एसिया
विकिपिडिया नं
एसिया हलिमया दक्ले तधंगु व दक्ले अप्व जनसंख्या दुगु महादेय् ख। पृथ्वीया ८.६ प्रतिशत क्षेत्रफल थ्व महादेय्य् ला (वा भूमिया २९.४% क्षेत्र)। थ्व थासे थ्यं-मथ्यं ४ बिलियन मनुत अर्थात पृथ्वीया ६०% मनु जनसंख्या नं दु।
थ्व महादेय्या मूथाय् पूर्वी गोलार्ध व उत्तरी गोलार्धय् ला। पारम्परिक कथं एसियायात अफ्रिका-युरेसियाया थाय् गुकिया पश्चिमी भाग युरोपनं ओगटेयाना च्वंगु दु - सुएज नहरया पूर्वय् लागु, युराल पर्वतया पूर्वय् दुगु, काउकासस पर्वत, क्यास्पियन सागर व हाकु सागरया दक्षिणय् दुगु क्षेत्र ख। थुकिया पूर्वय् प्रशान्त महासागर ला। दक्षिणय् भारतीय महासागर ला, व उत्तरय् आर्क्टिक महासागर ला।
थ्व महादेय्या क्षेत्र व विभिधता स्वेबिले एसिया – क्लासिकल एन्टिक्विटी निसेंया छगु तोपोनिम – छगु निश्चित क्षेत्र स्वया नं सांस्कृतिक विचाः ख। थ्व थासय् छगु स्वया अप्व भौगोलिक अवस्था व यक्व भौगोलिक क्षेत्रत दु।[१][२] (स्वयादिसँ एसियाया उपक्षेत्र, एसियामि मनुत)।
