Agritchultuthe

From Wikipedia

Ch't' articl'ye fut c'menchie en Jèrriais

Lé S'meux d'Jean-François Millet

L' agritchultuthe ( agritchultuthe) est la faîs'sie d'mangi, dé taile, dé fouâle, et d'aut's matéthiaux en tchultivant des pliantes ou en êl'vant des bêtes.

42% (estînmé 2002) d'la populâtion du monde travâlent dans l'agritchultuthe, mais raîque 4.4% (estînmé 2005) du bein finnancyi mondial veint d'l'agritchultuthe.

[amendaer] Histouaithe dé l'agritchultuthe

Dans les touos vièrs temps, nou chassait et tchilyait des frits, des lédgeunmes et des réchinnes s'lon les saîsons d'avoût et s'lon l'èrmueûthie saîsonniéthe des bêtes.

I' sembliéthait qu'des gens c'menchîtent à apprivouaîsi des bêtes et plianter d'la s'menche dans des difféthentes contrées, sustout dans l'Êst du Mitan, y'a dans les 10,000 ans. Y'a du têmouongnage archéologique d'la fèrméthie sus les bords du Nil, entré les deux riviéthes en Mésopotanmie, et en Anatolie dans la P'tite Âsie.

La tchéthueûthie en Vielle Êgypte

Pouortchi qu'les gens ont c'menchi à r'nonchi eune vie d'èrmueûthie à seule fîn d'settler dans des villages et graie des fèrmes? Nou n'sait pon, mais ch'tait p't-êt' qu'i' y'eût un changement d'clyînmat, ou qu'la craîssance d'la populâtion oblyigîtent eune manniéthe dé vie tchi pouôrrait souôt'nîn pus d'gens.

Ch'tait en l'Âge dé Bronze, qu'la fèrméthie d'vînt êtablyie et qu'nou trouve les preunmié empithes – car pouor souongni eune armée i' faut des stôrres dé mangi.

[amendaer] Agritchultuthe d'achteu

En 2004, la FAO des Nâtions Unnies estînmit la production agritchultuthelle mondiale coumme sied:

Les manniéthes dé production (millions d'tonnes) 2004
céréales	2,264
lédgeunmes and m'lons	866
réchinnes and patates	715
lait	619
frit	503
viande	259
hielle dé pliante	133
paîsson (estînmé 2001)	130
oeux	63
pais	60
taile dé pliante	30
R'source: UN FAO[1]