Purtugal

Dendi Güiquipeya

República Purtuguesa


(En detalli)	(En detalli)

Presidenti 'el gobiernu

Anibal Cavaco Silva

Cumprimentu
- Total
- % augua

Posición 111ª
92.391 km²
0,5%

Puebración
- Total (2007)
- Densidá

Puestu 76º
10.524.145
114 ab/km²

Moeda

Euru (€, EUR)²

Zona orária
en veranu

CET (UTC)CEST (UTC+1)

Innu

La Purtuguesa

Domeñu Internet

.pt

Código telefónico

+351

Miembru e: UE, ONU, OTAN, OCDE, OSCE

¹ Tamién es coficial el mirandés ena zona de Miranda do Douro ² Asta 1999, el escudu.

Purtugal, oficialmenti la República Purtuguesa (en purtugués: República Portuguesa; pron. IPA Template:IPA) es un país uropeu asitiáu ena península Ibérica, teniendu lindes sólamenti con España (comunidadis autónomas de Galicia, Castilla i León, Estremaúra i Andalucia). El territoriu e Purtugal comprendi tamién los archipiélagus autónomus delas Azoris i e Madeira, asitiaus nel emisfériu norti 'el océanu Atlánticu.

[eital] Orihen 'el nombri

El nombri de Purtugal vieni e "Portus Cale", nombri conel que los romanus chamaban a l'actual cidá de Oportu. Alfonso VI Rey e León concedió a Enriqui e Borgoña en 1093 la parti norti e lo que ogañu chamamos Purtugal, i dio-li el títulu de "Condi e Portus Cale".

[eital] Heografia

Imahin sateliti e Purtugal.

Asihadau nel estremu suloesti d'Uropa, el Purtugal continental hazi frontera namás que con España. El territóriu está partiu por Tahu. Al norti el paisahi es montañosu, enas zonas 'el interiol con planicies intercalaus con areas que permiten el desarrollu dela agricultura. Al sul asta el Algarvi, el paisahi es más planu, siend las sierras mu esporádicas. Algotrus rius prencipalis son Dueru, Miñu i Guadiana, que lo mesmitu que nel casu e Tahu tienin la su nacencia en España. Entri los rius castuamenti purtugesis, los mas importanciosus son Mondegu que naci ena sierra dela Estrella i Voga.

Ena Sierra dela Estrella está el puntu cimeru de Purtugal, el Picu Estrella con 1991 m.

[eital] Clima

Burgau, Algarve Imahis 'el Cabo e San Vicenti, nel Algarvi

Enl Purtugal continental, las temperaturas meyass anualis son e 13ºC nel norti i 18ºC nel sul. Las illas de Madeira i Açores, por mol 'el su asiahamientu nel Atlánticu, son mas úmedas i chuviosas, i conun intervalu e temperaturas mas chicu. Normalmenti, los mesis dela primavera i del veranu son solariegus i las temperaturas son altas duranti los mesis secus de huliu i agostu, con un másimu nel centru del pais entri 30ºC i 35ºC, peru heneralmente son mas altas nel Alentejo. La otoñá i l'inviernu son típicamenti ventosus, chuviosus i frius, especialmenti enas cidadis del norti del Purtugal continental enas que son frequentis las temperaturas negativas, peru enas cidais mas al sul las temperaruras solu mu de quandu en quandu bahan pol bahu delos 5ºC, queándu-se en los 10ºC ena mayoria delos casus. La nievi es común ena zona norti 'el pais i mmu rara nel sul, aunque ná quita que no puea acontecel.

[eital] Política

Actual primel menistru e Purtugal, Hosé Sócrates.

Ogañu desitin en Purtugal cuatru órganus e soberania:

El Presidenti dela República
L'Asamblea dela República
El Gobiernu dela Repúbilica
Los Tribunalis.

