Canada

Canada^[1]^[2] (-ae, f.) sive Canadia^[3] est natio in America septentrionali. Secundum suum spatium, secundum maximum mundi post Russiam. Politice foederatio decem provinciarum et trium territoriorum est, a monarchia constitutionale gubernata quae anno 1867 per actam confoederationis formata est.

Caput Ottava est, sedes Parlamenti et Gubernatoris Generalis et Primi Ministri. Urbs numerum incolarum Toronto (cum amplius quattuor milionibus incolarum), Monte Regio (cum amplius tribus), Vancuverio (cum circa duobus milionibus) et Calgaria (cum circa milione) superatur. Quoque dimidium milionis incolarum superant hae urbes: Edmundopolis, Vinnipegum, Quebecum et Hamiltonia.

In principiis antiquarum coloniarum ad Franciam et Britanniarum Regnum pertinentium foedus, quamobrem Canada Francophoniae et Consortionis Populorum sodalis, praeter alias internationales consociationes velut Consociationem Foederis Atlantici Septemtrionalis. Canada duas linguas solemnes habet: Anglicam et Francogallicam, hanc ultimam qua provincia Quebeci praesertim loquitur. Parlamentum praecipue a quattuor principalium factionum sodalibus formatur quarum Partes Liberales praecipuae per plerosque ultimos annos fuerunt.

Civitatibus Foederatis Americae Meridie et Occidente (Alascae, cum qua longam amicitiam fecit) finitima est. Quoque insulae Groenlandienses (Danicae possessiones) et insula Sancti Petri et Michaelonis (Francogallica possessio) prope sunt.

Planities Abrahae, Urbs Quebeci

[recensere] Historia

Primi fines Canadae incoluerunt gentes aboriginales, vel ita a deo suo dispositi (ut ab ipsis traditur) vel ab Asia per pontem terrenum Americam circa 10 000 ingressi. Plurimas nationes hic floruisse, occidisse, bellavisse tot per saecula credere licet, vatibus haud carentes sacribus sed in historias hominum rariter memoratae. Plurimae exstant, inter quas gens Irocica, Creea, Haida.

Vicingi duce Leivo Erici filio partem Terrae Novae invenerunt circa annum 1000, quam "Vinlandiam" appellaverunt breviterque Ansam Pratensem incoluerunt, denique fame sitique depulsi sunt et in Islandiam regressi.

Post Vicingos, exploraverunt litus Atlanticum Canadae Iohannes Cabottus (anno 1497) et Iacobus Cartier (annis 1534–1542), hic pro rege Francorum, ille pro rege Anglorum. Cartier urbem Hochelagae visitavit coloniamque prope urbem Stadaconae condidit, cui nomen "Quebeci" dedit. A civibus Stadaconae nomen traxit Canada, nam lingua Irocica Canada significat 'villa' vel 'vicus', quo nomine cives urbem suam designaverunt; Cartier tamen, linguae Irocicae inscitus, hoc nomen false regionem totam significare putavit.

Iacobus Cartier

Coloniae a Cartier successoribusque suis positae, et in ripis fluminis Sancti Laurentii et in litoribus orientalibus Americae septentrionalis, sub nomine "Novae Franciae" creverunt. Incolae huius nationis agros colebant, plurima commercia cum gentibus aboriginalibus habebant (praecipue ut pelliculas emant), nonnulla bella cum septem nationibus confoederationis Irocicae gerebant.

Britannicae coloniae Atlantico litore et Sinu Hudsonia et in tredecim coloniis Civitatibus Foederatis faciendis conditae sunt. Pugna pro territorio et novi continentis dominio in variis bellis per saecula XVII XVIIIque erupit. Francia territoria progressive amisit, et denique Canadiense territorium anno 1763, sub Foedere Lutetiae, totum Canadiende territorium Britannicam coloniam faciente.

Post Bellum Independentiae Statunitensis milia Britannorium Imperio fidelium tredecim colonias reliquerunt ut Septremtrionalibus Britannicis coloniis independentiam non declarantibus considerent, praecipue in Terra Nova, Nova Scotia, Quebeco, et Insula Principis Eduardi. Ut fideles acciperentur, Britannica gubernatio colonia Novi Brunsvici anno 1784 creavit et Quebecum in provincias anno 1791 duas divisit: Superiorem Canadam et Inferiorem Canadam (sive Canadam Orientalem et Canadam Occidentalem, hodie Ontarionem et Quebecum.

