Beijing
Úr Wikipediu, frjálsa alfræðiritinu
Beijing eða Peking er höfuðborg Alþýðulýðveldisins Kína. Á kínversku Beijing , (北京), merkir nafnið „Norður-höfuðborg“. Norður, vestur og suður af Beijing er Hebei-hérað og í suðaustri er sveitarfélagið Tianjin.
Beijing er næstfjölmennasta borg landsins, næst á eftir Sjanghæ. Beijing er miðpunktur mennta og menningar auk þess sem stjórnvöld stýra landinu þaðan. Sjanghæ og Hong Kong eru hins vegar meira áberandi hvað varðar efnahagsleg umsvif.
Efnisyfirlit |
[breyta] Nafn
Frá 1928[1] til 1949, var borgin kölluð Beiping (北平), sem þýðir „Norðlægur friður“. Nafninu var breytt þegar Kuomingtang setti á fót höfuðborg í Nanking (南京) („suður-höfuðborg“).
Við stofnun Alþýðulýðveldisins Kína endurreisti Kommúnistaflokkur Kína Beijing sem höfuðborg. Kaldara loftslag er í Beijing, heldur en í Aþenu.
[breyta] Saga
Borgir stóðu hvar nú er Bejing á fyrsta árþúsundi fyrir Krist og höfuðborg Yan-ríkisins (燕), var stofnuð við Ji (T: 薊 / S: 蓟), nærri því hvar Beijing stendur í dag.
Á tímum Sui- og Tang-ættanna, voru einungis litlir bæir þar sem Bejing er nú. Fjöldi fornra skálda sótti staðinn heim og syrgði fornar borgir.
Árið 936, afsalaði seinni Jin-ættin (936-947) sér stórum hluta norður-Kína á sitt vald, þar með talinn þann stað þar sem Beijing stendur nú, til Liao-ættarinnar. Árið 938 reisti Liao-ættin borg hvar nú er Beijing og kallaði hana Nanjing („suður-höfuðborg“). Árið 1125, innlimaði Jinn-ættin Liao, og flutti höfuðborg sína árið 1153 til Beijing en kallaði hana Zhongdu (中都), eða „Mið-höfuðborgina“, suðvestur af miðborg Beijing nútímans.
Mongólar brenndu Zhongdu til grunna 1215 og byggðu sína eigin stór-höfuðborg, Dadu (大都), norður af höfuðborg Jin-ættarinnar árið 1267 og markar það upphaf Beijing. Markó Póló kallaði svæðið „Cambuluc“. Kublai Khan, sem vildi verða Keisari Kína, byggði sína borg svo norðarlega fremur en nær miðju landsins svo hún stæði nær þeim stað þar sem veldi hans var mest, í Mongólíu. Enn má sjá leifar af borgarmúr reistum af Mongólum í Beijing.
Þriðji Ming Keisarinn Zhu Di (朱棣) flutti höfuðborg Ming-ættarinnar frá Nanjing til Beijing (北京), árið 1403. Meðan Ming-ættin ríkti tók borgin á sig mikinn hluta núverandi myndar. Borgarmúrar Beijing frá Ming-tímabilinu þjónuðu sem borgarmúrar uns þeir voru rifnir og annar hringvegurinn lagður þar sem þeir stóðu áður.
[breyta] Landafræði
Beijing stendur á norðurodda hinnar svo til þríhyrndu norður-Kína sléttu sem er opin til suðurs og austurs. Fjöllin í norðri skýla borginni og landbúnaðarhéruðum frá eyðimörkinni í norðri.
Kínamúrinn, liggur að hluta í gegnum nyrðri hluta borgarinnar, varði borgina frá áhlaupum flækinga úr auðninni.
[breyta] Borgin
[breyta] Götur
Chang'an breiðgatan liggur þvert í gegnum miðja borgina frá austri til vesturs fram hjá Tian'anmen. Kínversk stjórnvöld kalla breiðgötuna oft „fyrsta stræti Kína“.
[breyta] Ferðamennska
Tian'anmen (hlið hins himneska friðar) er andlegur miðdepill Kína, hvort sem er vegna sjálfs sín eða þeirrar staðreyndar að þar er aðgangurinn að Forboðnu borginni. Þá er og á heimsminjaskrá Badaling, bútur úr Kínamúrnum, Sumar-höllin, og hið himneska hof.
[breyta] Athygliverðir staðir
- Bútar úr Kínamúrnum við:
- Badaling
- Juyongguan
- Mutianyu
- Simatai
- Jinshanling
- Jiankou
- Forboðna borgin (á heimsminjaskrá UNESCO)
- Torg hins himneska friðar, þar sem mótmæli fóru fram 1919, 1976 og uppreisn stúdenta 1989
- Tian'anmen (hlið hins himneska friðar)
- Þjóðminjasafn Kína
- Smurningur Maó
- Sumar-höllin
[breyta] Útvarp
Þrjár útvarpstöðvar senda út efni á ensku: Hit FM á FM 88.7, Easy FMá FM 91.5, og Radio 774 á AM 774.
[breyta] Íþróttir
Árið 2008 mun Beijing hýsa sumarólympíuleikana og sumarólympíumót fatlaðra .
[breyta] Vinabæir
Beijing hefur komið á fót vinabæjarsambandi við eftirtaldar borgir:[2]
[breyta] Neðanmálsgreinar
- ↑ 1928, Jan. 2001. The Encyclopedia of World History.. Skoðað 24. nóvember, 2007.
- ↑ Beijing Official Website International. Skoðað 24. nóvember, 2007.
[breyta] Tenglar
- Opinber heimasíða Beijing
- Upplýsingar um sumarólympíuleikana 2008
- Kort af Beijing, 1560x1547 pixels, 645kb
- Kort af Beijing-svæðinu
- Veðurspá
- Mannréttindi og Ólympíuleikar - OlympicWatch.org
[breyta] Fyrir ferðalanga
- Myndir
- Upplýsingar fyrir ferðamenn
- Ferðahandbók
- Smáatriði varðandi Kína
- Peking.org - Aðdráttarafl Beijing
- Leiðarvísir
- Beijing - ferðir
- Beijing - ferðaþjónusta
- Beijing - ferðalög
- Beijinglives.com - Upplýsingar um ferðamannaþjónustuna
[breyta] Myndir