Aostrazia
Diwar Wikipedia, an holloueziadur digor
Aostrazia a oa ur rouantelezh e reter Galia, e traoniennoù ar stêrioù Meuse ha Mosel, betek ar Roen, da vare ar rouaned frank. Reims a oa kêrbenn gentañ ar vro, a voe kaset da v-Metz da c'houde.
Brezel a veze etre rouaned Aostrazia ha re Neustria, er c'hornog.
Eus rouantelezh Aostrazia e oa ar Bepined hag ar Garolingidi.
Pa varvas Hlodwig Iañ (pe Clovis e galleg a vremañ) e 511, e voe rannet e rouantelezh etre e vibien. Echu e voe gant Aostrazia pa voe unanet gant rouantelezh Neustria e 751 dindan Pepin III .
[kemmañ] Rouaned Aostrazia
- Eus 511 da 534 : Teodorig (anavezet evel Thierry Iañ e galleg) a voe roet dezhañ reter rouantelezh e dad, Aostrazia, enni Galianed romanekaet, Franked, Chated, Alamaned, en ur vro a glote gant Galia belg, hag a zo bremañ douaroù Loren, Rheinland, Elzas, Champagn, Belgia, hag ul lodenn eus an Izelvroioù. Da gentañ e voe lakaet ar gêrbenn gant Teodorig e Reims, ha goude e Mettis (Metz), a oa muioc'h er c'hreiz. Lakaat a reas uhelaat mogerioù kêr, diazezañ e lez en ur palez anavet evel « al Lez aour », war dorgenn ar Groaz Santel. [1]. Ur « maer» a oa karget d'ober war-dro ar palez hag ar pourvezioù.
- 7 000 a dud a oa neuze, a-hervez e kêr Mettis.
- Eus 534 da 547 :
- Teodebert Iañ (pe Thibert e galleg). Ar brudetañ eus rouaned Aostrazia hag eus warlerc'hidi Clovis. Diskouez a ra bout dizalc'h hag ober a ra e voneiz. Kannaded a Vizantion a deu betek ennañ, a-berzh Justinian . Mervel abred a ra avat, en 547/548,
- Eus 547 da 555 : Théodebald Iañ, pe Tepod
[kemmañ] Notennoù
- ↑ Hiriv e vez graet Musées de la Cour d'Or (Mirdioù al lez Aour) eus Mirdioù Metz war an dorgenn-se, mar dachenn ar plaez kozh hervez a greder.
[kemmañ] Gwelout
- Franked
- Rouantelezhioù ar Franked