Bellum anni 1812 irupit cum vires Statunitenses impetum in Britannicas vires fecerunt ut Britannicum dominium in America Septemtrionali minueretur. Aprile anni 1814 urbem Eboraci (hodie Torontum usserunt. Britanni responderunt urenda urbe Vasingtonia insidioso impetu Augusto anni 1814. Bellum cum Foedere Gandavensi Decembre anni 1814 obsignato finita est.

Duae Provinciae Canadienses (Orientalis Occidentalisque) in Provincia Canadiensi anno 1840 coniunctae sunt, ut Francicos Canadienses assimilare conarentur. Postquam Civitates Foederatae Americae lineam parallelam 49 Septemtrionalem fines cum territorio nominato America Septemtrionali Britannica acciperent, Britannica gubernatio Provinciam Columbiam Britannicam anno 1848 creavit. Decennium Provinciam Canadae secutum expeditiones misit ut Septemtrio exploraretur et Terrae Ruperti dominium caperent, quae Societas Sinus Hudsonicae et Arctici administrabatur.

Inter annos 1864 et 1866 Americae Septemtrionalis Britannicae politici tres congressus fecerunt quorum propositum unionem foederalem creare erat. Kalendis Iuliis anni 1867, tres coloniae, Canada, Nova Scotia et Novum Brunsvicum ius regale constitutioni (British North America Act) acceperunt cum qua Dominium Canadae creatum est. Vox "Confoederatio Canadiensis" ad hanc trium provinciarum coniunctionem refertur. Alia territoria et coloniae Britannicae cito ad confoederationem coniuncta sunt. Anno 1880 Canada omnibus hodiernis provinciis, exceptis Terra Nova et Labradore, coniunctis anno 1949, iam formabatur.

Anno 1919 Canada sodalis Societatis Civitatum facta est, et anno 1926 suas relationes cum rebus exteris per Declarationem Balfourianam omnino dominavit. Anno 1931, Statutum Vestmonasterii ut nullum decretum Parlamenti Britanici validum esset sine consensu Canadiensium civium confirmavit (die quae principium independentiae Canadiensis consideratur). Appellationes ad consilium iudiciale Britannicum anno 1949 finitae sunt. Denique propria constitutio creata est (in acto constitutionis repatriatione nominato), cum Britannica gubernatio Decretum Canadae anno 1982 approbavit, independentiam Canadae formalizans, quamquam dux civitatis Britannicae agnoscitur et civitas ad Consortionem Populorum Britannicorum pertinet.

Motus pro summa potestate Quebeci ut foederalis gubernatio duae plebis scita convocaret, anni 1980 et anni 1995, cum 60% et 50,6% contra provinciae independentiam fecit. Quoque decenniis 197 et 198 Frons Liberationis Quebeci dissimiles violentas actiones independentiam Quebeci vindicantes ordinavit.

[recensere] Politia

Parlamentum Canadiense Ottavae

Canada foederatio sub democratico parlamentarioque systemate et monarchia constitutionali. Sua dominatrix monarcha Regina Elizabeth II (quae dux Civitatis Canadiensis est) cum titulo Reginae Canadae est. Iura praecipua ducis Civitatis Gubernator Generalis exsequitur, qui generaliter politicus pensione fruens aut alius Canadiensis excelsus a regina cum consilio primi ministri Canadiensis nominatus est. Gubernator Generalis haud factionalis figura cuius munus regiam assensionem propositis legis emissis a Camera Communium et Senatu dare est, legendis locutionibus solii, obsignandis documentis Civitatis, sollemniter aperiendis et claudendis parlamenti sessionibus et solvendo parlamento ut comitia convocentur si opus sit. Tam Gubernator Generalis quam Regina parvum realem potestatem habent quia creberrime sub ducis Gubernationis, primi ministri, assessione agunt.

Sollemniter Gubernator Generalis primum ministrum qui generaliter dux factionis cum maximo scamnorum numero in Camera Communium est nominat. Primus minister quoque ministrorum consilium electum conventione inter sodales factionis primi ministri in Camera Communium aut Senatu nominat.

