España
Dendi Güiquipeya
|
|||||
Lema nacional: Plus Ultra (latín; «Más allá») | |||||
![]() |
|||||
Luengua oficial | Español1 | ||||
Capital | Madril | ||||
Rei | Juan Carlos I | ||||
Presidenti el gobielnu | José Luis Rodríguez Zapatero | ||||
Cumprimentu - Total - % augua |
Puestu 50º 504.782 qm² 1,04% |
||||
Puebración - Total (2007) - Densiá |
Puestu 27º 45.116.894 88,3 ab/qm² |
||||
PIB - Total (2005) - PIB/capita |
Puestu 14º 1.026.340 millonis de US$ 24.803 US$ |
||||
Monea | Euru (€, EUR)2 | ||||
Zona orária en vranu |
CET (UTC+1)3 CEST (UTC+2)3 |
||||
Inu | Marcha Real | ||||
Domiñu Internet | .es | ||||
Coigu telefónicu | +34 | ||||
Miembru de: UE, ONU, OTAN, OCDE, OSCE | |||||
1 Son coficialis el catalán/valencianu en Cataluña, Comuniá Valenciana i Islas Balearis; el aranés nel Valli d'Arán; el gallegu en Galícia ; i el euskera en Pais Vascu i Navarra. |
España, oficialmenti Reinu d'España, es un pais soberanu d'Uropa u, es un pais ociental costituiu en monalquia palramentária que ocupa argu más de los cincu sestus de la península Ibérica, tamién dos archipélagus asiahaus unu nel mari Mediterráneu (Ilas Balearis) i otru nel océanu Atlánticu (Islas Balearis), asina comu las praças de soberania el norti del continenti africanu i el encravi de Llívia enos Pirineus francesis.
Pertenci a la Uñón Uropea con otrus vintiseis paisis.
Tiini un grandol de 504.645 qm². La su capital es Madril
Arraya al norti colos paisis de Fráncia i Andorra, al sul cola colónia ingresa e Gibraltar i Marruecus, i al oesti con Purtugal
Continius |
[eital] Heugrafia
Asiahá ena Uropa Ociental, ocupa la mayol parti la penísula Ibérica i ahuera d'ella, dos archipiélagus (Canárias nel océanu Atlánticu i las ilas Belearis nel mari Mediterráneu), amás de dos ciais, Ceuta i Melilla, nel norti d'África.
N'estensión territorial es el cuartu pais d'Uropa, aculau solu por Rúsia, Ucránia i Fráncia. Es el segunderu mayol de la Unión Uropea.
El relievi d'España se caracteriza pol sel albondu elevau, tiini una artura meya e 660 metrus i es mu montañosu si lo comparamus con el restu de paisis d'Uropa, ecetuandu Suiça, cuya artura meya es una miaha mayol. Ena España peninsulal, el relivevi s'articula alreol duna gran Meseta Central qu'ocupa la mayol parti del centru la península ibérica i que tiini una artitú meya e 660 m. Aparti la meseta, está la Bahura el Ebru nel noresti i la del Guadalquivil, nel sul.
Los sistemas montañosus d'España son mu numerosus i ocupan abati la metá el territóriu nacional. Los Pirineus nel noresti i los Sistemas Béticus nel suresti son las serranias mas elevás i se asiahan pohuera la Meseta Central. Arrodeandu a ésta, está la Serrania Cantábrica nel norti, el Sistema Ibéricu nel esti i la Sierra Morena nel sul. Por drentu la Meseta Central está el Sistema Central i los Montis de Toleu.
A España pretencin dos archipiélagus d'enterés heugráficu: las islas Canárias i las Balearis. D'Epaña tamién son angunus otrus encravis costerus nel norti d'África cumu son las ciais de Ceuta i Melilla, las islas Chafarinas, las Alucemas i los peñonis de Alucemas i Vélez de la Gomera.
La costa española, está bañá pol océanu Atlánticu i los maris Cantábricu i Mediterráneu. Presenta una gran divelsiá e prayas, barrancus i rias. La costa arta i articulá con rias i cabus es más predominanti nel norti i enas islas Canárias, mentris que la costa bahera con prayas i calas es más própia el sul i del esti.
