Degemer

Darvoudoù ha keleier diwezhañ ar Wiki

* War-raok atav. D’an 10 a viz Genver 2008 e oa bet tremenet an niver a 18 000 pennad gant an holloueziadur brezhonek. Ha derc'hel a ra o niver da greskiñ bemdez abaoe ! Labour a chom avat evit kenderc'hel da grouiñ pennadoù hag evit kempenn ar pennadoù zo bet savet : an holl anezho pe dost o deus ezhomm bezañ adwelet, reizhet, kempennet ha klokaet. Ar 55vet yezh eo ar brezhoneg evit an niver a bennadoù bremañ, e-touez raktresoù holloueziadur Wikipedia. Evit gouzout hiroc'h : An Deizlevr

* Raktresoù all, kar da Wikipedia, zo ivez : ar raktresoù Wikimammenn (un diellaoueg e brezhoneg, enni testennoù klok hag en o furm orin) ha Wikiarroud (un dastumad arroudoù e brezhoneg), hag ar Wikeriadur. Ur geriadur e meur a yezh, ha bremañ e brezhoneg ivez eo hemañ.

Un nebeudig tud oberiant evit ar raktres Wikipedia e brezhoneg a labour evit se. Ouzhpenn 8000 pennad zo bremañ er Wikeriadur brezhonek, ar pezh a lak ar brezhoneg er 36vet renk e-touez ar raktresoù geriadur heñvel. en tu all da 3500, Mar fell deoc’h mont da welet al labour-se, kit war Wikeriadur e brezhoneg.

* Evit kaozeal diwar-benn kement tra a denn d'ar Wikipedia brezhonek hag adkavout ar Wikipediourien all e c'hallit mont d'ober un dro betek an An davarn.

* Evit gwellaat ar pennadoù e c’hall pep hini teurel ur sell ouzh roll ar fazioù stankañ, ur roll a c'hallo bezañ klokaet evel-just...

* E-touez ar pennadoù liesseurt a zo bet savet e-pad ar sizhunvezhioù diwezhañ e kaver traoù a bep seurt : timbroù Batoum, timbroù Danzig pe re Fiume, pennadoù diwar-benn istor kozh Bro-C’hall, evel Neustria, Aostrazia, Pepin Grenn, pe diwar-benn livourien italian evel Caravaggio. Aet eo an niver a bennadoù diwar-benn Mojennoù Hellaz war-raok ivez gant pennadoù diwar-benn Delwennoù Afrodite pe Gwener. Er rummad C'hoarierien mell-droad ez eus bremañ kalzik a bennadoù diwar-benn sportourien a c’hoari e kluboù mell-droad Breizh. Un tamm tro dre ar bed a c’haller ober ivez, dre gêrioù eus Afrika, evel Nairobi, pe dre gumunioù Belgia, hag ober anaoudegezh gant savadurioù evel Ramz Rodos, mastabaoù Ejipt pe Delwenn ar Frankiz. Ha goude-se ne vo nemet mont d’ober anaoudegezh gant aktourien evel Woody Allen pe Amitabh Bachchan. Lennadennoù mat deoc’h holl !

A bep seurt

• Porched ar gumuniezh
• An Deizlevr
• Ar pennadoù savet nevez zo
• Roll ar porchedoù
• Erbedennoù war live ar yezh
• Pajennoù da nullañ
• Goulenn ur pennad
• Pennadoù a ra diouer d'ar Wiki-mañ
• Termenadurezh ha dibaboù pleustrek evit ar wiki
• Danvez pennadoù da vezañ klokaet
• Labour kumuniezhel

Un tamm sell war red an darvoudoù

Doare ar 7 a viz Mezheven 2008 ha Keleier ar vro

• 9 Mezheven: Kollok e Pariz gant ar Fondation Chirac diwar-benn ar Yezhoù en Argoll. E penn an ti emañ Rozenn Milin.

• 3 a viz Mezheven : e Stadoù-Unanet Amerika eo bet trec’h Barack Obama war Hillary Clinton evit bezañ danvez-prezidant ar Strollad Demokrat e dilennadeg an diskar-amzer.
• 28 a viz Mae: embann a reer ar republik e Nepal.

• 25 a viz Mae : en em gavet eo an egorlestr Phoenix war ar blanedenn Meurzh. Klask a ray roudoù dour warni.
• 23 a viz Mae : Unaniezh Broadoù Suamerika, un aozadur a vod stadoù eus Suamerika, zo bet savet e Brasília, war skouer Unaniezh Europa.
• 22 a viz Mae : Bodadenn Vroadel Bro-C'hall he deus degemeret ur c’hemm d’ar Vonreizh d’ober anv eus ar yezhoù « rannvroel » er mellad 1 anezhi. Digemm e chom ar mellad 2 avat, an hini ma lenner ez eo ar galleg yezh ofisiel nemeti ar Republik c'hall.

