ബൈബിള്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
ബൈബിള്‍ (The Bible) ക്രിസ്ത്യാനികളുടെയും യഹൂദരുടെയും വിശുദ്ധ ഗ്രന്ഥമാണ്.[1] ഹീബ്രു ഭാഷയിലുള്ള പഴയനിയമം മാത്രമാണ് യഹൂദര്‍ക്ക് ബൈബിള്‍. എന്നാല്‍ പഴയ നിയമവും പുതിയ നിയമവും ചേര്‍ന്നതാണ് ക്രിസ്ത്യാനികളുടെ ബൈബിള്‍.ചെറിയ പുസ്തകം എന്നര്‍ത്ഥം വരുന്ന ബിബ്ലിയ എന്ന ഗ്രീക്ക് വാക്കില്‍ നിന്നാണ് ബൈബിള്‍ എന്ന പദം പ്രയോഗത്തിലെത്തിയത്. ദൈവവും മനുഷ്യനും തമ്മിലുള്ള ബന്ധത്തിന്റെ രേഖയായും ദൈവവചനമായുമൊക്കെയാണ് വിശ്വാസികള്‍ ബൈബിളിനെ കരുതിപ്പോരുന്നത്. എന്നാല്‍ ബൈബിളിനെ ഒരു സാഹിത്യ സൃഷ്ടിയായോ ചരിത്ര രേഖയായോ സമീപിക്കുന്നവരുമുണ്ട്.
ലോകത്തില്‍ ഏറ്റവും കൂടുതല്‍ ഭാഷകളിലേക്ക് വിവര്‍ത്തനം ചെയ്യപ്പെട്ടിരിക്കുന്ന ഗ്രന്ഥമാണ് ബൈബിള്‍. രണ്ടായിരത്തി ഒരുനൂറോളം ഭാഷകളില്‍ ബൈബിള്‍ പ്രസിദ്ധീകൃതമായിട്ടുണ്ട്. ഏറ്റവും കൂടുതല്‍ വിറ്റഴിക്കപ്പെട്ടിരുന്ന ഗ്രന്ഥവും ഇതുതന്നെ. അഞ്ഞൂറ് കോടിയിലേറെ പ്രതികള്‍ പലഭാഷകളിലായി വിറ്റഴിക്കപ്പെട്ടിട്ടുണ്ട്[2][3].
ഉള്ളടക്കം |
[തിരുത്തുക] നിരുക്തം
Online Etymology Dictionary പ്രകാരം ബൈബിള്‍ എന്ന പദം ഉദ്ഭവിച്ചത്, ആംഗ്ലോ-ലത്തീന്‍ പദമായ bibliaഇല്‍ നിന്നുമാണ്‌[4]. ഈ വാക്കിന്റെ ഉദ്ഭവം മദ്ധ്യകാല ലത്തീനിലും പില്‍ക്കാല ലത്തീനിലും ഉപയോഗിച്ചിരുന്ന biblia sacra(വിശുദ്ധ ഗ്രന്ഥങ്ങള്‍) എന്ന പദത്തില്‍നിന്നാണെന്ന് അനുമാനിക്കാം. ഈ പദം biblion("കടലാസ്" അല്ലെങ്കില്‍ "ചുരുള്‍" - "പുസ്തകത്തിന്റെ സാധാരണ ഉപയോഗിക്കുന്ന പദം") എന്ന പദത്തില്‍നിന്നുദ്ഭവിച്ച (ഗ്രീക്ക്: τὰ βιβλία τὰ ἅγια Ta biblia ta hagia, "വിശുദ്ധ ഗ്രന്ഥങ്ങള്‍"), എന്ന പദത്തില്‍നിന്നാണ്‌. ഈ പദമാകട്ടെ, ഒരുപക്ഷേ ഈജിപ്ഷ്യന്‍ പാപ്പിറസ് കയറ്റി അയയ്ക്കപ്പെട്ടിരുന്ന ഫിനീഷ്യന്‍ തുറമുഖത്തിന്റെ പേരില്‍നിന്നുദ്ഭവിച്ചതാകാവുന്ന, byblos ("ഈജിപ്ഷ്യന്‍ പാപ്പിറസ്") എന്ന പദത്തിന്റെ ഒരു വകഭേദമാണ്‌.
