Àiteachas
As a'Wikipedia
Se àiteachd neo àiteachas tuathanachas, a’ cleachdadh fearann gus luibhean a chur, agus a’ toirt fàs orra.
[deasaich] Àiteachas agus Croitearachd
Tha àiteachas na phàirt cudthromach de croitearachd air taobh Sear na Gaidhealtachd, mar eisimplir anns an Eilean Ghoirid, far a bheil croitean cho mhor ri 30 acair a' geilleadh cruithneach, eorna agus coirce ceart cho math 's a tha na tuathanasan air machair Siorramachd Naruinn beagan miltean dhan ear.
Chan eil moran àitcheachas-croitearachd a' dol air taobh siar na duthcha anns an latha an diugh, far a bheil an aimsir nas fliuch nan taobh Sear agus nas fliuch an diugh na bha e os cionn fichead bliadhna. A dh'aoindeoin sin, tha gairnealachd-croitearachd air tilleadh ris an Eilean Sgitheanach,Ratharsair agus Loch Aillse rè an deichead a chaidh, agus Comunn/Companaidh Coimhearsnachd ga co-ordanadh agus ga bhrosnachadh.
Ged nach eil moran croitearan ri aiteachas anns an latha an diugh, is fheudar dhuinn aithneachadh gu bheil aiteachas riatanach do chroitearachd. As aonais aiteachas cha b'urrainn do croitearan a bheathaich an spreidh aca tro'n gheamhraidh. Bha croitearan ri àiteachas air feadh na sgirean croitearachd sios ri na 1970'n, is e ghiulan-bhathair saor, comhla leis na beanntain-bhidhe a dh'eirigh san roinn Eorpa aig deireadh na 1970'n a chuir as aiteachas-croitearachd air an taobh siar aig a cheann thall, o chionns gu d'fhas e nas saora a cheannaich biadh-sprèidh a-steach o sgirean eile le aimsir agus fearainn nas fhearr na bha e a bhi ga fàs aig an tigh. Tha cothrom (an 2008) gun tig a' chuibhle mun chuairt anns na beagan bliadhnachan a roimhainn.
- Croitearachd
- Caoraich
- Ughdarras nan Croitearan
- An Fhang
- Achd nan CroitearanLink title
