യാക്കോബ് എഴുതിയ ലേഖനം
വിക്കിപീഡിയ, ഒരു സ്വതന്ത്ര വിജ്ഞാനകോശം.
പുതിയനിയമത്തില് അഞ്ചു യാക്കോബുമാരെക്കുറിച്ചു പറയുന്നുണ്ടെങ്കിലും ലേഖനകര്ത്താവായി പരിഗണിക്കപ്പെടുന്നത് യേശുക്രിസ്തുവിന്റെ സഹോദരന് (മത്തായി 13:55; മര്ക്കോ 6:3; അപ്പ 12:17; 15:13; 21: 18) എന്നറിയപ്പെടുന്ന യാക്കോബാണ്. അങ്ങനെയെങ്കില്, ഏ. ഡി. 62-നു മുമ്പു രചിക്കപ്പെട്ടതായിരിക്കണം ഈ ലേഖനം. എന്നാല്, ചില പണ്ഡിതന്മാരുടെ അഭിപ്രായത്തില്, ഒന്നാം നൂറ്റാണ്ടിന്റെ അവസാനത്തോടടുത്ത്, യാക്കോബിന്റെ ശിഷ്യരില് ഒരാളാണ് ഇത് രചിച്ചത്.
ചിതറിപ്പാര്ത്തിരുന്ന യൂദക്രിസ്ത്യാനികളെ ഉദ്ദേശിച്ചെഴുതിയ ഈ ലേഖനത്തില്, വിശ്വാസം എന്നത് ഒരു തത്വസംഹിതയുടെ സ്വീകരണവും അതിലേറെ, അതനുസരിച്ചുള്ള ജീവിതവുമാണെന്നും, സത്പ്രവൃത്തികള്ക്കു പ്രേരണനല്കാത്ത വിശ്വാസപ്രഘോഷണം അര്ത്ഥശൂന്യമാണെന്നും (1:19-27; 2:10-26), ദരിദ്രര് ദൈവത്തിന് ഏറ്റവും പ്രിയപ്പെട്ടവരാകയാല് അവരോടു പ്രത്യേകസ്നേഹവും കാരുണ്യവും കാണിക്കണമെന്നും (2:1-13) വ്യക്തമാക്കിയിരിക്കുന്നു. ക്രൈസ്തവര് എവിടെയായിരുന്നാലും പുലര്ത്തേണ്ട വിവിധ മനോഭാവങ്ങളെക്കുറിച്ചും ലേഖനം പ്രതിപാദിക്കുന്നുമുണ്ട് (1:12-18; 3:1-12; 4:1-17). 'രോഗിലേപന'ത്തെക്കുറിച്ചുള്ള പരാമര്ശം (5:13-20) ഈ ലേഖനത്തിന്റെ ഒരു സവിശേഷതയാണ്.[1]
[തിരുത്തുക] ഗ്രന്ഥസൂചി
- ↑ ബൈബിള്, രണ്ടാം പതിപ്പ്, KCBC ബൈബിള് കമ്മീഷന്, Pastoral Orientation Center, കൊച്ചി 682025