Drau
De Vichipedie, la enciclopedie libare dute in marilenghe.
La Drau o Drave (todesc Drau; talian, cravuat e sloven Drava; ongjarês Dráva; serp Drava/Драва; inglês Drava o Drave) e je un afluent dal Danau, che al nas intal comun di San Candido (tod. Innichen), Trentin-Sud Tirôl, te vicinance de siele di Dobiacco (tod. Toblach).
Chest afluent al à une lunghece di 749 chilometris.
[cambie] Il Cors
Di Dobiacco (tod. Toblach), la Drau e scor a Jevât, e rive in Austrie e e travierse il Tirol orientâl, la Carinzie, la Slovenie, la Cravuazie e la Ongjarie.
Tal sô cors e passe:
- in Austrie pes citâts di Lienz, Spittal, Vilac (tod. Villach, slov. Beljak), Clanfurt (tod. Klagenfurt, slov. Celovec) e Völkermarkt (slov. Velikovec)
- in Slovenie par Dravograd (tod. Unterdrauburg), Vuzenica, Muta, Ruše, Maribor (tod. Marburg), e Ormož,
- in Cravuazie par Varaždin e Osijek
- par Barc in Ongjarie.
E si bute intal Danau (cravuat Dunav, serp Dunav/Дунав) al confin fra Cravuazie e Serbie.