Gubernationis Legisfer ramus, Parlamentum, duas cameras habet: Camera Communium, cuius sodales democratice eliguntur, et Senatum, cuius sodales nominantur. Comitia Camerae Communium a Gubernatore Generali cum commendatione primi ministri, secundum suum arbitrium, convocantur, sed ante quinquennii periodum post ultima comitia evenienda sunt. Foederale Parlamentum leges ferre solum de illis areis Constitutione indictis potest.

Tres politicae nationales factiones praecipuae in Canada sunt: Factio Liberalis Canadae (centri), Factio Conservativa Canadae (dextrae) et Nova Factio Democratica (laevae). Factio Liberalis Canadam per 32 ultimorum 42 annorum gubernavit, et est factio hodie in potestate, a primo ministro Paulo Martin ducta. Alia factio quae gubernavit Factio Conservativa Progressistica et sua decessoria Factio Conservativa est. Factio Conservativa Progressistica Foederi Canadiensi sociatur ut Factio Conservativa Canadae, Decembre anni 2003 formetur.

[recensere] Provinciae et Territoria Canadensia

tabula insularum Canadae

Provínciae Canadae

Canada foederatio decem provinciis et tribus territoriis componitur; quoque, disponitur in regiones. Canada Occidentalis in Columbia Britannica et Pratorum Provinciis (Alberta, Saskatchewan, et Manitoba consistit. Canada Centralis in Quebeco et Ontarione consistit. Canada Atlantica in tribus Provinciis Maritimis (Novo Brunsvico, Insula Principis Eduardi et Nova Scotia consistit, praeter Terram Novam et Labrador. Canada Orientalis ad Canadam Centralem et Canadam Atlanticam iunctas refert. Tria territoria (Yukon, Territoria Septentrio-occidentalia, et Nunavut) Canadam Septemtrionalem constituunt. Provinciae magnum autonomiae gradum e foederali gubernatione, territoria aliquid minus habent. Singula singula provincialia et territorialia symbola.

Provinciae plerumque Canadensium socialium programmatum (velut curationis medicae, educationis et opitulationis) responsales et iunctae magis ingressum pecuniarium colligunt quam foederalis gubernatio, fere una structura inter foederationes in mundo. Sua impensoria potentia utens, foederalis gubernatio nationales rationes in provincialibus areis initiare potest, velut Legem Canadiensem de Sanitate; provinciae illas optare possunt sed vix reapse faciunt. Mercedes aequationis federali gubernatione fiunt ut prudenter uniformes rationes diaconiarum et tributorum provideri inter opulentiores et pauperiores provincias firmentur.

Singulae provinciae singulas unicamerales, electas legislaturas a Primum Ministrum (Anglice; Premier Francogallice; Premier Ministre), eodem modo quam Primo Ministro Canadiensi selecto, ductas habent. Singula provincia etiam singulum Vicarium Gubernatorem (Anglice; Lieutenant-Governor, Francogallice; Lieutenant-Gouverneur) Reginam repraesentantem analogum Gubernatoris Generalis Canadiensis habet. Vicarius Gubernator de commendatione Primi Ministri Canadiensis nominatur sed cum crescentibus quantitatibus consiliorum provincialium gubernationum recentibus annis.

Provincia	Postalis abbreviatio/ ISO code	Aliae abbreviationes	Caput	Intravit Confoederationem	Incolae (2007)^[4]	Area (km²)
Provincia	Postalis abbreviatio/ ISO code	Aliae abbreviationes	Caput	Intravit Confoederationem	Incolae (2007)^[4]	Terra	Aqua	Totum
Ontario	ON	Ont.	Torontum	1 Iulii 1867	12 753 702	917 741	158 654	1 076 395
Quebecum	QC	Que., PQ, P.Q.	Urbs Quebeci	1 Iulii 1867	7 687 068	1 356 128	185 928	1 542 056
Nova Scotia	NS	N.S.	Halifacium	1 Iulii 1867	932 966	53 338	1 946	55 284
Novum Brunsvicum	NB	N.B.	Fredericopolis	1 Iulii 1867	748 878	71 450	1 458	72 908
Manitoba	MB	Man.	Vinnipega	15 Iulii 1870	1 182 921	553 556	94 241	647 797
Columbia Britannica	BC	B.C.	Victoria	20 Iulii 1871	4 352 798	925 186	19 549	944 735
Insula Principis Eduardi	PE	PEI, P.E.I., P.E. Island	Carolinapolis	1 Iulii 1873	138 800	5 660	—	5 660
Saskatchewan	SK	Sask., SSK, SKWN	Regina	1 Septembris, 1905	990 212	591 670	59 366	651 036
Alberta	AB	Alta.	Edmundopolis	1 Septembris, 1905	3 455 062	642 317	19 531	661 848
Terra Nova et Labrador	NL	Nfld., NF, LB	Sanctus Johannes Terrae Novae	31 Martii 1949	506 548	373 872	31 340	405 212

