Pigmei
Da Wikipedia, ła ençiclopedia libara.
Co se parla de i pigmei no se intende on unico popolo. I pigmei i xe varie etnie che le gha en comun la strutura morfologica picoleta – i no xe pi alti de 150 cm -, la cultura de ‘raccoglitori-cacciatori’, e speso i condivide cepi lengoistici. I pigmei i xera i privi veri abitanti de l’Africa e i se gha dovù spostar verso el sud o altre aree marginali soto la presion demografica de i bantu e de i nilotici co questi i gha scominzsià le loro migrazsioni verso el sud. I pigmei i xe normalmente pacifici e invezse de combatar par el loro teritorio, i ghpreferio sempre scampar via. El termine pigmeo vien dal greco, pygmaioi, e dal latin, pygmaei, che vol dir la distanzsa tra el gombio e le noche de la man. El xera usà par riferirse a zente de basa statura. En te la mitologia greca el termine el xera usà par i nani che vegnea da l’Etiopia. Par questi motivi, e per l’uso negativo longo i secoli, el termine pigmeo el pol esar ofensivo. El xe sempre mejo parlar de i vari grupi pigmei usando el so nome propio. Qua e ne le altre vose de la wikipedia se usa el termine pigmeo solamento co el significato generale de popoli autoctoni africani.
[modifica] Origini
No ghe prove tra i ricatamenti de i paleontologi che i pigmei de ancò sia i direti disendenti de i caciatori-racoglitori de l’età de la piera africana. Questa però la xe la teoria pi seguida da i studioxi. Vari grupi de pigmei i usa lo steso vocabolario anca se i parla lengoe diverse, segno de vegnar da n’origine comun. I pochi studi de genetica i indica che alcuni grupi i xe molto antichi – par esempio i mbuti – ma che altri i no xe radicalmente difarenti da le popolazsioni bantu che vive rente de lori. I geni responsabili par la basa statura i xe diversi da popolazsion a popolazsion. Sto fato el indica che no tuti i pigmei i gha on lineagio antico, el pol esar anca na mutazsion recente de grupi bantu.
[modifica] Distribuzsion geografica
Se cata pigmei in quasi tuta l’Africa a sud del Sahara, specialmente en te l’Africa Sentrale e Meridionale. No se cata popolazsioni pigmee en tel l’Africa Orientale, co esclusion de picoli grupi en Uganda, Burundi e Tanzania. Se cata, parò, testimonianzse de la loro presenzsa en tel pasà da la leteratura orale e da i nomi de corsi d’acqua e de montagne.
[modifica] Varda anca
- Portałe Africa: varda łe altre voxe de Wikipedia che łe parla de Africa