchma 'n paa Satzteile nich kapiean kann, wenn se miknanda quatschn.

Wo'ck heakomm, sin dit uch die eenzijen, die't noch könn, ick meen, richtich beheaschn, un die steabm eena nach'm annan wech un mit ehn de Sprachdialekt. Un wadde bloß sons noch uff Platt so mitkrichst, is dit Horoskop morjns zwee Minutn inn't Radio un dat Jedicht von Max Lindow uff ehm Schild in'n Stadtpark. Traurich, traurich.

Bloß dit schlimmste anna Sache is ja, keena kann so Platt ehm annan mea vanünftich beibring. Ick hab mia schon tierisch jefreut, wie'ck jehöat hab, anne Hochschuln (Name ha'ick vajessen, ick kloob, dit wa in Greifswald) wird dit unnarichtet, aba Pustekuchen. Die lesn un analysiean uch bloß den Text von Reinicke Fuchs unsoweita. So sieht't nämlich aus, dit hat ja mit Sprachflege jenau übahaupt nischt zu tun.

So, jenuch fremdwüadijen Dialekt mank dit Platt jeschmissn. Meene Frage is eenklich üba't Sass da oom in'n eastn Absatz. Ick jeh do recht inne Annahme, dass dit 'n Buch midde Redensart füa Platt is, ne? Wad füa eens is 'n dit nu jenau, taucht dit wad als Lehrmiddl und jibbt't dit uch irnkwo in'n Web? Oda muss ick in'n nähstn Buchlaan renn un dit koofen? Falls ja, könnta mia uch 'n vollständijen Tidl füa'n Vakäufa jehm? -- 77.10.21.227 14:21, 9. Sep 2007 (CEST)

Moin! De Sass is en Wöörbook mit en ganz lütt beten Grammatik dorbi. Das Lehrbook is da aver nix, dat is blots to’n nakieken, wenn een en Woort fehlt. To kriegen is dat in’n Laden oder ok bi amazon --Iwoelbern 14:33, 9. Sep 2007 (CEST)

To'n Lehren ok good sünd Plattdüütsch in sess Weken, Fiete lehrt Plattdüütsch oder Uns plattdüütsch Spraakbook op hoochdüütsch un nedderdüütsch. --::Slomox:: >< 01:25, 11. Sep 2007 (CEST)

[ännern] Nordlandflagge

Op de: hett jüst een den Artikel de:Nordlandflagge schreven, de nu al wedder as Fake wegsmeten is. Dat weer de Text:

Nordlandflagge: Kreuzfahne skandinavischen Types in den Farben (von außen nach innen) Grün, Gelb, und Blau. Symbolisiert Norddeutschland, insbesondere die niederdeutsche Sprache. Gelgentlich versehen mit einer Hansekogge als Wappen. Die Nordlandflagge steht nicht für einen geschlossenen Nationalstaat, sondern wird von den Plattsnakkern als ein Regionalsymbol betrachtet. Vermutlich entstanden in der alternativen Heimatbewegung der frühen achtzige Jahre. Angelehnt an die alte Oldenburger Flagge (nordische Kreuzfahne). Der grüne Grund steht für das weite, platte Land. Gelb wird wechselnd als Getreide, Raps, Stand interpretiert. Blau für die Waterkant und die großen norddeutschen Flüsse. Im Gegensatz zu anderen Fahnen ist sie nicht mit einer besonderen politischen Richtung verbunden, sondern wird als Symbol für eine Sprachregion (Niederdeutschand und Friesland) verstanden. Grön as das Land, geel as de Strand, un Blau as de Wåterkant - Dat sünd de Klören van de Nordlandflagge.

Ik heff noch nie vun so'n Flagg höört un glööv ok meist, dat dat utdacht wesen is (de letzte Deel is bi Helgoland klaut: Grön is dat Land, rot is de Kant, witt is de Sand, dat sünd de Farven vun't hillige Land), man ik wull doch seker gahn un hier fragen: Kennt een vun jo so'n Flagg? --::Slomox:: >< 13:24, 12. Sep 2007 (CEST)

Nee, dor heff ik noch nie wat vun höört... --Iwoelbern 13:48, 12. Sep 2007 (CEST)

[ännern] Fehler?

Süht bi dissen Versionen-Ünnerscheed noch een en Barg la:s? Is dat en Software-Fehler oder wat is dat? --::Slomox:: >< 22:47, 20. Sep 2007 (CEST)

Wat meenst du? en Barg la:s seh ik blots in de olen Version, de ne’e wiest en masse verscheden iw's --Iwoelbern 22:51, 20. Sep 2007 (CEST)

Wenn een sik de ole Verschoon ankieken deit, denn sünd dor all de la-s ok nich binnen. Dat is wohl en Fehler in dat Diff-Programm. HeikoEvermann 23:02, 20. Sep 2007 (CEST)

[ännern] Verteken vun Verenen

Ik bün jüst dorbi, en Datenbank optostellen mit Kuntaktdaten för allens wat mit Plattdüütsch to doon hett. Spraakvereens, Theaters, Musikers, Schrievers, all sowat. Un dor heff ik to'n Bispeel för'n Landkreis Stood dat funnen. Dor steiht allens an Verenen in, de dat gifft in'n Kreis. Weer ok bi en Dutz Verenen bi, de mit Plattdüütsch to doon harrn. Ik söch nu Vertekens för annere Kreise, wenn ji also wat weten doot, denn schrievt dat man, geevt mi bescheed. --::Slomox:: >< 01:54, 22. Sep 2007 (CEST)

Spontan fallt mi dor Hartmut Vollmer ut Vierden in. Ik heff keen private Adress vun em, aver he is Schoolmeester an de Hööft- un Realschool in Sittens, dor schüll man em voll över Nettbreef info@hros-sittensen.de an em rankamen. De hett de Dörpschronik vun Vierden schreven, speelt siet Johrteihnten in Sittens bi't Plattdüütsche Theater mit un hett glööv ik ok wat to kriegen mit den Leeswettstriet an de School. --Iwoelbern 10:45, 22. Sep 2007 (CEST)

Noch en Nett-Adress info@niederdeutsche-buehne.de Dat is Kuntakt direkt mit dat Plattdüütsch Theater vun'n Sittenser Köenhoff --Iwoelbern 10:51, 22. Sep 2007 (CEST)

Wees bedankt. Wenn du noch mehr hest, denn schriev mi dat opbest direkt per Nettbreef. Ans warrt dat womööglich en beten vull hier ;-) Söken do ik ja vör allen Vereenslisten (opbest kreiswies), dat Rutsöken vun enkelte Kuntakten, dor wull ik jo gor nich mit belasten ;-) (wat nich heten schall, dat ik nich dankbor för jede Kuntaktinformatschoon bün, de ji mi tostüürn doot)

Ik mutt noch en beten an de Utgaav basteln, opstunns is dat noch en beten en Problem vun wegen Datenschutz un so wat, wenn ik soveel Adressen un allens eenfach so as Sammlung in't Internett stellen do, man ik warr mi bemöhen, dat ik de Sammlung so in't Internett stellen do, dat tominnst de Basisinformatschonen dor sünd. Denn köönt ji ok kieken, wat ik al sammelt heff un wat villicht noch fehlt. --::Slomox:: >< 11:49, 22. Sep 2007 (CEST)

Ik heff nu mal de eerste Version ünner [14] rinstellt. Is nu noch nich allens an Infos to sehn, wat ik sammelt heff. To'n Bispeel fehlt Telefonnummern ganz. Sünd bi 200 Datensätz för Nich-Personen (Verenen un so wieder) un över 100 Personen. --::Slomox:: >< 17:42, 23. Sep 2007 (CEST)

[ännern] Interwiki-Lenken

Moin, op de norweegschen Wikipedias warrt jümmer Nynorsk/Bokmål toeerst bi de Interwiki-Lenken wiest. De Hebrääsche Wikipedia wiest Engelsch jümmer toeerst. Dat is also för elk Projekt mööglich, de Reeg vun de Lenken so fasttoleggen, wie se dat geern harrn. Bi uns deit sik dat anbeden, dat wi toeerst op nds-nl verwiesen doot. Un denn is noch en Projekt för Plautdietsch plaant (pdt). Wenn dat sowied is, weer dat en goden Kandidat för den tweten Platz. De Reeg kann ok na ganz annere Kriterien lopen, wenn wi dat wüllt.

Wat seggt ji dorto

a) to dat na vörn stellen vun nds-nl un wenn dat sowied is vun pdt

b) wüllt wi villicht ans noch wat an de Reeg ännern?

--::Slomox:: >< 13:11, 29. Sep 2007 (CEST)

Joop! Is en gode Saak, dücht mi!---Bolingbroke 12:35, 4. Okt 2007 (CEST)

Ik heff nu den Andrag bi de Lüüd vun Pywikipedia stellt. Toeerst nds-nl, denn pdt, denn de Rest ganz normal. --::Slomox:: >< 19:49, 8. Dez 2007 (CET)

[ännern] Feernsehn

Ik heff mi al länger en beten mit dat Thema Feernsehn in Minnerheitenspraken beschäftigt. Al de wichtigen Minnerheiten hebbt al jemehr egen Feernsehn. Euskal Telebista för de Basken, Omrop Fryslân för de Fresen, Televisió de Catalunya för de Katalanen, Maori Television för de Maori, Sianel Pedwar Cymru för de Walisen, Teilifís na Gaeilge för de Iren un noch mehr annere. Bi en Ümfraag 1998 is rutkamen, dat de Lüüd Feernsehn un School för de beiden Saken hollen doot, de de Spraak opmehrst beinflussen doot. (De süüddüütsche Samstag, de bi de jungen Lüüd dat noorddüütsche Sonnabend verdrängt hett, is ok ut dat Feernsehn rutkrapen.) Feernsehn in Minnerheitenspraken is en groten Bidrag, de Spraak bewohren to helpen. Ahn Feernsehn un Medienpräsenz _kann_ en Spraak gornich op Duur bestahn blieven, nich in uns Medientietöller.

Dorvun heff ik mi en beten Gedanken maakt. Un welk vun disse Gedanken opschreven. Dat steiht nu allen ünner http://marcusbuck.org/nds.tv/. Mien Gedanken to en plattdüütschen Feernseh-Senner. Döfft heff ik em nds Feernseen. 'Keen also Intress an dat Thema hett, schall sik mien Notizen mal ankieken. Un geern ok Kritik geven. Wenn dat wesen mutt, ok harte Kritik ;-) --::Slomox:: >< 02:15, 3. Okt 2007 (CEST)

De Idee finn ik goot. Ik denk dor mal över na. Hüüt bloots een Saak: woso schriffst Du dor mit so vele Kringels? Maakst Du doch sünst nich. HeikoEvermann 08:20, 3. Okt 2007 (CEST)

Naja, dor musst Du noch so manch Stück Holt boren, bit dat mol wat wurrd, aber, wu seggt en Spreekwoort: Ok de längste Reis, fangt mit de eerste Tree an.

Dat gröttste Problem ssöllt woll de Kösten wurrn. Eastfrisian 09:30, 3. Okt 2007 (CEST)

Villicht fangt een toeerst mit en Videoblog an. Denn kost dat nich so veel. De Dateien kann een denn op youtube stellen. Kennt ji Rocketboom Dat is op Ingelsch. Un dat is Kult warrn. HeikoEvermann 09:37, 3. Okt 2007 (CEST)

Videoblog is mi en beten to wenig ;-) Ik sülvs bün ok keen good Gesicht för Video... Wat nich heten schall, dat ik mi nich bannig frein dee, wenn een en Videoblog maken dee. Wenn mi een en Kamera sponsert, denn maak ik jo villicht doch en Videoblog to mien Vörankamen ;-)

Wenn Plattdüütsch sien vull Recht kriegen schall, denn mutt de Senner ut Rundfunkgebühren betahlt warrn. Ik glööv man ok, dat dat thoreetsch mööglich is, en plattdüütschen Senner so to bedrieven, dat he vun aleen Gewinn maakt, man för de Gööd vun't Programm is dat villicht nich dat beste... --::Slomox:: >< 15:31, 3. Okt 2007 (CEST)

De Idee is up jeden Fall goot. Man, as dat mit gode Ideen is: Dor liggt en Barg Arbeit vör us...Ik kann mi nich vörstellen, dat vun de Öffentlich-Rechtlichen in düsse Saak wat kümmt. De hefft ja just de ganzen plattdüütschen Sendungen torüchstellt. Un de Privaten de maakt dor hööchstens mit, wenn dat na Middernacht utstrahlt warrt. Oder dat weer mööglich, an'n Sönndagmorgen up'n privaten Kanal Sendetiet to hüern. Man wo schall dat Knowhow denn herkamen? Wie weer dat denn, wenn wi eerst mol anfangt, över plattdüütsch RADIO na to denken? Dor gifft dat ja al en paar Projekten. Mag angahn, dor weer ok dat INS mit in dat Boot to kriegen? Dat bloß ganz gau henhaut. Diene Texten lees ik, wenn ik wedder en beten mehr Tiet hebb...---Bolingbroke 12:35, 4. Okt 2007 (CEST)

[ännern] Stellungnahme des Expertenausschusses

Un denn noch wat: Ik heff vör'n Tiet mal de Stellungnahme des Expertenausschusses zu dem Bericht über die Umsetzung der Europäischen Charta der Regional- oder Minderheitensprachen in der Bundesrepublik Deutschland leest. Ik harr dat ut dat Internett, man kann dat nu nich wedderfinnen. Weet dor tofällig een, woneem dat liggt? --::Slomox:: >< 15:31, 3. Okt 2007 (CEST)

Dor weer ik woll en beten in'n Tüdel. Weer man doch blot de twete Bericht, nich de drüdde, den ik leest harr. Un de twete is hier mit to finnen. --::Slomox:: >< 00:14, 4. Okt 2007 (CEST)

Ik föhl mi en beten alleen in'n Momang, mutt ik seggen. Wat maakt ji denn all? ... Hebbt ji dor ok jüst wat ruscheln höört? Ik bün meist en beten verbangt... --::Slomox:: >< 00:16, 4. Okt 2007 (CEST)

Ik weer eerst güstern up en Fier und dornah hebb ik noch en offiziell 10km Loop makt. Denn hebb ik för WP keen Tiet. Eastfrisian 06:27, 4. Okt 2007 (CEST)

Un ik hebb mi en Huus köfft un möss dor an arbeiden. Is meist, as in't Evangelium...---Bolingbroke 12:35, 4. Okt 2007 (CEST)

[ännern] middelnedderdüütsch Lexikon

Dat Projekt op PGDP is nu op den Weg: [15]. Villicht hebbt ji ja Lust, dor ok mal 'n beten mittomaken oder villicht kennt ji Lüüd, de sülvst hier nich mitschrieven deit, wieldat se nich Platt schrieven köönt un de villicht tominnst Platt korrekturlesen wullt.

