Estland

Vu Wikipedia, der fräier Enzyklopedie.

Dëse Geographiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Eesti Vabariik


Detailer	Detailer

Offiziell Sprooch:

Estnesch

Haaptstad:

Tallinn

Staatsform:

Republik

• President:

Toomas Hendrik Ilves

• Premierminister:

Andrus Ansip

Fläch:

45 226 km²

• Dovu Waasser:

4,6 %

Bevëlkerung:

1 370 052 ^[1]

• Bevëlkerungsdicht:

30,29/km²

Onofhängegkeet:

24. Februar 1918 (deklaréiert),

20. August 1991 (rëmkritt)

Nationalhymn:

Mu isamaa, mu õnn ja rõõm
(Lauschteren)

Währung:

Estnesch Kroun

Zäitzon:

UTC +2 (+3 vu Mäerz-Oktober)

Internet TLD:

.ee

International Virwahl:

+372

Estland, offiziell d'Republik Estland (estnesch: Eesti Vabariik) ass e Staat am nordëstlechen Europa. Direkt Nopeschlänner sinn am Oste Russland an am Süde Lettland. Estland läit um Baltesche Mier an d'Bannemier mécht dann och zum Norden a Weste hinn d'Grenz. Nieft dem Festland gehéieren nach eng 1500 Inselen zu der Republik. Ösel (Saaremaa) an Dagö (Hiiumaa), déi zwou gréisst dervunner, spären den direkte Wee vum Baltesche Mier an d'Rigaer Bucht.

Haaptstad an anengems och gréisst Stad am Land ass Tallinn (fréier Reval genannt). Tallinn läit, vum Mier getrennt, knapps 85 km südlech vun der finnescher Haaptstad Helsinki ewech. Estland a Finnland si sech net nëmme geographesch no, mee hunn och sproochlech a kulturell vill enges.

Estland gouf 1940 grad ewéi Lettland a Litauen -déi zwee aner baltesch Staaten- vun der Sowjetunioun annektéiert an zu enger Sozialistescher Sowjetrepublik gemaach. Zënter dem August 1991 ass d'Land nees en onofhängege Staat.

2004 ass Estland Member an der NATO ginn (2. Abrëll), an nëmme kuerz drop (1. Mee) an d'Europäesch Unioun agetrueden.