Mozilla Firefox
Us der alemannische Wikipedia, der freie Dialäkt-Enzyklopedy
 |
Der Artikel got yber dr Browser Mozilla Firefox; fer anderi Bedütige lueg Firefox. |
| Mozilla Firefox | |
|---|---|
 Mozilla Firefox 1.5 uf Linux |
|
| Basisdate | |
| Entwickler: | Mozilla Foundation |
| Aktuelli Version: | () |
| Stabilversion: | 2.0.0.12 (2007-12-11) |
| Vorabversion: |
|
| Betribssystem: | Linux, Mac OS X, Windows, u. a. |
| Kategori: | Webbrowser |
| Lizenz: | MPL, MPL/GPL/LGPL Dreifachlizenz |
| Dütschsprochig: | ja |
| Alemannisch: | bis jetz nit |
| Website: | Mozilla-Europe |
Mozilla Firefox [moʊˈzɪlə ˈfaɪɹfɑːks] isch e us em Mozilla-Projekt hervorgangene freie Webbrowser vor alle Dinge zum Aluege vun Internetsite. Er lauft uf dr Gecko-Rendering-Engine, wo au fer d'Darstellig vu graphische Benutzeroberfläche verwendet werre cha (un im Firefox au defir verwendet wird).
Firefox zeichnet au si XML-basierti Benutzeroberfläche (gschribe in XUL) im Browser selber, während z.B. anderi Browser wie dr Internet Explorer oder dr ebefalls Gecko-basiert Browser K-Meleon fer säll nativi Bedienelemente vum Betribssystem oder vum Window-Manger verwende un numme d'Internetsite sälber mit dr Browser-Engine darstelle.
Ufgrund vu dere Eigeschaft isch es sehr liicht, eiheitlichi Zuesatzprogramme (addons) fer dr Browser z'schribe, unabhängig vum Betribssystem uf dem säller lauft.
Eis vo de gröschte Merkmol isch s Tabbed Browsing, wo am User erlaubt, mehreri Websiitene i 1 Fenschter offe zha. Mit Strg + Tab chame ganz eifach vo Tab zu Tab springe. Es giit massehaft sogenannti Themes für de Firefox, wo sUusehe vom Browser veränderet. Alles Features, wo de Internet Explorer-User vorenthalte isch oder erscht sit IE-Version 7 dert irgendwo vorhande. Die aktuelli Firefox-Version isch 2.0.0.12 D-1.5er-Serie wird inzwische nur noch vu Linux-Distributore mit Updates versorgt, de offiziell Support isch im Juli 2007 usgloffe. Inzwische benutze aber au dank dr automatische Aktualisieigsfunktion lut Nutzerstatistiker witt iber 90% vu dr Firefox-Anwender e 2er-Version.
