Civitas Vaticana
E Vicipaedia
|
|||||
| Sententia nationalis: Nihil | |||||
 |
|||||
| Lingua | Latine1 | ||||
| Caput | Civitas Vaticana | ||||
| Papa | Benedictus XVI | ||||
| Secretarius Status | Tarcisius Cardinalis Bertone | ||||
| Area - Total - % aqua |
Locum 261 0.44 km² Negligible |
||||
| Numerus incolarum - Totalis (2004) - Spissitudo incolarum |
Locus 193 921 2093/km² |
||||
| Independentia - Data |
Lateranenses pacta 11 Februarii 1929 23 Maii, 1949 3 Octobris, 1990 |
||||
| Nummus | Euro (€)2 | ||||
| Zona Horaria - in aestas |
CET (UTC+1) CEST (UTC+2) |
||||
| Hymnus nationalis | Hymnus et modus militaris Pontificalis | ||||
| Interretis abbreviatio | .va | ||||
| Telephonicum praefixum | +3906 | ||||
|
1 Lingua Italica plerumque adhibetur. Lingua officialis vigilum Helveticorum est Lingua Theodisca. |
|||||
Status Civitatis Vaticanae, aut Civitas Vaticana (Italice: Città del Vaticano) est civitas minima Europae (et mundi) et centrum Ecclesiae Catholicae Romanae.
Lingua plerumque adhibita in Civitate Vaticana est lingua Italica. Lingua Latina est lingua Catholicae Religionis.
Civitas Vaticana sita est intra moenia urbis Romae (et ita enclave in Italia), scilicet in Monte Vaticano, ad ripam dexteram fluminis Tiberis.
Pontifex Maximus Sanctae Romanae Ecclesiae (Benedictus XVI), Episcopus urbis Romae caputque Civitatis Vaticanae est.
Forum Sancto Petro dicatum cor Civitatis Vaticanae est, e quo Basilica Sancti Petri magna cum cupula exsurgit.
Inscriptiones Basilicae Sancti Petri:
- IN HONOREM PRINCIPIS APOST(olorum) PAVLVS V BVRGHESIVS ROMANVS PONT(ifex) MAX(imus) An(no) MDCXII PONT(ificatu) VII
- TV ES PETRVS ET SVPER HANC PETRAM AEDIFICABO ECCLESIAM MEAM ET TIBI DABO CLAVES REGNI CAELORVM
Index |
[recensere] Historia
Historia Montis Vaticani iam a primaevis temporibus est nota. In diebus primisiimis urbis Romae ab Etruscis est inhabitata, sed, a Romanis capta, non ingrediebat in substantiam urbis, quae in altera ripa Tiberis crescebat. Mortui a Romanis ibi sepeliebantur, et a Nerone circo construebatur. Ita intravit Mons Vaticanus in historiam mundi. Anno circa 65 Sanctus Petrus, apostolus Iesu Christi iam a tempore episcopus Romanus, ductus est a Caesare Nerone in circo, et ibi crucifixus, capite ad terram verso. (Imperator voluit onus dare Christianis pro incendio quae urbem consummavit.) Probabiliter ea nocte, corpus apostoli susceptum a discipulis est sepultum in eodem monte, et post tempore, parvum locum memoriae est aedificatum.
Roma a Constantino capta, et religione christiana liberata, imperator voluit aedes dare in testimonium eius erga Christum devotionis. Ita anno 324 basilicam ex devotione Sancto Petro super sepulcrum apostoli exstruit, quae exstabat sicut magnum opus ingenii romani. Peregrini, qui iam a primis christiani temporibus sepulcrum apostoli visitaverant, nunc coetum magnum formaverunt, et notus factus est Mons Vaticanus per totam orbem terrarum. Vaticanus tamen non fuit residentia paparum, nec Basilica Sancti Petri eorum fuit sedes cathedralis. (Cathedra paparum fuit et est Archibasilica Sancti Ioannis in Laterano, etiam a Constantino effecta)
Imperio Constantinopolim transferto et iam declinante, Italia ordine carebat, et paulatim papae assumpserunt dominium etiam temporale. Anno 756 rex Merevingius Pipinus dedit nonnullam terram Italicam in manus summorum pontificum, qui eam tenuerunt plus quam 1000 annis. Tempore confusionis, ea donatio stabilitatem dedit iis regionibus et libertatem dedit Sanctae Romanae Ecclesiae, sed onus temporalis curae Civitatis Ecclesiae opprimebat ministerium spiritale Romanorum Pontificum.
Apta coincidentia residentiae successoris apostoli cum apostoli loco requiei non est facta usque ad diem 20 Septembris 1870, cum, Roma capta a Victorio Emanuele II, rege Italiano, Papa Pius IX refugium sumpsit in Vaticano. Per multos annos, papae et reges Italiae sese non agnoverunt, sed die 11 Februarii 1929 firmatae sunt concordantiae inter Statum Vaticanum et Regnum Italianum, et ita Civitas Vaticana formaliter assumpsit fines suos. Ergo, Civitas Vaticana permittit libertatem paparum a saecularibus statibus, et etiam dat libertatem a saecularibus curis.
[recensere] Vide etiam
[recensere] Nexus externi
| Europa — Civitates |
|
Ager Merulensis | Albania | Andorra | Armenia | Austria | Batavia | Belgia | Bohemia | Bosnia et Herzegovina | Bulgaria | Croatia | Cyprus | Dania | Estonia | Finnia | Francia | Georgia | Germania | Graecia | Helvetia | Hibernia | Hispania | Hungaria | Islandia | Italia | Lettonia | Lichtenstenum | Lituania | Lusitania | Luxemburgum | Melitta | Moldavia | Monoecus | Mons Niger | Norvegia | Polonia | Regnum Britanniarum | Respublica Macedonica | Res publica Sancti Marini | Romania | Russia | Ruthenia Alba | Serbia | Slovachia | Slovenia | Suecia | Turcia | Vaticanum | Ucraina |
|
Europa — Territoria
|
|
Balcania | Balticum | Britannia Maior | Gallia | Hibernia (insula) | Iberia | Lapponia | Pannonia | Scandinavia |
