Sudàfrica
Da Wikipedia, ła ençiclopedia libara.
| Sudàfrica | |||||||||
|---|---|---|---|---|---|---|---|---|---|
|
|||||||||
| Motto: !ke e: ǀxarra ǁke (Traduzsion: Popołi diversi i se unise) | |||||||||
|
|
|||||||||
| Informazsion | |||||||||
| Nome par intiero: | Repùblica del Sudàfrica | ||||||||
| Nome ufizsiałe: | Republic of South Africa |
||||||||
| Łéngoa uficiałe: | Afrikaans, Ingléxe, Zułu, Xhosa, Swazi, Ndebele, Sesotho, Sesotho del nord, Tsonga, Tswana, Venda | ||||||||
| Cavedal: | Zsità del Capo (legislativa) Pretoria (aministrativa) Bloemfontein (giudizsiaria) (2.900.000 (Zsità del Capo) ab.) |
||||||||
| Politica | |||||||||
| Governo: | Republica | ||||||||
| Capo de stato: | Thabo Mbeki | ||||||||
| Capo de governo: | |||||||||
| Indipendenzsa: | Dal Regno Unìo 31 de majo 1910 |
||||||||
| Ingreso a l'ONU: | 7 de novenbre 1945 1 | ||||||||
| Area | |||||||||
| Totale: | 1.219.912 km² | ||||||||
| Pos. nel mondo: | 24° | ||||||||
| % delle acque: | 0 % | ||||||||
| Popolazione | |||||||||
| Totałe: | 43.647.658 ab. (2002) | ||||||||
| Pos. nel mondo: | 26° | ||||||||
| Densità: | 36 ab./km² | ||||||||
| Geografia | |||||||||
| Continente: | Africa | ||||||||
| Fuxo oràrio: | UTC +2 | ||||||||
| Economia | |||||||||
| Vałuta: | Rand | ||||||||
| Varie | |||||||||
| TLD: | .za | ||||||||
| Prefiso tełef.: | +27 | ||||||||
| Sigla autom.: | ZA | ||||||||
| Ino nazsionałe: | Nkosi Sikelel' iAfrika/Die Stem van Suid-Afrika | ||||||||
| Festa nazsionałe: | 27 de apriłe | ||||||||
|
|
|||||||||
| 1 el xe uno dei 51 Stati menbri che ntel 1945 i ga dà vita a l’ONU. El xe fa anca parte del Commonwealth, de l'Organizazsion dei Paexi No-Ałineà, de ł'Organizazsion Mondiałe del Comercio, de l'OAU (dal 2002 UA) e del Comitato par el Sviłupo de ł'Africa del Sud. |
|||||||||
El Sudafrica el xe un Stato de l'Àfrica del sud. El confina co ła Namibia, el Botswana, el Zinbabwe, el Mozanbico e el Swaziland. El Lesotho el xe circondà dal Sudàfrica. El Sudàfrica l'è bagnà da l'Oceano Indian e da queło Atlantico. El Capo Agulhas el xe el pónto pi a sud de tuto el continente, mentre al Capo de Bona Speranza i do oceani i se incóntra.
Indice |
[modifica] Storia
 |
Par savérghene piesè, varda ła vóxe Storia del Sudafrica. |
Łe descoverte pi antiche de fòsiłi umani łe xe stà fate neła Rift Valley e in Transvaal, na region del Sudàfrica. I primi abitanti che conosémo i xe i San, on grupo de boscimani o pigmei che i vivéa en tuta l'Àfrica del sud. Al tempo de Cristo, i grupi khoikhoi i xe rivà ne l'Africa del sud. Dopo el terzo secolo de ła nostra era, gha scominzsià rivare altri grupi. I pi famóxi i xe i zulu e i xhosa.
I portoghexi i xe stà i primi a vèrsar ła strada de łe Indie pasando el Capo de Bona Speranzsa entel 1486 (secondo storici antichi i fenici i gavéa za fato el periplo de l'Àfrica). I Olandexi i gha fondà Cità del Capo sóto ła Table Mountain nel 1652 e i gha scominzsià a coltivar łe tere rente a ła colonia par darghe da magnare a i bastimenti che pasava de li par andar o tornar da łe Indie. A ła fin del XVIII secolo, i inglexi i gha ocupà ła zona del capo, e i contadini olandesi - i boeri - i s'à moso oltre i confini de ła colonia par fondar de łe repùbliche independenti. Alcuni grupi i voléa móvarse e ndar in Israele par motivi religioxi. I boeri i xe stà boni de fondare varie repùbliche che łe s'à unio nel Stato libero de l'Orange e ła Repùblica del Transvaal. Co łe guere Boere, l'Inghiltera ł s'à ciapà anca ste tere qua.
