亞洲
出自維基百科
亞細亞洲(字源古希臘文:Ασ?α ),又簡稱亞洲,絕大部分都在北半球,係全世界上最大,人口最多嗰一隻洲。佢東邊一直到白令海峽嗰傑日尼奧夫角(西經169度40分,北緯60度5分),南邊一直到努沙登加拉群島(東經103度30分,南緯11度7分),西邊一直到巴巴角(東經26度3分,北緯39度27分),北邊一直到切柳斯金角(東經104度18分,北緯77度43分),最高嗰山係珠穆朗瑪峰。亞洲東西嗰時差係11小時。佢西邊連到歐洲,箇就係世界上最大嗰大陸-歐亞大陸。
亞洲嗰東邊係太平洋、北邊係北冰洋,南邊係印度洋,西邊拕烏拉爾山脈、烏拉爾河、里海、高加索山脈、黑海、土耳其海峽及愛琴海跟歐洲分隔開,西南便隔到亞丁灣、曼德海峽、紅海、蘇伊士運河跟非洲相望,東北邊隔到白令海峽跟北美洲相望。
「亞細亞」箇隻名字非常老,希臘人叫佢們嗰東邊(也有人話係太陽升起來嗰地方)亞細亞,箇可能係亞述人教佢們嗰。
目錄 |
[編寫] 歷史
最早嗰蘇美爾文化就係亞洲嗰,另外像印度、中國、波斯等古國全在亞洲。
[編寫] 地理
全亞洲山地、高原跟丘陵佔到了75%左右,平原25%。
佢嗰青藏高原係世界最高嗰高原,佢嗰死海係世界嗰最低點,佢嗰里海係世界最大嗰湖,佢嗰貝加爾湖係世界最深嗰湖。