İncile
Wikipediya ra, ensiklopediya hosere
İncile (İngılızki: Bible), Hz İsay rê ameya u kıtabê İsewitino. Nuştey Yehudiyan u Xristiyanano mıbareko ke zerrey yew kıtabi de ameyo pêser. No kıtab tewr zêde çarniyayo mıxtelıf zıwanan u tewr hera dınya sero biyayo vıla.
İsewitina ke Musewitine ra veciya, uca ra Ado Khan gırewto u Ado Newe kerdo ra ser. Cokao ke İncile dı letey ra yena pêra. Letê xoyo yew Ado Khan, leto bini ki Ado Neweo. Kıtabê Adê Khanê tewr zaniyaey Genesis (Afernayış), Eksodus (Veciyayış), Mezmuri, Kıtabê Eyubi u Kıtabê İşayayê. Ado Newe 27 kıtaban ra yeno pêra. Ninan ra çar İncili, ê Matta, Markos, Luka u Yuhannayê ke cıwiyayış u gurey İsay ra xebere danê; hedisê 12 hewariyan, mektuba Pawlusi be komela Korintosıcan rê u wehyê Yuhannay tewr muhımê.
Hetta bênatey Tewrate u İncile de hetê itıqadi ra ferqo pil çıniyo, coka ekseriya nê her dı kıtaban sey yew kıtabi hesıbiyenê. Labelê bênatey nê kıtaban de zaf ferqi u tezati zi estê; ca-ca tarixi, namey, hedisey yewbinan nêtepeşenê (nêgênê).
Gorey mısılmanan İncile ameya tehrif kerdış (vurnayış), ewro İncila heqe werte de çıniya. Çiyo ke nê kıtaban dero, % 80 tarix, şecere u efsane (mitolociye u hêkat)ê. Efsane u hêkatê ke Tewrate de vaciyenê, pêro be kılmiye İncil u Qurane de zi tekrar benê. Çıyo zêdêr, İncile de, Hz İsa mucizeyan mocneno ra: Hz İsa nêweşan keno weş, merdeyan keno gane (cınde), pê yew letey nani ra hezaran ra merduman keno mırd, kerre (kemer) ra awe veceno u taê hedisey tarixi ca gênê.
Ninan ra dot merdum şeno (eşkeno) vaco ke, hem İncile de, hem Qurane de % 80 çiyo ke Tewrate de vêreno, tekrar beno. Hetê efsaneyan, hêkatan, tarixan, mıntıqan, mıletan, bacar (sük) u medeniyetan ra nê kıtabi hema hema sey yewbinanê, yewbinan temam kenê.
[bıvurne] Zerrey İncile ra
- Pêra İsa Mesihi
- Piyê Ma [Pader Noster]