Dopo l'independenzsa del 1931, s'à sviłupà in Sudafrica ła teoria del sviłupo separà de łe razse (apartheid). El Partito Nazsional, dopo verghe vinto łe elezsion del dopoguera, el ga aprovà łe łeji che sostegnéa l'apartheid nel 1948. I zsitadini de razsa nera i gha perso quaxi tuti i só diriti zsiviłi, quei de razsa mista e i axiàtici i gavéa pi diriti dei neri. L'opoxizsion a ste łegi l'è cresuda coi ani sia rentro che fora del Sudàfrica. El paéxe l'è stà méso sóto boicotajo dai paixi africani e ocidentałi. El partito ilegałe Africa National Congress (Congreso Nazsionale African) el gha fato na łota armà, da na parte, e cosientixazsion de łe mase da l'altra. Uno dei leader de l'ANC el xera Nelson Mandela che 'l gha fato pi de 40 ani de gałera. Łibarà 'ntel 1990, l'è stà ełeto presidente del Paéxe 'ntel 1994.
Dopo de łu, el só vice - Thabo Mbeki - l'è deventà presidente. El governo l'è ancora ne łe man de l'ANC, ma el malcontento popołar l' drio créser. Manca laoro e ła criminałità ła crése senpre piasè. A łe ełezsion del 2005, tanta zente no l'è mìa ndà votar. Questo en on Paéxe indove soło calche ano prima ła zente l'era disposta a morir par verghe el dirito al vóto. I partiti de opoxizsion i xe en crésita, ma ła popołarità de l'ANC ła xe ancora granda.
[modifica] Economia
EL Sudàfrica - co el 60% del prodóto interno łórdo dei Paéxi a sud del Sahara - el xe l'economia pi granda del continente. El Rand, ła monéda locałe, el xe ła moneda pi forte africana. El Paéxe el xe ancora in via de sviłupo, co aree avanzsàe e sóra i livełi eoropei, e aree de povertà ancora forte. El Paéxe el gha vasti giacimenti minarari (el 62% de l'oro mondiałe, diamanti, carbon, uranio, fero, ecc.) vaste zone agrìcołe e ła posibiłità de modernizar l'agricoltura anca ne łe zone agrìcole en man ai picoli propietari. Ła diferenzsa de ła distribuzsion de richézsa fra bianchi e neri ł xe całà, ma ła resta alta. L'industria ła xe moderna e importante. I comerci i è sviłupai e łe companie sudafricane łe xe bone de controłar i marcà de ła region. Ła 'Castle Brewery' l'è el produtor mondiale de bira pi grando, co fabriche en tuto el móndo.
[modifica] Giografia
Ła gran parte del teritorio ła xe su altipiani, co varie cadéne montuóxe. Ła cadéna pi łónga ła xe queła dei Drakensberg. A òvest dei Drakensberg gh'è el Grande e Picolo Karoo, na zona semidexèrtica che se estende fin a ła region del Capo, a òvest, e se unise co el Kalahari verso el Botswana. I fiumi pi inportanti i xe el Vaal, el Limpopo, el Molopo, l'Orange, el Tugela.
[modifica] Popołazsion
Łe etnie nere łe fórma el 75% de ła popołazsion(zulu 23%, xhosa 9%, ndebele, setswana, siswati, tshivenda, sesotho, xitsonga), i bianchi i xe el 13%, ła razsa meticia (coloured) el 9%, e el resto i xe axiatici e grupi pi picenini.
[modifica] Rełigion
Cristiani 68%, musulmani 2%, hindu 1,5%, rełigion tradizsionałi 28,5%.
[modifica] Połítega
Presidente: Thabo Mbeki.
Primo Ministro: dal 1984 el presidente el xe anca capo de l'executivo.
Sistema bicamerałe:
- Asemblea Nazsionałe - 400 menbri
- Conséjo nazsionałe de łe province - 90 menbri (10 menbri par ogni provincia)
[modifica] Sudivixion aministrativa
El Sudafrica el xe divixo in nóve province
| Province del Sudafrica | |||||
|---|---|---|---|---|---|
| Provincia | Capoluogo | Abitanti capoluogo | Superficie (km²) | Abitanti | Densità (ab./km²) |
| Western Cape (Provincia del Capo Occidentale) | Città del Capo | ca. 2.984.100 | 129.370 | ca. 4.893.900 | 37,82 |
| Northern Cape (Provincia del Capo Settentrionale) | Kimberley | 166.100 | 361.830 | ca. 814.200 | 2,25 |
| Eastern Cape (Provincia del Capo Orientale) | Bisho | 137.900 | 169.580 | ca. 6.514.500 | 38,41 |
| KwaZulu-Natal | Ulundi | 15.200 | ca. 92.000 | ca. 10.070.500 | 109,46 |
| Free State | Bloemfontein | 349.000 | 129.480 | ca. 2.749.300 | 21,23 |
| North West | Mafikeng | 50.900 | ? | ca. 3.865.100 | ? |
| Gauteng | Johannesburg | 3.225.500 | ca. 17.000 | ca. 9.839.100 | 578,77 |
| Mpumalanga | Nelspruit | 112.400 | ? | ca. 3.327.100 | ? |
| Limpopo | Pietersburg | 104.000 | ? | ca. 5.482.300 | ? |
Portałe Africa: varda łe altre voxe de Wikipedia che łe parla de Africa
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Mali |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Centrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Franzsa)| Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
