Háskóli Íslands
Úr Wikipediu, frjálsa alfræðiritinu
Stofnaður: | 1911 |
Gerð: | Ríkisháskóli |
Rektor: | Kristín Ingólfsdóttir |
Nemendafjöldi: | 8.939 |
Staðsetning: | Reykjavík, Ísland |
Vefsíða |
Háskóli Íslands er háskóli sem var stofnaður árið 1911. 45 nemendur voru við nám fyrsta starfsárið, en eru nú um níu þúsund.
Efnisyfirlit |
[breyta] Saga
Háskóli Íslands var stofnaður 17. júní árið 1911. Við það sameinuðust Prestaskólinn, Læknaskólinn og Lagaskólinn. Ein deild innan Háskólans var tileinkuð hverjum þeirra auk þess sem stofnuð var sérstök heimspekideild. Fyrsti rektor skólans var Björn M. Ólsen, prófessor við heimspekideild.
Fyrstu árin var Háskóli Íslands í Alþingishúsinu við Austurvöll, en árið 1940 flutti skólinn starfsemi sína í nýtt húsnæði, aðalbyggingu Háskólans. Síðan þá hefur Háskólasvæðið stækkað til muna, og kennt er í mörgum byggingum beggja vegna Suðurgötu og á fleiri stöðum.
Í lok árs 2007 lauk byggingu Háskolatorgs[1] sem er samnefnari tveggja bygginga, samanlagt 8.500 fm² að stærð. Byggingavinna hófst vorið 2006.
[breyta] Nám
Háskóli Íslands býður upp á fjölbreytt nám, bæði á grunnstigi og framhaldsstigi. Ellefu deildir eru við skólann en þar að auki fer fram kennsla á vegum Endurmenntunar Háskóla Íslands. En það er áætlað að deildirnar veriði tólf þegar Kennaraháskóli Íslands rennur saman við Háskóla Íslands sumarið 2008. Deildir skólans eru:
[breyta] Guðfræðideild
Guðfræðideild er ein af elstu deildum skólans og hefur verið til frá stofnun hans. Við deildina er kennd guðfræði til B.A.-prófs, embættisprófs, M.A.-prófs, og doktorsprófs, nám til prófa í djáknafræðum og nám til B.A.-prófs í almennum trúarbragðafræðum (í samvinnu við aðrar deildir).
[breyta] Læknadeild
Læknadeild er ein af elstu deildum skólans og hefur verið til frá stofnun hans. Kennsla við deildina fer fram innan þriggja skora: Sjúkraþjálfunarskor, Læknisfræðiskor, Geisla- og lífeindafræðiskor.
[breyta] Lagadeild
Lagadeild er ein af elstu deildum skólans og hefur verið til frá stofnun hans.
[breyta] Viðskipta- og hagfræðideild
Kennsla við deildina fer fram Viðskiptaskor og Hagfræðiskor.
Í viðskiptafræðiskor er kennd viðskiptafræði til B.S.-prófs, M.S.-prófs og Cand. oecon. prófs (en ekki er lengur tekið við nýnemum til Cand. oecon. prófs). Einnig er kennd mannauðarstjórnun til M.A.-prófs og reikningshald og endurskoðun til M.Acc.-prófs auk þess sem boðið er upp nám til MBA gráðu og nám til doktorsprófs.
Í Hagfræðiskor er kennd hagfræði til B.S.-prófs, B.A.-prófs, M.S.-prófs, M.A.-prófs og doktorsprófs.
[breyta] Hugvísindadeild
Hugvísindadeild, sem áður hét Heimspekideild, var meðal fyrstu deilda skólans við stofnun hans árið 1911. Nafni deildarinnar var breytt árið 2004.
Eftirfarandi námsgreinar eru kenndar við deildina:
- Almenn bókmenntafræði
- Almenn málvísindi
- Austur-Asíufræði
- Danska
- Enska
- Finnska
- Fornleifafræði
- Franska
- Gríska (forngríska)
- Heimspeki
- Íslenska
- Ítalska
- Íslenska fyrir erlenda stúdenta
- Japanska
- Kínverska
- Klassísk fræði
- Kvikmyndafræði
- Latína
- Listfræði (kennd í samvinnu við Myndlistardeild Listaháskóla Íslands)
- Menningarfræði
- Miðaldafræði
- Norska
- Ritlist
- Rómönsk mál
- Sagnfræði
- Spænska
- Starfstengd siðfræði
- Sænska
- Táknmálsfræði og táknmálstúlkun
- Þýðingafræði
- Þýska
Í samvinnu við aðrar deildir eru kennd:
- Almenn trúarbragðafræði
- Kynjafræði
- Safnafræði
[breyta] Lyfjafræðideild
Við deildina er lyfjafræði kennd til B.S. og M.S. (cand. pharm.) prófs, en einnig er boðið upp á rannsóknatengt M.S. nám í lyfjavísindum og doktorsnám bæði í lyfjafræði og í lyfjavísindum.