Hartlich Gröten, HeikoEvermann 21:16, 19. Okt 2007 (CEST)

[ännern] Filmografien

Moin tosamen, ik heff nu in en poor Artikels de Filmografien as Tabell dorstellt, neemlich bi Dan Aykroyd, Tom Skerritt un Sigourney Weaver. Wat hollt ji dorvun? Ik bün mi sülvst nich seker, wat ik beter finnen do. Weer mi freien, wenn ji seggt, wat ji beter finnt... --Iwoelbern 23:47, 9. Nov 2007 (CET)

Süht good ut, denk ik. --::Slomox:: >< 10:26, 12. Nov 2007 (CET)

[ännern] Lenks vun de Hoochdüütsche Wiki

Ik hebb en Lenk sett vun de Hoochdüütsche Wiki (6. November) na use Siet vun'n sülbigen Dag. De kümmt dor avers nich an, man landt jummers bi de Navigatschonsliest. Hangt dat dor mit tosamen, dat use Lenken nu jummers an de eerste Steed updükert un dor wat anners instellt weern mutt?---Bolingbroke 18:17, 14. Nov 2007 (CET)

Wenn ik in [16] op den nds Interwikilenk klicken dei, kumm ik na [17]. Löppt allens. 85.177.141.5 18:58, 14. Nov 2007 (CET)

Bi mi löpt dat ok, as dat schall. Villicht harrst Du noch en oole Version in’n Cache?--Iwoelbern 00:55, 15. Nov 2007 (CET)

Bi mi sünd up de hoochdüütsche Soet twee Lenks na de plattdüütsche Wikipedia to sehn. Eenmol ganz vörnweg, wenn ik dat anlicken do, denn kaam ik na de Navigatschoonsliest. Un eenmol dor, wo dat henhöört na dat Alphabet. Wenn ik dat anklicken do, lann ik bi de richtige Siet....---Bolingbroke 12:12, 15. Nov 2007 (CET)

Stimmt, den eersten harr ik noch gor nich wohrnahmen... Ik heff eben mol in de düütsche Siet rinkeken, kann dor aver nix finnen... Villicht is dor ut Versehns wat rinkopeert worrn. --Iwoelbern 13:27, 15. Nov 2007 (CET)

Dat keem vun de inbunnene de:Vorlage:Kalender Jahrestage, dor weer dat verkehrt. --::Slomox:: >< 13:47, 15. Nov 2007 (CET)

[ännern] Noom falsch schrieven

Ik häf min brukernoom falsch schrieven!

Dat schall heten: Danzopdedeel

Wo kunn ik dat ännern oder den "Äkkaunt" löschen?

--Dansopdedeel 12:29, 26. Nov. 2007 (CET)

Och, Dans is ja man ok nich ganz verkehrt. Wenn du dat aver man ännert hebben wist, denn gifft dat verschedene Mööglichkeiten: Du mellst di eenfach nochmal mit'n annern Naam an. Ans geit dat ok, dat ik di en annern Naam geven kann (to dat Thema hebbt wi noch keen plattdüütschen Helptext, op Hoochdüütsch steiht dat hier), aver dat is en beten veel Opwand, wenn du nu noch gornix schreven hest. Eenfach nochmal nee anmellen, is keen Problem. Ünnerschrift kannst du öbrigens mit de Teken --~~~~ maken, eenfach achter dien Bidrag schrieven, de Software maakt dor denn dien Ünnerschrift vun. --::Slomox:: >< 12:30, 26. Nov. 2007 (CET)

[ännern] Politikers

Ik bün graad an't Nadenken över plattdüütsche Politikers (oder beter Politikers, de ut en plattdüütsch Ümfeld stammen doot). Ünner de Kanzlers stammt Helmut Schmidt ut Plattdüütschland un is ok en echten Plattsnacker. Kunn Willy Brandt Platt? De is in Lübeck boren. Wat is mit Gerhard Schröder un Angela Merkel? Sünd all beid in plattdüütsche Ümgegend opwussen, ok wenn de Öllern sülvst woll keen Ortsansässige weren.

Ünner de Präsidenten is blot Heinrich Lübke en Plattdüütschen. Karl Carstens kummt ok ut plattdüütsche Lannen. Dor heff ik aver nix funnen, dat he wat mit Plattdüütsch an'n Hoot harr oder dat ok blot snacken kunn. Weet dor ans een mehr? --::Slomox:: >< 00:57, 6. Dez 2007 (CET)

[ännern] PBuB

Blot as Info, woneem wi staht: de PBuB hett opstunns in ehrn Index 1892 Naams. Dorvun sünd 112 as Pseudonyms kenntekent. Lüüd ut de Nedderlannen warrt in de PBuB nich opnahmen, so wied ik dat weet, de kaamt dor noch to. CatScan Plattdüütsch un Schriever kummt op 118 Artikels to plattdüütsche Schrievers. Wi hebbt also noch to doon. --::Slomox:: >< 01:30, 9. Dez 2007 (CET)

[ännern] Wikisource

Dat geiht vöran mit Wikisource! De Lüüd vun'n Sprakenutschuss oder language subcommittee vun Wikimedia hebbt seggt, dat för dat Projekt nix mehr in'n Weg steiht. Vun wegen de tage Diskuschoon to dat Opsplitten in nds un nds-nl dormals wüllt se ditmal aver allens ganz akraat doon. Ünner annern schall en Utschuss oder sowat grünnt warrn, de sik mit de Spraak-Gegensätz twischen all de nds-Varianten utenannersetten schall, dat dat op dat ne'e Wiki to kene Problems kummt. Ik heff noch keen Naricht, wie dat nu nipp un nau utsehn schall. Wenn ik dor mehr weet, denn schriev ik hier wedder. --::Slomox:: >< 16:52, 13. Dez 2007 (CET)

[ännern] DIWA

Gaht bi jo de Koorten vun'n Wenker-Atlas ok nich mehr? Ik harr toeerst dacht, dat liggt an mien Reekner, aver nu heff ik ok op'n tweten, dat dat allens swart blifft un blot Javascript-Fehlers smeten warrt. Un op all beid Reekners güng dat vörher. --::Slomox:: >< 21:48, 14. Dez 2007 (CET)

Also bi mi loopt de Korten noch wunnerbor. Dat mutt doch wat mit dien Rekner to doon hebben...---Bolingbroke 23:45, 14. Dez 2007 (CET)

ik heff vörhen ok mol een utprobeert un harr dormit ok keen Problem... --Iwoelbern 23:51, 14. Dez 2007 (CET)

Dat is doch wat to dull. All mien Reekners sünd op Laway böst. De wüllt mi argern. Aver bedankt, nu weet ik tominnst, dat dat bi mi liggt ;-) --::Slomox:: >< 01:42, 15. Dez 2007 (CET)

[ännern] Besucherstatistik

Für eine Einführung, siehe de:Wikipedia:Café und nl:Wikipedia:De kroeg. In den letzten 4 Tagen (Donnerstag 13.–Sonntag 16. Dezember) waren die folgenden 300 Seiten die häufigst besuchte bei der plattdeutschen Wikipedia: Am 1. Platz Wikipedia:Hööftsiet (3638 Besuche), 2 Spezial:Suche (2902), 3 Spezial:Letzte Änderungen (1300), 4 Spezial:Zufällige Seite (956), 5 Portal:Wikipedia na themen (716), 6 Chicago (573), 7 Spezial:Exportieren (399), 8 Wikipedia:Portal (364), 9 Spezial:Alle Seiten (297), 10 Plattdüütsch (295), 11 Wikipedia:Infos för Niege (293), 12 Hülp:Hülp (233), 13 Wikipedia (231), 14 Sex (224), 15 Wikipedia:Ik bruuk hülp (222), 16 Wikipedia:Hülp (209), 17 Spezial:Kategorien (208), 18 Wikipedia:Ik bruuk Hülp (198), 19 USA (198), 20 Düütschland (154), 21 Spezial:Spezialseiten (151), 22 Wikipedia:Stubben (149), 23 2007 (146), 24 Portal:Wikipedia na Themen (138), 25 Engelsche Spraak (129), 26 Portal:Historie (127), 27 Wikipedia:Impressum (126), 28 Spezial:Statistik (125), 29 Portal:Geografie (123), 30 2006 (119), 31 Wiki (118), 32 Europa (114), 33 2005 (111), 34 Wikipedia:Infos för niege (110), 35 Wiehnacht (105), 36 Wikipedia:Datenschutz (104), 37 Frankriek (104), 38 2004 (104), 39 Internet (102), 40 Wikipedia:Spraken (99), 41 Spanien (99), 42 2003 (99), 43 Russland (91), 44 Italien (89), 45 Sweden (87), 46 Reekner (87), 47 Grootbritannien un Noordirland (87), 48 Wikimedia Commons (85), 49 Nedderlannen (84), 50 Podcasting (83), 51 Japan (83), 52 Eer (83), 53 Franzöösche Spraak (82), 54 Afrika (81), 55 1998 (81), 56 Januar (80), 57 Spezial:Benutzer (79), 58 England (79), 59 2000 (79), 60 Kategorie:Hööftkategorie (78), 61 2001 (78), 62 1997 (78), 63 1995 (75), 64 London (74), 65 Hööftstadt (74), 66 Nokieksel (73), 67 19. Johrhunnert (73), 68 1999 (73), 69 20. Johrhunnert (72), 70 New York (71), 71 Inwahnerdicht (71), 72 Februar (71), 73 Dag (71), 74 Meter (70), 75 Bild:Flag of Hamburg.svg (70), 76 2002 (70), 77 Kasachstan (68), 78 Elefant (68), 79 Berlin (68), 80 Ägypten (68), 81 1982 (68), 82 Volksrepubliek China (67), 83 Vereente Natschonen (67), 84 Mai (67), 85 Kanada (67), 86 1991 (67), 87 Indien (66), 88 Grekenland (66), 89 Brasilien (66), 90 Asien (66), 91 1996 (66), 92 Vietnam (65), 93 Juli (65), 94 Dezember (65), 95 Nettkieker (64), 96 März (64), 97 Kroatien (64), 98 GNU-FDL (64), 99 Australien (64), 100 Mathematik (63), 101 Irak (63), 102 1964 (63), 103 Swiez (62), 104 Politik (62), 105 Polen (62), 106 Musik (62), 107 Iran (62), 108 1969 (62), 109 18. Johrhunnert (62), 110 Tweete Weltkrieg (61), 111 September (61), 112 Portugal (61), 113 Kommunismus (61), 114 Johr (61), 115 Flach (61), 116 Europääsche Union (61), 117 Araabsche Spraak (61), 118 Ukraine (60), 119 Stadt (60), 120 Maandag (60), 121 Latiensche Spraak (60), 122 Islam (60), 123 Football (60), 124 1980 (60), 125 Paris (59), 126 1930 (59), 127 Land (58), 128 1989 (58), 129 Water (57), 130 Törkie (57), 131 Puus (57), 132 Israel (57), 133 Bremen (57), 134 Wikipedia:Mehrdüdig Begreep (56), 135 Öösterriek (56), 136 Norwegen (56), 137 Moin (56), 138 Belgien (56), 139 Algerien (56), 140 1985 (56), 141 1918 (56), 142 Mexiko (55), 143 Kategorie:Intersexuell (55), 144 Bibel (55), 145 Republiek (54), 146 Pakistan (54), 147 Malaysia (54), 148 Litauen (54), 149 Irland (54), 150 Hööftsiet (54), 151 Dunnersdag (54), 152 Oman (53), 153 Malta (53), 154 Eritrea (53), 155 Düütsche Spraak (53), 156 April (53), 157 1987 (53), 158 Ungarn (52), 159 Tschechien (52), 160 Singapur (52), 161 Religion (52), 162 Freedag (52), 163 1992 (52), 164 1986 (52), 165 1981 (52), 166 Rom (51), 167 Portal:Biologie (51), 168 Marokko (51), 169 Kategorie:Land (51), 170 Infos För Niege (51), 171 Däänmark (51), 172 Bulgarien (51), 173 Aluminium (51), 174 21. Johrhunnert (51), 175 1994 (51), 176 1988 (51), 177 1978 (51), 178 1939 (51), 179 17. Johrhunnert (51), 180 Sambia (50), 181 Portal:Sport (50), 182 Luxemborg (50), 183 Lettland (50), 184 Hund (50), 185 Finnland (50), 186 Chrom (50), 187 Bueree (50), 188 August (50), 189 Alkohol (50), 190 1963 (50), 191 1946 (50), 192 1919 (50), 193 Süüdafrika (49), 194 Schaamhoor (49), 195 Mali (49), 196 Kuba (49), 197 Esperanto (49), 198 Bedriefssystem (49), 199 Amerika (49), 200 1974 (49), 201 1973 (49), 202 1967 (49), 203 1950 (49), 204 1947 (49), 205 Zypern (48), 206 Wikipedia:Faken stellte Fragen (48), 207 Vatikaan (48), 208 Tietrebeet (48), 209 Spezial:Imagelist (48), 210 Orgasmus (48), 211 Jemen (48), 212 Chile (48), 213 Afghanistan (48), 214 1979 (48), 215 1971 (48), 216 1960 (48), 217 1943 (48), 218 1938 (48), 219 Spaansche Spraak (47), 220 Portal:Religion (47), 221 November (47), 222 Noordamerika (47), 223 Nepal (47), 224 Minsch (47), 225 Main Page (47), 226 Juni (47), 227 Indonesien (47), 228 Hawaii (47), 229 Argentinien (47), 230 Andorra (47), 231 1993 (47), 232 1977 (47), 233 1958 (47), 234 1933 (47), 235 16. Johrhunnert (47), 236 Moskau (46), 237 Köln (46), 238 Katar (46), 239 Kalifornien (46), 240 Infos för niege (46), 241 Barg (46), 242 1962 (46), 243 1957 (46), 244 1945 (46), 245 1942 (46), 246 1912 (46), 247 1901 (46), 248 Spezial:Administratoren (45), 249 Schottland (45), 250 Ruanda (45), 251 Philippinen (45), 252 Nett (45), 253 Montenegro (45), 254 Georgien (45), 255 Dingsdag (45), 256 Albanien (45), 257 Adolf Hitler (45), 258 1966 (45), 259 1955 (45), 260 1954 (45), 261 1920 (45), 262 Monarkie (44), 263 Mauritius (44), 264 Geograafsche Laag (44), 265 Eestland (44), 266 Deutschland (44), 267 Atlantik (44), 268 Amtsspraak (44), 269 1975 (44), 270 1923 (44), 271 1911 (44), 272 1896 (44), 273 Wikipedia:Wat Wikipedia is un wat se nich is (43), 274 Usbekistan (43), 275 Tadschikistan (43), 276 Syrien (43), 277 Süüdkorea (43), 278 Sri Lanka (43), 279 Software (43), 280 Microsoft Windows (43), 281 Microsoft (43), 282 Linux (43), 283 Kategorie:Johr (43), 284 Jesus Christus (43), 285 Greeksche Spraak (43), 286 Gibraltar (43), 287 Ghana (43), 288 Eminem (43), 289 Bahrain (43), 290 Antarktis (43), 291 1990 (43), 292 Wikipedia:Community Portal (42), 293 Thailand (42), 294 Serbien (42), 295 Peru (42), 296 Oktober (42), 297 Nettbreef (42), 298 Maand (Eer) (42), 299 Kambodscha (42), 300 Florida (42). --LA2 03:53, 17. Dez 2007 (CET)

