Sudan
Da Wikipedia, ła ençiclopedia libara.
Sudan -  |
|||||||||
|---|---|---|---|---|---|---|---|---|---|
|
|||||||||
| Motto: Al-Nasr Lana (Traduzsion: Ła vitoria ła xe nostra) | |||||||||
|
|
|||||||||
| Informazsion | |||||||||
| Nome par intiero: | Republica del Sudan | ||||||||
| Nome ufizsiałe: | جمهورية السودان Jumhuriyat as-Sudan |
||||||||
| Łéngoa uficiałe: | Arabo | ||||||||
| Cavedal: | Khartum (1.974.780 ab. / 2005) | ||||||||
| Politica | |||||||||
| Governo: | Giunta miłitare | ||||||||
| Capo de stato: | Omar Hassan Ahmad al-Bashir | ||||||||
| Capo de governo: | Omar Hassan Ahmad al-Bashir | ||||||||
| Indipendenzsa: | 1 de genaro 1956 | ||||||||
| Ingreso a l'ONU: | 12 de novenbre 1956 | ||||||||
| Area | |||||||||
| Totale: | 2.505.810 km² | ||||||||
| Pos. nel mondo: | 10° | ||||||||
| % delle acque: | 5,18 % | ||||||||
| Popolazione | |||||||||
| Totałe: | 39.148.162 ab. (2004) | ||||||||
| Pos. nel mondo: | 32° | ||||||||
| Densità: | 15 ab./km² | ||||||||
| Geografia | |||||||||
| Continente: | Africa | ||||||||
| Fuxo oràrio: | UTC +2 | ||||||||
| Economia | |||||||||
| Vałuta: | Sterlina sudanexe (dal 9/01 2007) | ||||||||
| Varie | |||||||||
| TLD: | .sd | ||||||||
| Prefiso tełef.: | +249 | ||||||||
| Sigla autom.: | SUD | ||||||||
| Ino nazsionałe: | نحن جند للہ جند الوطن Nahnu Jund Allah Jund Al-watan ("A semo ł'exercito de Dio e deła nostra tera") | ||||||||
| Festa nazsionałe: | 1 de genaro | ||||||||
|
|
|||||||||
Ła Republica del Sudan (جمهورية السودان الديموقراطية) el xe on stato del Corno d'Africa. La capital xe Khartoum.
El se afacia par zsirca 600 km sol Mar Roso e el confina co ł'Egito, ła Łibia, el Ciad, ła Republica Zsentrafricana, ła Republica Democratica del Congo, ł'Uganda, el Kenia, ł'Etiopia e ł'Eritrea.
En termine de superficie el xe el pì grande stato del continente africano. Atualmente el Sudan el xe 'na republica presidenzsiałe ma tegnù da 'na giunta miłitare.
El nome del Sudan vien da l’arabo Bilad es Sudan, che vol dire paexe de i neri. Bisogna pera’ tegnar conto che sudan, en arabo, gha anca el significa’ de sciavo. El Sudan xe sempre sta’ un serbatoio de sciavi per i marcati de l’Arabia e del Maghreb.
Indice |
[modifica] Storia
 |
Par savérghene piesè, varda ła vóxe Storia del Sudan. |
Da ricatamenti archeologici se sa che el Sudan xe sempre sta’ abita’ da i tempi preistorici. El Sudan l’e’ nomena’ ne la Bibia col nome de Kush. El regno de la Nubia, nel sud de l’Egito e el nord de el Sudn de anco’, xe sta’ un regno potente. La Nubia xe el vero paexe de le piramidi, ghe ne a bizefe. I Nubiani gavea aceta’ la cultura egizia, e i xe sta’ lori a reconquistar l’Egito dop che i Hyksos, popolazion semita de la Assiria, gavea ocupa’ el baso Egito (el nord de l’Egito). I romani no gha mai ocupa’ el Sudan, ma i gha manda’ de i grupi de ezsploratori che i e’ ariva’ en tel nord de l’Uganda e gha lassa’ na descrizion de le paludi del Sudd. El cristianesimo xe riva’ en Sudan nel III e IV secolo, porta’ da misionari del nord Africa e del Medio Oriente. I regni de Makuria, Nobatia e Meroe i gha aceta’ la nova fede e ancora ogi se pol vedar i resti de le cexe e dei palazi de sti re. I ricatamenti i xe sta’ fati da l’Universita’ de Varsavia (Polonia) e dal riceratore veronexe Giovanni Vantini. Quando i arabi i gha tenta’ de conquistar el Sudan nel 640, i re cristiani gha resistio. El condotier Abdallah ibn Saad no l’e’ sta’ bon de vinzsar e gha sotoscrito un tratato de pace che xe resistio’ fin al 1275. Nel 1276, i Mameluchi che controlaa l’Egito i gha ataca’ la Nubia n’antra olta conquistando Dongola, la cavedal de Makuria. I arabi ie entra’ nel nord del Sudan, ma no gha podesto andar en tel sud parche’ ghera la mosca tse-tse che ghe dava problemi a le bestie. Nel 1820, l’Egito ataco’ n’antra olta el Sudan par sicurarse el marca dei sciavi. I misionari catoleghi gha tenta’ varie olte de far rinascar la fede en tel nord, ma i no ghe mai reussidi. Ni ani cinquanta del 1800, i misionari veronexi del Don Nicola Mazza ie riussi a ndar en tel sud. Tra lori ghera anca Daniele