Færeyjar

Úr Wikipediu, frjálsa alfræðiritinu

**Føroyar**

Færeyski fáninn	Skjaldarmerki Færeyja

Kjörorð ríkisins: ekkert

Opinbert tungumál	Færeyska
Höfuðborg	Þórshöfn
Þjóðhöfðingi	Margrét II Danadrottning
Lögmaður	Jóannes Eidesgaard
Flatarmál - Samtals - % vatn	189. sæti 1.399 km² -
Fólksfjöldi - Samtals (2004) - Þéttleiki byggðar	210. sæti 48.378 33,1/km²
Sjálfstæði	undir dönskum yfirráðum heimastjórn síðan 1948
Gjaldmiðill	Dönsk króna (DKK)
Tímabelti	UTC+0 (UTC+1 á sumrin)
Þjóðsöngur	Tú alfagra land mítt
Þjóðarlén	.fo
Alþjóðlegur símakóði	+298
Rafmagn	230V, 50 Hz

Færeyjar eru klasi 18 eyja í Atlantshafinu á milli Skotlands og Íslands. Þær eru allar í byggð nema ein, en mjög fátt fólk er á sumum þeirra. Nafnið þýðir fjáreyjar og eru þær kenndar við sauðfé. Þær byggðust á svipuðum tíma og Ísland og með sama hætti, þar eð norskir víkingar og sæfarar settust þar að, auk fólks frá Skotlandi og Írlandi, sem margt var af norrænum stofni. Fyrsti landnámsmaður Færeyja var Grímur kamban.

Þorpið Hvalba í Færeyjum

Höfuðborg Færeyja er Þórshöfn á Straumey (Streymoy) með rúmlega 20 þúsund íbúa. Heildaríbúafjöldi eyjanna er tæplega 50.000 (árið 2004). Færeyjar tilheyra Danmörku og njóta umtalsverðra fjárstyrkja þaðan en þeir hafa haft eigin sjálfstjórn frá 1948. Æðsti maður færeysku stjórnarinnar er titlaður lögmaður. Þjóðþing Færeyinga er kallað Lögtingið og er með aðsetur í Þórshöfn en þar sitja 32 þingmenn. Færeyingar eiga jafnframt 2 kjörna fulltrúa á Folketinget, þjóðþingi Dana. Sjálfstæðibarátta Færeyinga hefur verið eitt helsta deilumálið í Færeyjum frá fyrri hluta 20. aldarinnar en þjóðin virðist ávallt skiptast nokkuð jafnt í þá sem vilja sjálfstæði og þá sem vilja áfram tilheyra Danmörku.

Aðalatvinnuvegir Færeyinga eru fiskveiðar og fiskvinnsla. Miklar olíulindir er að finna undir hafsbotni á milli Færeyja og Bretlands og binda Færeyingar vonir við að hægt verði að vinna umtalsvert magn af olíu þar. Margir Færeyingar fóru til Íslands og unnu á vertíð upp úr miðri 20. öld og settust sumir þeirra að á Íslandi og hafa gerst íslenskir borgarar. Einnig hafa allnokkrir Íslendingar sest að í Færeyjum. Þjóðirnar eru náskyldar, svo og tungumálin færeyska og íslenska.

Eyjarnar eru taldar upp hér á eftir í stafrófsröð. Sú óbyggða er Lítla Dímun.

[breyta] Tenglar

Wikimedia Commons hefur upp á að bjóða margmiðlunarefni tengt:

Færeyjum

Eyjar í Færeyjum
Borðoy \| Eysturoy \| Fugloy \| Hestur \| Kalsoy \| Koltur \| Kunoy \| Lítla Dímun \| Mykines \| Nólsoy \| Sandoy \| Skúvoy \| Stóra Dímun \| Streymoy \| Suðuroy \| Svínoy \| Vágar \| Viðoy