నాగర్‌కర్నూల్

వికీపీడియా నుండి

?నాగర్‌కర్నూల్ మండలం మహబూబ్ నగర్ • ఆంధ్ర ప్రదేశ్
మహబూబ్ నగర్ జిల్లా పటములో నాగర్‌కర్నూల్ మండలం యొక్క స్థానము
అక్షాంశరేఖాంశాలు: (అక్షాంశరేఖాంశాలు కనుక్కోండి)
టైం జోన్	భాప్రాకా (గ్రీ.కా+5:30)
ముఖ్య పట్టణము	నాగర్‌కర్నూల్
జిల్లా(లు)	మహబూబ్ నగర్
గ్రామాలు	23
జనాభా • మగ • ఆడ • అక్షరాశ్యత శాతం • మగ • ఆడ	68,530 (2001) • 34960 • 33570 • 53.49 • 64.46 • 42.14

నాగర్‌కర్నూల్, ఆంధ్ర ప్రదేశ్ రాష్ట్రములోని మహబూబ్ నగర్ జిల్లాకు చెందిన ఒక పట్టణం మరియు అదే పేరుగల మండలమునకు కేంద్రం. ఇది ఒకప్పటి జిల్లా కేంద్రము. ఇది చుట్టుపక్క గ్రామాలకు ఒక పెద్ద వ్యాపార కేంద్రము. చుట్టుపక్క గ్రామాల ప్రజలు వారాంతమున సేద తీర్చుకొనుటకు ఇక్కడికి వచ్చి సినిమా చూసి పొతారు. ఇక్కడ 5 సినిమా హాళ్ళు ఉన్నాయి. చిన్నా పెద్ద పాఠశాలలు మొత్తము 50 దాక ఉన్నాయి.

[మార్చు] భౌగోళిక సమాచారం

నాగర్‌కర్నూల్ పట్టణం 16°48" ఉత్తర అక్షాంశం, 78°32" తూర్పు రేఖాంశంపై ఉంది. మహబూబ్ నగర్ జిల్లాలో దాదాపు మధ్యలో ఉంది.

[మార్చు] రవాణా సదుపాయాలు

మహబూబ్ నగర్ నుంచి ఈ పట్టణానికి విరివిగా బస్సు సదుపాయం ఉంది. మహబూబ్ నగర్ నుంచి శ్రీశైలం వెళ్ళు మార్గంలో 45 కిలోమీటర్ల దూరంలో ఉంది.

[మార్చు] లోకసభ నియోజక వర్గం

మహబూబ్ నగర్ నగర్ జిల్లా లోని రెండు లోకసభ నియోజక వర్గాలలో నాగర్‌కర్నూల్ లోకసభ నియోజక వర్గం ఒకటి. ఈ లోకసభ నియోజకవర్గం పరిధిలో కొత్తగా పునర్వ్యవస్థీకరణ ప్రకారం (7) వనపర్తి, గద్వాల, ఆలంపూర్, నాగర్‌కర్నూల్, అచ్చంపేట, కల్వకుర్తి, కొల్లాపూర్ శాసనసభ నియోజక వర్గాలు ఉన్నాయి.