Noarwegen
Ut Wikipedy
|
||||||||||||||||||||||||||||||||
Noarwegen is in Skandinavysk lân yn Noard-Jeropa. De haadstêd is Oslo. Noarwegen is in konstitúsjonele monargy mei as kening Harald V en mei as premier Jens Stoltenberg.
Noarwegen wurdt begrinze troch:
- de Noard-Atlantyske Oseaan yn it noarden;
- de Barentsz See yn it noardeasten;
- Finlân en Ruslân súdlik fan it noardeastlikste stik fan Noarwegen;
- Sweden yn it súdeasten;
- de Noardsee yn it súdwesten;
- de Noarske See yn it westen.
Fierder heart ek it eilân Jan Mayen ta it keninkryk. Spitsbergen falt ek ûnder it regear fan Noarwegen. By de súdpoal hat Noarwegen nog twa eilannen: yn de Súd-Atlantyske Oseaan Bouveteilân en yn de Stille Oseaan Peter I-eilân. It lân makket ek oanspraak op in part fan it súdpoalgebiet, it Keninginnne Maud-lân.
It lânskip fan Noarwegen bestiet foaral út bergen mei gletsjers, en in kustline fan mear as 83.000 km² mei ynhammen, de fjorden. It noardlikste part fan Noarwegen heart by Laplân, wêr de Lappen of Saami wenje. Noarwegen is bekend as it Lân fan de midnachtsinne . It leit nammentlik foar in part benoarden de noardpoalsirkel.
[bewurkje seksje] Kaart
boarne: The World Factbook CIA
[bewurkje seksje] Talen
Noarsk is offisjeel troch it hiele lân. Der binne al ferskate dialekten fan it Noarsk, en der binne ek ferskate skriuwwizen wêrfan twa as offisjele taal te boek steane. Yn it noarden is yn in tal fan gemeenten ek Lapsk offisjeel.
[bewurkje seksje] Jeropeeske gearwurking
Noarwegen hat, yn 1972 sawol as 1994, mei in referendum tsjin tatreding ta de Jeropeeske Uny stimd. It lân is al lid fan de Jeropeeske frijhannelsorganisaasje, en is dêrtroch part fan it Jeropeeske ekonomyske gebiet.