ബൈബിള്‍ പണ്ഡിതന്‍മാര്‍ക്ക് ഹാമില്‍ട്ടന്റെ സമര്‍ത്ഥനപ്രകാരം, Ta biblia("പുസ്തകങ്ങള്‍") എന്ന പദശേഖരമാണ്‌ പ്രധാനമായും ഗ്രീക്ക് സംസാരിച്ചിരുന്ന ജൂതന്മാര്‍ ക്രിസ്തുവിനു പല നൂറ്റാണ്‍ടുകള്‍ക്കു മുമ്പു തന്നെ അവരുടെ വിശുദ്ധ ഗ്രന്ഥങ്ങളെ വിളിക്കാന്‍ ഉപയോഗിച്ചിരുന്നതെന്നും "[5] ഇതു ഒരുപക്ഷേ ആ പദശേഖരം സെപ്ത്വാഗിന്തിനെ യാവാം ഉദ്ദേശിച്ചതെന്നും[6]. ക്രിസ്തുവര്‍ഷം 223ഇല്‍ പോലും ഗ്രീക്ക് പദമായ Ta Biblia ക്രിസ്തീയ വിശുദ്ധ ഗ്രന്ഥത്തെ വിളിക്കാന്‍ ഉപയോഗിച്ചിരുന്നതായി Online Etymology Dictionary സമര്‍ത്ഥിക്കുന്നു.
[തിരുത്തുക] ഹീബ്രു ബൈബിള്‍
പ്രധാന താളുകള്‍: ഹീബ്രു ബൈബിള്‍, തനക്ക്, പഴയ നിയമം ഹീബ്രു ബൈബിള്‍ യഹൂദ ബൈബിള്‍ എന്നുമറിയപ്പെടുന്നു. യഹൂദര്‍ ഇതിനെ തനക് എന്നു വിളിക്കുന്നു. മൂന്നു വിഭാഗങ്ങളായി തിരിച്ച 24 പുസ്തകങ്ങളടങ്ങിയതാണ് ഹീബ്രു ബൈബിള്‍. തോറാ(നിയമം), നിവിം(പ്രവാചകന്മാര്‍) കെതുവിം(വൃത്താന്തം) എന്നിവയാണ് ഹീബ്രുബൈബിളിലെ മൂന്നു വിഭാഗങ്ങള്‍.
[തിരുത്തുക] തോറ
മോശയുടെ കല്‍‌പനകള്‍ എന്നും ഈ ഭാഗമറിയപ്പെടുന്നു. അഞ്ചു പുസ്തകങ്ങളാണ് ഈ വിഭാഗത്തിലുള്ളത്.
- ഉല്പത്തി - Bereshit (בראשית)
- പുറപ്പാട് - Shemot (שמות)
- ലേവ്യര്‍ - Vayikra (ויקרא)
- സംഖ്യ - Bamidbar (במדבר)
- നിയമാവര്‍ത്തനം - Devarim (דברים)
ദൈവ-മനുഷ്യ ബന്ധത്തിന്റെ മൂന്നു തലങ്ങളാണ് തോറ പ്രതിപാദിക്കുന്നത്. ഉല്പത്തി പുസ്തകത്തിന്റെ ആദ്യ പതിനൊന്ന് അധ്യായങ്ങളില്‍ ദൈവം പ്രപഞ്ചത്തെ സൃഷ്ടിച്ചതും മനുഷ്യനെ അതിന്റെ കേന്ദ്രമായി മാറ്റുന്നതും വിവരിക്കുന്നു. തുടര്‍ന്നുള്ള 39 അധ്യായങ്ങള്‍ പൂര്‍വപിതാക്കന്മാരായ അബ്രാഹം, ഇസഹാക്ക്, യാക്കോബ് എന്നിവരുമായി ദൈവം നടത്തുന്ന ഉടമ്പടിയെപ്പറ്റി വര്‍ണ്ണിക്കുന്നു. അബ്രാഹമിനോട് സ്വന്തം ദേശമായ ഉര്‍ വിട്ട് കാനാന്‍ ദേശത്തേക്ക് പോകുവാന്‍ നിര്‍ദ്ദേശിക്കുന്നത് ഈ ഭാഗത്താണ്. ഇസ്രയേലിന്റെ മക്കള്‍ ഈജിപ്തില്‍ അടിമകളായെത്തിയ കഥയും ഇവിടെ വായിക്കാം.
