Lingua ngrisa
Di Wikipedia, la nciclupidìa lìbbira.
| Sicilianu | |
|---|---|
| Parratu 'n: | Regnu Unitu, Stati Uniti, Canada, Australia, Nova Zilanna, e n'àutri 102 paisi |
| Pirsuni: | circa 514 miliuna |
| Classìfica: | - |
| Famigghi linguìstichi: | Lingui innu-europei Lingui girmànichi |
| Lingua ufficiali | |
| Paisi: | taliati â vuci |
| Rigulata di: | nun ufficiarmentie
di l'Oxford English Dictionary |
| Classificazzioni | |
| ISO 639-1 | en |
| ISO 639-2 | eng |
| SIL | ENG |
Lu ngrisi (o nglisi; nomu ndìgginu: English) è na lingua indoeuropea appartinenti ô vrancu occidintali dî lingui girmànichi, nzèmmula cu l'ulannisi, cu l'àutu e vasciu tudiscu, cû fiammingu e cû frisuni. È la lingua parrata nta l'Amèrica dû Nord, nta l'Australia, nta lu Regnu Unitu, nta l'Africa dû Sud, nta la Nova Zilanna e nta tanti àutri paisi.
Lu ngrisi òccupa na pusizzioni particulari, nun sulu rispettu ê lingui girmànichie, ma puru ô nternu dû gruppuo linguìsticu indoeuropeu: havi simprificatu e canciatu la propia struttura d'avvicinàrisi oramai cchiù a na lingua lingue isulanti chiutostu chi a na lingua flissiva. Dû puntu di vista dû vucabbulariu, tuttavia, cunteni cchiù tèrmini d'urìggini nun girmànica (spiciarmenti latina) ca girmànica, e pi chissu è la lingua cchiù aperta â trasuta di novi tèrmini d'àutri lingui.
Ntô corsu dû sèculu XX lu ngrisi addivintau la lingua franca p'eccillenza, abbattennu la pricidenti suprianata dû francisi chi a sò tempu avìa sustitutu lu talianu e lu latinu a fini di cumunicazzioni dipromàtica e scintìfica. È oi puru strumentuo pâ cumunicazzioni ntra etnìi privi di cunnissioni culturali, scintìfichi o pulìtichi.
Si càrcula ca li parlanti ngrisi comue lingua matri (English as a native language, ENL) s'arrìvanu a circa 350 miliuna; li parlanti di English as a second language (ESL), zzoè appressu â lingua nazziunali o nativa, circa 300 miliuna, li parlanti di English as a foreign language (EFL), zzoè comu una lingua nzignata a scola ma nun 'n usu ntô propiu paisi, circa 100 miliuna. Lu nùmmuru di chiddi chi nun ùsanulu ngrisi comue lingua matri supira dunca chiddu di chiddi chi lu pàrranu di nasciuta.
Ìndici |
[cancia] Storia
La sò storia accumincia cu la migrazzioni di genti di la zona dû mari dû nord appressu â pinìsula di lu Jutland. Èranu tri pòpuli: li juti, l'angli e li sassuna. Cu li migrazzioni sti genti purtàranu li soi lingui nta l'ìsula britànnica. Sti lingui ntacchia nticchia, grazzi puru a la forza di li re accuminciaru a èssiri unificati nta n'ùnica lingua chi veni oggi chiamata anglussassuni (ngrisi:anglo-saxon). Cu l'arrivu di li genti nurmanni la lingua nun fu parrata cchiù di li signura, chisti parràvanu la lingua di li novi patruna, lu francisi di ddu tempu. A picca a picca li francisi accuminciaru a parrari la lingua di li genti. Granni scrittura comu Geoffrey Chaucer accuminciavanu a scriviri nta sta lingua. Lu dialettu parratu nta la capitali ncuminciau a divintari la lingua cumuni. Li nglisi accuminciaru a spanniri lu sò tirritoriu e purtaru la sò lingua pi tuttu lu munnu. Li soi terri èranu accussì vasti chi si dicìa ca lu suli mai tramuntassi nta li soi rumini. A l'Amèrica, l'Innia e n'finu a l'Australia la sò lingua fu purtata.
Cu la fini di l'etati di li culoni li nglisi pirderu li terri ma la sò lingua era parrata ncuora. Puru li paisi comu lu nostru e tutti chiddi di l'Europa accuminciaru a nzignàrila a li carusi nta li scoli. Oggi lu Regnu Unitu dici chi un cristianu su cincu sapi parrari nglisi, certi aduni dìcinu ca unu su quattru.
