Finland
Frae Wikipedia
.
Finland or the Republic o Finland (Finnish: Suomi) is ane o the Nordic kintras. It's a memmer ae the EU (European Union). The Preses o Finland is nou Tarja Halonen.
Finland haes mairches wi Swaden, Norrowey an Roushie
Table o contents |
[edit] History
[edit] Antient Finland
Finland may be auldest byded in kintra o aa the Nordic kintras, gin the staid o Susiluola is as auld as jaloused - 130,000 year. Gin no, the auldest traces o human habitation in Finland is aboot 8500 BC, whan evidents o a hunter-gaitherir cultur hae been funn. Fowk seem tae hae settled mair aroond the 6t yearthoosan BC.
The Finnish Bronze Eild stairtit aroond 1500 BC, an the Airn Eild sum thoosan year efter that. The Airn Eild in Finland endit aroond 1200 AD. Atween the twa, there wis a graet cultural growth, an graffs o the tyme shaw evidents o a sopheesticated cultur, likely ruled ower bi a chieftanlike elite. There isnae onie evidents o state-formin at thir tyme.
[edit] Middle Eilds
In the monie haundowers o pouer an chynges o wha wis the dominant kinrick in Scandinavia in thir tymes, Finland nevir got the upper haund, an wis aye ruled ower bi ane o the ithir nations, fer ordinar Swaden, tho eistern pairts wer aften pairt o Russian territory . As a result o this, Swadish becam a mair heich status leid nor Finnish.
It wis also at this tyme that Finland wis converted tae Christianity. Syne Wastron Europe at thir tyme wis Roman Catholic an Roushie wis Orthadox, it is aften said that at thir tyme Eistron Finland merked the mairch atween Catholic an Orthadox Christendom.
Eastron Finland wis the staid o monie fechts atween the Finns an Roushians - fer exemplar the war o 1495-7. Accordin tae Finnish fowklair, the dun-toun wis saufed durin a muckle Roushian seige bi an unco o God.
[edit] The 17t Yearhunner
As pairt o the Swadish Empire unner Gustav Adolphus, Finland jyned the Thirty Years War on the Protestant side. The Finnish cavalry, cryed the Hakkapeliitat played a muckle pairt in monie o Adolphus' victories. In thir tymes, Swaden wis ane o Europe's maist important pouers, an her airmie wis ane o the best; aiblins the best in the wurld, an the Hakkapeliitat wer an important factor in that; feared an respectit bi their faes.
In a releegious sense, the 17t yearhunner wis a tyme o Lutheran domination an strickness efter the Reformation. The law o Moses wis declared the law o the land in 1608, an the skeel o readin became mair widespread due tae efforts tae teach the haill fowk tae read the Bible an ithir releegious texts.
A gey bad hership atween 1697 an 1699 reducit the Finnish population bi sumwhar in the region o 30%, an no lang efter anithir lang war furder hammered the Finns wi mair trouble.
[edit] The 18t tae the 20t Yearhunner
Ower the 18t yearhunner, Finland wis twa tyme thirled bi Roushie, an a series o wars atween Roushie an Swaden followit. While pairt war annexed bi Roushie an the wars brocht misery tae the local fowk, Finland as pairt o Swaden wis haen sum muckle impruivments an aa - technological an social forbye, sic as the mair democratic reforms in parliament, or the makkin o the Empire's first hot air balloon in 1784 (anlie a year efter the device wis inventit in Fraunce)
Houmever, in 1771 Gustav III o Swaden tuik contol o the kinrick, horsed oot the parliament an stairtit anithir, unsuccessfou war agin Roushie. Roushie agitatit naitionalist feelins in Finland tae try an set up an unthirlt Finnish state an turn Swaden's plans tapsalteerie, bot wi smaa success.
The Finnish War o 1808-9 saw Finland faa intae Roushian haunds, an it became a Grand Duchy o the Roushian Empire. The 19t yearhunner saw industrialisation (sic as minin, forestry an machin warkin) tak hauld o Finnish ceeties, tho the fowk as a haill would remain fer ordinar landward warkers until the mid 20t yearhunner.
A surge o naitionalism, aften leid-based, saw Finns stairt to demand mair autonomy, an rejeck Swadish fer Finnish. A muckle pairt o this wis the publication o the naitional epic Kalevala in 1835. The process o naition biggin lairgley involvit the sae cryed "Leid Strife", whilk got monie Finns tae view thaimsels as pairt o Finnish naition, an stairtit tae want naethin tae dae wi Roushie ava. This, alang wi seemilar naitionalist movements in ithir pairts o the Empire, prompted a response o "Roushiefication" frae the authorities, whilk mainly servit tae hairden naitionalist feelin.
As a result o the 1905 Roushian Revolution, Finland wis grantit a parliament. Universal sufferage wis implementit, makkin Finland the first kintra in Europe tae gie wummin the vote.
