1. júlí
Úr Wikipediu, frjálsa alfræðiritinu
| Jún – Júlí – Ágú | ||||||
| Su | Má | Þr | Mi | Fi | Fö | La |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
| 2007 Allir dagar |
||||||
1. júlí er 182. dagur ársins (183. á hlaupári) samkvæmt gregoríska tímatalinu. 183 dagar eru eftir af árinu.
[breyta] Atburðir
- 1490 - Píningsdómur var samþykktur á Alþingi. Hann ógilti fyrra samkomulag Danakonungs og Englendinga.
- 1520 - La Noche Triste, stórorrusta milli Spánverja og Asteka á brú við borgina Tenochtitlán þar sem 400 Spánverjar og 2.000 innfæddir bandamenn þeirra týndu lífinu. Foringi Spánverja, Hernán Cortés, slapp naumlega.
- 1569 - Pólland og Litháen sameinuðust og mynduðu Pólsk-litháíska samveldið.
- 1754 - Eggert Ólafsson og Bjarni Pálsson gengu á Snæfellsjökul fyrstir manna svo vitað sé.
- 1845 - Fyrsti fundur endurreists Alþingis haldinn á sal hins nýja húss Lærða skólans í Reykjavík.
- 1867 - Þrjú fylki í Kanada fengu eigin stjórnarskrá og mynduðu „sjálfstjórnarsvæðið Kanada“
- 1875 - Alþingi tók til starfa sem löggjafarþing samkvæmt nýrri stjórnarskrá. Jón Sigurðsson var forseti neðri deildar og sameinaðs þings, en Pétur Pétursson biskup var forseti efri deildar.
- 1881 - Alþingi kom saman í fyrsta sinn í Alþingishúsinu við Austurvöll. Hornsteinn hússins var lagður rúmu ári áður.
- 1886 - Landsbanki Íslands, fyrsti banki á Íslandi, hóf starfsemi sína við Bakarastíg í Reykjavík og var í byrjun opinn tvo daga í viku. Fljótlega fékk gatan nafnið Bankastræti.
- 1896 - Dagskrá, fyrsta dagblað á Íslandi, hóf göngu sína. Eigandi þess og ritstjóri var Einar Benediktsson.
- 1908 - Páll Einarsson tók til starfa sem fyrsti borgarstjórinn í Reykjavík.
- 1922 - Fyrsta útvarpsauglýsingin var send út í Bandaríkjunum.
- 1926 - Landhelgisgæsla Íslands var stofnuð.
- 1928 - Líflátshegning var afnumin á Íslandi og hafði ekki verið beitt í nær heila öld.
- 1930 - Búnaðarbanki Íslands tók til starfa.
- 1931 - Þýska loftskipið Graf Zeppelin kom til Reykjavíkur með póst og tók hér fyrsta flugpóst til útlanda. Þetta var önnur koma loftskipsins til landsins.
- 1934 - Markarfljótsbrú var vígð og var þá lengsta brú landsins, 242 metrar á lengd.
- 1941 - Bandaríkin tóku upp stjórnmálasamband við Ísland fyrst allra ríkja. Með þessu viðurkenndu þau í raun sjálfstæði landsins 3 árum fyrir lýðveldisstofnunina.
- 1956 - Skálholtshátíð haldin til að minnast níu alda biskupsdóms á Íslandi.
- 1957 - Vilhjálmur Einarsson setti Íslandsmet í þrístökki, 7,46 metra, og stóð það í 27 ár.
- 1958 - Ný umferðarlög tóku gildi og hækkuðu hámarkshraða í þéttbýli úr 30 í 45 km/klst og utan þéttbýlis úr 60 í 70 km/klst. Um leið lækkaði bílprófsaldur úr 18 árum í 17 ár.
- 1960 - Sómalía fékk sjálfstæði frá Bretlandi og Ítalíu.
- 1961 - Ragnar Jónsson í Smára gaf Alþýðusambandi Íslands 120 listaverk, sem urðu stofninn að Listasafni ASÍ.
- 1962 - Rúanda og Búrúndí fengu sjálfstæði frá Belgíu.
- 1965 - Landsvirkjun var stofnuð af íslenska ríkinu og Reykjavíkurborg.
- 1979 - Tollur var felldur niður af reiðhjólum og jókst þá innflutningur þeirra til muna.
- 1986 - Guðrún Erlendsdóttir varð Hæstaréttardómari fyrst íslenskra kvenna.
- 1991 - Varsjárbandalagið var formlega leyst upp.
- 1991 - Einkaleyfastofan var sett á laggirnar.
- 1992 - Aðskilnaður var gerður á milli dómsvalds og umboðsvalds sýslumanna á Íslandi.
- 1997 - Stjórn Hong Kong færðist til Kínverska alþýðulýðveldisins.
- 2000 - Eyrarsundsbrúin milli Danmerkur og Svíþjóðar var opnuð.
- 2004 - Horst Köhler tók við embætti forseta Þýskalands af Johannesi Rau.
[breyta] Fædd
- 1534 - Friðrik 2. Danakonungur (d. 1588).
- 1646 - Gottfried Wilhelm von Leibniz, þýskur stærðfræðingur og heimspekingur (d. 1716).
- 1863 - Theódóra Thoroddsen, íslenskur rithöfundur (d. 1954).
- 1961 - Díana, prinsessa af Wales (d. 1997).
- 1978 - Eiríkur Örn Norðdahl, íslenskur rithöfundur.
[breyta] Dáin
- 1566 - Nostradamus, franskur stjörnuspekingur (f. 1503).
- 1964 - Sigurd Islandsmoen, norskt tónskáld (f. 1881).
- 1974 - Juan Domingo Perón, forseti Argentínu (f. 1895).
- 1983 - Buckminster Fuller, bandarískur arkitekt (f. 1895).
- 2004 - Marlon Brando, bandarískur leikari (f. 1924).
| Mánuðirnir samkvæmt Gregoríska og Júlíska tímatalinu auk dagafjölda þeirra |
|---|
| Janúar (31) | Febrúar (28 (29 á hlaupári)) | Mars (31) | Apríl (30) | Maí (31) | Júní (30) | Júlí (31) | Ágúst (31) | September (30) | Október (31) | Nóvember (30) | Desember (31) |