[ännern] nds-nl baven

Vun nu af an sünd de Interwiki-Bots so instellt, dat nds-nl ganz na baven kummt (#Interwiki-Lenken). Duurt wohrschienlich noch en Stoot bet all Bots dat kumplett övernahmen hebbt. --::Slomox:: >< 04:08, 18. Jan. 2008 (CET)

[ännern] Dörp-Vereen in Mardörpe

Moin, all mitnanner. Vandag is Söndag, man dat Leven geit ja wieder. Wi wullt probeeren:

---

Inrichten van en Vereen för Plattsprake in Mardörpe. Wi sünd hier in Neddersassen dichte bi Hannover ant Steinhuder Meer, Nordufer. Wi hefft en paar goede Plattsnackers hier, man wi wullt meer. De Naam sall heten:

[ännern] KÖRKRING

Verein zur Pflege der niederdeutschen Sprache

---

Könt ji us helpen, de richtige Anfang to packen? Allerbest,

Arno Müller-Henze Moorwiese 2 31535 Neustadt-Mardorf Tel. 05036 777 mueller-henze@t-online.de

---

An wat för'n Oort Help hest du denn dacht? Wi wüllt bestimmt geern allens doon, wat wi köönt, dissen ne'en Vereen to stütten. Aver ik mutt dorto seggen, dat nich een vun de Lüüd hier op de plattdüütsche Wikipedia ok blot ut de Neegd vun Mardörp kummt. (Also glieks de Fraag trüch, hest du oder ok de annern Lüüd in Mardörp nich Lust, hier ok mittodoon an de plattdüütsche Wikipedia?)

Also, segg man free rut, wat wi doon köönt. Denn warrt wi sehn, wat geiht. --::Slomox:: >< 12:34, 20. Jan. 2008 (CET)

[ännern] Wikipedia an de Scholen

De Katalanen hebbt körtens jemehrn 100.000sten Artikel schreven. In en halv Johr hebbt se mehr as 40.000 Artikels tokregen. Dat kummt ünner annern dor vun, dat se in'n Sommer mit de Generalitat de Catalunya tohoopgahn sünd un en Wikipedia-Marathon (la Marató Viquipèdia) utropen hebbt. Tohoop wullen se op 100.000 Artikels henarbeiden (hebbt se nu schafft, schall aver nu noch wiedergahn) un toglieks dat Bruken vun Internett un Wikipedia an de Scholen vöranbringen. Se hebbt de Schölers seggt, se schullen Artikel schrieven, dat jümmer ünner Opsicht vun de Lehrers. Un dat süht ut, as wenn dat good geiht.

Is dat nich en Idee? Dat gifft nu keen Ünnerricht op Platt, aver wi köönt doch tominnst de Scholen anschrieven, dat se in de Plattdüütsch-AGs ok mal Artikels utarbeiden doot. Mööt nu ja nich de Grundscholen wesen... Wat seggt ji?

En automaatschen Översetter vun Katalaansch na Engelsch gifft dat övrigens ok: [18], wenn ji to'n Bispeel ca:Viquiprojecte:Col·laboració amb el Departament d'Educació de la Generalitat de Catalunya dörlesen wüllt. --::Slomox:: >< 04:11, 24. Jan. 2008 (CET)

[ännern] Dat nie Testament op Platt

Dat middelnedderdüütsch Wöörbook is wohl 'n beten to swoor. Man bi PGDP gifft dat nu dat Nie Testament op Platt to'n Korrekturlesen: [19]. Dat is dat Nie Testament vun Bugenhagen ut de Reformatschoonstiet, üm 1885 'n beten op modern anpasst. Is villicht ok en Born för Wöör, de wi bruukt aver nich hebbt. HeikoEvermann 00:14, 5. Feb. 2008 (CET)

[ännern] Indeling Nedersaksisch (Plattdüütsch)

Kan der ene helpen um de indeling van 't Nedersaksisch in orde te kriegen? We hemmen noen op vuuf welende Wikipedieën (de Nedersaksische, Platduutse, Duutse, Nederlaanse en Engelse) vuuf welende indelingen, dat is arg ondudelijk! In Nederlaand is dit de gebrukelijkste indeling. Ik bin der neet wisse van wat in Duutslaand noen gebrukelijk is. Een aander prebleem wa-w hemmen is dat de interwikiverwiezingen neet kloppen bie "Plattdüütsch" staon der verwiezingen naor "Low German", dat is goed mar bie Nedersaksisch steet der een verwiezing naor "Patduuts" (dit is allinnig 't Nedersaksisch van Duutslaand, terwiel Nedersaksisch veur beien lanen is) en op de Nederlaanse wiki steet "Nederduits", dit is de TAALGROEP neet de taal zelf ('t is dus wat aanders as 't Nedersaksisch of Platduuts). Hopelijk ku-w hier uutkoemen. Servien 20:04, 9. Feb. 2008 (CET)

Villicht liggt de Fehler al dor in, en Oort Stammboom optostellen. De Spraak warrt in joon Artikel eerstmal in West-Nedersaksisch un Oost-Nederduuts indeelt. Dor hebbt wi al en Problem. Dit Indelen in Oost un West hett mehr Grünn in de Historie as in de Spraak. Stammland vun de Sassen vs. Kolonierebeden. Aver wenn wi uns de Spraak ankieken doot, denn is dat Mekelbörgsche mit dat Holsteensche veel neger verwandt as dat Mekelbörgsche mit dat Brannenbörgsche oder dat Holsteensche mit dat Westfäälsche. Na mien Verscheel is dat Mekelbörgsche Deel vun dat, wat bi jo in'n Artikel Noord-Nedersaksisch heten deit.

Na mien Verscheel gifft dat in Düütschland disse Gruppen: Brannenbörgsch, Oostfäälsch, Westfäälsch un Noordneddersassisch. Bi dat Noordneddersassische hebbt aver de "Kolonierebeden" Oostfreesland, Sleswig un Mekelborg-Vörpommern so'n lütten "Autonomie-Status". Fröher weren denn noch Pommersch un Preußisch egene Gruppen (Pommersch leevt hüüt ja noch in Brasilien, is also ok nich ganz dood...). Bi de Nedderlannen dee ik den Noorden op freesch Substrat tohoop mit Oostfreesland to dat Noordneddersassische tellen. In'n Süden vun de Nedderlannen weet ik nich good noog bescheid, dor kann ik nix to seggen. --::Slomox:: >< 16:45, 10. Feb. 2008 (CET)

De Nederlaanse indeling zoas e op nds-nl:Nedersaksisch steet is, dunkt m'n, de beste indeling veur Nederlaand. Ik denke da-j dat hier en op de aandere wiki's oek 't beste toe kunnen passen. Is dit een goeie indeling veur Duutslaand? Servien 20:48, 10. Feb. 2008 (CET)

• West-Nedersaksisch
  • Oost-Fries Nedersaksisch
  • Noord-Nedersaksisch
  • Westfaals
  • Oostfaals
• Oost-Nederduuts
  • Brandenburgs
  • Mecklenburgs-Veurpommers
  • Oost-Pommers
  • Nederprusisch
  • Plautdietsch

[ännern] Botartikels

Ho ku-j 't beste een groot antal botartikels maken (bieveurbeeld: Merced County enz.) Ik heb ech gien idee ho-j dat doon kunnen, wil der ene 't mien uutlegen? Servien 16:39, 14. Feb. 2008 (CET)

Ik heff dor en Script maakt (in PHP schreven), de de Daten op de engelsche Wikipedia oder bi dat US Census Bureau utlesen deit un dor denn en Artikel ut tohoopsett. --::Slomox:: >< 19:59, 14. Feb. 2008 (CET)

Zo-j m'n uutlegen kunnen ho-k dan doon kunnen, zoda-k dezelfde artikels oek op de nds-nl-Wikipedie zetten kunnen? Servien 18:55, 19. Feb. 2008 (CET)

[ännern] Söke Schriebers un Plattdüütsche Artikel för miene Online-Zeitung in Schleswig-Holsteen

Wer hat Zeit und Lust "kostenlos" für meine Schleswig-Holsteinische Online-Zeitung sArtkel, Aktuelles, Gedichte oder Remels zu schreiben? Hin ein kleiner herausgeber und Journalist der Hilfe benötigt. Eine neue Seite beginnen will. Auch das Plattdütsche mit dem "mund" Halbwegs behersscht, aber beim schrieben da hapert es noch! Bitte meine Online-Zeitung ansehen und melden bei: Heinz E. E. Schneegans, Am Hollm 4 in D-24631 Langwedel am Brahmsee. www.sh-journal-online.de Danke für Eure/Deine Mühe. Bin gespannt und bis dahin... munter bleiben. Hol di fochtig!

[ännern] Wer schrift för mie "kostenlose" Artikel för mien Online-Zeitung in Schleswig-Holsteen?

Moin. Ick heff seit fief Joohr een Online-Zeitung över un vuun Schleswig-Hollsteen. Aktuelles,Tratsch+Klatsch, Kultur, Sport, Kinderseite und nu söch ick een Schriever de mie hölpt eene neeje Siet to füllen. We hät Lust do tau? Mine Noom is Heinz E. E. Schneegans ut Langwedel am Brahmsee (do wo uns Altkanzler H. Schmidt to Huus is). Miene Internetsiete finst Du unner www.sh-journal-online.de. Lot mie nich toolang töven. ... und munter bleeven. Heinz E. E. Schneegans

[ännern] Verwiezing op Hööftsiet

Kan der ene een dudelijke verwiezing op de "Hööftsiet" plaosen naor de nds-nl:Nedersaksische Wikipedie, der bin nog een bulte artikel dee allinnig verwiezen naor de Platduutse Wikipedie. Servien 18:54, 19. Feb. 2008 (CET)

[ännern] Neddersassisch, Plattdüütsch

I'll say this in English so everyone can understand. Currently there are two articles which seem to be almost the same: "Nedersassisch" and "Plattdüütsch". In the article Plattdüütsch it says they speak Plattdüütsch in The Netherlands but "nds-nl:Platduuts" as it's called in The Netherlands is only spoken in Germany.