തോറായിലെ ശേഷിക്കുന്ന നാലു പുസ്തകങ്ങളുടെയും കേന്ദ്രബിന്ദു ആദ്യത്തെ പ്രവാചകനായി കണക്കാക്കപ്പെടുന്ന മോശയാണ്. ഈജിപ്തിലെ അടിമത്തത്തില്‍ നിന്നും ഇസ്രയേല്യരെ മോചിപ്പിച്ച് വാഗ്ദത്ത ഭൂമിയിലേക്ക് അവരെ നയിക്കുന്ന പ്രവാചകനാണ് മോശ. പൂര്‍വപിതാക്കന്മാരുമായി ദൈവം ഏര്‍പ്പെട്ട ഉടമ്പടി സിനായ് മലയില്‍ വച്ച് പുതുക്കുന്ന ഭാഗവും യഹൂദരുടെ നിയമങ്ങളുടെ കേന്ദ്രബിന്ദുവായ പത്തു കല്‍‌പനകള്‍ ദൈവം മോശയ്ക്കു നല്‍കുന്ന ഭാഗവും പുറപ്പാടിന്റെ പുസ്തകത്തില്‍ കാണാം. മോശയുടെ മരണത്തോടെയാണ് തോറ അവസാനിക്കുന്നത്.
[തിരുത്തുക] നിവിം(പ്രവാചകന്മാര്‍)
നിവിം അഥവാ പ്രവാചകന്മാരുടെ പുസ്തകങ്ങള്‍ ഇസ്രയേല്യര്‍ രാജഭരണത്തിനു കീഴില്‍ കേന്ദ്രീകരിക്കപ്പെടുന്നതും പിന്നീട് രണ്ട് വിഭാഗങ്ങളായി തിരിയുന്നതും രാജാക്കന്മാരുടെയും ജനങ്ങളുടെയും ഇടയിലേക്ക് ദൈവത്തിന്റെ വിധി നടപ്പാക്കുവാന്‍ പ്രവാചകന്മാര്‍ എത്തുന്നതും വിവരിക്കുന്നു. ഇസ്രയേല്യരെ അസീറിയക്കാരും യഹൂദ്യരെ ബാബിലോണിയക്കാരും കീഴടക്കുന്നതോടെയാണ് പ്രവാചകന്മാരുടെ പുസ്തകങ്ങള്‍ അവസാനിക്കുന്നത്. യഹൂദ പാരമ്പര്യമനുസരിച്ച് നിവിം എട്ടു ഭാഗങ്ങളായി വേര്‍തിരിക്കപ്പെട്ടിരിക്കുന്നു.
- ജോഷ്വ (യോഷ്വ)
- ന്യായാധിപന്മാര്‍
- സാമുവേല്‍ (ശാമുവല്‍)
- രാജാക്കന്മാര്‍
- ഏശയ്യാ
- ജെറമിയ (യെറമിയ)
- എസെക്കിയേല്‍
- ചെറു പ്രവാചകന്മാര്‍
[തിരുത്തുക] കെതുവിം
പണ്ഡിത മതപ്രകാരം കെതുവിം ഗ്രന്ഥങ്ങള്‍ യഹൂദരുടെ ബാബിലോണ്‍ പ്രവാസ കാലത്തോ അതിനുശേഷമോ എഴുതപ്പെട്ടവയാണ്. യഹൂദ പാരമ്പര്യമനുസരിച്ച് കാനോനികമായി(ദൈവനിവേശിതമായി) അംഗീകരിക്കപ്പെട്ടിട്ടുള്ള അവസാന പുസ്തക സഞ്ചികയാണ് കെതുവിം. പതിനൊന്ന് പുസ്തകങ്ങളാണ് ഈ വിഭഗത്തിലുള്ളത്.
- സങ്കീര്‍ത്തനങ്ങള്‍
- സുഭാഷിതങ്ങള്‍
- ജോബ് (ഇയോബ്)
- ഉത്തമഗീതങ്ങള്‍
- റൂത്ത്
- വിലാപങ്ങള്‍
- സഭാപ്രസംഗകന്‍ (സഭാപ്രസംഗി)
- എസ്തേര്‍
- ദാനിയേല്‍
- എസ്ര
- ദിനവൃത്താന്തം
[തിരുത്തുക] ക്രിസ്തീയ ബൈബിള്‍
| ക്രിസ്തുമതം | |
 |
|
| ചരിത്രം · ആദിമ സഭ | |
| സൂനഹദോസുകള്‍ · വിഭാഗീയത | |
| സഭാപിതാക്കന്മാര്‍ | |
| ദൈവശാസ്ത്രം | |
|---|---|
| ത്രിത്വം · നിത്യരക്ഷ | |
| ദൈവവരപ്രസാദം · ആരാധനാക്രമം | |
| ബൈബിള്‍ | |
| പഴയ നിയമം · പുതിയനിയമം | |
| വെളിപാടു പുസ്തകം · ഗിരിപ്രഭാഷണം | |
| പത്തു കല്‍പ്പനകള്‍ | |
| ക്രിസ്തീയ സഭകള്‍ | |
| കത്തോലിക്കാ സഭ | |
| ഓര്ത്തഡോക്സ് സഭകള്‍ | |
| പെന്തക്കോസ്ത് സഭകള്‍ | |
| പാശ്ചാത്യ ക്രിസ്തുമതം · പൗരസ്ത്യ ക്രിസ്തുമതം | |
| സഭൈക്യം
സംഘടനകള്‍ · സഭൈക്യപ്രസ്ഥാനം |
|
യഹൂദരുടെ ബൈബിളില്‍ നിന്നും വ്യത്യസ്തമാണ് ക്രിസ്തീയ ബൈബിള്‍. പഴയ നിയമ ഗ്രന്ഥങ്ങള്‍ മാത്രമുള്ള യഹൂദ ബൈബിള്‍ രക്ഷകന്റെ അവതാരത്തിനായി കാത്തിരിക്കുകയാണ്. എന്നാല്‍ യേശുവില്‍ ഈ രക്ഷകനെക്കണ്ടെത്തുകയാണ് ക്രിസ്തീയ ബൈബിളിന്റെ ധര്‍മ്മം. അതുകൊണ്ടുതന്നെ യേശുവിന്റെ പ്രബോധനങ്ങളെ അടിസ്ഥാനമാക്കിയുള്ള പുതിയ നിയമമാണ് രണ്ടും തമ്മിലുള്ള പ്രധാന വ്യത്യാസം.