[eital] Clima
El clima d'España nu es omohéneu, pol asihamientu de la península Ibérica entri las latituis 36º i el 46º N, nel cantu ociental del continenti uropeu. Pudria izilsi qu'el clima d'España eberia tenel una veltienti mayoritariamenti el clima mediterráneu, peru tamién el asiahamientu está afectau pola caraterística montañosa el territóriu i el clima marítimu de la costa oesti del Atlánticu, ena su fachá norociental, haziendu ibielnus mas rigurosus de los que pudrian asperalsi. Desistin nel estremu sul amás, traças e clima sutropical secu, sobri tó en Almeria i Múrcia.
[eital] Organiçación territorial
España es una nación integrá por nacionalidadis i rehionis, organiçás territorialmenti en 17 comunidadis autónomas i 2 cidadis autónomas, que tienin abondu nivel d'autonomia, poderis lehislativus, presupuestárius, administrativus i ehecutivus enas competencias exclusivas qu'el Estau les garantiça por mol dela Constitución i de ca Estatutu d'autonomia.
Ca comunidá autónoma se subdividi nuna o várias províncias, haziendu un total e 50.
[eital] Demografia
España a pasau de tenel 40.499.799 abitantis a 1 e heneru e 2000, a cobihal a 45.116.894 d'abitantis a 1 e heneru e 2007. La densidá e puebración, e 89,4 ab/km², es menol que la dela mayoria dotros paisis d'Uropa Occidental i la su distribución a lo largu 'el territóriu es mu irregulal. Las zonas mas abondu puebrá se concentran ena costa i alreol e Madrid, que'es la tercera cidá uropea con mas henti, por cuantu qu'el restu 'el interiol s'ancuentra mu débilmente ocupau.
[eital] Estória
Ai huertes indicius d'ocupación umana dela península dende un pasau remotu, comu son las numerosas pinturas rupestris qu'esistin por tol territóriu.
El territóriu que ogañoti componin España i Purtugal estaba antañu compuesto de mui diferentis puebrus, comu los celtas i los puebrus iberus. La península tamién fue abitá por colonus gregus i fenícius. Nostanti nengunu delos puebrus dela península compusu un gobiernu únicu. Aunque ubiesi nese tiempu importantis civilizacionis entavia por estudial abondu comu es el casu e Tartessus.
Se considera qu'en el añu 19 antes e Cristu tola península estaba conquistá polos romanus, dandu-se escomiençu a la crunolohia dela era ispánica.
[eital] Roma
Duranti el perió romanu, las tierras denominás Ispánia pasarun por dalgunas alteracionis admenistrativas. Nel periodu republicanu, desistian las províncias e Ispánia Citeriol i dela Ispánia Ulteriol. En 27 a.C., el heneral Agripa creó las províncias: Tarraconense, dantis Ispánia Citeriol, la Bética i la Lusitánia a partir dela Ispánia Ulteriol. En 216 sirhiu la Nueva Ispánia Citeril Antoniniana, ena rehión noroesti dela península, mas o menus ondi ogañu está Asturias. Dioclecianu reuniñu toas esas províncias endispués pa hormal la Diócesis d'Ispánia.
[eital] Reiñu Visigodu
A partir 'el sigru II Roma prencipió a perdel la su influéncia sobri Ispánia. Comu consecuéncia 'el debilitamientu 'el Impériu Romanu i la incapacidad deste de defender las fronteras 'el territóriu, delas tribus helmánicas, las cualis dendi el sigru III asta el V, estuvun cruzandu la península ibérica los suevus, los vándalus i los alanus. Sobri 409 o 410 druzun los pirineus unos 30.000 suevus, qu'eran el pueblu hermánicu con mayol complehidá. Ocupun el noroesti dela península i afundarun un reiñu con capital en Braccara.
Nel añu 416 entran ena península los visigodus (godus 'el esti) comu aliaus de Roma para derrotal a los alanus i a los vándalus que s'abian apoderau de parti della. Vencin a los dos puebrus i afundan un reiñu nel sul dela ogañoti Fráncia, con sedi en Tolosa Fráncia. Pocu a pocu el reiñu se fue espandiéndu a sul e careandu definitivamenti a los otrus puebrus herlmánicus que s'abun asentáu ena península i muan la su capital a Toleu.