The subdivision of the dialects is also not correct, the "Dutch Low Saxon dialects" are put into one group but Gronings wasn't in there, even though it is supposed to be. The subdivisions in the articles Neddersassisch and Plattdüütsch don't look like the subdivisions on the German or English Wikipedia's at all. Can someone please fix this? Servien 21:14, 19. Feb. 2008 (CET)

Vun Neddersassisch heff ik nu en Redirect maakt. Dat nds-nl:Platduuts vun Plattdüütsch afwiekt, dat is en Fraag vun de Begrepen. Bi uns heet de Spraak numal Plattdüütsch.

Dat mit dat Grönnengs is dat Problem, dat dat Nedersaksisch vun de Nedderlannen en Grupp is, de blot dör dat Nedderlandsche Superstrat tohoophollen warrt. Wenn wi na de Afstammung kieken doot, denn steiht dat Grönnengs dat Oostfreesch Platt neger. Dor mööt wi de Begrepen villicht beter aftrennen. --::Slomox:: >< 23:59, 19. Feb. 2008 (CET)

Most of the Dutch dialects fall under West Low Saxon, Gronings belongs to the North Low Saxon group, but is still seen as Dutch Low Saxon (see: nl:Nederlands Nedersaksisch and de:Nederlands Nedersaksisch).

Plattdüütsch = Nedderdüütsch. Neddersassisch is something else, it is Westniederdeutsch (in other words without East Low German). Servien 17:21, 22. Feb. 2008 (CET)

Nee, dat seh ik anners. Un joon Artikel nds-nl:Nedersaksisch ok (Vanwegen de grote verspreiding van 't Nedersaksisch (eertieds van Kaliningrad tot Bunschoten an toe)). De frankozentrische hüdige Germanistik versöcht den Begreep Niedersächsisch op dat ole Stammrebeed vun de Sassen fasttonageln, aver dat geev to all Tieden Lüüd, de sassisch för de kumplette Spraak bruukt hebbt. Die deutsche Minderheit (in Estland) sprach bis ins 19. Jh. Niedersächsisch, Hennig hett en Book schreven Preußisches Wörterbuch, worinnen nicht nur die in Preußen gebräuchliche eigenthümliche Mundart und was sie sonst mit der niedersächsischen gemein hat (ik geev to, dat is nich hunnert Perzent eendüdig, aver he will eenmal dat egendömliche wiesen un denn dat, wat de ganze Spraak gemeen hett). --::Slomox:: >< 19:42, 22. Feb. 2008 (CET)

[ännern] Betawiki: better support for your language in MediaWiki

Dear community. I am writing to you to promote a special wiki called Betawiki. This wiki facilitates the localisation (l10n) of the MediaWiki interface. You may have changed many messages here to use your language in the interface, but if you would log in to for example the Japanese language Wiktionary, you would not be able to use the interface as well translated as here. In fact, of 1,736 messages in the core of MediaWiki, 77.69% of the messages have been translated. Betawiki also supports the translation of messages for 126 extensions, with 2,174 messages. Many of them are used in WMF projects and they are vital for understanding the wiki. Currently 24.53% of the WMF extension messages have been translated. Translators for over 100 languages contribute their work to MediaWiki this way every month.

If you wish to contribute to better support of your language in MediaWiki, as well as for many MediaWiki extensions, please visit Betawiki, create an account and request translator privileges. You can see the current status of localisation of your language on MediaWiki.org and do not forget to get in touch with others that may already be working on your language on Betawiki.

If you have any further questions, please let me know on my talk page on Betawiki. We will try and assist you as much as possible, for example by importing all messages from a local wiki for you to start with, if you so desire.

You can also find us on the Freenode IRC network in the channel #mediawiki-i18n where we will be happy to help you get started.

Thank you very much for your attention and I do hope to see some of you on Betawiki soon! Thanks, GerardM@Betawiki

• Currently 89.77% of the MediaWiki messages and 63.59% of the messages of the extensions used by the Wikimedia Foundation projects have been localised. Please help us help your language by localising at Betawiki. This is the recent localisation activity for your language. Thanks, GerardM 09:46, 26. Apr. 2008 (CEST)

• Currently 97.00% of the MediaWiki messages and 48.21% of the messages of the extensions used by the Wikimedia Foundation projects have been localised. Please help us help your language by localising at Betawiki. This is the recent localisation activity for your language. Thanks, GerardM 10:12, 27. Mai 2008 (CEST)

[ännern] WP

Dat gifft de Mööglichkeit, för Naamrüüm Alternativnaams intorichten. To'n Bispeel hebbt en: un de: för den Naamruum Wikipedia: kort WP:. Dat maakt dat lichter, na de Siet hentokamen. Den bruukt een nich mehr Wikipedia:Portal intippen, denn reckt WP:Portal. Spoort en poor Teken. Wüllt wi dat ok hebben? Dat geiht natürlich ok för annere Naamrüüm. Wenn ji also noch annere Afkörten hebben wüllt, denn seggt dat man ok. --::Slomox:: >< 16:16, 11. Mär 2008 (CET)

Dat is’n feine Saak... --Iwoelbern 16:36, 11. Mär 2008 (CET)

Bün ik ok för. HeikoEvermann 23:00, 7. Apr. 2008 (CEST)

Geiht nu: WP:Hööftsiet --::Slomox:: >< 16:34, 21. Apr. 2008 (CEST)

[ännern] La divina comedia

Nülich is Karl Schaper doodbleven. In welk Daagbläder weer en Naroop: [20]. Dor steiht in: Ein ernst genommener Einzelgänger, ein Kauz, ein wütender Mahner. Die niedersächsische Zuckerrübe war sein Wappen, der „bunte Rock“ des Militärs sein Feind, die griechischen Mythen ließ er in der Gegenwart verständlich werden. Ein Blech Zwetschgenkuchen konnte für ihn ebenso Bildmotiv sein wie drei Kartoffelsäcke. Aber die Göttliche Komödie, von ihm up Plattdütsch verfasst, transportierte seinen Zorn ebenso gut wie sein Brief an Noah, doch bitte endlich die Züchtung von Friedenstauben einzustellen. Schapers Kunst thematisiere „die Ohnmacht und zugleich die Hoffnung, dass sie zu überwinden sei“ – so wurde sein Werk einmal treffend beschrieben.

He schall also Dante sien Wark översett hebben. Op Google is dorto nix to finnen. Blot bi [21]: Sechs Flachdrucke beinhalten Bilder und handgeschriebene Texte unter dem Titel: "La divina comedia up plattdütsch". Darin werden Bezüge zwischen der Göttlichen Komödie von Dante und Alltagserlebnissen und -erfahrungen hergestellt. Dat höört sik an, as wenn dat blot korte Stücken sünd. Kann dor een mehr to seggen, hett dat Daagblatt överdreven oder is dat Book blot temlich unbekannt? --::Slomox:: >< 21:58, 16. Mär 2008 (CET)

[ännern] Unplattdüütsche Plattdüütsche

Wie wüllt wi denn egentlich ümgahn mit "unplattdüütsche Plattdüütsche"? Ik heff vundaag Naricht trüchkregen, nadem ik ja in Sassen-Anhalt nafraagt harr, wat se dor op Plattdüütsch to de Öörd seggt. Ut Coswig (dat is al achter de Grenz to de Middeldüütschen) hebbt se schreven, dat se in Anhalt keen Platt snacken doot. Dat doot se blot in Mekelborg-Vörpommern, Holsteen un Hamborg, hebbt se schreven. Aver nich in Coswig. Naja, nu wull ik trüchschrieven, dat ik jem ja extra en List vun de Öörd mitgeven harr. Coswig snackt Anhaltsch, aver welk vun de Dörper in'n Noorden vun Coswig, de vun Coswig mitverwalt warrt, de liggt Noorden vun de Benrather Lien un sünd dorvun Plattdüütsch. Nu heff ik bi'n Wenker-Atlas nochmal nakeken. De Dörper liggt noorden vun de maken/machen-Lien, noorden vun de ik/ich-Lien, se seggt ok Appel un nich Apfel, aver bi Water, dor maakt de Isogloss opmal en Bagen wied üm Coswig rüm un all de Dörper, de vun Coswig ut verwalt warrt, seggt Wasser. Un nich blot bi dit enkelte Woort, dat bedrippt de kumplette -t-/-ss-Isogloss.

Sünd dat nu echte Plattdüütsche oder nich? Ik kann natürlich ok nich seggen, wat se sik sülvst as Plattdüütsche opfaten doot/deen. Boßdorf sien Heimatdörp Wiesenborg höört dor glöövik ok to (liggt temlich op de Grenz, ik will mi nich fastleggen). Segg ik nu blot, vunwegen, dat bi Boßdorf villicht wat to finnen is, dat he in sien Biografie schreven hett, he stammt nich ut plattdüütsche Lannen, oder so, schreven hett he ja op Hambörger Platt un is dorvun ok en Plattdüütschen.

Schöölt wi also na Benrath gahn oder na "unverschaven" oder dorna, wat de Lüüd sik as Plattdüütsche föhlt oder wat ans? --::Slomox:: >< 16:31, 26. Mär 2008 (CET)

Spraak ännert sik mit de Tiet. Dorvun weer ik seggen, man mutt woll dorna gahn, wat de Lüüd sülvst meent, dat se sünd. Mag wesen, dat en Dörp mol plattdüütsch weer, nu aver nich mehr, wieldat dor keeneen mehr wat vun afweet. Wenn dat nix Schrevens geven deit, wat verklort, dat dat in verleden Tieten plattdüütsch weer, künnt wi dor nix an doon. --Iwoelbern 16:39, 26. Mär 2008 (CET)

Ik meen, wi schöllt de Naams nehmen, de wi kriegen könnt. Also ok in Gemarken, wo se hüüt keen Platt mehr snackt, schöllt wi de plattdüütschen Naams nehmen, wenn dor noch een wat vun weet. Also eerst mol allerwegens nafragen, wo dat fröher Plattdüütsch weer. Wenn't nix gifft, mütt wi dor woll Bott geven...---Bolingbroke 16:49, 26. Mär 2008 (CET)

Ik heff jem denn mal schreven, dat se dat an de enkelten Öörd wiedergeven schöölt. Disse Verwaltungsgemeinschaften sünd sounso gresig. De Lüüd, de dor arbeidt, de weet doch nix mehr af vun de enkelten Öörd. Disse Zentralstaateree bringt doch nix...

Un mit de Antwoorten is dat ok nich dull... Een hett mi glieks Antwoort geven, sogor an'n Stillfreedag un ok glieks all Naams wüsst. Besten Dank na Jenthin! Twee hebbt schreven, dat se dor nix vun afwüssen un dat se dat wiedergeven wüllt, an't Stadtarchiv oder ans ween. Un denn eben Coswig, de nich wüssen, dat se överhaupt wat mit Plattdüütsch to doon hebben kunnen. Veer Antwoorden bi 43 Anfragen, is nich de beste Quoot na dree Warkdaag. Villicht harr ik mi doch beter Sleswig-Holsteen utsöcht un nich Sassen-Anhalt... :-) --::Slomox:: >< 17:26, 26. Mär 2008 (CET)

Un mitünner bün ik denn ganz an't Vertwiefeln... Wenn ik so'n Antwoorden krieg: Vielen dank für Ihre E-Mail. Leider kann ich momentan Ihr Anliegen nicht realisieren, da X eine Stadt ohne eigenes Plattdeutsch ist, und hier sehr unterschiedliche Volksstämme leben, wird in den Familien überwiegend Hochdeutsch gesprochen. Im Näheren Umfeld (Dörfer, Heute Ortsteile von X) sprach jeder Ort sein eigenes Platt, so dass man sich untereinander kaum verstand. Insofern gibt es auch keine plattdeutschen Ortsbezeichnungen nach unserem Wissen.

Alte Ortsbezeichnungen, wie sie in Chroniken zu lesen sind, basieren auf der Ansiedlung verschiedener Volkstämme (Slawen, Besarabier, Normannen etc.)

Wenn uns solche plattdeutschen Ortsbezeichnungen bekannt werden, informieren wir Sie selbstverständlich.

