Austrie
De Vichipedie, la enciclopedie libare dute in marilenghe.
| Austrie | |
 |
 |
| Informazions | |
| Nomenance | Republik Österreich |
| Lenghe ufiziâl | todesc A nivel regjonâl (par ordin alfabetic): cravuât (dal Burgenland) ongjarês sloven Ricognossude: lenghe dai segns |
| Capitâl | Viene |
| Politiche | |
| Forme di guviêr | Republiche federâl |
| Cjâf di stât | Heinz Fischer |
| Cjâf di guviêr | Alfred Gusenbauer |
| Indipendence | 27 di Lui 1955 |
| Jentrade intal ONU | 14 di Dicembar 1955 |
| Superficie | |
| Superficie Totâl | 83.871 |
| Intal mont | 115° |
| % di aghe | 1,3% |
| Popolazion | |
| Popolazion totâl | 8.233.306 ab. |
| Intal mont | 86° |
| Densitât | 97 ab./km2 |
| Geografie | |
| Continent | Europe |
| Fûs orari | UTC + 1 |
| Densitât | 97 ab./km2 |
| Economie | |
| Monede | Euro |
| Consum energjie | 0,76 kWh/ab. |
| Variis | |
| Domini di prin nivel | .at |
| Prefis tel. internazionâl | +43 |
| Plache automobilistiche | A |
| Imni nazionâl | Land der Berge, Land am Strome |
| Fieste nazionâl | 26 di Otubar |
 |
|
L'Austrie e je un stât de Europe centrâl che e fâs part de Union Europeane dal 1995. La superficie de Austrie e je di cirche 83.858 km², cun 8 milions di abitants. La capitâl e je Viene. E confine a ovest cun Svuizare e Liechtenstein, a sud cun Italie e Slovenie, a est cun Ongjarie e Slovachie e par finî a nord cun Gjermanie e Republiche Ceche.
Indis |
[cambie] Storie
Ai timps dal Imperi Roman l'Austrie e jere part de provincie de Rezie. Daspò de fin dal Impero e fo invadude pi voltis di popolazion che vignivin di est; dal X al XIII Secul e fo sot dal domini de famee dai Babenberg, che a forin parâts vie dai Asburgo, che a àn governât chest paîs, deventât al centri di un grant imperi, fin al 1918. Dal 1867 l'Imperi al fo unît intune dople monarchie, formant l'Imperi di Austrie-Ongjarie.
Daspò de disfate inte Prime Vuere Mondiâl e fo ocupade militarmentri dai talians e da lis trupis da l'Intese a la fin dal 1918, si proclamà daurman Deutschösterreich "Austrie todescje" aspirant di unîsi a la Gjermanie sot il model dal principi di nazionalitât. Cul tratât di Saint-Germain tal novembar dal 1919 i fo proibide la denominazion di "Austrie todescje" e l'union al Reich todesc. L'esercit al fo ridot a 30.000 oms e e pierdè il Tirôl meridionâl (Trentin e Sud Tirôl), la Val Cjanâl (tocs de Carintie e dal Cragn), la contee di Gurize e Gardiscje (o Friûl orientâl, l'Istrie, Triest e il distret di Postumie (toc dal Cragn) a pro da l'Italie; Un toc dal Staiar, il Cragn e un toc de Carintie cu la Dalmazie e fo dade a la Jugoslavie. La Republiche democratiche austriache, e durà fin tal 1933, po e fo instaurade la ditature nazionaliste di Dolfuss, che al fo copât dai nazional-socialiscj. Tal 1938 la Gjermanie di Hitler si anetè l'Austrie arbitrariementri.
Daspò de Seconde Vuere Mondiâl l'Austrie e Viene a forin ocupadis e dividudis in 4 setôrs: francês, britanic, merecan e sovietic sicu la Gjermanie e Berlin. L'Austrie e tornà a vê l'indipendence dome tal 1955, a condizion che e restàs un paîs neutrâl. Cul crac dal Comunisim, il paîs jentrà in pôcs agns inte Union Europeane (1995) e inte zone dal Euro (1999).
[cambie] Gjeografie
Il paîs al è scuasit dal dut montagnôs o colinâr; lis unichis planuris a son logadis a Nord-Est, intes zonis di Linz, Viene e al confin con Slovachie e Ongjarie.
[cambie] Monts
Il mont plui alt de Austrie al è il Großglockner (3798 m), logât inte cjadene des Taurs.
[cambie] Flums
Elenc dai principâi flums de Austrie:
- Danau: al traviers lis regjons de Alte e Basse Austrie da Ovest a Est, bagnant lis citâts di Linz e Viene
- Inn: flum dal Tirol, al bagne Innsbruck
- Drau: flum ch'al nas in Italie, al pase in Tirol e Carintie, al seguite il sô cors in Slovenie par butâsi daspò intal Mâr Neri
- Gail: flum ch'al scor in Carintie, afluent de Drau
[cambie] Clime
Inte zone montagnose la clime e je crude in Unviêr, con tantis precipitazions e temperaduris dificilmentri parsore dai 0°; lis Istâts a son dolcis (20-25°). Inte planure (Linz, Viene) si regjistrin mancul precipitazions, e carateristichis di une clime plui continentâl.
[cambie] Lenghe
Il todesc al è le lenghe ufiziâl, fevelade da scuasit ducj i abitants. Ancje la lenghe dai segns e je ufizialmentri ricognossude.
A esistin minorancis slovenis in Carintie e in Stirie e ongjaresis e cravuatis (dal Burgenland) intal Burgenland. Lis lenghis di chestis minorancis a son ricognossudis tant che lenghis ufiziâls a nivel dai rispetîfs stâts federâts austriacs dulà che a son feveladis.
[cambie] Stâts federâts
 |
Par aprofondî l'argoment viôt la vôs Länder austriacs. |
L'Austrie e je une republiche federâl, dulà che lis nûf regjons (Bundesländer) a 'nd àn une vore di autonomie.
| Stât (Bundesland) | Capitâl | Popolazion | ||
|---|---|---|---|---|
 |
||||
| 1 | Alte Austrie (Oberösterreich) | Linz | 1.399.226 | |
| 2 | Basse Austrie (Niederösterreich) | Sankt Pölten | 1.575.291 | |
| 3 | Burgenland (Burgenland) | Eisenstadt | 278.655 | |
| 4 | Carintie (Kärnten) | Clanfurt | 560.089 | |
| 5 | Salisburghês (Salzburgland) | Solsburc | 526.875 | |
| 6 | Stirie (Steiermark) | Graz | 1.199.489 | |
| 7 | Tirol (Tirol) | Innsbruck | 693.651 | |
| 8 | Viene (Wien) | Viene (Wien) | 1.637.772 | |
| 9 | Vorarlberg (Vorarlberg) | Bregenz | 362.258 |
[cambie] Politiche
Il president federâl al è elet ogni 6 agns e al à di sielzi il cancelîr federâl, in gjenar rapresentant dal partît che al à cjapât plui vôts intes elezions.
[cambie] Turisim
La Austrie e je frecuentade dai turiscj soredut par sport (schi e altris sports invernâi); lis citâts plui visitadis a son Viene (capitâl de Republiche in dì di vuê e capitâl dal ex-imperi) e Solsburc (citât di nassince di Mozart).