Se suponi que los godus hormaban una minoría endentru dela sociedá ispanorromana i que deberie estal intedrá endentru desta. El su númeru non a siu precisau con esatitú, inque los cálculus más fiablis chascan d'enti 150.000 i 200.000 visigodus instalaus ena península, sobri una puebración que no chegaba al millón
España nesi entoncis non cayó nel periodu d'nalfabetismu nel que se sumió toa Uropa nesi tiempu i que se conoci comu la Edá Oscura, puestu que los visigoticus eran los mas romanizaus delos puebrus bárbarus. Mantuvun el sistema legal romanu, la estructura admenistrativa que ya desistia, las institucionis i los archivus estóricusi. Tamién aceptarun la relihión predominati de mó que el creu oficial fue el catolcismu, dende qu'el rei Recaredu persiguiera a los arrianus i acabara conellus.
[eital] Islam
En 711 los musulmanis lideraus por Tariq entrarun ena península a petición de parti e la nobreza goda contrária al rei Rodrigu, i endispués ganraun al rei ena batalla e Guadalete al que hizun presioneru i aluegun matarun (otras huntanillas izin qu'el rei murió ena batalla o que ahorró della). Nese momentu escomienza el periodu islámicu dela península ibérica.
Afundarun el reiñu de Al-Ándalus, que aluego endispués el emir Abderramán I convirtió en Emiratu independienti 'el e Damascu. Abderramán III creo el Califatu e Córdoba, independizándu-si definitivamenti 'el de Bagadag.
Esi tiempu fue para Al-Ándalus cortinu, inqui fue tambien el de mayolprospéridá i espelendor. La cidá de Córdoba (la capital) se convirtó ena cidá mas grandi i mas culta dela Uropa medieval. El Califato sigiú desistiendu asta el añu 1031 nel qu'el reiñu omeya se hizu anñicus e dandu lugal a los reiñus de Taifas.
[eital] Reconquista
Los pruebrus critianus tentarun defendel-sii dangunus s'agruparun enas montanhas d'Asturias y escomenzaran los luchis porel territóriu. La primera victória (según la horma d'escrebil l'estória polos cristianus) contra los musulmanis fue emprendia por Don Pelayo ena Batalla e Covadonga (la Cueva dela Señora). Dende esi momentu e conformi las victórias se ian sucediendu chegavan caballerus uropeus pa ayual a los cristanus dela península, están considerás las primeras Cruzás.
Inque ena realidá a Reconquista non fue una coperación entri los reyis critianus contra los musulmanis, por que los reinus cristianus luchaban entri ellus, por el pudel, sucesionis al tronu o pola independéncia.
Los musulmanis tuvun que pedil ayua en dos ocasionis a los reiñus 'el norti d'África dandu lugal a las invasionis delos Almoades i la delos Almorávides. Puniendo en serius aprietus de continuidá a los reiñus cristianus 'el norti. Pocu a pocu esus reiñus se fuerun deriniendu más nítidamenti i conquistando mas territóriu asta que al final dela edad meya queaban ena península los de: Castilla, Lión, Aragón, Navarra i por parti e los musulmanis solu el Reinu e Granada.
Nesti puntu es cuandu puei consideral-si que España tieni nacencia comu pais, porque aina desistia el conceptu d'España comu tolos reiñus dela península, peru fue con la uñión delos reiñus e Castilla i Aragón, la conquista e Granada i l'ajuntamientu e Navarra, esta queo comu la porción mas grandi e la península e por esu acabrun desinándu-la con el nombri.
[eital] La Conquista d'América
Conlos reyis Católicus Castilla escomençó una política e finaciación d'exploracionis marítimas, rivalizandu con Purtugal, que nesi momentu era la poténcia marina. Conel descubrimientu d'América, España emprencipió la conquista 'el nuevu mundu tantu por finis ecoómicus comu relihiosus i acabó firmandu con Purtugal el tratau e Tordesillas medianti el cual dambus paisis se repartían el contienti.
A Esàña chegarun grandis cantidadis d'oru i prata, peru non se supun aprovechal adecuadamenti. Gastaran-se cuasi toas en sufragal los gastus e las guerras n'Uropa pa mantenel la ehemonia i los territorius uropeus. L'econmia 'el pais se gorvió dependienti delas colonias i otras actividadis comu el comerciu no fuerun suficientimenti desarrollás, comu nel casu de Olanda, esso hizu que la moeda perdiera valol i bastantis crisis económicas.
