Azia

Diwar Wikipedia, an holloueziadur digor

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Azia a zo al lodenn kreiz ha reter eus kevandir an Eurazia hag eo Azia an holl Eurazia nemet ledenez Europa. Koulskoude, e-keñver ar c'heologiezh hag an douaroniezh, n'eo ket Azia ur c'hevandir nag un iskevandir. En Azia e kaver war-dro 60% eus poblañs ar bed.

Diaes eo kavout harzoù resis, dreist-holl etre Europa hag Azia :

• Etre Azia hag Afrika : Kanol Suez hag ar Mor ruz
• Etre Azia hag Europa :
  

A-hed strizh-mor an Dardanelled, mor Marmara, strizh-mor ar Bosfor, a-dreuz ar Mor du, a-hed aridennadoù ar C'haokaz hervez lod tud, er gwantenn Kouma-Manych hervez lod all, a-dreuz ar Mor Kaspian, a-hed ar stêr Oural hervez lod, a-hed ar stêr Emba hag ar menezioù Oural hervez lod all hag enezeg Zemlya-Nevez.

E-keñver ar rannoù politikel e lakaer en Azia an Eurazia nemet Rusia, met an inizi nes a gaver er Meurvor Indez hag er Meurvor Habask.

[kemmañ] Gerdarzh

Dont a ra ar ger eus ar gresianeg kozh Ασία (Asia) dre al Latin, gwelet evit ar wech kentañ e testennoù Herodotos o taveiñ da Azia Vihan pe diwar-benn ar Brezelioù persat, o taveiñ d'an Impalaeriezh persat e-tal Bro-C'hres hag Egipt. Meneget eo bet gant Homeros un tiern o ren meur a geoded ha kevredet gant Troaz, Asios e anv, mab da Hirtacos.

Kevandirioù ha rannvedoù
Norzhamerika	Europa	Eurazia	Azia
Amerikaoù	Eurafrazia	Okeania	Aostralia
Suamerika	Afrika	Antarktika	Gourgevandirioù kozh : Gondwana • Laurazia • Pangea • Rodinia