Jo, ik bedank mi! Allerbeste Antwoord, helpt mi! Joon Stadt hett keen Platt? Dat weet ik beter, mien beste Daam. X liggt merrnmank, nichmal dicht bi de Grenz. Joon Stadt harr jüstso en egen Plattdüütsch as de Dörper in de Ümgegend. De hebbt sik ünnerenanner nich verstahn? Kann angahn, dat Se nüms verstahn hebbt, de Plattdüütschen hebbt sik ganz gewiss ünnerenanner verstahn. Ach, un vunwegen, dat se sik nich verstaht, hebbt se ok keen Naams hatt för de Öörd? Jo, so warrt dat wesen... Un denn will se mi noch vertellen, dat in Sassen-Anhalt de Bessarabiers un Normannen siedelt hebbt. Deit mi leed, aver mitünner mutt ik mal mien Frust aflaten... Un dat do ik lever hier, as wenn ik de arme Fro ut X, de seker versöcht hett, mien Fraag so good as mööglich to antern, dat an'n Kopp smieten do ;-) --::Slomox:: >< 18:05, 25. Apr. 2008 (CEST)

Nee, de arme Fro, de laat man... :-) --Iwoelbern 18:09, 25. Apr. 2008 (CEST)

[ännern] Chat

De hoochdüütsche Wikipedia hett en egen Chatruum (kiek bi de:Wikipedia:Chat). Wullt wi so wat ok mal inrichten, so ein #wikipedia-nds? HeikoEvermann 21:43, 2. Apr. 2008 (CEST) Ik hebb dat glieks mal inricht, kiek op Wikipedia:Chat. Kiekt mal rin. HeikoEvermann 22:10, 2. Apr. 2008 (CEST)

[ännern] Apotheken Umschau

Kennt sik een vun jo mit de Apotheken Umschau ut? Ik heff jüst överleggt: Gifft dat en betern Weg, en beten Werbung för uns to maken, as wenn wi in de Aftheken-Ümschau rinkaamt? Oplaag vun 4,5 Millionen, 13 Millionen Lesers un groten Hümpel ole Lüüd. Dor sünd masse Plattsnackers bi. Dor mööt wi doch en poor Schrievers mit anlocken könen (oder tominnst Lesers, is ja ok nich verkehrt). Aver ik weet nu nich, wat se dor överhaupt Themen bringt, de nix mit Gesundheit to kriegen hebbt. Oder wi mööt dat op Gesundheit dreihn. ;-) Villicht 'Platt in de Pleeg' oder sowat. Spontane Idee vun mi, aver ik heff lang in kene Aftheken-Ümschau mehr rinkeken. Wat seggt ji? --::Slomox:: >< 02:53, 3. Apr. 2008 (CEST)

En annere Idee is noch, in en Tietschrift vun en Lehrerverband oder sowat wat rintokriegen. Wenn dat sowat gifft, weet ik nich... Beter weer dat man noch, wenn dat en Tietschrift för Schoolmeesters in Pension weer, aver dat gifft dat bestimmt nich ;-) --::Slomox:: >< 01:29, 4. Apr. 2008 (CEST)

Wohrschienlich nich... ;-) Aver dat gifft ok gor nich mol so wenig plattdüütsche Theaters. Wenn de dat in jemehr Programmheft mol rinschrieven deen, denn künn dat ok gode Warf wesen... --Iwoelbern 01:38, 4. Apr. 2008 (CEST)

Blots so nebenbi. De Tietschrift wurrd ok "Rentner-Bravo" nömmt. Eastfrisian 20:14, 25. Apr. 2008 (CEST)

[ännern] Plattdüütsch - Spraak oder düütschen Dialekt

Dat is ja jümmer de grote Fraag. Wenn wi aver mal hier kiekt, de twete Koort, denn is dat doch schöön to sehn. Dat is en Koort ut de Dialektometrie, de op Levenshtein-Afstänn baseert. Je lütter de Afstand twischen den Dialekt vun twee Öörd, je düüsterer warrt de Lien twischen de Öörd. Wi hebbt op de Koort een groten düüstern Placken in'n Süden, een lütten düüstern Placken in de Lausitz/Süüdoost-Oostdüütschland un een Placken in'n Noorden. Bi de Nedderfranken blot grote Raatlosigkeit. Weer Berlin nich dor, dat allerhand düüstere Lienen na'n Süden hett, denn harrn wi so'n richtig schöön tweedeelt Düütschland. Dialektkontinuum, jo jo, allens Lögenpropaganda ;-)

Dat dee mi man intresseren, wat bi sone Koort rutkummt, wenn se nich an'e Staatsgrenz stoppt un dat kumplette Kontinentalwestgermaansche (Stand vör'n Tweten Weltkrieg) dortonehmen deen. --::Slomox:: >< 21:33, 3. Apr. 2008 (CEST)

[ännern] nds-nl un pdt fett

Ik heff nu instellt, dat Interwikis na nds-nl un pdt (gifft dat noch nich, aver kummt.) fett schreven sünd. Ik hööp, dat stöört nüms. Wi mööt üns Verwandtschop ja en beten rutstellen. --::Slomox:: >< 23:20, 7. Apr. 2008 (CEST)

[ännern] Översetten

Ik hebb nu al to'n tweten Mol Narichten kregen, dat ik en Artikel ut de Hoochdüütsche Wiki nich eenfach översetten un bi us instellen dröff. Bi den Artikel Schuft schrifft een mi sogor, ik möss den löschen un na de Konventschonen noch mol nee schrieven. Kann mi dor een mol wat to seggen?---Bolingbroke 14:23, 10. Apr. 2008 (CEST)

Also nipp un nau weet ik dat mit de Lizenzen ok nich, aver dat is wohl schon so, dat Artikels ut de Wikipedia un jüst so ok Biller nich eenfach kopeert warrn drööft. Un översetten tellt dor ok as en Kopie. Verlööft is dat Kopeeren aver woll, wenn nipp un nau angeven warrt, wat de Born vun den Text is un wokeen den schreven hett. Ut den Grund schriev ik jümmer in de Reeg fört Tohopenfaten nee maakt, ut de:WP. Över den Interwiki-Lenk kann een denn na dat Original henkamen un sik dor de Autorenlist ankieken. Streng nahmen müss man aver die Autorenlist btw. de Versionshistorie op de Diskusschoonssiet rinkopeeren. Heff ik aver ok noch nienich maakt. --Iwoelbern 19:55, 10. Apr. 2008 (CEST)

Bi [22] steiht wat. Du musst den Artikel löschen, wenn du op Nummer seker gahn wist. Aver denn nich nee schrieven, du musst blot densülven Artikel noch wedder nee instellen un ditmal de Lizenz inhollen. Wie dat geiht, dat weet keeneen ;-) En Permalink op de Version, de du översett hest, is aver nich verkehrt. Also sowat as nee maakt, ut de:WP, översett ut [23]. Na de Lizenz musst du egentlich ok de Autoren optellen. Aver de List is bi denn Artikel to lang. De Versionshistorie eerst in de Siet rinschrieven un denn mit'n Artikel överschrieven is ok en Methood. Erfüllt disse Methood de Lizenz? Fraag dat teihn Afkaten! ;-) Wenn wi't ganz astrein hebben wüllt (gifft dor aver ok noch wedder lüttje Stolperfallen), denn mööt wi den Artikel mit de gesamte Versionshistorie importeren (denn is allens, wat du op de: in de Versionshistorie sühst ok hier to sehn). Aver de Import is hier nich anschalt. --::Slomox:: >< 20:15, 10. Apr. 2008 (CEST)

[ännern] Maal wedder so'n Idee vun mi ...

Wat seggt ji vun disse Idee: Dat gifft ja af un to so Projekte, dor stört sik en enkelte Person op en Thema un versöcht dat kumplett aftoarbeiden. Dat dat to allens to dit Thema en egen Artikel gifft. Op de hoochdüütsche Wikipedia sünd dat to'n Bispeel Artikels to Nauru (maakt de:Benutzer:CdaMVvWgS) un de Färöer (maakt de:Benutzer:Arne List). Disse beiden Länner sünd so lütt, dat dat enigermaten licht is, allens aftodecken. Nauru hett 133 Artikels (dat is nich würklich veel, aver dat reckt liekers, dat ok mehr as de Hälft vun all Parlamentariers en Artikel hebbt), de Färöer hebbt 668 Artikels. Villicht schullen wi uns ok so'n lütt Thema rutsöken. Tuvalu hett 11.000 Inwahners, dat is licht aftodecken. Oder de Marshall-Eilannen oder wat dat ok wesen mag. Dat wi en Alleenstellungmerkmal op'n Informationsmarkt hebbt (tominnst in Düütschland), wat dat op Hoochdüütsch nich gifft. Mutt nich unbedingt en Staat wesen, de Hoochdüütschen hebbt in'n Biologiebereich en Projekt Lilgen hatt un to all Lilgen Artikels schreven. Geiht ok. Blot mal as Idee. Hebbt ji dor Lust to, sowat dörtotehn? Villicht hebbt ji ok en Vörslag för en Thema oder ans wat to seggen to de Saak? --::Slomox:: >< 15:49, 16. Apr. 2008 (CEST)

Ik segg mol so: In'n lütten Rahmen bin ik al dorbi, as ik so en poor Themenrebeden an'n Wickel heff, de ik woll ok so wiet as dat geiht kumplett maken will. Dat sünd t.B. de Maanden vun de Planeten, Blood un wat dormit tosamenhingt oder ok de Republiek Kap Verde. Man, ik spring jümmers twüschen mien Saken hen un her, dat mi dat nich langwielig warrt. Dat is aver an'n Enn ok nix, wat dat op Hoochdüütsch nich gifft. Annere Lüüd intressert sik dor ok und maakt dat denn op de:WP ok torecht. Un ik översett jo ok tomeist Artikels ut de:WP oder en:WP – wat schall een sik de Arbeit dubbelt maken, wenn dat al gode Artikels gifft... Vun't Prinzip is de Idee nich slecht, man dat hingt vun't Thema af, wat ik bidrägen kann un wat nich. Wenn ik wat dorto weet, is goot, man mi dorför nu sünners in een Thema inarbeiden warr ik woll nich doon. Dorto fehlt mi denn Tiet un Lust. --Iwoelbern 16:11, 16. Apr. 2008 (CEST)

Kap Verde güng ok, is aver mit över 400.000 Inwahners meist 40-mal soveel Arbeit as Tuvalu mit 11.000 ;-) Naja, mal sehn. Wenn een dat maken will, denn mutt een sik dat ja sounso genau överleggen, dor gifft dat ja veel to beachten (en fröhere engelsche Kolonie is lichter as en fröhere franzöösche Kolonie, denn de gröttste Deel vun de Infos op't Internett is denn eben op Franzöösch. Wat ik nich verstah... --::Slomox:: >< 16:22, 16. Apr. 2008 (CEST)

Wenn de Saken goot sünd, de wi maken doot, un wenn de dat anners nargens gifft, denn duert dat nich lang un de weert in't Hoochdüütsche översett. So hebb ik dat bi Bremer Stadtdelen oder Oortsdelen beleevt. Denn sünd wi ok nich mehr de eenzigsten. Ik glööv, wi sünd to wenig för so wat. Beter weer, wi kemen mol an plattdüütsche Lehrers ran, dat de mit ehre Scholen dor mol en Projekt vun maakt, hier mit to maken...Man wenn man sowat maken will, denn mutt dat na miene Meenung wat up dat lokale Feld ween, also Ortsdelen, de de Düütschen nich hefft oder wat ut use Lokalgeschicht usw. Natüürlich weer ok de Geschicht vun verscheden afsunnerliche Sekten in Uganda mööglich ;-)--Bolingbroke 16:31, 16. Apr. 2008 (CEST)

@Slomox:Dorüm segg ik ok: So wiet as dat geiht... ;-) Fardig warrt een so oder so nienich - dor is jümmers jichtenswat mehr, wat een noch maken künn. Bi Kap Verde is dat meiste blots op portugeesch to finnen - ok nich jüst en Vördeel... Un kann ok wesen, dat ik een Dag dormit ophöör un mi op wat anner't störten do, wenn sik dat so geven deiht.

En annert Projekt, dat wi uns ok mol vörnehmen schülln is dat Afarbeiten vun de List_vun_Artikels, de_in_all_Wikipedias_binnen_ween_schöölt, dat wi de wichtigsten Begrepen ut ünnerscheedliche Themenrebeden mol bisamen kriegt.

@Bolingbroke: Mit dat Översetten dat stimmt natürlich. Wenn wi hier gode Artikels schrieft, de dat op de:WP noch nich gifft, denn översett ik de to Noot ok noch sülvst. Dat geiht opletzt jo üm dat Weten sülvst... Dat wi blots 'n Handvull Lüüd sünd, warrt ok wieter uns Hööftproblem bi Projekten blieven. Man kummt mit dat Schrieven nich an gegen dat, wat man allens maken müch. Geiht mi tomindst so. --Iwoelbern 16:36, 16. Apr. 2008 (CEST)

[ännern] Infostand

Good, wi sünd to wenig Lüüd. Wi schafft keen Land, ahn dat de Hoochdüütschen uns Vörsprung wegöversetten doot. Wi wüllt Schoolmeesters hebben.

Dat geev jüst en Diskussion op de Mailing-List vun'n Vereen Wikimedia Düütschland. Een harr fraagt, wat Wikimedia Düütschland för de lütten Projekten maakt. Dor heff ik denn en beten stänkert, dat se nix maakt un jümmer nee seggt, wenn ik wat fraag (Portal ünner wikipedia.de kennt noch jümmer keen Plattdüütsch, denn harr ik mal för Geld fraagt, dat wi för'n Wikiborn Böker digital maken köönt etc.). Tjo, de Vereen sä denn ünner annern, dat se sik to'n Bispeel vörstellen kunnen, dat se uns en Infostand/Infomaterial betahlt, dat wi en beten Werbung för uns Projekt maakt. Wi kunnen to'n Bispeel na dat Plattdüütsche Schrieverdrepen in Mölln gahn oder villicht na'n Schoolmeesterdag (ik heff mi nu noch nich slau maakt, wat dat dor överhaupt Infostänn gifft oder wie dat aflöppt, aver mal so as Idee). Villicht Plattdüütsche Bökermess oder wenn dat noch wedder de PlattArt geven schall. Kunn sik dat een vun jo vörstellen, sik dor een Dag mal hentostellen mit en Infostand, poor Bläder verdelen, op de opsteiht, wat wi so maakt, wie een mitmaken kann. Poor Opbackers verschenken, villicht en Klappreekner dor opstellen, dat'n de Lüüd ok Wikipedia in aktion wiesen kann un so wieder? --::Slomox:: >< 23:24, 16. Apr. 2008 (CEST)

[ännern] Miechmops

Ich möchte gerne wissen was ein "Miechmops" ist. Ist das ein marienkäfer der ein anderes Tier?