[eital] Dinastía delos Asburgus
El Impériu español alcanzó el su puntu cimeru bahu esta dinastia cuyu primel representanti fue el rei Carlos I, que tamién lo era 'el Sacru Imperiu Romanu Hermánicu.
Dispués dela abdicación 'el rei, los sus cumprius territórius se dividun en dos partis una bahu el control de Celipi II i otra bahu el control de Fernandu, (sus sucesoris gobernarun Aústria asta el sigru XX). Celipi II uñificó las coronas española i purtuguesa.
Nel añu 1640 Purtugal consigi la su definitiva independéncia i ochu años después lo hazin los Paisis Bahus pusiendu asin fin a la gerra delos Ochenta Añus A grande extensão gerou conflitos internos. Em 1640 Portugal readquire sua independência. Em 1648 o rei Filipe IV reconhece a independência dos Países Baixos com o fim da Guerra dos Oitenta Anos.
El Rei Carlos II mueri sin tenel descendienti en 1700 e comiença la gerra de sucesión que gana el Borbón Celipi d'Anjou e ecomiença una nueva dinastia a rehil el pais.
[eital] Dinastia delos Borbonis
Con la chegá 'el nuevu rei tamién chegan las reholmas i la modernizacion 'el pais. El rei abolió total o parcialmenti los fuerus i derechus fiscalis dela Corona d'Aragón, peru nu los delas províncias vascas i navarras que comu parti e Castilla permanecierun fielis a el duranti la gerra. Tamién hizu rehormas abondu pa aposimar su nuevu reinu al moo centralizau 'el su pais.
Se huchea comu perioo dela Ilustración política n'España al tiempu qu'abarcan los reinaus delos borbonis dende Celipi V asta Carlos IV, quien acaba el su reinau abruptamenti en 1808 recohiendu el movimientu 'el sigru delas luzis que s'inicia en Fráncia i qu'es l'antesala dela Revolución francesa.
Nesti meyu tiempu se sucedin la invasión francesa i la primera restauración borbónica una vezi concluia ésta i es exomienzu e la emancipación e los territórius españolis en América.
Con el reinau de Isabel II se producin las gerras Carlistas i la completa instabilida politica 'el pais. En 1868 Isabel II es derrocá i los políticus españolis emprencipian a buscal una persona pa ocupal el tronu d'España, cosa que es artu dificultosa i que finalmenti consiguen ena figura e Amadeu I. El rei aguanta nel podel por un peiodu mu cortinu e tiempu, solu 3 añus e anti el abandonu 'el rei i la imposibilidá d'encontrar otru candidatu, nu quea otra que proclamal la I República, la cual fracasa estrepitosamenti i de nuevo se produzi la Segundera restauración borbónica ena persona de Alfonsu XII.
[eital] Segundera república i Gerra civil
Tras las eleccionis 'el 31 enas que los partidus republicanus ganan enas cidades, el rei Alfonsu XIII abandona el pais i s'instaura la II República, que tieni un periodu de via mu cortu i agitau. En huliu de 1936 estalla la Gerra Civil.
Esta gerra es amenuo considerá comu una antesala dela Segundera gerra mundial por que nella participun paisis comu Alemaña i Itália apoyandu a Francu e la Uñón Soviética apoyandu a la República. Algotrus paisis d'Uropa supuestamenti permanecierun neutralis, peru ena práctica non fue verdá, i alogu e tres añus e gerra i de tel ganau la gerra, Francu emprencipia la su dictadura.
[eital] Etapa franquista
Francisco Franco se convirtió en dictador nel incíciu dela gerra civil e salio vencedor della. Ej su gobiernu fue tipicamenti autoritáriu i de partidu únicu. Inqui abia semehanzas con las ideolohias fascistas, España se mantuvu neutral durante la II gerra mundial. Sólu mandandu el apoyo dela División Azul a las poténcias del Ehe. Endispués d'acabá la gerra i nel periodu conociu comu Gerra fria, el pais se alió con el bloque capitalista y consigió romper el aislamientu i l'autarquia a la que se le sometió por parti e las nacionis venceoras nel conflitu de la II Gerra Mundial, al entral en 1955 a hormal parti delas Nacionis Uñias.