• 22 a viz Mae : e dilennadeg kannaded parlamant Jorjia eo bet trec’h strollad ar prezidant Mikhail Saakashvili.
• 20 a viz Mae : krogad mell-droad etre c'hoarierien vreizhat a vicher ha skipailh Republik Kongo e Sant-Brieg. N'eo ket alies e vez bodet ur skipailh mell-droad breizhat.
• 19 a viz Mae : Gouel Erwan, gouel broadel Breizh.
• 12 a viz Mae : miliadoù a dud lazhet gant ur c'hren-douar bras e proviñs Sichuan, e Sina.
• 12 a viz Mae: gant Enez Manav ez eu bet embannet c'hwec'h timbr ha warno pep a vanniel eus ar broioù keltiek [1].

Pennad ar sizhun : Berlin
Kêr-benn Alamagn eo Berlin. Deuet e oa da vezañ ur gêr-benn en-dro d'an 3 a viz Du 1990.
Krouet e oa Berlin e-tro ar bloavezh 1200. Hec'h anv en dije un orin slavek hag a zeufe eus ar sorabeg barlen pe berlén, hag a dalvez "kloued e koad", a veze lakaet gwechall war bord ar stêr Spree gant ar besketaerien. Ur gêr kozh a-walc'h eo, daoust ma ne vez ket santet kement-se pa vezer eno. Traoùigoù eus an amzer-se zo da welet memes tra, evel ar c’harter anvet Nikolaiviertel, e-kichen an ti-kêr.

Pa voe unvanet Alamagn en XIX^vet kantved, e teuas Berlin da vezañ ar gêr-benn anezhi. Er bloavezhioù 1920 e teuas Berlin da vezañ ar gêr vras a anavezer hiziv an deiz. Dont a reas neuze da vezañ unan eus kêrioù brasañ ar bed, gant war-dro 3,8 milion a annezidi.

Goude kuzuliadeg Yalta (e miz C’hwevrer 1945) e voe rannet Alamagn e pevar zakad goude an Eil brezel-bed, ha rannet e voe Berlin ivez. E divizoù Potsdam e miz Gouere hag e miz Eost 1945 a-benn eskemm diwar-benn dazont Alamagn, dizemglev a savas buan etre Saozon, Amerikaned ha Gallaoued diouzh un tu, hag ar Rusianed diouzh an tu all. Evit ar re gentañ e oa pouezus adreiñ lañs buan da armerzh Alamagn, padal e felle d’ar Rusianed pouezañ war an digoll.

Rann Berlin hag Alamagn a voe ofisiel e 1949. Tachad ar c’hornôg a zeuas da vezañ Bundesrepublik Deutschland (BRD), ha Bonn a voe lakaet da gêr-benn. Diouzh an tu all e teuas an tachad soviedel da vezañ Deutsche Demokratische Republik (DDR) ; lakaet e voe Berlin ar Reter da gêr-benn. Berlin ar C’hornôg a voe staget ouzh Alamagn ar C’hornôg ha dispartiet e oa an div lodenn eus kêr gant ur voger vras. Evel-se e chomas an traoù betek 1989-1990. Dilennadegoù dieub kentañ DDR abaoe 1949 a c’hoarvezas e miz Meurzh 1990. Buan goude e voe adunvanet Alamagn, diskaret ar voger hag adunvanet ivez an div lodenn eus Berlin.

Parlamant Alamagn a guitaas Bonn e 1999, ha d’an 19 a viz Ebrel en em stalias er Reichstag nevesaet. Kalz cheñchamantoù a zo bet abaoe m’eo bet adunvanet Berlin. Karterioù zo bet nevesaet, ha Mitte a zo deuet da vezañ kreiz ar gêr en-dro.

Evit kenderc'hel da lenn : Berlin

Ur raktres eus diazezadur Wikimedia eo Wikipedia. Meur a raktres Wiki all, liesyezhek, digoust ha frank a wirioù zo ivez :

				Wikipedia en holl yezhoù
	Wikeriadur geriadur hollvedel		Wikilevrioù oberennoù pedagogel digoust		Wikiarroud dastumad arroudennoù		Wikimammenn levraoueg hollvedel
	Wikispesad meneger ar bev		Wikikeloù mammenn geleier dizalc'h		Wikimedia commons bank roadennoù liesvedia		Meta-Wiki kenurzhiañ raktresoù Wikimedia