Ingrid Sommerfeldt

Ich kenn das Wort nicht, aber nach Marienkäfer hört sich das nicht an. Das Miech kommt von miegen, was Urin ablassen heißt. Marienkäfer tun das nicht, eher Ameisen, für die es eine ganze Zahl Synonyme gibt, die darauf anspielen: Miegeemk, Pissmier etc. Wenn das mops vom Hund kommen sollte, handelt es sich auf jeden Fall um einen recht modernen Ulknamen und um keinen echten plattdeutschen Namen für ein Tierart. Vielleicht ließe sich mehr sagen, wenn du angibst, wo du das gelesen hast (und zum Beispiel auch den ganzen Satz hier dazuschreibst). --::Slomox:: >< 23:04, 20. Apr. 2008 (CEST)

[ännern] Plattdüütsch rutstellt

Ik wille, krek as bie jule, 't Platduuts vet-edrok hemmen, ik hebbe 't in Mediawiki:Common.css ezet, mar der veraandert niks, hef der ene hier enig idee ho-k dat veraanderen kan? (Mit de utwählt Artikel dissen Maand wol ik oek nog wat doon) Servien 16:31, 28. Apr. 2008 (CEST)

Cache leddig maken. Ctrl+F5. Oder eenfach en Tied töven. Geit op jeden Fall, ik seh dat fett --::Slomox:: >< 16:39, 28. Apr. 2008 (CEST)

Kas leegmaken en ctrl+F5 he-k eprebeerd mar dat lokken neet, mar gelokkig dut e 't, dat wonnen dus gewoon een Tied töven ;-) :P Servien 21:35, 28. Apr. 2008 (CEST)

[ännern] „Annere“ Formen vun Arbeit an Wikipedia

Mi is jüst wat temlich Bizarrs över'n Weg lopen, dat mutt ik nu eerstmal een vertellen ;-) : Dat gifft op Meta ene Sied, de wiest, woveel Artikels de Wikipedias all so hebbt (meta:List of Wikipedias). Nu is Artikel ja nich glieks Artikel, dor gifft dat allerhand Ünnerscheed'. Dat een dat beter verglieken kann, wo aktiv en Projekt würklich is, gifft dat as Vergliek en Depth-Weert. Disse Depth kann een mit Depth = ((Edits/Articles) × (Non-Articles/Articles) × (Stub-ratio)) utreken. Dor tellt also nich blot de Artikels, man ok wo faken de Artikels ännert warrt, woveel annere Sieden dat gifft (Diskuschonen, Vörlagen un all dat) un woveel Stubbens dormank sünd. De Logik is kloor: wo sik veel ännert un veel Diskuschoon un sowat is, dor staht echte Minschen un echte Artikels dor achter. Uns Depth-Weert is mit 2 temlich sied. Dat liggt to'n een an mi un miene Artikels to US-Countys, to'n annern liggt dat aver ok dor an, dat wi temlich effizient arbeiden doot. Wi hebbt keen groten Waterkopp ut Dusende vun Vörlagen un ganze Woolden vun Meta-Sieden to'n Sabbeln un Snabbeln un veel Bla-Bla. Wi hebbt 12.000 Artikels un 17.000 Sieden alltohoop. Uns Navers in de List, Siziliaansch un Okzitaansch, hebbt 32.000 un 33.000 Sieden alltohoop. Dat alleen bedüüdt en veermal högern Depth-Weert för de beiden Spraken. De gröttere Tall Edits kummt noch extra dorto.

Naja, op jeden Fall hebbt de Hoochdüütschen en Depth vun 75 - dat is temlich good - un de Engelschen vun 344. Dat is de beste Weert överhaupt, wenn wi vun de ganz lütten Wikis afseht (all lütter as 300 Artikels), de dör den groten Waterkopp ganz to Anfang jümmer en temlich hogen Depth-Weert hebbt. 344, dor kummt also keeneen röver. Mit ene Utnahm: de Kölschen, de Ripuariers vun ksh. In de List steiht dor bi de Depth en Streek; vunwegen, dat de Weert na Menen vun de Listmakers keen Utsaagkraft hett. Wenn een sik dat vun Hand utrekent, denn kummt een op 3161. 3161! Negenmal beter as de Engelschen! Dat de Rheinländers mehr snacken doot as wi brummelige Noorddüütsche, dat mag angahn, aver soveel Diskuschoon!? Dor mutt wat anners achterstecken, heff ik mi dacht. Also heff ik op ksh:Spezial:Alle Seiten ropkeken. Ik wull toeerst na de Vörlagen, ik harr den Verdacht, dat se en Vörlagen-Dschungel harrn, aver denn is mi bi de Artikels wat opfullen: Mal steiht dor 1160 noo Kreßtoß un denn 1113 noo Krißtůß. Vun de Schrievwies her nich besünners eenheitlich, dach ik mi. Dor wull ik denn mal kieken, wat dat överall so dörenanner is. Ik heff denn aver gau markt: Dat is nich dörenanner, de Lemmas sünd all eenheitlich. Dat annere sünd all blots Redirects. Ik heff bi ksh:Joohr 904 tellt: 57 Redirects in 57 verschedene Schrievwiesen (en ganze Reeg dorvun mit allerhand Sünnerteken, de doch nüms ingeven kann...). Dor weer ik denn doch en beten verbaast. 57 Redirects. Ik bün na ksh:Spezial:Alle Seiten trüch un wull nu kieken, wat dat blot de Johrstallen sünd. Nee. Weren se nich. ksh:Kölle, Rejierungsbezirk harr ok en ganze Reeg Redirects. Ik heff jem tellt. Dat heet, ik heff jem nich tellt, ik heff jem utrekent. Ans dee ik nu noch tellen... Över föffteihn Sieden geiht de List mit Redirects op dissen Artikel, all in verschedene kruse Schrievwiesen... Un op jede Sied staht meist 1000 Indrääg... Alltohoop 13.058 Redirects... För een Artikel... Dör-teihn-du-send Redirects! De sünd doch mall, de Franken! Brägenklöterig in'n wohrsten Sinn vun dat Woort... --::Slomox:: >< 03:47, 30. Apr. 2008 (CEST)

Un de üm un bi 4000 Redirects bi de Regierungsbezirk un nich Kölle vörn steiht, sünd dor noch gor nich mit bi ;-)

De Keerls hebbt also mehr Redirects för dissen een Artikel as wi Sieden in de kumplette Datenbank. --::Slomox:: >< 03:53, 30. Apr. 2008 (CEST)

Nu is Kölle ja ok en zentral Thema in de kölsche Wikipedia. För en ganz normal-wichtigen Artikel, so as ksh:Äßbaa Ongerzeusch, gifft dat blot 20 Redirects. --::Slomox:: >< 03:57, 30. Apr. 2008 (CEST)

Ischa gediegen...Wullt du denn nu den Vörslag maken, wi schöllt mehr redirects setten? Wi konnen ja al mol bi de unnerscheedlichen Schrievwiesen vun de Oortsnaams anfangen...--Bolingbroke 10:37, 30. Apr. 2008 (CEST)

Wi künnt ok den Duden hernehmen un all Wöör, to de wi noch keen Artikel hebbt, op uns Hööftsiet wierleiden :-)

Nee, also vun dissen Index holl ik nich veel. "Edit/Artikel" seggt rein gor nix över den Inholt. Ik kann en Artikel vun 35 kB eerstmol extern schrieven un denn op’n Slag in de Wikipedia rinsetten, oder ik kann en na un na kleckerwies torecht maken. Dat letzte maakt de Versionshistorie unnödig lang, is aver goot för’n Index... Un woveel nu diskuteert oder wiederlenkt warrt, dat vertellt mi ok nix doröver wo goot en Artikel is. Also, ik geev op dissen Kram nix! --Iwoelbern 11:07, 30. Apr. 2008 (CEST)

Ik hööp, ji hebbt nich würklich meent, ik dee vörslagen, dat wi dat jüstso maakt? Weest man nich unklook! ;-) Nee, wi schullen man allens so wiedermaken, as wi dat bet nu ok maakt hebbt. För uns schull dat allens, wat ik baven schreven heff, gornix heten. Dat schull dat reine ksh-Bashing wesen ;-) --::Slomox:: >< 22:47, 30. Apr. 2008 (CEST)

Ofschoonst dat mit de Wieterleiden vun de ünenrscheedlichen Schrievwiesen noch veel Potentschaal bargt... ;-) --Iwoelbern 22:58, 30. Apr. 2008 (CEST)

[ännern] Quasi per E-Mail über Artikeländerungen auf dem Laufenden bleiben!

Siehe dazu de:wikt:Wiktionary:E-Mail-Benachrichtigung! --- MfG, Melancholie 14:33, 5. Mai 2008 (CEST)

[ännern] Wichtigste Artikels

Ik heff mi nu jüst de Artikels dörkeken, de op http://stats.grok.se/ in de Toplist staht (de dusend Artikels de in den Maand opfakenst opropen worrn sünd). Ik will man kort vertellen, wat mi opfullen is: Bi de engelsche Wikipedia staht blangen de normalen wichtigen Artikels (Newton, Einstein oder USA to'n Bispeel) un de aktuellen Saken (för Februar to'n Bispeel de Valentinsdag un de Film Cloverfield) vör allen Saken ut de Popkultur op de List (to'n Bispeel de Serien Lost un Naruto). Op de hoochdüütsche List steiht ok veel ut de Popkultur (Schloss Einstein oder Sturm der Liebe höört dor to), aver wat dor duller opfallt, dat sünd Artikels ut de Medizin (Schilddrüse oder Demenz) un Artikels to Literatur un Mathematik (Effi Briest, Die Physiker un Exponentialfunktion, Binomische Formel as Bispelen). Ik nehm an, achter de Medizin-Artikels stickt öllere Lüüd, de sik över jemehr Gebreken slau maken wüllt. Un achter de Literatur- un Mathematik-Artikels stickt Schölers, de för Mathearbeiden lehrt oder vergeten hebbt, Effi Briest to lesen, un nu gau weten wüllt, wat dor so insteiht.

Dat is doch düüdlich to marken, dat Wikipedia vun de Düütschen un vun de Engelschen verscheden bruukt warrt. Dat allens blot as Info, wenn villicht een dor wat maken will. Villicht is dat en Idee, sik en List mit Saken to maken, de in Tokumst aktuell warrt, dat wi dor Artikels to hebbt, wenn dat losgeiht. Ik denk dor an Saken so as Super Tuesday, wo een al lang vörher weet, dat dat to en bestimmte Tiet temlich faken söcht warrt. Oder ok Filmartikels to Films, de nee rutkamen schöölt. --::Slomox:: >< 02:13, 7. Mai 2008 (CEST)

[ännern] Sportverenen

Wat wüllt wi denn mit Sportverenen maken, vun'n Naam her? Is de HSV de Hambörger Sportvereen oder ok bi uns de Hamburger Sportverein? Schöölt Concordia Ihrhove un Borussia Dortmund Concordia Jerove un Borussia Düörpm heten? Oder schöölt wi blot plattdüütsche Naams för Verenen bruken, wenn sik nawiesen lett, dat de plattdüütsche Naam ok würklich in de Realität bruukt warrt? (Hamborger Sportvereen kennt Google to'n Bispeel [plattdüütsche Narichten op NDR], för de Borussia lett sik tominnst noch en BVB Supporters Club Düörpm finnen) --::Slomox:: >< 20:00, 14. Mai 2008 (CEST)

Ik denk, dat wi dat schuven künnt, wenn plattdüütsche Naams vun de Öörd bekannt sünd. Mit Wiederleiden vun den hoochdüütschen Naam, versteiht sik... --Iwoelbern 20:09, 14. Mai 2008 (CEST)

[ännern] coordination mank de prejecten

För uns egen Wikisource is noch en beten wat to doon. Wi mööt dichter mit nds-nl tohooparbeiden. Ik heff de Sied meta:Low Saxon anemaakt, dat wi uns mit de nds-nl-lüüd tohoopsett un dat utarbeiden doot. Kiekt dor doch bitte mal langs. --::Slomox:: >< 21:12, 14. Mai 2008 (CEST)

[ännern] Extension:Babel

Op betawiki: löppt nu de mw:Extension:Babel. Dat is an un för sik jüst datsülve as uns Vörlaag:Babel, blot dat allens zentral is. Wi bruukt also all de Vörlagen nich mehr un wenn bi een Naricht mal de Text verkehrt is, denn mööt nich mehr 700 Projekte jemehr Vörlagen utbetern, denn reckt dat, wenn een Naricht op Betawiki ännert warrt. Wüllt wi dat nich hier bi uns ok installeren? --::Slomox:: >< 13:53, 19. Mai 2008 (CEST)