Dendi 1975 el panorama políticu purtugués a siu dominau por dos partidus: el "Patido Socialista" i el "Partido Social Demócrata". Estus partidos s'am dividiu los labutus de gobernal i admenistral la mayol parti delos ayuntamientus práticamenti dende la instauración dela democrácia. Peru, partidus como el "Partidu Comunista Portugês" que tieni la alcardia d argunas cidadis importanciosas, huntu conel movimientu sindical o "Partidu Popular" son tamién importantis nel ahedrez políticu. Amás destos, tienin asientu nel Parlamentu: el "Bloco de Esquerda" qu'es un partido orientau a la gacha, el partidu ecolohista "Os Verdes", el "Partido Popular Monárquico" i el "Movimento da Terra"

[eital] División admenistrativa

Praça 'el Rossio en Lisboa

Las prencipalis divisionis admenistrativas de Purtugal son entavía los 18 ditritus nel continenti i dos Rehionis Autónomas (Açoris i Madeira). Se subdividin en 308 concehus i 4257 felifresias. Nostanti el pais tieni algotras muchas hormas de subdividil-si notras hormas de organiçación territorial.

Los distritus son:

Aveiro
Beja
Braga
Braganza
Castelo Branco
Coimbra

Évora
Faro
Guarda
Leiria
Lisboa
Portalegre

Oporto
Santarém
Setúbal
Viana do Castelo
Vila Real
Viseu

[eital] Economia

La Puenti 25 d'Abril en Lisboa.

Dendi 1985, el pais entró nun procesu e modernización, nun ambienti bastanti establi. Los sucesivus gobiernus hizun várias reformas, privatizun muchas empresas controlás por el Estau i liberalizarun areas clavis ena economia, incluyendu los sectoris delas telecomunicacionis i el sectol financieru. Purtugal se desarrolló nuna economia crecienti, afundá enos servicius i fue unu delos onci miembrus fundadoris dela monea uropea, el Euro. Escomençó a correr nas callis la nueva moeda el dia 1 de heneru de 2002. Purtugal horma parti delos paisis con un altu índice de desarrollu umanu. Tamién horma parti delos paisis chamaus "desarrollaus".

El crecimientu económicu purtugués estuvu porcima dela meya uropea duranti quasi tola década e los 90.

El pais está entri los 20 primerus paisis del mundu con mehol calidá e vida.

En parti conlos recursus que truhon de la Unión Uropea, el pais hizu enas últimas décadas inversionis abondu en infrastucturas, siendu por hemplu qu'ogañu tieni una redi de autopistas mu estensa.

Com un pasadu predominantementi agrícola, actualmenti i debidu a to el desarrollu qu'el pais que o país ha teniu, la estrutura dela economia se basa ogañu enos servicius i ena indústria.

[eital] Parimóniu artísticu

"Palácio da Pena", Sintra

Las maravillas e l'arte i e la estória purtugiesa aparecin por toas las partis, son testimónius dun pasau glosiosu preservau gracias a monumentus tan importanciosus comu el templu de Diana ena cidá d'Évora o ehemplus èl góticu comu nel casu 'el Monastériu de Batalla. Son importantis las espresionis que aqui tuvu el renacimentu comu son el Conventu 'el Cristu de Tomar o el Barrocu comu se refleha nel casu dela Iglésia i la Torri delos Clérigus, en Oportu.

Peru quiciás lo más significativu sea el estilu de góticu propriu i esclusivu de Purtugal, el chamau "estilu manuelinu" nel que se puedi vel claramenti la pasión delos purtuguesis por el mar. Nesti estilu las fachás e los edifícius apaecin decorás con cordonis, ñus, anclas, esferas armillaris, perolas, ohas d'árboles i cruzis de la Ordin 'el Cristu e Tomar. El monumentu representativu deste estilu decorativu, que non arquitectónicu puestu que pertenci al góticu, puedi consideral-si el Conventu e los Herónimus en la cidá de Lisboa ondi están las tumbas e Luis de Camões i Vasco da Gama i también es importanti neste estilu la cercana Torri e Belém.

Abrie que destacar tamién l'arti e los azulehus, mu estendiu en toel pais.