Bueree
Vun Wikipedia
Landweertschap (de, f.) is de Anbo vun Planten un de Tucht vun Veehtüch för de Nehrmiddelprodukschoon.
[ännern] Historie
Vör dat de Minschen Landweertschap dreven hebbt, sünd se al op de Jagd gahn un hebbt Planten to'n Eten sammelt. So wat vör 8000 v. Chr. hebbt de Lü anfungen, Veehtüch to hooln. Meist sünd se mit ehr Veehtüch in en grotet Rebeet as Nomaden rümtrocken.
De Anbo vun Koorn is een Markmol vun all olle Kulturen. Dat güng al in de Steentiet los. Bi de olen Ägypters weer dat Garst un Weten, ok bi de Sumerers un later denn bi de Greken un Römers. In China weer dat de Ries, un in Amerika de Mais.
[ännern] Oorten
Na dat, wat trocken ward, ünnerscheed wi
- Ackerbo
- Veehtucht
- Goornbo
- Obstbo
Na de Grött vun den Bedrief ünnerscheed wi
- lütte Höff, wo de Landweertschap blangenbi geiht
- Vullerwerfshöff, wo dat Inkomen tominns to'n gröttsten Deel ut de Landweertschap is
- Gootshöff, wo dat mehr Angestellte gifft.
[ännern] Bedüden
Freuger weer dat so, dat de mehrsten Minschen in de Landweertschap arbeiden deen. Dat weern mehr as de Hälft vun all de Lü. Hüüt is dat vunwegen de Technik allens anners wurrn.
