Fráncia
Dendi Güiquipeya
|
|||
| Lema nacional: Liberté, Égalité, Fraternité (francés; «Libertá, igualdá i fraternidá») | |||
 |
|||
| Luengua oficial | francés | ||
| Capital | París | ||
| Presidenti | Nicolas Sarkozy | ||
| Primel Menistru | François Fillon | ||
| Cumprimentu - Total - % augua |
Posición 40ª 675 417 km² 0,26% |
||
| Puebración - Total (2007) - Densidá |
Puestu 26º 63 213 894 93,59 ab/km² |
||
| PIB - Total (2005) - PIB/capita |
Posición 6ª 2.110.185 millonis e US$ 33.918 US$ |
||
| Moeda | Euru (€, EUR) | ||
| Zona orária en veranu |
CET (UTC+1)CEST (UTC+2) | ||
| Innu | La Marsellesa | ||
| Domeñu Internet | .fr | ||
| Código telefónico | +33 | ||
| Miembru e: UE, ONU, OTAN, OCDE, OSCE | |||
Fráncia (en francés: France), conocía oficialmenti cumu Ripública Francesa (en francés: République française), es un país cuyu territóriu mitrupulitanu s'asihada n'Uropa Occidental, pero qu'amás incluyi rehionis, ilas i archipiélagus en diversas partis 'el mundu.
La Francia metropolitana linda al suloesti con España (623 km) i Andorra (56,6 km), al oesti conel océanu Atlánticu; al norti con el Canal dela Mancha, que la desapartan 'el Reinu Uñiu; al noresti con Bélgica (620 km), Lusemburgu (73 km), Alemaña (451 km) i Suiça (573 km); al esti con Mónacu (4,4 km) i Itália (488 km); i al suresti con el mar Mediterráneu. N' América 'el sul la Guayana francesa linda con Brasil ( la su mayol frontera con un pais vecinu: 673 km) i Surinam (510 km). Los francesis se refierin comúnmenti al territóriu metropolitanu comu "l'Hexagone" (l'eságonu) pola su horma heométrica.
La República Francesa es una democrácia organizá cumu ripública semiprisidencial. Es un país abondu desarrollau con la sexta economia mayo'el mundu i tamié es una potencia uropea asina cumu mundial. Sus idealis mas emportantis están plasmaus ena Declaración e los Derechus 'el Hombri i 'el Cidadanu.
Continius |
[eital] Etimulohia
El nombri 'el pais Fráncia, quieri icil literalmenti "tierra e los francus", por sel el grupu etnológicamenti más huerti qu'esistia nus tempus que se creó la nación cumu tal, siendo más característicu qu'el delos galus que eran los que puebraran el territori dendi aina.
[eital] Fráncia nel mundu
Fráncia puedi consideral-si sin duda nenguna, unu e los paisis con mas pesu nel contestu internacional, por mol e váriás razonis:
Es unu delos miembrus fundaoris tantu e la Uñión Uropea, del qu'es el pais mas cumpriu, comu delas Naciones Uñias. Es claru qu'es miembru dela Francofonia, 'el G8 i también dela Uñión Latina. Es unu delos cincu paisis permanetis nel Consehu e Seguridá delas Nacionis Uñias ena que amás tieni derechu vetu. Fráncia tamién es una delas ochu pontencias nuclearis reconhecias nel mundu i unu e los paisis mas influyentis nel mundu la cultura i las artis. nel campu los conocimientus asitua-se entri los paisis cabecera 'el mundu, siendu la universidá parisina dela Sorbona una delas más antiguas d'Uropa i por muchu tiempu hue unu de los sus referentis culturalis inescusabilis.
[eital] Heografia
Fráncia consta de dos zonas diferentis, dun cantu la Fráncia continental e 551.695 km² i dotru la Fráncia d'ultramar que suma un cumprimentu e 123.722 km². En total 675.417 km², lo qu'arrepresenta el 0,50% delas tierras emergias 'el planeta.
Nel contienti uropeu Fráncia está delimitá tantu polos Pinineus, el mar Mediterráneu, los Alpes, los montis Hura e el riu Rin, asín comu por el mar 'el Norti, el canal e la Mancha i el océanu Atlánticu.
[eital] Relievi
Hueraparti los Pirineus i los Alpes, dambus al sul, algotrus maciçus montañosus son El Jura (ena frontera con Suiza), las Ardenas, el Maciçu Central i la Cordillera e los Vosgos. El Mont Blanc enus Alpes con 4.808 metrus d'altura es la cumbri más alta d'Uropa occidental. El puntu más baheru 'el pais está nel delta 'el riu Ródanu: –2 m.
El território cuenta tamién con llanuras costeras acia el norti i oesti 'el pais.
[eital] Idrugrafia
Los rius más emportantis de Fráncia son, ena vertienti atlántica: Loira, Garona, Dordoña (neñ Océano Atlántico), i Sena (nel Canal e la Mancha). Ena vertienti mediterránea el Ródanu (nel Golfu e León), conel su aijeru el Saona. Tamién tieni parti delas cuencas delos rius Rin, Mosa, Mosela i Escalda (que desembocan nel Mar 'el Norti). El riu interiol más largeru es el Loira, con más e 1.000 km.