Dat harr seker ok den Vördeel, dat de exootschen Spraken ok praat staht, un nich jede ne’e Bruker anfangt sien egen Vörlagen tohopentoschoostern... --Iwoelbern 15:00, 19. Mai 2008 (CEST)

[ännern] Adolf Tegtmeier

Hier steiht, dat de DVD vun Adolf Tegtmeier sien Reisen ok en plattdüütsche Toonspoor hett. Weet dor een mehr, wat dat dor mit ok sik hett? Tegtmeier is ja man bekannt för sien Ruhrpott-Regiolekt. Is Plattdeutsch hier blot synonym för nich standardkonform Düütsch bruukt oder stickt dor echtet Platt achter? --::Slomox:: >< 20:15, 19. Mai 2008 (CEST)

[ännern] Platduuts artikel van de maond

Zoa-julle weten steet der sins kort bie ons een Platduutse artikel van de maond op de veurpagina, mar ik zie da-julle gien artikel veur de koemende maond hemmen, a-j dan op uutklappen klikken zollen, dan krie-j een rooie verwiezing, ho krie-j 't veur mekaar da-j in plaose van dee rooie verwiezing een melding kriegen mit daorop de tekse "dit artikel besteet nog neet" of zokswat? Servien 11:20, 26. Mai 2008 (CEST)

Daan: [24] --::Slomox:: >< 13:23, 27. Mai 2008 (CEST)

Bedank! Servien 22:42, 28. Mai 2008 (CEST)

[ännern] Radio

Över E-Mail hett Silke Frakstein fraagt, wat denn nich een vun uns mal en Sendung mit ehr tohoop maken will. Se hett en Reeg bi't Hambörger Lokalradio. Troot sik nich een vun jo to, mal en beten in't Radio to gahn un dor över uns to vertellen? --::Slomox:: >< 13:50, 26. Mai 2008 (CEST)

Dat hett se mi noch schreven: Mien Sendung löppt jümmers an'n tweeten Sünndag in'n Moond, Klock twölf. De Sender is in Bardörp un live is mi an'n leevsten. _:) Vörstellt heff ik mi notürlich: wieso un worüm un keen harr de Idee dorto. Un wo oolt sünd de Lüüd de dor achtern sitten dot. Dat ward jümmers mehr mit dat Internet un veele hebbt keen Ohnung wat dat allens so gifft in Plattdüütsch. Weer man nich slecht, wenn sik dor een finnen dee. --::Slomox:: >< 19:23, 26. Mai 2008 (CEST)

Dat schüll man een maken, de dichter bi wahnt... Vun Frankfort mol even för’n Radioprogramm na Hamborg to susen, dat is mi meist ’n beten to veel Opwand. Un mol dorvun af: De Fragen, de se dor so hett, dor weet ik nu ok nich jüst ’n Antwoort op... --Iwoelbern 19:35, 26. Mai 2008 (CEST)

Kummt Heiko nich ut Hamborg ?Eastfrisian 20:21, 26. Mai 2008 (CEST)

Is nich wiet weg vun uns. Aver Platt snacken? Schrieven geiht ja goot, aver snacken? Un dat gifft ja Lüüd hier, de maakt ja veel mehr as ik. Ach so: schall dat op Platt oder op Hooch ween? Lett so as wenn dat op Platt is ([25]).

Un wat schall ik över de Lüüd vertellen, de sünst hier noch mitmaakt? Vun jo alltosamen weet ik jo nix. Drapen hebbt wi uns ok nich, noch nich mal telefoneert. Un de Chat löppt ok nich. Eenmaal hebb ik dor mit Slomox en beten snackt. Ik kenn jo all ja man bloots ut de WP. Aver wenn dat nix utmaakt, kann ik dat geern mal versöken. Tominnst kann ik mit Silke Frakstein ja mal snacken, wat se sik so vörstellt hett, wolang dat düern schall, woans een sik op so wat vörbereiden deit. (Radio hebb ik noch nienich maakt..) Villicht kann ik denn seggen, wat ik dat maken kann, oder nich. Slomox, Du hest ja mien Telefonnummer un mien Nettpostadress. Kannst ehr mal geven. HeikoEvermann 22:57, 26. Mai 2008 (CEST)

Ik meen ok, dat scholl man en Hamborger maken...Man ene annere Sake: De annern WPs organiseert doch hen un wenn Drepen mank de Aktivisten. Denn könnt ok mol en paar Saken afsnackt weern. Schollen wi dat ok mol anpacken?--Bolingbroke 13:28, 27. Mai 2008 (CEST)

Dat Afsnacken geiht doch ok per Wiki. Schall aver nix gegen en Drepen heten, dat is keen verkehrte Idee. --::Slomox:: >< 13:55, 27. Mai 2008 (CEST)

Dacht heff ik doran ok al mol un en goden Infall is dat allemol. Ik weet blots nich recht, woans wi dat mit de Tiet un so ünner een Hoot bringt. Bi mi is dat jümmers wat eng. Aver versöken kann’n dat jo mol. --Iwoelbern 14:08, 27. Mai 2008 (CEST)

Denn sall dat Radiowicht ok man beter to jo Tosamenkunfst komen un sük daar hör O-Tonen halen. Denn kunn elk un een wat seggen to dat Projekt un daar kann se en Bidraag van maken.. Achteran kann denn een van jo mit live na't Studio. Denn is dat neet mehr so leep, wenn he blot wat un sien Sücht vertellen deit. Termo 16:55, 27. Mai 2008 (CEST)

Ik hebb vunabend mit ehr snackt: Dat Radioprogramm is an'n 14. September un ik gah hen. HeikoEvermann 20:22, 27. Mai 2008 (CEST)

Dat is fein! --Iwoelbern 21:00, 27. Mai 2008 (CEST)

Van mi ok. Heiko, wenn Du wat van mi bruukst - kann ik Dien e-mail-adress noch nemmen, de up Dien Websteed mol upmaalt weer. Hier op WP geev ik mien addie nich an. Eastfrisian 21:16, 27. Mai 2008 (CEST)

So, ik heff nu Wikipedia:Drepen maakt, denn köönt wi dor afsnacken, wat warrn schall un ob warrn schall un wie't warrn schall. --::Slomox:: >< 03:22, 29. Mai 2008 (CEST)

[ännern] Extension:NewUserMessage

Un noch wedder en Extension, de ik vörslagen will: mw:Extension:NewUserMessage. De schrifft bi jeden ne'en Bruker en Willkamen-Naricht op de Diskuschoon. Wüllt wi de bi uns bruken?

För de Variablen dee ik vörslagen:

$wgNewUserEditSummary = "Willkamen op de plattdüütsche Wikipedia";

wgNewUserMessageEditor = "Moin!";

--::Slomox:: >< 16:59, 27. Mai 2008 (CEST)

’n beten fründlich to ne’e Lüüd to wesen kann nienich schaden... :-) --Iwoelbern 17:19, 27. Mai 2008 (CEST)

[ännern] Gemeenden

En Gemeend is nich glieks en Gemeend. In Rhienland-Palz is en Gemeend in'n Dörsnitt 8,61 km² groot, meist jedet Dörp is en egen Gemeend. In Noordrhien-Westfalen aver sünd de Gemeenden in'n Dörsnitt 86,07 km² groot. De hebbt also Platz för teihn Dörper. Dat gifft also Gemeenden in all Grötten. In Frankriek hett dat ganze Land de Regel een Dörp = een Gemeend, in Däänmark hebbt de Kommunen meist de Grött vun lüttje Landkreise. Dat löppt normalerwies so, dat de Gemeend, de nee ut en poor Dörper tohoopleggt warrt, den Naam vun dat gröttste Dörp (oder de zentrale Stadt) kriggt. Nu hett sik dat inbörgert, dat de Gemeend Ohlers dat Lemma Ohlers kriggt. Nu schall aver ok jedet Dörp sien egen Artikel kriegen. Kokerbeek un Wangers schöölt ok Artikels hebben. Un denn schall natürlich ok dat Dörp Ohlers en Artikel hebben. Un dor hebbt wi dat Problem. De Artikel kann nich Ohlers heten, denn Ohlers, dat is ja al de Gemeend. Wi köönt nu de Gemeend un dat Dörp tohoop in een Artikel afhanneln. Aver worüm schull de Verwaltenssitt vun en Gemeend slechter stellt wesen as de annern Dörper in de Gemeend? Kann keen egen Artikel kriegen, blot vun wegen dat de Gemeend ok so heet? Dat is ja man Tüdelkraam. Ok de Hauptoort vun de Gemeend mutt en egen Artikel hebben. Aver wat schall de Naam wesen? Ohlers (Gemeen) un Ohlers (Dörp)? Un wat, wenn dat mehr as een Gemeend gifft, de so heet, un denn natürlich ok mehr as een Dörp? Bi Esdörp to'n Bispeel? Esdörp (Gemeen in'n Landkreis Stood), Esdörp (Gemeen an de Werser), Esdörp (Dörp in'n Landkreis Stood) un Esdörp (Dörp an de Werser)? Ok nich good to överblicken.

Ik dee dorvun vörslagen, dat wi all Artikels to Gemeenden op Titels mit Gemeend vörnan schuven doot. Gemeend Ohlers un Ohlers för dat Dörp. Gemeend Esdörp (Landkreis Stood), Esdörp (Landkreis Stood), Gemeend Esdörp (Werser) un Esdörp (Werser). Denn sünd de Gemeenartikels vun de Artikels to de Dörper good aftogrenzen.

Wat seggt ji dor vun? --::Slomox:: >< 17:57, 2. Jun. 2008 (CEST)

En lüttje Fraag is denn noch: Schöölt wi eenheitlich Gemeend bruken oder de Form vun dat Woord Gemeend so as se dor bruukt warrt? Gemeen Esdörp (Landkreis Stood) un Gemeende Esdörp (Werser)? (Wi kunnen ja denn to'n Bispeel ok een bestimmte Form as Default-Form bruken un för disse Default-Form jümmer Redirects na de lokale Form opstellen.) --::Slomox:: >< 18:01, 2. Jun. 2008 (CEST)

Ik bün mi dor noch nich so klor över, wat ik beter finn... Bi de Artikels, de ik bit hüüt över Gemenen schreven heff, befaat sik de Gemeen-Artikel vör allen mit den Hööftoort. Dat is jo man ok tomeist so, dat de Gemeen den Naam vun den Hööftoort hett. De Oortdelen tell ik woll op, aver normalerwies speelt de in den Artikel kuum en Rull, solang dor nich utnahmswies mol wat sünnert to sehn is. Artikels to de annern Dörper fallt meist teemlich kort ut, vun wegen dat faken gor nich so veel över jem to schrieven is. An sik bün ik nich so övertüügt, dat wi för de Hööftöörd egene Artikels bruukt. Oder anners rüm: Wenn dat Dörp ordig beschreven is, blifft kuum noch wat na för den Gemeenartikel. Wi hebbt dorto bi uns in’n Noorden ok noch de Samtgemenen, vör de dat ok Artikels gifft. An’n Enn steiht överall to veel dat sülve binnen. Bedenken mööt wi dorbi also ok, dat wi - wenn wi dat splitten wüllt - de bestahn Artikels all noch mol wedder ännern mööt.

Aver wenn dat dor en Mehrheit för gifft, denn is de Vörslag mit dat Vöranstellen woll de beste Weg. Wi schülln denn aver de Artikels eenheitlich hollen oder tomindst mit Wieterleiden Gemeen un Gemeend afdecken --Iwoelbern 18:27, 2. Jun. 2008 (CEST)

Ach, du jeminee...Datsülvige Problem gifft dat ja ok bi de Städer. Kiek doch bloß mol bi Syke. Schall man dor nu schrieven: Stadt Syke un Syke (de ole Oort)? Ik mee, nich. Eenfach Syke un denn noch Artkels över verscheden Oortsdelen, wenn dat dor wat över to seggen gifft, as Rist, Barrien un annere. So schöllt wi dat bi Gemenden ok maken: Affinghusen, un denn noch (wenn dat wat gifft) Dörgeloh. Wenn wi jeden Gemeendeartikel mit Gemeende, un denn noch ünnerscheedlich ok mit Gemeen oder Gemeene un womööglich Gemeyne anfangt, denn is mi dat to üm...Un denn würklich: Allens, wat dat över Syke to seggen gifft, is ja in den Artikel över de Stadt al seggt wurrn. Man ik verstah dat ok so: Du wullt geern, dat de enkelten Dörper nich unnergaht und en Lemma kriegen könnt. Könnt se doch, wenn wi dat so maakt, as ik baven seggt hebb...--Bolingbroke 18:37, 2. Jun. 2008 (CEST)

@Iwoelbern: Och, dor blifft ok noch noog to schrieven för de Gemeenartikels. Dat is ja ok nich veel anners as bi annere Verwaltungsebenen. To'n Regerungsbezirk oder to en Samtgemeend gifft dat ok nich veel to schrieven. Bi de Gemeend blievt vör allen över: Gemeenraat, Börgermeesters, Wapen, Flagg, Delen vun de Gemeend. Dat reckt noch jümmer för en Artikel, de dree Maal so lang is as de dörsnittliche Artikel över en Gemeend op nds.wikipedia opstunns.