Duranti la década e 1960 España pasó poruna fasi e crecimientu económicu, propiciau pola espansión 'eñ turismu i pola entrá e divisas delos emigantis.
[eital] Transición a la democrácia i actualidá
Normalmenti se sueli consideral que la transición española abarca un perioo comprendiu entri la muerti e Francu, acaecia en 1975 i el triunfu 'el Partiu Socialista en 1982.
El rei Huan Carlos tuvu un impportanti papel ena transición democrática española. Entri las medias relevantis 'el presidenti hucheau porel rei, Adolfu Suárez están:
- Un plesicito nel cual el puebru español aprovó el sistema e democrácia parlamentarista.
- La convovatória duna elección pa definil a los representis que paticiparun ena redación dela nueva Constitución, cosa que hizun en 1978.
Ena primera elección democrática pos-Franco, el partiu UCD consigió la mayol parti e los votus. Nostanti ese partiu non tinia unidá. Suárez fue sustituiu por Calvo Sotelo, que disolvió el parlamentu i hizu hazel unas nuevas elecionis pa 1982. Nesas elececionis l'UCD sufrió una grandi derrota i el partiu socialista, que se cantea pa la gacha, ganó esas elecionis.
Nel añu 1986 España huntu con Purtugal entró nel Mercau común Uropeu, que más tardi vendrie a sel l'Uñon Uropea.
Nestus ultimus añus España a conociu un crecimientu ecómicu sin precedentis ena su estória, inque entavia tenga argunus problemas sérius que solucional comu son: el paru, el terrorismu i l'asimilación dela inmigración que tieni enus uñtimus tiempus.
[eital] Economia
L'econmia d'España, lo mesmitu que la su puebración es la quinta mas grandi dela Uñión Uropea i chascandu en términus absolutus es l'octava economia muncial. En terminus relativus o de Parirá e puel adquisitivu, s'ancuetra tamien entri las mayoris 'el mundu. Ogadañu las sus tasas e crecimientu, aunque moderás superan las delos sus vecinus i collacius uropeus.
[eital] Turismu
España es el segunderu pais 'el mundu que recibi más turuntus foritus, según datus dela Organización Mundial e Turismu, namás por detrás de Fráncia, i disfruta duna cuota 'el 7% 'el turismu mundial, por alatri d'Estaus Uñius i d'Itália.
El turismu le reportó a España 37.500 millonis d'euros duranti l'añu 2004, lo que la asitió een segundera posición n'ingresus económicus, aculá de Estaus Uñius, qu'ingresó 75.000 millonis d'euros en 2004 (el 12% 'el total), i por alatri e Fráncia (33.900) i Itália (29.600).
Entri Heneru i Noviembri e 2005 recibió un total e 52,4 millonis de turuntus foritus, un 6,2% más de los rehistraus nell mesmu tiempu 'el añu anteriol, según datus 'el Menistériu d'Industria, Turismu u Chambus.
[eital] Cultura
La cultura española hundea las sus raicis enas incluencias que los diferentis puebrus an dehau tas su pasu pola península o conel pasu los sigrus. Amás dela estória, la heografia i la presencia 'el mar Mediterráneu an ayudau significativamenti ena formación dela cultura d'ogañu.
Aunque ai un patrimóniu común a tolos españolis, la marcá singulariá delas sus rehionis an dau lugal a múltiples manifestacionis culturalis a lo largu e tol territóriu. Estas manifestacionis ah teniu reflehu en tolos campus; artis, tradicionis, literatura, luengas i dialeutus, música, gastronomia, etc.
|
![]() |
---|---|
Albánia | Alemaña | Andorra | Arménia | Áustria | Azerbaidjan | Bélhica | Bielorússia | Bósnia i Hercegovina | Bulgária | Ciá el Vaticanu | Croácia | Dinamarca | Eslováquia | Eslovénia | España | Estónia | Finlándia | Fráncia | Heórhia | Grécia | Ungria | Irlanda | Islándia | Itália | Kazakhstan | Kosovo | Letónia | Linstenstain | Lituánia | Lusemburgu | Malta | Moldávia | Mónacu | Montenegru | Noruega | Paisis Bahus | Poloña | Purtugal | Réinu Uñiu | Macedónia | Repúbrica Checa | Rumania | Rúsia | San Marinu | Sérbia | Suécia | Suiça | Turquia | Ucránia | Chipri |