El lagu más cumpriu es el Lemán o Ginebra (582 km²), compartiu con Suiza.
L'irrigación se complementa con una estensa red e canalis.
[eital] Frora i fauna
Ena Fráncia metropulitana ai 136 espécies d'arbolis, qu'es algu escecional tratandu-si dun pais uropeu. Las espécies vehetalis cultivás pa consumu umanu directu i para la producción agro-industrial ocupan abondu espacius ena superfície francesa.
Se practica una intensiva criança i esplotación de resis, cochinus, ovehas, chivarras y béstias. Tamien abundan espécies mas chicas comu conehus i avis e corral.
La cantidá e venaus i ciervus n'estau salvahi s'está incrementandu por mol de políticas orientás a esi obhetivu, amás se garantiça la proteción delas espécies autóctonas que non sean domésticas, cola creación e parquis i reservas naturalis, asin comu pola reintroducción e espécies que huerun esterminás nel pais comu l'osu pardu, el linci, el bisonti uropeu, el abutri leonau i el quebrantagüesus.
[eital] Demografia
Bordeaux Porte Cailhau.jpg Fráncia posei 63 213 894 abitantis (2005), delos cualis 60 656 178 abitan ena Fráncia metropolitana, es icil uropea (conuna densidá e 114 hab./km²), i 2 557 716 abitan ena Fráncia ultramarina (qu'es americana, africana, oceánica, i asiática). Unus 2000 científicus i investigaoris vivin ena Antártida francesa.
[eital] División admenistrativa
La Francia metropolitana está dividia en 96 departamentus, agrupaus en 22 rehionis. El nombri e los departamentus correspondi ena mayoria los casus a un riu o un monti 'el su territóriu. Ca departamentu tieni asignáu un númeru, n'ordin alfabéticu, qu'apaezi por ehemplu enas matrículas los cochis o enos códigus postalis.
[eital] Estória
Los francus eran una tribu hermánica, que quiciás hueran originárius de Polónia i que se mudarun pal oesti, enu que ogañu son los Paisis Baherus. A meyaus 'el sigru IV el emperaol romanu Julianu, pa pacifical esas tribus les dió la Galia i los francus s'icorporaun al impériu comu un aliau federau.
Las fronteras que ogañoti tieni Fráncia son mu aparecias conas que tenia la antígua Gália, qu'era el territóriu ocupau polos gaulensis de orihen celta, colos que los francus se mezclarun endispués de chegar al territóriu.
La esisténcia real de Fráncia comuna entidadi desapartá escomienza cola división 'el impériu de Carlo Magnu nuna parti esti i notra oesti. Esi costau esti puedi sel considerau comu el escomienzu d'Alemaña, nu entantu el costau oesti comu Fráncia.
Los sucesoris de Carlo Magnu dirigirun el pais asta 987 cuando Hugu Capetu, Duqui e Fráncia i Condi e París hue coronau Rei e Fráncia. Los sus descendientis, la dinastia 'los Capetus dirihierun Fráncia asta 1789, cuandu la Revolución Francesa instaló una república.
Con la chegada e Napoleón I al pudel, Fráncia se convirtiria nuna verdadera potencia mundial i invadiria tol continenti.
Dispués de vários remuaerus el pais chegó al sigru XX comun estáu en transición política constanti, pasandu vezis por diferentis rehimenis políticus. Conel estallíu dela Segundera Guerra Mundial Alemaña declaró la guerra a Fráncia i invadió el pais. Alú de 43 dias e luchis los francesis se rendiron i necesizarun la ayúa los Aliaus pa ahorral-si.
Nostanti, al final e la guerra Fráncia obtuvi l'estatutu de miembru permanenti del Consehu e Seguridá delas Nacionis Uñias, entré nel club de potencias nuclearis i hue unu e los prencipalis incentivadoris dela Uñón Uropea.
[eital] Calidá e vida
Con 80 millonis de turuntus estranherus al añu, es el destinu mas popular en tol mundu. Hue declaru Mejol Pais del Mundu pa Vivil pola su alta calidá e vida, sus bahus précius en artículus de primera necesiá, sus güenas infrastucturas, alta tecnoluhia, seguridá cidadana y puderosa economia, los sus ospitalis estñan entri los mehoris 'el mundu, su clima es templau i la su cultura. (siempri siguindu las opinionis dela revista "Living", especializá nestas custionis).
|
|
 |
|---|---|
| Albánia | Alemaña | Andorra | Arménia | Áustria | Azerbaidjan | Bélhica | Bielorússia | Bósnia i Hercegovina | Bulgária | Ciá el Vaticanu | Croácia | Dinamarca | Eslováquia | Eslovénia | España | Estónia | Finlándia | Fráncia | Heórhia | Grécia | Ungria | Irlanda | Islándia | Itália | Kazakhstan | Kosovo | Letónia | Linstenstain | Lituánia | Lusemburgu | Malta | Moldávia | Mónacu | Montenegru | Noruega | Paisis Bahus | Poloña | Purtugal | Réinu Uñiu | Macedónia | Repúbrica Checa | Rumania | Rúsia | San Marinu | Sérbia | Suécia | Suiça | Turquia | Ucránia | Chipri | |
