Península Ibérica
Dendi Güiquipeya
Esti artículu nesezita sel mehorau.
Si te peta la idea, pueis prencipial a labutal en él, landeandu mas enhormación i mehorandu lo ya escrebiu.
La península Ibérica está sitiá nel suroesti e Uropa, rodeá por el mar Mediterráneu, el océanu Atlánticu i polos Pirinéus, que la aseparan 'el restu 'el continenti europeu. Por el sur, la Península está asepará de África (Marruecus) por el Estrechu e Gibraltar, qu'es la lindi entri el mar Mediterráneu y el océanu Atlánticu.
La península cuenta con 582.925 kilómetrus cuadraus i dentru e los sus límites geográficus se atopan España, Purtugal, Andorra i Gibraltar. El su centru geográficu está nel Cerru e los Ángelis, en Madrid. El puntu más altu es el Mulacén con 3.478 metrus e altura. El riu con mas longol es Taju, con una largura e 1007 km (731 km en España i 275 km en Portugal).
El su nombri provieni 'el riu Íber, quiciás el actual Ebru, aunque tamién pudiera sel el Guadalquivir o algotru riu 'e la rehión de Uelva, ondi testus mu antiguus citan un riu Iberus i un pueblu al que chaman iberus. Dendi tiempus remotus los griegus chamaban Iberia a la Península.
El geógrafu griegu Estrabón, chascandu e la Península Ibérica, la compara con una piel de toru: «se paeci a una piel tendia nel sentiu de su largura e occidenti a orienti i nel sentiu e la su anchura 'el septentrión al mediodía».
Geológicamenti tieni comu característica especial que la mayol parti e su superficie continental está configurá comu una meseta, con una altura meya e 600 metrus por cima el nivel del mar; el su litoral norti, noroesti oesti es rocosu i con acantilaus, siendu el litoral esti, suresti i sul más suavi. De acuerdu a la situación geografica, la Península Ibérica tamién horma parti de Francia, ya qu'esta penetra acia el sul.
| País o dependencia | Puebración | Longol (km²) | Capital |
|---|---|---|---|
| Template:AND | 71.800 | 467,76 | Andorra la Vieha |
 España |
44.000.000 aprox. | 504.798 | Madrid |
| Template:GIB | 27.714 | 6,50 | Gibraltar |
| Template:PRT | 10.045.212 | 89.261,00 | Lisboa |
 Fráncia |
Sur de Francia | Sur de Francia | París |
| Península Ibérica | 51.426.301 | 581.908,26 |
