Sarausa
Di Wikipedia, la nciclupidìa lìbbira.
| Sarausa | |
 |
|
| Muttu: | |
| Nomu ufficiali: | Siracusa |
|---|---|
| Pruvincia: | Sarausa (SR) |
| Superfici: | 204 km² |
| Abbitanti: | 150.000 |
| Dinzitati: | 623 ab./km² |
| Cumuni cunfinanti: | Avula, Ianiattini, Ciuriddia, Miliddi, Nuotu, Palazzolu Acreidi, Priolu, San Paulu |
| CAP: | 96100 |
| Prifissu telefònicu: | 0931 |
Sarausa è na cità di 127.000 abbitanti ca si trova nta l'est dâ Sicilia, e capulocu da stissa pruvincia.
Ìndici |
Storia
La cità pigghiò lu nomu dà vicina paludi Sykara ntô sèculu VIII a.C., quannu la funnaru li Corinzi. Doppu la guerra dû Peloponnesu sutta Dionisiu lu vecchiu, Sarausa divintau la cità cchiù mpurtanti dî culonî uccidintali dâ Magna Grecia, agghicannu a aviri un miliuni d'abbitanti. Lu piriudu di grannizza dâ cità durau nzinu â fini dâ secunna guerra punica quannu ntô 212 a.C. Sarausa fu cunquistata dî rumani cumannati di Marcellu.
In èbbica paleocristiana, fu una dî primi cità a essiri cristianizzata. Ntô primu sèculu San Paulu passau di Sarausa e â fini dû terzu sèculu nasci a Sarausa Santa Lucia, chi tanta parti appi ntâ cristianizzazzioni di lu mpiru rumanu. In èbbica bizzantina, tra lu 663 e lu 668, Sarausa fu capitali di lu mperu bizzantinu sutta Custanti II. Ntô 878 appi a subbìri n'àutru assediu tràggicu, chi si cunchiurìu cu la cunquista àrabba dâ cità. Sarausa fu libbirata dî truppi nurmanni sulu ntô 1088.
Li sarausani sunnu divoti a Santa Lucia, fistiggiata lu 13 di dicèmmiru cu na gran festa e macari lu jocu di focu. La prima Dumìnica di Maiu c'è la festa di Santa Lucìa dê quagghi, pi ricurdari nu miràculu dâ Santa. Ci fu na caristìa e li genti murìanu di fami, si mìsiru a prijari ntâ cattidrali e tutta nta na vota trasìu nta chiesa na quagghia ca purtava na spica di granu nta lu beccu, pirchì ntô portu avìa arrivatu na navi china di frumentu, ca fu a sarvizza dî Sarausani.
Munumenti principali
- Lu tiatru grecu di Sarausa è lu cchiù granni tiatru monulìticu dû munnu. Mentri cà cci siti cû stissu bigghiettu putiti vidiri macari:
- l'anfitiatru rumanu;
- l'aricchiu di Dionisiu; e
- tanti àutri beddi cosi di l'antichi Greci;
- Ortiggia, è n'ìsula stupenda pi daveru. Ortiggia è lu centru stòricu di Sarausa, passiannu passiannu putiti vidiri lu mircatu du pisci, la funtana dî papiri (la funtana Aritusa) unni cci sunnu macari li papiri, lu tempiu di Apollu, la porta spagnola, lu tempiu di Atena, lu duomu, lu museu Bellomo, la marina (unni si passìa), lu longumari Alfeo (unni si màncianu i spaghetti ô scogghiu), e tanti àutri chiesi. Si vi capita di jìricci di sira, truvati macari tanti beddi Pub unni vi putiti assittari a manciari nu paninu e a mbriacarivi;
- lu santuariu dâ Madonna dî làcrimi: nni valìssi la pena d'abbicinàricci;
- la chiesa di Santa Lucia;
- li Catacummi;
- la chiesa di San Giuvanni.
Sarausa nun è nà cità tantu granni quantu Catania o Palermu, ma però la cultura e la storia ca s'arrispìrunu trasennu nta sta cità nun hannu nenti a chi vidiri cu l'àutri cità, tant'è veru cà ê tèmpura di l'antichi grechi nun cc'era nuddu ntô munnu capaci di attacari Sarausa, picchì havi nu gulfu chiusu ca è nu veru e propiu portu naturali. Idda era la città greca cchiù mpurtanti doppu Ateni. Li riperti archeològgici ca s'attròvunu a Sarausa sunnu di na mpurtanza munniali. La civiltà di l'antichi Greci ni lassau a nuàutri oi un patrimoniu munniali di valuri únicu.
Pirsunaggi llustri
Pirsunaggi llustri di Sarausa hannu statu Archimedi, Giluni, Teocritu, Dionisiu lu vecchiu, Santa Lucia, Giuliu Firmicu Maternu, Papa Stefanu III, Eliu Vittorini.
Parrata
Ntâ zona sud dâ pruvincia di Sarausa e ntâ pruvincia di Rausa, tutti li paroli ccâ "ch" si prunùnciunu senza la "h". Accussì avemu: "minciata" nveci di "minchiata2, "accianari" nveci di "acchianari", "cciù ssai" nveci di "cchiù ssai", ecc.
Frazzioni
- Funtani Janchi
- Cassibbili
- Bedduvidìri