Comboni che sara’ el fondator de i misionari comboniani che tanto gha laora’ nel Sudan. Nel 1882, Muhammad ibn Abballa se dichiaro’ el Mahdi, che vol dir mesia, e gha conquista’ tuto el nord del Sudan. Dopo verghe conquista’ Khartoum, el Mahdi xe morto zoino e el so sucesor, Khalifa, ga governa’ el Sudan fin che i inglexi ie riussi’ a vinzsar la bataglia de Omdurman (1898). Co sta vitoria, i inglexi gha ciapa’ el controlo del paexe. Nominalmente i lavoraa co i egizsiani, ma i veri paroni iera lori. I inglesi gavea na regola: divide et impera, dividi e comanda. Anca en Sudan, i inglexi gha diviso el paese en zone de influenza. I permetea el lavoro de i misionari, catoleghi e protestanti, nel sud, sopratuto per far scole e svilupar la zona. Ma i europei no podea lavorar libaramente an nord. El Sudan xe divanta’ indipendente nel 1955. Subito dopo, el sud gha scominzia’ la guerra civile (ciamada Anya Nya) parche i sudisti no volea star soto el nord, ma partecipar a la vita del paese en modo paritario ai musulmani. Nel 1964, el governo musulmano del nord gha espulso tuti i misionari che lavoraa al sud. I xera quasi tuti comboniani, tanti dal Veneto. Nel 1969, Gaafer Mohamed Nimeiri gha fato un colpo de stato sostenu’ da i comunisti. La prima guera de i Anya Nya ando’ vanti fin al 1972, quando el acordo de Addis Abeba fu firma’ dai i rapresentanti del sud e del nord. La paxe no la ando’ vanti par tanto. Nimeiri l’era un ditator che volea impor la lege islamica su tuti, anca i cristiani. No ghera libarta’ de stampa e de movimento. Nel 1983, i soldai del sud che stava a Bor gha fato un amutinamento, scominzsiando la seconda guera civil. El leader del sud xera John Garang. Garang gha guida’ la revolta fin a la fin del 2004. Pi de do milioni d epersone xe morte par colpa de la guera. Nel janaro 2005, i acordi de pace ie sta’ firma’ a Nairobi (Kenya). El 30 de lujo del 2005, Garang l’e’ sta’ copa’ e el so vice, Salva Kiir l’e’ diventa’ presidente del sud e vice-presidente del Sudan. I acordi de pace dixe che nel 2009 ghe sara’ un referendum par vedar se el sud vol star col nord o far no stato indipendente. El problema xe che el nord nol vol perdar el sud, dove ghe petrolio, legno, minerai de tuti i tipi e diamanti. El governo de Khartoum l’e’ guida da Omar Hassan Ahmed el-Bashir, un solda’ che gha fato un colpo de stato nel 1989. El-Bashir gha continua’ con la politica de oprexion de le popolazioni marginali. Anco’ la guera del governo la va contro el Darfur, na region granda na volta e meza l’Italia. I darfuriani xe musulmani, ma el Darfur l’e’ rico de petrolio e altri minerai che ghe interesa a la Cina. El governo central pagai i milizsiani arabi janjaweed par copar la gente e distruzsar i vilagi del Darfur. La comunita’ islamica no la dixe niente parche’ gha interesi politici, economici e anca parhe’ i darfuriani xe musulmani, ma neri e quindi manco importanti de la popolazsion arabizada del nord.
[modifica] Giografia
Tuto el Sudan fa parte del bacin idrografico del Nilo. El Nilo entra nel Sudan a Nimule, al confin con l’Uganda. El forma le paludi del Sudd e riceve le acque del Nilo Azuro a Khartoum e riva al confin con l’Egito traversando la Nubia. El nord del Sudan l’e’ desertico, mentre el sud gha savane, foreste e qualche montagna al confin con l’Uganda.
[modifica] La zsente
Al nord ghe xe tribu’ nere arabizate. La zsente se considera araba e usa la lengoa e cultura araba. Nel Darfur ghe xe tribu’ nere. AL sud i popoli ie in majoria nilotici. I grupi majori xe i denka, i shilluk, i bari, i zande. Ghe anca grupi come i acholi che se cata anca en Uganda.
[modifica] Religion
La majoria de i sudanesi xe musulmani (60%). I catoleghi xe el 13%, altri cristiani n’altro 1%. Le religioni tradizsionali xe el 27%.
Portałe Africa: varda łe altre voxe de Wikipedia che łe parla de Africa
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Mali |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Centrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Franzsa)| Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