[തിരുത്തുക] പഴയ നിയമം
ഹീബ്രു ബൈബിളിലെ 24 പുസ്തകങ്ങളും ക്രിസ്തീയ ബൈബിളിന്റെ പഴയനിയമത്തിലുണ്ട്. ഇതു കൂടാതെ മറ്റു ചില ഗ്രന്ഥങ്ങളും ക്രിസ്തീയ സഭകള്‍ കൂട്ടിച്ചേര്‍ത്തിട്ടുണ്ട്.. ഈ കൂട്ടിച്ചേര്‍ക്കലില്‍ ഐകരൂപ്യമില്ല. പ്രസ്തുത പുസ്തകങ്ങള്‍ അപ്പോക്രിഫ എന്നറിയപ്പെടുന്നു. റോമന്‍ കത്തോലിക്കാ സഭ അംഗീകരിച്ചിരിക്കുന്ന ബൈബിളില്‍ തനക്കിലെ 24 പുസ്തകങ്ങള്‍ക്കു പുറമേ താഴെപ്പറയുന്നവയും കാനോനികമായി അംഗീകരിച്ചിട്ടുണ്ട്:
ഇതിനു പുറമേ എസ്തേര്‍, ദാനിയല്‍ എന്നീ പുസ്തകങ്ങള്‍ യഹൂദ ബൈബിളിലില്ലാത്ത ചില ഭാഗങ്ങളും കൂട്ടിച്ചേര്‍ത്തിട്ടുണ്ട്. പൗരസ്ത്യ ഓര്ത്തഡോക്സ് സഭകളാകട്ടെ താഴെ പറയുന്ന ഗ്രന്ഥങളും അംഗീകരിക്കുന്നു.(മുകളില്‍ പറഞിരിക്കുന്ന പലതും ഇനി പറയുന്നവ തന്നെയാണ്‍, എന്നാല്‍ അതിന്റെ ഉച്ചാരണത്തില്‍ വ്യത്യാസമുണ്ട്)
- തോബിത് - തൂബിദ്(തോബിയാസ്)
- യഹൂദിത്ത് (യൂദിത്ത്)
- എസ്തേര്‍ (എസ്ഥേറ്)
- മഹാജ്ഞാനം
- യേശുബാറ് ആസീറെ(അറ്ത്ഥം-ആസീറേയുടെ മകന്‍ യേശു)
- ഏറമിയായുടെ ലേഖനം
- ബാറൂക്കിന്റെ ഒന്നാം ലേഖനം
- ബാറൂക്കിന്റെ രണ്ടാം ലേഖനം
- ദാനിയേല്‍
- 1 മക്കബായര്‍
- 2 മക്കബായര്‍
ഇതു പോലെ തന്നെ കിഴക്കന്‍ ഓര്ത്തഡോക്സ് സഭയായ റഷ്യന്‍ ഓര്ത്തഡോക്സ് സഭ എസ്തേര്‍ 2 കൂടി അംഗീകരിച്ച് ചേര്‍ത്തിട്ടുണ്ട്. ക്രിസ്തീയ ബൈബിളിന്റെ ഉള്ളടക്കം ഒരോ ക്രിസ്തീയ വിഭാഗത്തിലും വ്യത്യസ്തമാണെന്ന് സാരം.