Territorium	Postalis abbreviatio/ ISO code	Aliae abbreviationes	Caput	Intravit Confoederationem	Incolae (2007)	Area (km²)
Territorium	Postalis abbreviatio/ ISO code	Aliae abbreviationes	Caput	Intravit Confoederationem	Incolae (2007)	Terra	Aqua	Totum
Territoria Boreo-Occidentalia^[5]	NT	N.W.T., NWT	Cultellus Flavus	15 Iulii 1870	41 795	1 183 085	163 021	1 346 106
Yukon	YT	Y.T., YK	Equus Albus	13 Iunii 1898	30 883	474 391	8 052	482 443
Nunavut	NU	NV	Polyichthyopolis	1 Aprilis 1999	31 216	1 936 113	157 077	2 093 190

[recensere] Urbes

Urbs Dawson Territorii Yukonis, circa 1900

Calgaria (Alberta)
Carolinapolis (caput Insulae Principis Eduardi)
Cultellus Flavus (caput Territoriorum Boreo-Occidentalium)
Edmundopolis (caput Albertae) (sive Edmontonensis)
Equus Albus (caput Yukonis)
Fredericopolis (caput Novae Brunsvigae)
Halifacium (caput Novae Scotiae)
Mons Regius (Quebecum) (sive Marianopolis, Villa Maria)
Ottava (Ontario) (caput Canadae)
Polyichthyopolis (caput Nunavutis)
Regiopolis (Ontario)
Regina (caput Saskatchewanis)
Sanctus Johannes (Nova Brunsviga)
Sanctus Johannes Terrae Novae (caput Terrae Novae Labradorisque)
Sascatuna (Saskatchewan)
Sinus Tonitralis (Ontario)
Stenopolis (caput Quebeci)
Torontum (caput Ontarionis)
Vancuverium (Columbia Britannica)
Victoria (caput Columbiae Britannicae)
Vindesorium (urbs in Terra Nova et Labradore)
Vindesorium (urbs in Nova Scotia)
Vindesorium (urbs in Ontarione)
Vindesorium (urbs in Quebeco)
Vinnipega (caput Manitobae)

[recensere] Geographia

Consaeptum publicum Banff

Canada iniquissimum litus habet cum multis insulis magnitudinis velut insula Baffin, insula Victoria, insula Ellesmere aut insula Banks; Terra Nova ante litus [[Oceanus Atlanticus|Atlanticum et insula Vancuveria ante Pacifici litus est. Plane paralleli huius litoris Montes Saxosi se erigunt qui in monte Logan (6 050 m) prope fines Alascanos culminant; paralleli litoris Atlantici Septemtrionales stapides Appalachianorum sunt. Reliquum nationis nominato Scuto Canadensi, saxeo pulpito copioso materiarum primarum, et latis silvis et fecundis pratis formatur.

Principalia flumina Mackenzie et Sanctus Laurentius sunt. Cum Civitatibus Foederatis partitur quattuor quinque Lacuum Magnorum Americae Septemtrionalis: Superiorem, Huronorum, Eriarum et Ontarionem; alii magni Canadienses lacus Magnus Lacus Ursorum, Magnus Lacus Sclavorum et lacus Vinnipega sunt. Aliud flumen notior est propter casus aquarum quam propter se ipsum: Niagara et suae aquae cadentes.

[recensere] Oeconomia

Canada technologice progressa et industrializata civitas est. Quarta natio in mundo secundum Indicatorium Decursus Humani Consociationis Nationum (anno 2004) post Norvegiam, Sueciam et Australiam, et valde autosufficiens in eo quod attinet ad energiam, ob lata deposita carburantium fossilium, generationem energiae nuclearis et vim hydroelectricam est. Sua oeconomia traditionaliter in commercio et copia opium naturalium fundata est. Quamquam moderna Canadiensis oeconomia nuper multo diversificata est, opium naturalium usus ponderis vis motoria multarum regionalium oeconomiarum adhuc est.

