Malta
Di Wikipedia, la nciclupidìa lìbbira.
Malta è n'ìsula e nu statu europeu situatu ntô Mari Meditirraniu, tra la Sicilia e la Libia. La pupulazzioni è di quasi 400.000 abbitanti. Lu Maltisi e lu ngrisi sunnu li lingui ufficiali. Lu talianu nun è na lingua nazziunali, ma veni parratu d'assai genti, spiciarmenti nnî centri turistici.
Malta è, 'n tèrmini di dimensioni, lu cchiù nicu statu di l'Unioni Europea.
Dâ Sicilia, si pò arrivari a Malta pi menzu di l'ariupranu o la navi. Si pò varchiari di Catania, Puzzaddu, Licata, Sarausa o Palermu.
Ìndici |
[cancia] Giografìa
L'arcipèlagu maltisi si trova sulu a 93 chilòmitri a sud dâ Sicilia e a 290 chilòmitri a livanti dâ Tunisia. Cumprenni sti tri ìsuli maggiuri:
Supra Cumminu nun cci sunnu nè màchini nè muturini e sulu cincu abbitanti.
Lu puntu cchiù àutu supra l'ìsula di Malta è Ta'Dmejrek a 253 metri s.l.m. Lu clima è timpiratu meditirraniu, cu mmernu mudirusu e chiuvusu e stati càuda e asciutta.
L'ìsula principali è spartuta 'n cincu cumuni, mentri Gozo e Comino fòrmanu nzèmmula lu sestu cumuni.
La capitali è Valletta. L'àutri dui paisi maggiuri sunnu Rabat (o Victoria) supra l'ìsula di Gozo, e Birzebbuga supra l'ìsula principali. Mdina, ô centru di l'ìsula principali, era l'antica capitali.
[cancia] Storia
Malta havi na storia millinaria e ricca, chi tanti voti s'assimmigghia a la storia dâ Sicilia. Ma l'abbinimentu stòricu cchiù mpurtanti fu senza dubbiu l'assediu turcu dû 1565. L'ìsula cu l'esèrcitu dî Cavaleri risistìu a chidda chi era cunzidirata comu la forza militari cchiù putenti di l'èbbica.
Malta addivintau nu statu ntô 1962 e pigghiau la sò nnipinnenza dû Regnu Unitu lu 21 di sittèmmiru 1964. Addivintau na ripùbblica ntô 1974. Accuminzau a fari parti di l'Unioni Europea di lu 1 di maiu 2004.
[cancia] Liami nterni
[cancia] Liami esterni e rifirimenti
- L'edizzioni maltisi dâ wikipedia
- it:Malta
- visitmalta.com
- globalfgeografia.com
- Malta di Cedrick Gauthier-Lacognata
- Fotu di Gozo
Albanìa | Andorra | Austria | Belgiu | Bielorussia | Bosnia-Erzegovina | Bulgarìa | Cipru | Croazzia | Danimarca | Estonia | Finlandia | Francia | Girmania | Grecia | Irlanda | Islandia | Italia | Kòssuvu | Lettonia | Liechtenstein | Lituania | Lussemburgu | Malta | Moldavia | Mònacu | Montenegru |Norvegia | Paisi Vasci | Pulonia | Portugallu | Regnu Unitu | Ripùbblica Ceca | Ripubblica Macidonia | Rumanìa | Russia | San Marinu | Serbia | Slovacchia | Slovenia | Spagna | Svezzia | Svìzzira | Turchìa | Ucraina | Unghirìa | Vaticanu