Bible Society പ്രസിദ്ധീകരിക്കുന്ന സത്യവേദപുസ്തകത്തില്‍ ആകെ 39 പുസ്തകങ്ങളുണ്‍ട്.
[തിരുത്തുക] പുതിയ നിയമം
യേശുവിന്റെ ജീവിതവും മരണവും പുനരുത്ഥാനവും കേന്ദ്രമാക്കിയ 27 പുസ്തകങ്ങള്‍ ചേരുന്നതാണ് ക്രിസ്തീയ ബൈബിളിലെ പുതിയ നിയമം. മിക്കവാറും എല്ലാ ക്രൈസ്തവ വിഭാഗങ്ങളും ഈ 27 പുസ്തകങ്ങളും അംഗീകരിക്കുന്നുണ്ട്. താഴെപ്പറയുന്നവയാണ്
[തിരുത്തുക] സുവിശേഷങ്ങള്‍
- മത്തായി അറിയിച്ച സുവിശേഷം
- മര്‍‌ക്കോസ് അറിയിച്ച സുവിശേഷം
- ലൂക്കാ അറിയിച്ച സുവിശേഷം
- യോഹന്നാന്‍ അറിയിച്ച സുവിശേഷം
[തിരുത്തുക] ആദ്യകാല സഭാചരിത്രം
[തിരുത്തുക] പൗലോസിന്റെ ലേഖനങ്ങള്‍
- റോമാക്കാര്‍ക്കെഴുതിയ ലേഖനം
- കോറിന്തോസുകാര്‍ക്ക് എഴുതിയ ഒന്നാം ലേഖനം
- കോറിന്തോസുകാര്‍ക്ക് എഴുതിയ രണ്ടാം ലേഖനം
- ഗലാത്തിയാക്കാര്‍ക്ക് എഴുതിയ ലേഖനം
- എഫേസോസുകാര്‍ക്ക് എഴുതിയ ലേഖനം
- ഫിലിപ്പിയര്‍ക്ക് എഴുതിയ ലേഖനം
- കൊളോസോസുകാര്‍ക്ക് എഴുതിയ ലേഖനം
- തെസലോനിക്കാക്കാര്‍ക്ക് എഴുതിയ ഒന്നാം ലേഖനം
- തെസലോനിക്കാക്കാര്‍ക്ക് എഴുതിയ രണ്ടാം ലേഖനം
- തിമോത്തിയോസിനെഴുതിയ ഒന്നാം ലേഖനം
- തിമോത്തിയോസിനെഴുതിയ രണ്ടാം ലേഖനം
- തീത്തോസിനെഴുതിയ ലേഖനം
- ഫിലമോനെഴുതിയ ലേഖനം
- ഹെബ്രായര്‍ക്കെഴുതിയ ലേഖനം
[തിരുത്തുക] കാതോലിക ലേഖനങ്ങള്‍
- യാക്കോബ് എഴുതിയ ലേഖനം
- പത്രോസ് എഴുതിയ ഒന്നാം ലേഖനം
- പത്രോസ് എഴുതിയ രണ്ടാം ലേഖനം
- യോഹന്നാന്‍ എഴുതിയ ഒന്നാം ലേഖനം
- യോഹന്നാന്‍ എഴുതിയ രണ്ടാം ലേഖനം
- യോഹന്നാന്‍ എഴുതിയ മൂന്നാം ലേഖനം
- യൂദാ ശ്ലീഹാ എഴുതിയ ലേഖനം
[തിരുത്തുക] പ്രവചനം
[തിരുത്തുക] ഇവയും കാണുക
[തിരുത്തുക] ആധാരസൂചിക
- ↑ Dictionary.com
- ↑ http://bestsellerever.com/
- ↑ en:List_of_best-selling_books
- ↑ Online Etymology Dictionary ഇല്‍ Bible എന്ന പദത്തിന്റെ ഉദ്ഭവം വിശദമാക്കിയിരിക്കുന്നു
- ↑ "From Hebrew Bible to Christian Bible" by Mark Hamilton on PBS's site From Jesus to Christ: The First Christians
- ↑ Dictionary.com etymology of the word "Bible"
[തിരുത്തുക] പുറത്തേക്കുള്ള കണ്ണികള്‍
ബൈബിളിന്റെ മലയാളം പരിഭാഷയായ സത്യവേദപുസ്തകം മലയാളം വിക്കിവായനശാലയില്‍
 |
ക്രിസ്തുമതസംബന്ധമായ ഈ ലേഖനം അപൂര്‍ണ്ണമാണ്. ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില് പങ്കാളിയാവുക. (സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്) |