[breyta] Tannlæknadeild
Kennsla í tannlækningum við Háskóla Íslands hófst 31. janúar árið 1945. Við deildina fer fram kennsla til kandidatsprófs í tannlækningum.
[breyta] Verkfræðideild
Boðið er upp á B.Sc. og M.Sc. nám í
- Umhverfisverkfræði
- Byggingarverkfræði
- Vélaverkfræði
- Iðnaðarverkfræði
- Rafmagnsverkfræði
- Tölvuverkfræði
- Hugbúnaðarverkfræði
- Tölvunarfræði
og að auki er boðið upp á B.Sc. nám í Efnaverkfræði og almennt nám í Umhverfis- og Auðlindafræði.
[breyta] Raunvísindadeild
Eftirfarandi námsgreinar eru kenndar til B.S.-prófs, M.S.-prófs, M.Paed.-prófs og doktorsprófs við deildina:
- Stærðfræði
- Eðlisfræði
- Efnafræði
- Lífefnafræði
- Líffræði
- Jarðfræði
- Landfræði
- Ferðamálafræði
- Matvæla- og næringarfræði
[breyta] Félagsvísindadeild
Félagsvísindadeild Háskóla Íslands var stofnuð árið 1976. Deildin er fjölmennasta deild Háskólans, en um 2.500 manns stunda þar nám (m.v. tölur frá árinu 2006).
Eftirfarandi námsgreinar eru kenndar við deildina:
- Bókasafns- og upplýsingafræði
- Félagsfræði
- Fjölmiðlafræði
- Borgarafræði
- Kynjafræði
- Náms- og starfsráðgjöf
- Tómstundafræði
- Félagsráðgjöf
- Mannfræði
- Þjóðfræði
- Safnafræði (í samvinnu við aðrar deildir)
- Sálfræði
- Stjórnmálafræði
- Uppeldis- og menntunarfræði
[breyta] Hjúkrunarfræðideild
Hjúkrunarfræði var fyrst kennd við Háskóla Íslands í október 1973. Í fyrstu var hjúkrunarfræðinni komið fyrir innan Læknadeildar en hún var gerð að sjálfstæðri deild í júní árið 2000.
Við deildina er boðið upp á nám í hjúkrunarfræði til B.S.-gráðu (120 einingar, 4 ár), til M.S.-gráðu og doktorsgráðu en auk þess er boðið upp á nám í ljósmóðurfræði (60 einingar, 2 ár), þverfaglegt nám í upplýsingatækni (60 einingar) og diplómanám á meistarastigi (20-30 einingar).
[breyta] Stofnanir skólans
[breyta] Rannsóknastofnanir
|
|
[breyta] Þjónustustofnanir
- Alþjóðaskrifstofa háskólastigsins
- Endurmenntun Háskóla Íslands
- Háskólaútgáfan
- Íþróttahús HÍ
- Kennslumiðstöð Háskóla Íslands
- Landsbókasafn Íslands - Háskólabókasafn
- Listasafn Háskólans
- Námsráðgjöf Háskóla Íslands
- Rannsóknaþjónusta Háskólans
- Reiknistofnun Háskóla Íslands
- Skjalasafn Háskólans
- Tungumálamiðstöð
[breyta] Tilvísanir
[breyta] Tenglar
- Vefsíða skólans
- Lög um Háskóla Íslands nr. 41/1999
- Lög um háskóla nr. 63/2006
- Reglur fyrir Háskóla Íslands nr. 458/2000
Íslenskir háskólar |
---|
Háskóli Íslands | Háskólinn á Akureyri | Háskólinn á Bifröst | Háskólinn í Reykjavík | Hólaskóli | Kennaraháskóli Íslands | Landbúnaðarháskóli Íslands | Listaháskóli Íslands |