Engelsche Spraak
Vun Wikipedia
| Engelsche Spraak | |
|---|---|
| Warrt snackt in: | Australien, Ghana, Grootbritannien, Indien, Irland, Jamaika, Kanada, Neeseeland, Nigeria, Pakistan, USA un 94 annere Länner |
| Sprekertall: | 340 Mio. as Mudderspraak un 350 Mio. - 1 Mrd. as tweete Spraak |
| Linguistisch Klassifikatschoon: |
|
| Offiziellen Status | |
| Amtsspraak in: | Australien, Ghana, Grootbritannien, Indien, Irland, Jamaika, Kanada, Neeseeland, Nigeria, Pakistan, USA un allerhand annere Länner |
| Spraakkoods | |
| ISO 639-1: | en |
| ISO 639-2 (B): | eng |
| ISO 639-2 (T): | [1] |
| ISO 639-3: | {{{ISO3}}} |
| SIL: | ENG |
Ingelsch is een Süsterspraak to dat Plattdüütsche. Ingelsch is een Weltspraak. Kümmt ut England, wat hüüt to Grootbritannien to heurt.
[ännern] Historie
Ingelsch hett desülven Wuddeln as dat Ooltsassische un dat ole Nedderfranksche. Dat keem dorvun, dat so üm dat Enn vun de Römertiet Angeln, Sassen, Nedderfranken un Fresen na Britannien seilt sünd. Dat geef denn dat Angelsassich ellers Anglosaxon, wat teemlich dicht bi dat ole Sassisch is. De Angeln un Sassen hebbt obers ok wat vun de Römers övernahm.
Denn weern dor ok de Dänen un Norwegers. De sünd as Wikingers ok na England röver un harrn dor röövt, later obers ok Land nahmen. So kreeg dat Angelsassische ok noch wat vun de Skandinaavschen Spraken mit.
Denn keem 1066. Dat wöör dat Johr, as Willem, de Normann, ut de Normandie na Hastings schippert is. De Normannen weern twoors ok Wikingers, man se harrn de franzöösche Spraak al opnahmen. So keem dat Franzöösche in dat Ingelsche rin.
Later weer dat denn, dat in de Hansetied de Kooplü ok na England sünd. Un denn sünd jo ingelsche Lü op plattdüütsche Scheep fohrt, obers besünners hebbt ok plattdüütsche Lü op ingelsche un amerikaansche Scheep anhüürt. So keem dat ok to plattdüütsche Utdrück in dat Ingelsche un ingelsche in dat Plattdüütsche.
[ännern] De Spraak
Ingelsch is gor nich so swoor, tominns de Grammatik. Dat gifft dree Fäll: Nominativ, Genitiv un Objektiv. As op Platt. Bispeel:
- The cat is white - the cat’s food is brown - I give the cat food - I see the cat.
- De Katt is witt - De Katt ehr Foder is bruun - Ik giff de Katt Foder - Ik seeg de Katt.
