10. nóvember
Úr Wikipediu, frjálsa alfræðiritinu
Okt – Nóvember – Des | ||||||
Su | Má | Þr | Mi | Fi | Fö | La |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | |
2007 Allir dagar |
10. nóvember er 314. dagur ársins (315. á hlaupári) samkvæmt gregoríska tímatalinu. 51 dagur er eftir af árinu.
[breyta] Atburðir
- 1848 - Í Kaupmannahöfn var stofnuð sérstök stjórnardeild til að annast málefni Íslands, Grænlands og Færeyja. Fyrsti forstöðumaður hennar var Brynjólfur Pétursson, lögfræðingur.
- 1871 - Henry Morton Stanley og David Livingstone hittust í bænum Ujiji á bökkum Tanganjikavatns og varð Stanley að orði: „Dr. Livingstone, vænti ég?“.
- 1913 - Járnbrautarlest var notuð til fólksflutninga á Íslandi í fyrsta og eina skiptið er verktakar breyttu flutningalest og fluttu blaðamenn og aðra farþega frá Reykjavíkurhöfn að Öskjuhlíð.
- 1928 - Vígð var brú yfir Hvítá í Borgarfirði hjá Ferjukoti og þótti mikið mannvirki.
- 1944 - Þýskur kafbátur sökkti farþegaskipinu Goðafossi út af Garðskaga er skipið var að koma frá Bandaríkjunum. Tuttugu og fjórir fórust en nítján björguðust.
- 1949 - Þjórsárbrú var vígð, 109 metra löng og 4,9 metrar á breidd á milli handriða.
- 1967 - Siglufjörður komst í vegasamband allt árið við opnun Strákaganga, sem voru lengstu göng á Íslandi, 800 metrar.
- 1984 - Raforkukerfi Íslands varð hringtengt þegar Suðurlína var tekin í notkun.
- 1990 - Pétur Guðmundsson kastaði kúlu 21,26 metra og bætti með því þrettán ára gamalt Íslandsmet Hreins Halldórssonar.
- 1995 - Nígeríska leikskáldið og umhverfisverndarsinninn Ken Saro-Wiwa var, ásamt átta öðrum úr MOSOP, hengdur af nígerískum stjórnvöldum.
[breyta] Fædd
- 1232 - Hákon ungi, Noregskonungur (d. 1257).
- 1483 - Marteinn Lúther, þýskur munkur og siðbótarfrömuður (d. 1546).
- 1697 - William Hogarth, enskur skopmyndateiknari (d. 1764).
- 1879 - Patrick Pearse, írskur uppreisnarleiðtogi (d. 1916).
- 1945 - Þórunn Magnea Magnúsdóttir, íslensk leikkona.
- 1964 - Magnús Scheving, íslenskur leikari.
[breyta] Dáin
- 1605 - Ulisse Aldrovandi, ítalskur náttúrufræðingur (f. 1522).
- 1938 - Kemal Atatürk, forseti Tyrklands (f. 1881).
- 1959 - Felix Jacoby, þýskur fornfræðingur (f. 1876).
- 1982 - Leoníd Bresjnev, aðalritari sovéska kommúnistaflokksins (f. 1906).
Mánuðirnir samkvæmt Gregoríska og Júlíska tímatalinu auk dagafjölda þeirra |
---|
Janúar (31) | Febrúar (28 (29 á hlaupári)) | Mars (31) | Apríl (30) | Maí (31) | Júní (30) | Júlí (31) | Ágúst (31) | September (30) | Október (31) | Nóvember (30) | Desember (31) |