Noorwegen
Uut Wikipedia
| Kongeriket Norge | |||
|
|||
|
|
|||
| Baosisgegevens | |||
| Officiële landstaele: | Nôors, Samisch | ||
| Oôdstad: | Oslo | ||
| Regeriengsvurm: | Parlementaire constitutionele monarchie | ||
| Religie: | Luthers | ||
| Oppervlakte: | 385.155 km² (6%waeter) | ||
| Inweuners: | 4.627.926 (2007) (12 / km²) |
||
| Aore gegevens | |||
| Volkslied: | Ja, vi elsker dette landet | ||
| Munte: | Noorse kroon (NOK) |
||
| UTC: | UTC+1 (Zeumertied: jaet) | ||
| Nationaole feêstdag: | 17 meie | ||
| Web | Code | Tel. | .no | NOR | +47 | ||
In'oud |
[bewerk] Noorwegen
Noorwegen is ìn van de Scandinavische lan'n in Noord-Europa.Ut land eet officieel Kongeriket Norge en de oôdstad van Noorwegen is Oslo. Are belangrieke steeden zien Trondheim, Bergen, Stavanger en Kristiansand. Noorwegen lig an de oôskant tehen Scandinavie en wor in t zuudn begrensd deur 't Skagerrak. In t noôrn en wessen grens tut an de Noordzeê, den Atlantische Oceaan en de Noordelijken Ieszeê. Op 't land grens Noorwegen an Zweden, Finland en Rusland. Voe de kust van Noorwegen lihhen de Lofoten, een eilan'nhroep en oengeveer 650 kilemeter in 't noorn lig Svalbard (Spitsbergen). Noorwegen is 10x zo hroôt as Nederland, van noord ni zuid is den afstand 1800 kilemeter. Mè 't land is echter mè smal.
[bewerk] Lanschapp'n en Heohrafie
Je kan Noorwegen indieln in 4 lanschapp'n. Ostlandet is t hebied bie de hroste bevolkiengsdichteid en de drukst bezochte vekansiehebieden. In dit hebied lihhen uitestrekte bossen. Vestlandet is 't hebied van de fjorden en de ohe mie sneeuw bedekte berrehen. Troendelag is 't minn van Noorwegen, un redeluk vlak en vruchtbaer hebied. Nordlandet besti uit berrehen, eilan'n en fjorden. Deur dit hebied lop ok de poôlcirkel. In dit hebied weun'n ok de traditionele Samen, ok wè bekend as de Lappen. De fjorden in dit hebied kunn'n tientalle kilemeters in t land deudrieng'n. De versen is 't Sognefjord, dat a 204 kilemeter in t land deu driengt.
't Hroste deêl van Noorwegen wor bedekt deur 't Scandinavisch Oohland. De oôgste bergen bevin'n zich tussen Oslo en Trondheim. Ier lihhen de Glittertind en de Galdhoepiggen, die an bie 2500 meter de oôgste toppen zien. Tussen de fjorden vin je vaak de fjells, da sien onbeweunde rotsige oôgvlaktes. Ok is Noorwegen beroemd om zun uutestrekte gletsjerhebieden. 't Hroste is de Jostedalsbreen, mie een oppervlak van 815 km2 t op in ni hroste van Europa. Noorwegen ei oengeveer 15.000 eilan'n, wivan der oengeveer 2.000 beweund worn.
[bewerk] Provincies en inweuners
Noorwegen besti uut nehentien provincies wivan an Oslo en Hordaland de dichs bevolkte zien. Ier even de provincies op un rijtje:
|
|
Noorwegen aj in 2007 4.627.926 inweuners, mie naeme in de regio's Oslo en Akershus steeg 't inweunertal snel. 't Hroste deêl van de bevolkieng is geconcentreerd an de kust in zuudn en de valleien in t zuudn. Ier lihhen ok de hroste steden as Oslo, Bergen, Drammen en Stavanger. In 't noorn lihhen steedn as Hammerfest, Narvik, Tromsø en Bodø. De miste inweuners zien Noren, mè in t noôrn zien dr ok de Samen en de Kvenen, un Finse mindereidshroep.
[bewerk] Hodsdienst
De staetskerke van Noorwegen is de Lutherse kerke, mè in Noorwegen is hewoon vrieheid van godsdienst dus bi j vrie om jen eihen hodsdienst te belijen. De konieng zelluf benoem de bisschoppen en are geêstelijken. Un strômieng die an in Noorwegen ontstaen is is die van de Noorse broeders.
[bewerk] Tael
De mirdereid van de Noren spreek Noors, mâ dineffen spreek de Samische mindereid, de Lappen, het Samisch en de Kvenen nibie de Finse grens spreekn Kveens. Der zien twi varianten van ut Noors, ut Bokmål en ut Nynorsk. Het Bokmål ontspriengt uut ut Deens en ut Nynorsk is evurmt uut Noorse dialek'n.
[bewerk] Nasjonale park'n
Ier èj un pèr nasjonale park'n op un rijtje:
|
|
[bewerk] Fjorden
Ier ep je een rijtje mie ienkele bekende Noorse fjorden:
|
|
[bewerk] Nasjonale beêst
Ut nasjonale beêst van Noorwegen is de Noorse boskatte. De Noorse boskatte is alflangaerig en vin zun oorsprong in de Noorse bossen en rond de boedderieen. De Noren zien vreêt trots op der katte.
| Lan'n in Europa |
|---|
| Albanië | Andorra | Armenië | Aâzerbeidzjan | België | Bosnië-Hercegovina | Bulharije | Cyprus | Denemarken | Duutsland | Estland | Finland | Frankriek | Georhië | Griek'nland | Honharije | Ierland | Iesland | Itâlië | Kosovo | Kroâtië | Letland | Liechenstein | Litouw'n | Luxemburg | Macedonië | Malta | Moldâvië | Monaco | Montenehro | Nederland | Noorwegen | Oekraïne | Oesteriek | Poôl'n | Portuhal | Roemenië | Rusland | San Marino | Servië | Slovenië | Slowakije | Spanje | Turkije | Tsjehhië | Vaticaânstad | Vereênigd Konienkriek | Wit-Rusland | Zweden | Zwitserland |
| Afankelijke hebied'n: Abchazië | Adjara | Akrotiri en Dhekelia | Åland | Azoôr'n | Eiland Man | Faeroër | Gagaoezië | Guernsey | Hibraltar | Jan Mayen | Jersey | Kosovo | Krim | Madeira | Nagorno-Karabach | Nachitsjevan | Noôrd-Cyprus | Spitsberhen | Transnistrië | Zuud-Ossetië |