Canada Foederis Liberi Commercii Americae Septemtrionalis, iuxta cum Civitatibus Foederatis et Mexico, pars est. Sui principales commerciales socii hae duae nationes et Res publica popularis Sinarum sunt.

[recensere] Demographia

Toronti, in Ontarione, panorama urbanum cum Turre CN. Torontum Canadiensis populosissima metropolitana area cum 5 113 149 hominum est.

Canadiensis anni 2006 census in tota natione 31 612 897 incolarum computabat, augmentum 5,4% ex anno 2001. Incolarium incrementum immigrationi et, minore modo, naturali incremento debetur. Circa tres quartas Canadiensium partes in 150 chiliometris (90 milia passuum) e finibus Statunintensibus colunt. Similis proportio areas urbanas in Andro inter Stenopolem et Vindesorium (notabiliter in Maiore Solea Aurea Torontum et aream, Montem Regium et Ottavam includente), in Continente Columbiae Britannicae (quae in regione Vancuverium circumdante consistit) et in Andro inter Calgariam et Edmundopolem in Alberta densatas colit.

Secundum census anni 2001, 34 ethnici globi sunt cum saltem 100 000 hominum singuli, sum 83% incolarum se Caucasios declarantium. Maximus ethnicus globus Anglus (20,2%) est, quem Francogallicus (15,8%), Scoti (14%), Hibernii (12,9%), Theodisci (9,3%), Italiani (4,3%), Sini (3,7%), Ucraini (3,6%) et Primae Gentes (3,4%) sequuntur; 40% respondentium suam ethnicitatem "Canadiensem" identificat. Canadenses Aborigines incolae fere bis rapidiores quam Cabnadiensis media augent. Anno 2001, 13,4% incolarum ad haud autochthones allophylos visibiles pertinebant.

Anno 2001, 49% Vancuveriensium et 42,8% Torontanorum allophyli visibiles erant. Martio anni 2005, Rationarium Canada (Anglice; Statistics Canada, Francice; Statistique Canada) haud Europaeae originis homines pleriquos Toronti et Vancuverii circa annum 2012 constitutos esse proiecit. Secundum Rationarii Canadae praevisiones, allophylorum visibilium numerus in Canada circa annum 2017 duplicari exspectatur. Scheda interrogatoria anno 2007 facta propemodum unum quorumque quinque Canadiensium (19,8%) natum esse in aliena patria revelat. Fere 60% novorum immigrantium ex Asia (incluso Oriente Medio) proveniunt.

Canada maximum immigrationis indicem per capita in mundo habet, oeconomico consilio et familiari reunificatione ductum; Canada magnam fugitorum quantitatem etiam accepit. Nuper adventi praesertim in principalibus urbanis areis Toronti, Vancuverii et Montis Regii considunt.

Pluralismi religiosi favor praecipua pars Canadiensis politicae culturae. Secundum anni 2001 censum, 77,1% Canadiensium se Christianum identificat quorum, Catholici maximum circulum (43,6% Canadensium) constituunt. Principalis Protestantica denominatio Ecclesia Unita Canadiensis est. Circa 16,5% Canadiensium nullam religiosam affiliationem declarat, et relictum 6,3% affiliatur ad alias religiones haud Christianas, quarum praecipua Religio Islamica cum 1,9% incolarum et postea Religio Iudaica cum 1,1% est.

Canadiensia provinciae et territoria responsalia educationis sunt. Singulum systema simile est sed singulem regionalem historiam, culturam et geographiam ostendit. Obligatoriae scholae aetas de quinto aut septimo anno usque ad decimum sextum aut decimum octavum annum extenditur, quod adultae alphabetizationis indici 99% contribuit. Postsecundaria educatio a provincialibus et territorialibus gubernationibus etiam administratur, pecuniam publicam praebentibus; foederalis gubernatio additionalia investigationis concessa, mutua studentium et stipendia administrat. Anno 2002, 43% Canadensium inter 25 et 64 annos natorum postsecundariam educationem habuere; eis inter 25 ad 34 annos natis postsecundaria eruditio 51% attingit.