[edit] Unthirldom an Ceevil War
In the wheen o confusion followin the Bolshevik takkin o pouer in Roushie in October 1917, it wis decidit that Roushie either cuilnae or shuildnae hae control ower the non-Roushian pairts o the Empire, and sae the feck o thaim wer grantit unthirldom, Finland amang thaim. Finland became an unthirlt state fer the first tyme on the 6t o December 1917.
Frae Januar tae May 1918 a bitter ceevil war wis fechtit atween the bourgeois "Whites" led bi C.G.E. Mannerheim, an the communist "Reds". The Whites eventually won the war, tho it left a bitter legacy whilk didnae end suin, an causit diveesion fer monie year efterward. The economic devastation whilk the war haed causit wesnae owercum until 1925.
[edit] Finland atween the twa Wurld Wars
Efter the election o Kaarlo Juho Ståhlberg as Finland's first presse, the new republic haed a wheen o problems tae face. Ane o thir wis the issue o the Åland Islands, whilk wer owerwhelminly Swadish spaekin an wanted tae return tae Swadish haunds. Houmever the Finns didnae want tae gie up the Islands, an offered the Islands unthirlt status as pairt o Finland. The Ålanders didnae approve o thir, an sae the League o Naitions wis cryed in. The peacefuou settlement o issue (muckle alang the lines the Finns wanted) wis ane o the League's gey few successes.
Relations wi the Soviet Union wernae gey guid atween the wars, despite the Treaty of Tartu in 1920. Incidents alang the border an, in 1932, Soviet restreections on Finnish shippin in the Gulf o Finland an Loch Lagoda (baith o whilk wer closed tae Finns in 1937).
Anithir problem wis the proto-facist Luapa Movement, whilk wis the result o naitionalist an anti-communist feelin left ower frae the Ceevil War. Efter a failed attempt tae tak pouer in 1932, the group wis banned. At thir tyme ther wis also a failed attempt tae introduce prohibition. The attempt lastit frae 1919 tae 1932. As wi the seemilar attempt in America, this failed an haed a gey bad effeck on crime rates an drinkin cultur.
[edit] The Seicond Wurld War
Anti-communist feelin wis still strang in Finland, an relation wi the USSR haed nevir been gey guid ava in onie case, an eikit till Finnish dreids fer their survivin as a fowk an naition (syne they kent mair anent the Purges nor maist ithir kintras) meant that whan the war stairtit, the Finns an Soviets wer in opposition tae ilk ithir. Finland fechtit the Soviet Union twa tyme in the Seicond Wurld War, firstly defendin thaimsels in the Winter War o 1939-40 an then, wi support frae Nazi Germany they carriet oot the Continuation War o 1941-44, in whilk they invatit pairts o wastron Roushie, tho they eventually lost o Petsamo, their ainlie ice-free hyne.
Eventually the USSR defeatit thaim, an unner armistice condeetions, they fecht agin Germany in the Lapland War o 1944-5 in whilk the Finns forced the Germans tae retreat tae yont Northin Finland an bak intae Norrowey, whilk at thir tyme wes thirlt tae Germany.
[edit] Efter the War
In 1955 Finland jyned baith the Nordic Council an the Unitit Naitions an the European Free Trade Association in 1986. Finland faced sum muckle economic problems in the eirlie 1990s fer twa main reasons. Firstly ther wis the sae cryed "economic owerheat" frae they gey leeberal policies o the auchties; an seicond the dissoultion o the USSR (Finland's mucklemaist trade pairtner) in 1991. Thir problems wer lairlie solvit bi jynin the EU (European Union) 1995. The day Finland is ane o the maist weil-aff an heichlie educatit kintras in the wurld.
[edit] Poleetics
Finland is a parliamentary democracy, an the preses the nou is Tarja Halonen, the first woman tae haud the post. Finland, like the lave o the Nordic kintras is kent fer haein a leeberal society an a gey guid welfare state. It is also ane o the maist free kintras, wi graet unthirldom o the press, ceevil liberties, poleetical richts an accordin tae Transparency International is the least corrupt kintra in the wurld. Finland wis also the first kintra tae gie wummin the richt tae vote.
[edit] Leids
Finland's offeecial leids is Finnish an Swadish, an forby thon, Sami leids is spak in northren pairts o Finland.
The muckle feck o Finnish fowk (92%) hae Finnish as their mithir leid. Aboot 5.5% hae Finland Swedish (kent as Finlandsvenska, whilk is a tait deeferant frae whit is spak in Swaden), an less nor 7,000 hae ane o the thrie Sami leids spak in Finland. Russian an Estonian ar aslo spak bi gey smaa minorities. Forbye maist Finns are more nor a tait guid at Inglis, whilk they leir at schuill, an monie also hae French or German an aa.
[edit] Fremmit Airtins
- http://fi.wikipedia.org Finnish Wikipedia
- Finlandlive.info - Finland Travel Forum
