Kristeniezh

Diwar Wikipedia, an holloueziadur digor

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Tamm eus heuliad a bennadoù a-zivout ar Gristeniezh

Istor ar Gristeniezh Kronologiezh ar Gristeniezh An ebestel Ar Senedoù-Iliz An Disivoud Bras Brezelioù ar Groaz An Adreizhadur

An Dreinded Doue an Tad Doue ar Mab (Jezuz Krist) Doue ar Spered Santel

Ar Bibl TestamantNevez · LXX Testamant Nevez An Avieloù Dek Gourc'hemenn Prezegenn war ar Menez

Doueoniezh kristen Kouezhadenn an Den · Gras Doue Salud · Didamalladur Azeul kristen Ilizoniezh · Esc'hatologiezh

Iliz Kentañ Kristeniezh ar Reter Reizhkredenn ar Reter Ilizoù ar Reter Iliz Asirian ar Reter Kristeniezh ar c'hornôg Relijion gatolik · Protestantelezh Iliz bro-Saoz Anvadurioù kristens Emsavioù kristen

Ur relijion savet diwar-benn ar c'homzoù hag an oberoù un dudenn ar Iañ kantved, ar C'hrist (an olevet) e ditl, eo ar gristeniezh. Hervez un nebeut testennoù, anvet an avieloù, skridaozet e gresianeg kozh e veve e Palestina (Israel ha Palestina hiziv) un den, Jezuz a Nazaret e anv (hebraeg: יְהוֹשֻׁעַ, Yəhošúaʿ). Dibunet eo en avieloù e vuhez p'eo bet ganet e Betleem ha marvet dre groazstagadur e Jeruzalem dre urzh ar Romaned a oe mistri war ar vro, war goulenn ul lez-varn relijiel renet gant beleion uhelañ ar relijion yuzev ma oa bet desavet Jezuz enno.
Hemañ a brezegenne en ur lakaat da intent e oe mab da Zoue. He mamm a oa anvet Mari ha hi dimezet da Jozef, ur c'halvez, met chomet gwerc'h, a oa bet goulennet diganti a-berzh Doue gant un ael, Gabriel, hag asantiñ a rafe da vezañ mamm d'ur bugel kaset gant Doue. An deiz ma vez lidet e c'hanedigezh, ar 25 a viz Kerzu, e Gouel Nedeleg a verk deroù bloazvezh kentañ an amzervezh gristen. Anvet e vez ar re a gred e Jezuz-Krist ar gristenion.

[kemmañ] Kredennoù pennañ ar Gristenion

Diazezet eo ar relijion gristen war dudenn Jezuz-Krist. Ar pezh a zo boutin d'an holl gristenien eo e kredont :

• ez eo Jezuz-Krist gwir Doue ha gwir den, deuet da vevañ ur vuhez den da ziskouez piv eo doue d'an dud, da lavarout eo karantez.
• ez eus tri ferson e Doue : Tad, Mab ha Spered Santel, a vez anvet an Dreinded ;
• e sakramant ar Vadeziant da vezan diwallet diouzh ar pec'hed-orin ha dont-tre e familh Doue, an Iliz.

Ar gredenn-se a vez graet "Feiz kristen" gant ar gristenien. Er Grennamzer e veze gwelet an holl vroioù kristen europat evel ar Gristeniezh enebet d'ar broioù pagan e Reter hag e Su Europa.

[kemmañ] Anvadurioù ar c'hredennoù kristen pe an ilizoù kristen

Rannet eo ar gristenien e teir c'hredenn disheñvel evit pezh a sell ouzh elfennoù all, nebeutoc'h a bouez dezho, eus ar feiz kristen. Dre-se emañ :

• An Iliz katolik roman ;
• Ar Reizhkredennegezh (pe an Ortodoksiezh) ;
• Ar Brotestantiezh.