[recensere] Linguae

Incolae Montis Regii, in Quebeco praecipue Francophoni sunt, cum significante Anglophona communitate.

Canadae duae linguae sollemnes lingua Anglica et lingua Francogallica sunt. Sollemnis Bilinguismus in Canada lex est, in Charta Canadensi Iurum et Libertatum, Lege Linguarum Sollemnium et Regulationibus Linguae Sollemnis definitus; quae a Curatore Linguarum Sollemnium applicantur. Linguae Anglica et Francogallica eundem statum in foederalibus tribunalibus, in Parlamento et in foederalibus institutis. Homines ius, si postulatio sufficiens est, foederalis gubernationis diaconiarum seu Anglice seu Francogallice accipiendarum habent et sollemnis linguae allophylli praestatas suas proprias scholas in omnibus provinciis et territoriis habent.

Anglica et Francogallica linguae patrii sermones 59,7% et 23,2% incolarum proprie, et linguae fabulatissimae domi a 68,3% et 22,3% incolarum sunt. 98,5% Canadensium Anglice et Francogallice loquitur (67,5% Anglice solum loquitur, 13,3% Francogallice solum loquitur, et 17,7% ambis loquitur). Communitates Linguarum Sollemnium Anglicae et Francogallicae, Prima Lingua Sollemnis Locuta definitae, 73% et 23,6% incolarum proprie constituunt.

Quamquam 85% Francophonorum Canadensium Quebecum colit, substantiales Francophoni circuli in Ontarione, Alberta et Meridionali Manitoba, cum Acadiis incolis in Septemtrionalibus et Notorientalibus partibus Novi Brunsvici 35% provinciae hominum constituentibus, quoque et cum concentrationibus in Notoccidentali Nova Scotia et in Insula Promontorii Armoricani. Ontario maximum Francophonum circulum extra Quebecum habet. Charta Linguae Francogallicae in Quebeco linguam Francogallicam unam sollemnem in Quebeco facit, et Novum Brunsvicum una provincia sollemnis bilinguismi affirmationem in constitutione habens est. Aliae provinciae linguas sollemnes ut tales non habent, sed Francogallica lingua disciplinae, in tribunalibus, et aliis gubernationis diaconiis iuxta cum Anglica utuntur. Manitoba, Ontario et Quebecum Anglice et Francogallice in provincialibus legislaturis loqui permittunt et leges in ambis linguis promulgantur. In Ontarione lingua Francogallica aliquid legalis status habet sed omnino cosollemnis non est. Aliquae Aboriginales linguae sollemnem statum in Territoriis Septemtrio-occidentalibus habent. Lingua Inuktitut maioritaria lingua in Nunavut et una trium linguarum in territorio sollemnium est.

Haud sollemnes linguae ponderis sunt in Canada, cum 5.202.245 hominum una earum sermonem patrium enumerantium. Nonnulli significantes haud sollemnes sermones patrii linguam Sinicam (853.745 ut primo sermone loquentium), linguam Italicam (469,485), lingua Theodiscam (438.080), et linguam Puniabicam includunt.

[recensere] Sententia

"A mari usque ad mare"

ex Psalmus lxxii:8

[recensere] Vide etiam

Ottava

[recensere] Notae

↑ Iohannes Iacobus Hofmannus, Lexicon Universale [1] (1698)
↑ Carolus Egger, Diurnarius Latinus. Epitome actorum diurnorum in lingua Latina. (1980) p. 35 ISBN 88-209-4366-2.
↑ Typis Polyglottis Vaticanis, Latinitas (1953), p.314
↑ Statistics Canada Population Estimates (April 1, 2007)
↑ William T. Stearn in libro Botanical Latin (Londinii, 1983, p. 208) dicit verbum Anglicum north-western Latine esse boreo-occidentalis.

[recensere] Nexus externi

Vicimedia Communia plura habent quae ad Canadam spectant.

Dioeceses Canadenses

	Provinciae territoriaque Canadae
Provinciae: Columbia Britannica \| Alberta \| Saskatchewan \| Manitoba \| Ontario \| Quebecum \| Novum Brunsvicum \| Nova Scotia \| Terra Nova et Labrador \| Insula Principis Eduardi
Territoria: Yukon \| Territoria Septentrio-occidentalia \| Nunavut