5. júlí

Úr Wikipediu, frjálsa alfræðiritinu

Jún – Júlí – Ágú
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
2007 Allir dagar

5. júlí er 186. dagur ársins (187. á hlaupári) samkvæmt gregoríska tímatalinu. 179 dagar eru eftir af árinu.

[breyta] Atburðir

• 1080 - Ísleifur Gissurarson, fyrsti íslenski biskupinn, lést í Skálholti. Hann hafði verið biskup frá 1056.
• 1436 - Bæheimsku styrjöldunum lauk og Sigmundur keisari var tekinn til konungs yfir Bæheimi.
• 1541 - Ögmundur Pálsson, síðasti kaþólski biskupinn í Skálholti, var færður fangi í skip sem flutti hann til Danmerkur. Hann lést á hafi úti á leiðinni.
• 1687 - Philosophiae Naturalis Principia Mathematica eftir Isaac Newton kom út.
• 1811 - Venesúela fékk sjálfstæði frá Spáni.
• 1846 - Helgi Thordersen dómkirkjuprestur var vígður biskup yfir Íslandi og gegndi embættinu í tuttugu ár.

• 1851 - Þjóðfundur sem fjallaði um frumvarp dönsku ríkisstjórnarinnar um réttarstöðu Íslands var settur í húsi Lærða skólans í Reykjavík og stóð hann til 9. ágúst.
• 1930 - Sólheimar í Grímsnesi tóku til starfa. Þar er fyrsta heimili fyrir þroskahefta á Íslandi. Sesselja H. Sigmundsdóttir var stofnandi þess og forstöðumaður til æviloka 1974.
• 1933 - Sveit 24 ítalskra flugvéla undir stjórn Italo Balbo, flugmálaráðherra Ítalíu, hafði viðdvöl í Reykjavík á leið frá Róm til Chicago.

• 1962 - Alsír fékk sjálfstæði frá Frakklandi.
• 1975 - Grænhöfðaeyjar fengu sjálfstæði frá Portúgal.
• 1983 - George H. W. Bush, varaforseti Bandaríkjanna og síðar forseti, kom í opinbera heimsókn til Íslands.
• 1987 - Bjarni Arason sigraði Látúnsbarkakeppni Stuðmanna sem haldin var í Tívolíinu í Hveragerði. Keppninni var sjónvarpað beint á RÚV.

• 1994 - Yasser Arafat varð fyrsti forseti palestínsku heimastjórnarinnar.
• 1996 - Í Roslin-stofnuninni í Skotlandi fæddist gimbur sem hafði verið klónuð og því eingetin. Hlaut hún nafnið Dolly og lifði til 2003. Dolly var fyrsta klónaða spendýrið.

[breyta] Fædd

• 1853 - Cecil Rhodes, suður-afrískur nýlenduherra (d. 1902).
• 1889 - Jean Cocteau, franskur rithöfundur (d. 1963).
• 1891 - John Howard Northrop, bandarískur efnafræðingur og Nóbelsverðlaunahafi (d. 1987).
• 1904 - Ernst Mayr, bandarískur líffræðingur (d. 2005).
• 1911 - Georges Pompidou, forseti Frakklands (d. 1974).
• 1944 - Guðjón Arnar Kristjánsson, íslenskur stjórnmálamaður.
• 1958 - Tzipi Livni, utanríkisráðherra Ísrael.

[breyta] Dáin

• 1080 - Ísleifur Gissurarson, biskup (f. 1006).
• 1833 - Joseph Nicéphore Niépce, frumkvöðull á sviði ljósmyndunar (f. 1765).
• 2006 - Kenneth Lay, bandarískur viðskiptamaður (f. 1942).

Mánuðirnir samkvæmt Gregoríska og Júlíska tímatalinu auk dagafjölda þeirra
Janúar (31) | Febrúar (28 (29 á hlaupári)) | Mars (31) | Apríl (30) | Maí (31) | Júní (30) | Júlí (31) | Ágúst (31) | September (30) | Október (31) | Nóvember (30) | Desember (31)