@Bolingbroke: Dat is ja, wat wi nu ok al doot. Gemeen un Oort sünd aver eenfach twee verschedene Ebenen. Dat gifft op de hoochdüütsche Wikipedia ok twee Artikels to Bremen. Een för de Stadt un een för dat Land. Harr ok reckt, wenn dat een över Bremen gifft un een extra för Bremerhoben, oder? Stadt un Land Bremen sünd aver nich dat sülve. Un jüstso sünd de Stadt Syke in'n engern Sinn un de Stadt Syke in'n Verwaltungssinn nich dat sülve. Syke hett 25.700 Inwahners? Allens nich wohr! Man kuum 11.200. Nich mal de Hälft wahnt in Syke. De ganze Rest warrt blot vun Syke ut verwaltet. --::Slomox:: >< 18:52, 2. Jun. 2008 (CEST)

Dat övertüügt mi noch nich. Ik heff nu al’n poor Samtgemeenartikels maakt för’n Landkreis Rodenborg (Wümm). Tofreden bün ik mit jem nich recht, wieldat dor nich recht wat binnen steiht. Un grötter warrt de Gemenenartikels ok nich warrn. Över’t Splitten kann man nadenken, wenn en Gemeenartikel al so groot is, dat sik dat ok lohnt. Ik kann ok nich finnen, dat de Hööftoort slechter stellt is. Solang de Artikel ahn Tosatz in’n Naam steiht, is de woll meist noch beter stellt as de Oortsdelen, wieldat dor noch de Gemeensaken mit binnen staht. Nehm ik mol mien Heimat as’n Bispeel: Woonst is en Gemeen mit twee Oortsdelen. Wat schall ik dor nu Groot un Lütt Woonst un noch ’n drüdden Artikel över de Gemeen vun maken? De Historie vun beid Dörper hangt al so tohopen un de Gemeenraat is ok för beid Dörper intressant. Un gifft denn ok Gemeen, de blots een Oort hebbt. Wenn du dat eenheitlich maken wull, müss Du dor ok twee Artikels vun maken. Ik denk, dat is mehr Arbeit as wi dor Nütten vun kriegt. --Iwoelbern 19:21, 2. Jun. 2008 (CEST)

Wenn in de Artikels to de Samtgemenen nich so recht wat insteiht, denn liggt dat dor an, dat Satgemenen eben blot Verwaltungskörperschaften sünd un ans nix. Doot ans nix as verwalten. Dor is denn nich veel to schrieven. De Gemenen sünd jüstso blot för dat Verwalten dor. Ik kann nu to Groot un Lütt Woonst nix seggen, wo dull de Geschicht tohoophängt. Mien egen Gemeend hett aver ok twee Dörper: Kronenborg un Brobargen. De Geschicht vun de beiden Dörper hängt nich tohoop, op jeden Fall nich duller as ans ok mit annere Öörd in de Ümgegend. Wenn ik dat richtig nakeken heff, denn weer Woonst ok al 1910 een Gemeend un Groot un Lütt Woonst weren keen egen Gemenen. Ik will de Gemenen ja ok nich dwangswies uteneenrieten. Wenn dat al jümmer tohoop wesen is, denn schall dat ok geern in een Artikel blieven. Aver tominnst, wenn de Öörd ut mehr Gemenen tohoopleggt worrn sünd, denn süht dat al ganz anners ut as mit Woonst un denn schöölt de Öörd (all Öörd) egene Artikels kriegen. Wenn en Gemeend blot ut een Dörp besteiht, denn bruukt wi natürlich ok keen twee Artikels. Dat is ja Tüdelkraam. De Hoochdüütschen hebbt twee Artikels för dat Land Bremen un de Gemeend/Stadt Bremen, denn dat sünd twee Saken, de nich gliek sünd, aver se hebbt blot een Artikel för dat Land un de Gemeend/Stadt Hamborg, denn dat is dat sülve. Wenn de Gemeend un dat Dörp övereenstimmt, denn schall dat Lemma ok de eenfache Naam blieven un dat Lemma mit Gemeend warrt Redirect. --::Slomox:: >< 20:04, 2. Jun. 2008 (CEST)

De enkelten Dörper künnt natürlich schon ok egene Artikels hebben. Dor snackt gor nix gegen. Ik seh blots keen Vördeel dorin, de Hööftöörd ok noch mit egen Artikels to bedenken. Dat mag Utnahmen geven, wo dat Sinn maakt, man ik harr dacht, Du wullst dat systemaatsch vör all Gemeenartikels so maken. --Iwoelbern 20:28, 2. Jun. 2008 (CEST)

Dat will ik ok. Aver blots dor, wo dat ok Sinn maakt. --::Slomox:: >< 22:30, 2. Jun. 2008 (CEST)

Schöön Bispeel is ok Arnsberg. Arnsberg is blot de tweetgröttste Oort in de Gemeen un nich mal en Viddel vun de Lüüd ut de Gemeen Arnsberg leevt ok würklich in Arnsberg. --::Slomox:: >< 18:43, 3. Jun. 2008 (CEST)

Bi Gemeen Kronenborg heff ik dat nu mal so maakt, wie ik mi dat vörstell. --::Slomox:: >< 14:23, 6. Jun. 2008 (CEST)

Un en Dörpbox heff ik nu ok maakt, dat wi de wichtigen Fakten to de Dörper ok dorstellen köönt. --::Slomox:: >< 17:04, 7. Jun. 2008 (CEST)

[ännern] Ehrendag

Allet gode to dien Ehrendag

'Keen sien Ehrendag? --::Slomox:: >< 02:05, 4. Jun. 2008 (CEST)

[ännern] Sieden för Vörlagen ut dat Babel-System

Brukt wi disse Sieden noch? Ik weet nich recht, wat de helpen schöölt. Un wenn denn de Extension:Babel mal anschalt warrt, denn hebbt de noch weniger Sinn. --::Slomox:: >< 19:48, 4. Jun. 2008 (CEST)

Dat sütt mi ut, as wenn de vun keen Siet verlenkt warrt. Dormit sünd de denn woll över... --Iwoelbern 19:51, 4. Jun. 2008 (CEST)

Nu sünd se all weg. --::Slomox:: >< 17:16, 7. Jun. 2008 (CEST)

[ännern] Flagged Revs

De FlaggedRevs, de de hoochdüütsche Wikipedia al en Stoot lang testen deit, sünd nu so wied, dat se ok op annere Projekten insett warrn köönt. Dat kumplette Programm bi dat Sieden för IPs blot to sehn sünd, wenn se gesichtet sünd, dat is mi toveel. Aver dat lett sik ok so instellen, dat dat meist nix anners deit as dat Ännern nakieken, wat wi nu ok doot.

Opstunns is dat ja so, dat de Admins de Ännern vun de Nich-Admins all nakieken doot. Bi de Ne'esten Ännern steiht denn en lütt rood Utroopteken, dat so lang blifft, bet een op As nakeken marken klickt. So warrt sekerstellt, dat all Ännern opminnst een Maal ankeken warrt un keen Tüdelkraam eenfach stahn blifft.

Mit FlaggedRevs kunnen wi jüst dat sülve maken. Blot mit'n Ünnerscheed, dat FlaggedRevs veel flexibler is as de Edit-Patrulje. Wenn wi to'n Bispeel later mal faststellt, dat wi IPs blot nakekene Ännern wiesen wüllt, denn köönt wi dat bi FlaggedRevs gau ümstellen laten. Bi de Edit-Patrulje gifft dat blot een Instellung. Un de annere Vördeel is, dat dat Recht, Ännern natokieken, nich an'n Admin-Status hängt. Eastfrisian wull ja nich so geern Admin warrn. He kann mit FlaggedRevs aver liekers Sichter warrn (musst ok nich mal sichten, reckt ja al, wenn de annern dien Ännern nich sichten mööt ;-) ). --::Slomox:: >< 21:08, 4. Jun. 2008 (CEST)

Maak ik bi de hoochdüütsche WP ok al. Gefallt mi goot... --Iwoelbern 21:19, 4. Jun. 2008 (CEST)

Wat ik nich verstahn kann is, dat dat op WP-de so veel Striet doröver gifft. Wenn ik mi disse Ümfraag [26] ankieken dei, denn lett dat so as dat dat gau wedder afstellt warrt.

Wat uns angeiht: op DE warrrt Ännern an en sicht Artikel dör en Sichter automaatsch as sicht markeert. Dat is för uns nix. Ik denk mi, dat is goot, wenn jümmers wen anners ok mal en Blick hett op dat wat wi so schrieven deit. De Vördeel vun de flagged revisions is, dat een en Artikel bloots eenmal ankieken mutt, wenn mehrmals da wat an ännert is un een kann dat ok lichter op Vollständigkeit nakieken. Villicht geiht dat tosamen? Ninety Mile Beach 22:49, 4. Jun. 2008 (CEST)

Op de hoochdüütsche WP sünd dat twee poor Saken. De nakeken Version un de prüfte Version (de dat aver noch nich gifft). Nakeken heet jo eerstmol nix anners, as dat dor nich jichtenseen Döspaddel Schietkram rinschreven hett. Dor hebb ik nix gegen, wenn dat bi’n Sichter ok automaatsch geiht. Dor mutt man blots ’n beten oppassen, dat nich jeedeen Sichter warrt. Wat dat mit de prüfte Version warrt, dat is’n annern Snack... Ik glööv nich, dat wi dat opstunns al bruukt. --Iwoelbern 23:03, 4. Jun. 2008 (CEST)

[ännern] MetaWiki Low Saxon: dorvör oder dorgegen?

Der hef der bie ons ene een veurstelle edaon um derover te stemmen (dat mu-j a-j 't an-eneumen willen hemmen) kiek oek es in ons praotkefee. Servien 19:33, 8. Jun. 2008 (CEST)

Dat geiht hier üm, dat Admins op nds ok Admins op nds-nl wesen schöölt (jüstso later villicht mal op pdt) un annersrum. --::Slomox:: >< 21:23, 8. Jun. 2008 (CEST)

Hier nochmal de Lenk direkt, för de Afstimmen op nds-nl. --::Slomox:: >< 21:25, 8. Jun. 2008 (CEST)

Verstah ik dat richtig: Ik schall automaatsch Admin warrn künnen op en Wiki, vun de ik de Spraak nich mol richtig verstah un ok nich Bescheed weet, wat dor so Usus is? --Iwoelbern 21:37, 8. Jun. 2008 (CEST)

Du musst dien Admin-Knöpp nich insetten, wenn du nich övertüügt büst, dat du dat richtige deist. (Un dat schall opbest ok ans nüms doon.) --::Slomox:: >< 22:18, 8. Jun. 2008 (CEST)

Wenn se dat denn ok all so seht... Ik weet nich recht - wenn een de Knööp bruken müch, denn geiht dat över den normalen Weg doch jüst so goot. Dat seggt mi nich to. --Iwoelbern 22:34, 8. Jun. 2008 (CEST)

Dat geiht dorbi vör allen ok üm Bann knütten, Vertroon un bi de Hann faten. Wiesen, dat de Schrievwiesen-Graven uns nich dor vun afhollen kann, dat wi tohooparbeiden doot. --::Slomox:: >< 23:12, 8. Jun. 2008 (CEST)

Glööv ik woll. Tosamenarbeit gifft dat ok all op annere Wiesen un dat is ok fein. Man, ik denk, mit de Knööp schüll man sütje ümgahn. Na ja, gifft jo noch ’n Mööglichkeit aftostimmen... --Iwoelbern 23:23, 8. Jun. 2008 (CEST)

Eerst mol utprobeern un denn kieken, weer woll das Beste. Oder kann een dor achterher nich mehr rut, wenn't scheef lopen deit?--Bolingbroke 12:28, 17. Jun. 2008 (CEST)

[ännern] Dorvör

1. --::Slomox:: >< 21:23, 8. Jun. 2008 (CEST)

[ännern] Dorgegen

1. ----

[ännern] Ruthollen

1. --Iwoelbern 22:34, 8. Jun. 2008 (CEST)

[ännern] Plattdüütsch in de Rundfunk

Is ter ok een (internet)radiostesjon mit Platduytse müsyk/gesprekken? Of bünt ter allennig pregramma's op stesjons die voer 't averige Hoogduyts bünt, so as Hör mal 'n beten to? (D'r bestyt gyn enkel stesjon det hylemale in 't Nedersaksisch würdt uytezünden. Voer 't Limbürgs gyt det d'r wal kommen, hoer ik.) Ni'jluuseger 11:52, 17. Jun. 2008 (CEST)

Sowiet, as ik dat oversehn kann, gifft dat nargens en plattdüütschen Senner. Nich bi't Feernsehn un ok nich bi't Radio. --Bolingbroke 12:30, 17. Jun. 2008 (CEST)

Gifft dat nich. Radio HJCB hett en goden Deel plattdüütsch (plautdietsch) Programm, aver ok nich kumplett Plattdüütsch. Wi hebbt ok en lütte Sied mit Internettsieden, de Plattdüütsch to'n Anhöörn hebbt: Wikipedia:Platt anhöörn. --::Slomox:: >< 14:10, 17. Jun. 2008 (CEST)

Gud idee voer de Nedersaksische Wikipedie! Ni'jluuseger 15:39, 17. Jun. 2008 (CEST)

Hier küy Plat uyt Nederlaand hoeren. Prachtige müsiek! Voeral de Grünneger müsiek (Ede Staal) gyt 't Oostfrys in de müüte. Ni'jluuseger 22:57, 19. Jun. 2008 (CEST)