Andorra

Dendi Güiquipeya

Prencipau d'Andorra

Lema nacional: Virtus Unita Fortior (latín; «L'Uñón hazi la huerza»)

Luengua oficial

catalán

Capital

Andorra la Vieha

Coopréncipis

Nicolas Sarkozy i Joan Enric Vives Sicília

Hefi 'el gobiernu

Albert Pintat

Cumprimentu
- Total
- % augua

Posición 198ª
467,76 km²
Despreciabli

Puebración
- Total (2007)
- Densidá

Puestu 184º
81.222
76,6 ab/km²

PIB
- Total (2005)
- PIB/capita

Posición
298.900 millonis e US$
22.000US$

Moeda

Euru (€, EUR)

Zona orária
en veranu

CET (UTC+1)CEST (UTC+2)

Innu

El Gran Carlemany

Domeñu Internet

.ad

Código telefónico

+376

Miembru e: ONU, OSCE

El Prencipau d'Andorra (Principat d'Andorra en catalán), es un pequeñu pais montañosu i sin costa asihadau enus Pirineus, entri España i Fráncia. Duranti muchu tiempu probi i aislau, a conseguiu una notabli prosperidá dendi la II Gerra Mundial por mol 'el turismu i la su condición e paraisu fiscal.

Non tieni huerças armás, dela su defensa están encargás España i a Fráncia.

[eital] Heografia

Imahin satéliti d'Andorra

Coincidiendu conel su asihamientu nel esti dela sierra delos Pirineus, Andorra consisti predominantimenti nuna serie de montañas costanas con una cimeria maeya e 1996 m, i con 65 picus e mas e 2.500, siendu la Comapedrosa el su puntu mas elevau, con 2946 m. Las montañas horman tres vallis angostus en horma d'Y que aluego se combinan nunu solu por ondi pasa el principal riu, Valira que endispués sali 'el pais pa entral en España, porel puntu mas baheru d'Andorra que se asihada a los 870 metrus d'altitú.

[eital] Clima

Andorra la Vieha, Bañus e Caldea

El clima d'Andorra es apaeciu al delos sus vecinus, peru colas conotacionis que tieni la particulal situación 'el pais, ena alta montaña pirenaica: suavi en veranu i mu friu nel invielnu, con abudantis precipitacionis a lo largu e tol añu.

Tieni tres o cuatru nevazus huertis tolos añus. Nel invielnu la temperatura oscila entri los -1 a -7 gradus; nel veranu las temperaturas puedin alcaçar e 21 a 27 gradus.

[eital] Gobiernu i política

Casa de la Vall, sedi el Parlamentu d'Andorra

Andorra es un co-prencipau parlamentáriu consitucional. La Constitución d'Andorra s'aprobó el 14 e Marçu e 1993.

La hefatura 'el Estau residi enus copréncipis, uno l'obispu e Seo d'Urhel i lotru el presidenti e Fráncia, por qu'es la heredera 'el Condi e Fox.

El Consehu Herneral es el órganu legislativu i se trata dun parlamentu unicameral e representación mista i paritária dela puebración nacional i delas sieti parroquias, compuestu por 28 miembrus elehius ca cuatru añus.

El Gobiernu es el órganu ehecutivu. Ogañoti estña compuestu porel Hefi e Gobiernu i onci menistrus.

Nultimu lugal están los Comuns, que son órganus e representación y admenistración civil delas parróquias, que se pue izil que son equivalentis a los ayuntamientus.

[eital] Organiçación pilíticu-admenistrativa

Parróquias d'Andorra

Andorra está dividía territorialmenti en sieti parróquias cuyu ordin protocoláriu es:

Canillo. Parróquia mas estensa 'el pais.
Encamp. Parróquia nel corazón 'el país.
Ordino. Parróquia mas al norti 'el país.
La Massana
Andorra la Vella. Parróquia mas puebrá, cuya cidá prencipal es la capital 'el pais.
Sant Julià de Lòria. Parróquia mas al sul 'el pais (frontera española).
Escaldes-Engordany. Parróquia mas recienti (hormá en 1978).

Tamién, las parróquias d'Ordino, La Massana i Sant Julià e Lòria están dividias en quarts i lade Canillo en veïnats. Amás non se descarta la posibilidá de qu'El Pas de la Casa, qu'ogañu horma parti dela parróquia d'Encamp, constituya algún dia l'octava parróquia.

[eital] Demografia

Pas dela Casa

Los andorranus constituyin una minoria nel su pais; namás eñ 36,65% delos abitantis son de nacionalidçá andorrana. El grupu más grandi e foritus es el delos españolis, (38,27%) [catalanis, castellanus i gallegus prencipalmenti], con purtuguesis (11,49%) i francesis (6,52%) comu los otrus grupus prencipalis. El restanti 7,15% pertenci a otras nacionalidais.

E'únia luenga oficial es el catalán, inque tamién se palra español, purtugués i francés . La relihión predominanti es el catolicismu romanu.

Paisis d'Uropa