Usu dû radduppiamentu cunzunànticu doppu na vucali «accintata» ntô nternu di na palora
Di Wikipedia, la nciclupidìa lìbbira.
Ntâ lingua siciliana, esìstinu furmi cu lu radduppiamentu di la cunzunanti doppu na vucali accintata.
Ìndici |
[cancia] Diffusioni
Stu finòminu funèticu s'attrova nta certiduni àrii di la Sicilia. Li scrittura siciliani ùsanu picca furmi siciliani cu lu radduppiamentu.
[cancia] Asempi
còmudu -> còmmudu, còmmidu
ùtuli -> ùttuli
rimèdiu -> rimèddiu
abbitùdini -> abbitùddini
pràticu -> pràtticu (forsi dû latinu "pràcticus")
tèniru -> tènniru (dû latinu "tènerum")
mèmerum (palora latina) -> mèmmiru (puru "membru")
fastidiu -> fastiddiu
cìniri -> cìnniri (dû tuscanu "cènere" ca veni dû latinu "cineris")
Còmisu (Comiso, RG) -> Còmmisu
"fèmina" (palora latina) -> fìmmina
Còsimu -> Còssimu
Nùmiru -> Nùmmuru
pòlisa -> pòllisa (dû spagnolu "póliza" cu la prununza "pòlissa")
ecc.
[cancia] Rifirimenti ca ùsanu palori cu stu radduppiamentu
- Vucabbulariu di Piccittu, 1950-1980 (n'ammustra tutti dui formi)
- Vucabbulariu di Camilleri, 1998 (pi quarchi palora)
- Dizziunariu di Luigi La Rocca, 2000 (pi quarchi palora)
[cancia] Rifirimenti ca nun ùsanu palori cu stu radduppiamentu
[cancia] Ntâ littiratura siciliana
- Dî pruverbi siciliani cugghiuti di Giuseppi Pitrè:
-
- Fìmmina di trenta, lu dimoniu nun la tenta.
[cancia] Sicilianu standard usatu ntâ wikipedia
Nun avemu nudda prifirenza. Si ponnu usari tutti dui furmi.