Sorabeg
Diwar Wikipedia, an holloueziadur digor
Sorabeg (Serbšćina) |
|
---|---|
![]() |
|
Perzhioù | |
Komzet e : | Alamagn |
Rannved : | Lusatia (Saksonia, Brandenbourc'h) |
Komzet gant : | ~ 60 000 |
Renkadur : | goude 100 |
Familh-yezh : | Indez-Europek Yezhoù slavek |
Statud ofisiel | |
Yezh ofisiel e : | - |
Akademiezh : | hini ebet |
Rizhouriezh | |
Urzh ar gerioù | {{{urzh}}} |
Frammadur silabek | {{{frammadur}}} |
Kodoù ar yezh | |
ISO 639-1 | - |
ISO 639-2 | wen |
ISO 639-3 | {{{iso3}}} |
Kod SIL | WEN |
Deuit da welet ivez Yezh. |
Ur yezh slavek ar c'hornôg eo ar sorabeg (anvet ivez wendeg pe lusatieg), komzet e Lusatia (sorabeg uhel: Łužica; sorabeg izel: Łužyca, alamaneg: Lausitz) e reter Alamagn.
Div yezh unvan lennegel ez eus, implijet o-div dre skrid: ar sorabeg uhel (hornjoserbsce), komzet gant tro-dro da 55.000 den e Saksonia, ar sorabeg izel (dolnoserbski) komzet gant tro-dro da 14.000 den e Brandenbourg. Ur yezh en arvar da vont da get a zo eus ar sorabeg izel.
Komzet e vez ar yezh ivez gant un nebeudig annezidi a-orin Sorabed o chom e Lee County (Teksas, bet levezonet eno kalz kement gant an alamaneg hag gant ar saozneg.
Ur yezh divro eo ar sorabeg, en em gav dreist-holl e bro vBrandenbourc'h, e gevred an RDA gozh, war harzoù Polonia ha Tchekia. 30.000 ez eus anezho oc'h ober ganti bemdez hepken, strewet dre al "Land" penn-da-benn, en deus lakaet o yezh war an hevelep live hag an alamaneg hervez al lezenn, hogen er pleustr, eveljust, ez eo beuzet-mik ar sorabegerien e meurvor an alamanegerien hag e reont o-unan gant an alamaneg peurvuiañ en o darempredoù sokial er-maez eus an tiegezh hag eus ar relijion..
Taolenn |
[kemmañ] Skolioù sorabek
Evel e Breizh ha Breizh Izel peurgent ez eus un nebeut skolioù sorabek a-berzh stad ... met poan a zo evit derc'hel ar skolioù-se en o sav hag e weler stourmerien o sevel o c'hein, met re nebeut, dres evel e Breizh. Kerent 'zo eta a grog en o barroù-livañ da... adlivañ o skol bublik dre ma n'eus ket arc'hant a-walc'h a-berzh ar Stad evit ar sorabeg.
[kemmañ] Perzh bras ar relijion gatolik er Su
Katoliked gredus ez eo ar sorabegerien-uhel betek vremañ. Marteze dre m'o deus gouzañvet yev ar gomunisted n'int ket bet levezonet c'hoazh da vat o buhezioù gant an danvezelouriezh pragmatek ? Bugale niverus ez eus peurvuiañ en o familhoù, ha se a zo daou dra liammet o laka mat a-ziforc'h diouzh an alamanegerien. Ur pardon bras e sorabeg o devez bep bloaz ma kemer perzh ennañ ur pemp mil bennak a dud.
[kemmañ] Slaved ha n'eo ket germaned
Evit gwir, e-touez an 60.000-se n'eus ket 5000 a gement a vefe emskiantek ha darev da stourm evit chom pezh ez int, met ar re a stourm ne stourmont ket evit un "divyezhegezh" ; ne lavaront ket "o deus ar gwir", Nann. Lavarout a reont hepken ez int pezh ez int hag ez eo mat evito bezañ evel-se : katoliged gredus, niverus o bugale, diforc'h mat o doareoù-bevañ diouzh hini an alamanegerien. En o bleud en em gavont ha ne c'houlennont nemet chom pezh ez int en ur vro n'eo ket dezho rak slaved ez eus anezho ha n'eo ket germaned.