La lingua di li vari paisi accumincia a canciari e sulu la forma scritta pò èsseri caputa, supratuttu pi li paisi chi nichi o chiddi chi sunnu cchiù pòviri, nta l'Africa. Lu nglisi dî Stati Uniti, lu miricanu (nglisi: American-English) e chiddu chi tutti ponnu vidiri supra li canali comu lu CNN o chiddu di li tracci 'n nglisi di li film di Hollywood.
[cancia] Distribuzzioni giogràfica
Lu ngrisi è usatuo comu lingua matri (ufficiarmentie) nnî siquenti paesi:
- 'n Europa
- nnî Ìsuli britànnichi:
- Ìsuli dû Canali (Ìsuli Anglu Nurmanni) (nzèmmula câ lingua francisa)
- Galles (nzèmmula cû gallisi)
- Nghilterra
- Irlanna dû Nord
- Ripùbblica d'Irlanna (nzèmmula cû gaèlicu irlannisi)
- Ìsula di Man (nzèmmula cû dialettu mannisi)
- Scozzia (nzèmmula cû gaèlicu scuzzisi)
- a Malta (nzèmmula cû maltisi)
- a Gibbilterra (nzèmmula cû spagnolu)
- a Cipru (nzèmmula cû grecu)
- nnî Ìsuli britànnichi:
- 'n Oceania e ntôPacìficu:
- Australia (nzèmmula chî lingui aborìggini e lingui purtati cu l'immigrazzioni, zzoè grecu, talianu, cinisi, eccetra)
- Nova Zilanna (nzèmmula cû mauri)
- 'n Àfrica:
- Libbirìa (nzèmmula chî lingui dû gruppu Niger-Congu)
- Àfrica dû Sud (nzèmmula cu l' afrikaans e chî lingui bantu e khoisan)
- nni l'Amèrica e nni l' Atlànticu:
- Anguilla
- Antigua e Barbuda
- Ascensioni
- Bahamas
- Barbados
- Belizi
- Bermuda
- Canada
- Domìnica
- Ìsuli Falkland
- Ìsuli Vèrgini miricani e britànnichi
- Giamaica
- Grenada
- Gujana
- Montserrat
- Saint Kitts e Nevis
- Sant'Elena
- Santa Lucia (statu) (nzèmmula cû creolu)
- Saint Vincent e Grenadine
- Stati Uniti d'Amèrica (40 miliuna di ispanòfuni, 28 miliuna cu matri lingua diversa dû ngrisi)
- Trinidad e Tobbagu
È mpijatu comu lingua ufficiali 'n: Bangladesci, Botswana, Brunei, Camerun, Ìsuli Cook, Figgi, Filippini, Gambia, Ghana, Hong Kong, Innia, Kenya, Kiribbati, Lesothu, Malawi, Malesia, Malta, Mauritius, Namibbia, Nauru, Niggeria, Pakistan, Palau, Papua Nova Guinia, Portu Ricu, Samoa Occidintali, Seychelles, Sierra Liuni, Singapura, Ìsuli Salomuni, Sri Lanka, Tuvalu, Swaziland, Tanzania, Uganda, Vanuatu, Zambia e Zimbabwe.
È macari la lingua cchiù usata ntô cummerciu ntirnazziunali.
[cancia] Nta l'Italia
Una liggi dû rumilaquattru fici ubblicatoria la lingua nglisi nta li scoli di l'Italia accuminciannu di la prima classi di l'elemintari. L'Eurostat dici chi nta lu 2005 lu 59% di li genti di l'unioni sapìa parrari lu nglisi. È la lingua chi l'Unioni Europea usa comu lingua di travagghiu appressu ô francisi e ô tudiscu, ma chiossai di sissanta carti fatti nta li'istituzzioni sunnu scritti 'n inglisi.
[cancia] Rifirimenti
- Crystal, David, English as a Global Language Second Editon, Cambridge University Press.
- Eurostat - li statistichi sunnu rispunìbbili pi tutti un si paanu
- Eurobarometro speciale lingue 2005 - rispunìbbili pi tutti un si paa
[cancia] Vuci currilati
- Prununza dû ngrisi
- Fausi amici nnâ lingua ngrisa
- Lingui di Internet
- Wikspeak
- Strine
- Siculish
[cancia] Lijami di fora
- Grammàtica ngrisa: Grammàtica ngrisa di basa cu asèrcizzi ntirattivi
- Sound Comparisons: p'ascutari e paragunari comu si prunùnzanu li stessi palori nnî vari accenti riggiunali e intirnazziunali dû ngrisi
